Tɔlɔ Mɔ 13:21 - WE NU GALE 1995

²¹ Owinɔ ni wa nɛa, nɛ wa hɔ tɛ li gba zɔ̃ Tisinɛ. Nɛ wa yolo di ni, nɛ wa nɛ, nɛ wa yɛnggɛ we zɔ nù Kanana gbaa, nɛ wa hɔ Rɛhɔbɛ, dɔ̃ɔ do Lɛbo-Hamatɛ.

Tɔlɔ Mɔ 13:21 Iomraidhean Croise

2 SAMUƐLƐ 8:9

Tou, nwa ngɔ nù Hamatɛ zila na, Davidi bi sodanɔ 'da Hadadezɛrɛ, kɔ a nɛa ngɔ wa,

Yeremi 49:23

NWA wila we dɛ ngɔ Odamasi na: “Owi kɔ le Hamatɛ do Arpadɛ, wa zila 'dã sako, nɛ zu wa vĩ, nɛ 'bako ba wa. Sila wa dɛ ngɔ ngbũu, nɛ fo wala na, wa mbɔkɔ sila wa bina.

Yeremi 52:9

Nɛ wa ba a, nɛ wa kã a hã nwa Nabukɔdɔnɔzɔrɛ. 'Da fala ni, nɛ nde a zi a kɔ le Ribla, tɛ ngɔ nù Hamatɛ. Nɛ a 'bili ngbangga 'da nwa Sedekiasi dɛ di ni.

EZEKIƐLƐ 47:16

Nɛ ma la 'bɔ si tɛ ole Bɛrɔta do Sibraimɛ (lenɔ ni ma dɛ ngbala nù Damasi do Hamatɛ). Nɛ ma la 'bɔ do le Hasɛrɛ-Tikoni (kɛ ma dɔ̃ɔ do li ngbala nù Hauranɛ).

AMƆSI 6:2

Nɛ nɛ́ ngɔ nù Siri hã nɛ zɔ́ le Kalne. Nɛ nɛ lá 'bɔ dɛ dati dɛ kɔ gã le Hamatɛ, nɛ nɛ zĩlĩ tɛ Gatɛ, le 'da Ofilisti, kɔ nɛ zɔ tɛlɛ tɛ kɛ owinɔ wa dungu nɛ i mɔ ni. Nùi 'da wa gã, nɛ ma dia la kɛ 'da Yuda do Israɛlɛ nde? Ma là gɔ!

Tɔlɔ Mɔ 20:1

Obe Israɛlɛ vɛ̃ wa hɔa tɛ li gba zɔ̃ Sinɛ do kuti zɛkɛ kɔ sabɛlɛ, nɛ wa 'dafa fala ɔi 'da wa tɛ Kadɛsɛ. 'Da fala wa hɔa di ni ni, nɛ Miriamɛ fe, nɛ wa mi a.

Tɔlɔ Mɔ 27:14

Mba gɔ, nɛ bɛ̃a zi nu mi tɛ li gba zɔ̀ Tisinɛ i, do 'da fala kɛ obe Israɛlɛ wa fa zi we hã mi ni. 'Da fala wa gɔa zi lì ni, nɛ nɛ bà wala hã mi na, mi be ngawi santo 'da mi hã wa gɔ.” (A tɔ̃ we mɛnɔ kɛ ma la zi tɛ nu lì Mɛriba, lì Kpa We tɛ Kadɛsɛ, tɛ li gba zɔ̀ Tisinɛ.)

Tɔlɔ Mɔ 34:8

Ma yolo sɛ tɛ kala Hɔrɛ, nɛ ma la do Lɛbo-Hamatɛ do Sɛdadɛ.

Mbulanɔ 1:24

Wa nɛa, nɛ wa kũ kalanɔ, nɛ wa la gbaa dɛ kɔ gbangɔlɔ̃ Ɛsɛkɔlɛ, nɛ wa yɛnggɛ ngɔ nùi.

Mbulanɔ 32:51

We kɛ nɛ bɔa nɛ, nɛ dɛa zi 'dã mɔ dɛ 'da mi dɛ li obe Israɛlɛ vɛ̃. Mba gɔ, 'da fala nɛ hɔa zi tɛ lì Mɛriba, dɔ̃ɔ do le Kadɛsɛ, tɛ li gba zɔ̃ Tisinɛ ni, nɛ nɛ gbìnì zi zã nɛ do mi gɔ. Nɛ nɛ bà wala hã mi na, mi be ngawi 'da mi kɛ ma santo ni hã obe Israɛlɛ gɔ.

Yozue 13:5

Nɛ nù Gebalɛ do mbee tɛ nù Libanɛ 'bana 'bɔ, yolo tɛ Bala-Gadɛ, tɛ ti nyanga kala Hɛrmoni, gbaa we hɔ tɛ Lɛbo-Hamatɛ,

Yozue 15:1

Nùi kɛ nu kpala Yuda kpa zi ma ni, ma ndua do li gba zɔ Tisinɛ tɛ li ngbala nù Edɔmɛ, do si ba gɔtɔ.

Owi kpe dati 18:28

Nɛ wele kpo tɛ̀ zi mbe we gbaka owinɔ ni gɔ, we duzu kɛ le 'da wa ma kɔ gbangɔlɔ̃ tɛ Bɛtɛ-Rɛhɔbɛ, nɛ ma zi a nyɛla do gã le Sidoni, nɛ wa hɔ́ zi 'bɔ 'da ogele wele gɔ. Owi nu kpala Danɛ wa dɛa mbé le dɛ di ni, nɛ wa ɔ nɛ.