Tɔlɔ Mɔ 13:20 - WE NU GALE 1995

²⁰ Nɛ nɛ zɔ́ 'bɔ na, nùi ni de do kpalɛ dia, nɛ ote ngɔ nɛ boe, tabi gɔ nde. Nɛ nɛ do kpã sila, nɛ nɛ 'bi mbe wala tenɔ ngɔ nùi ni si do nɛ.” (Mɛ zi a zɔlɔ kɛ wala vinɔɛ ndo fele nɛ ni.)

Tɔlɔ Mɔ 13:20 Iomraidhean Croise

1 Sakonɔ 22:11

Nɛ Davidi tɔ̃ 'bɔ na: “Be 'daa, e kɔ nwa ɔ do mɔ, hã mɔ dɛ tɔa Tɛmpɛlo, nɛ ma e, ɔ nɛ kɛ a kpua mbulu nɛ hã mɔ ni.

NEHEMIE 9:25

Wa kala ole kɛ gba ngbo zĩ ma takpa, do odia nù mi do kpalɛ, do otɔa kɛ ma dunu do kpamɔ, do okɔ̃ lì kɛ wa zã ma ia, do ote vinɔ, do ote olivɛ, do ogele tenɔ kɛ wa nyɔngɔ wala nɛ nyɔnga ni. Wa nyɔngɔ mɔ, nɛ wa nɔ dɔ́, nɛ zã wa hɛ̃, nɛ wa dɛa yangga, we ode mɛnɔ vɛ̃ mɔ hã hã wa ni.

NEHEMIE 9:35

Mɔ ia zi onwa ngɔ wa, nɛ mɔ kɛ̃a zi de mɛnɔ hã wa wena. Mɔ hã nù hã wa, kɛ ma gã, nɛ ma ko kpalɛ wena ni. Nɛ nde gɛnɛ kɔ na mɛ ni, wa là zi fala 'dã mɛnɔ 'da wa gɔ, nɛ wa kɔ̃ zi we dɛ to hã mɔ gɔ.

EZEKIƐLƐ 34:14

Mi dɛ sɛ do wa ɔ nɛ kɛ wele bata dɛ do batanɔ 'da a ni. Mi kã sɛ wa dɛ ngɔ kalanɔ tɛ ngɔ nù Israɛlɛ, tɛ fala kɛ dia nyɔngɔmɔ tɛ nɛ boe ni, nɛ wa kpe sɛ tɛ wa dɛ di ni.

DANIƐLƐ 11:24

A bi sɛ ombe 'bili tɛ nùnɔ kɛ ma do kpamɔ wena ni, nɛ a dɛ sɛ mɔ kɛ oyaa a wa dɛ̃ zɛ́ mbe ma fala kpo gɔ ni. 'Do nɛ, nɛ a kɛ̃ sɛ odia mɛnɔ kɛ a kala li bole ni dɛ kɔ̃ owinɔ 'da a. A bi sɛ olenɔ kɛ gba ngbonɔ zĩ ma takpa ni, nɛ nde 'do nɛ nyɛ́lɛ́ sɛ gɔ, nɛ 'da fala 'da a ma e sɛ.

Mike 7:1

'Bako do mi! Mi ɔ nɛ wi kɛ a yɛnggɛ olo owi 'bi wala te vinɔnɔ ngɔ fɔ i, takɔ a kala mbe 'bulu nɛ olo wa, nɛ a kpà mɔ kpo we nyɔ nyɔnga gɔ ni.

Tɔlɔ Mɔ 13:19

Nɛ zɔ́ 'bɔ na, nù Kanana de wena, tabi ma dè gɔ nde. Nɛ owinɔ wa ɔ kɔ lenɔ kɛ gba ngbo zĩ ma takpa, tabi ma iko nde.

Mbulanɔ 1:24

Wa nɛa, nɛ wa kũ kalanɔ, nɛ wa la gbaa dɛ kɔ gbangɔlɔ̃ Ɛsɛkɔlɛ, nɛ wa yɛnggɛ ngɔ nùi.

Mbulanɔ 1:25

Nɛ wa si do owala tenɔ kɛ wa kpa zi ma i mɔ ni hã lɛ. Nɛ wa tɔ̃ hã lɛ na, nùi kɛ NWA Gale 'da lɛ hã ma hã lɛ ni, ma do nyɔngɔmɔ wena.

Mbulanɔ 31:23

'Do ki ni, nɛ NWA wila we do Yozue, be 'da Nunɛ. Nɛ a tɔ̃ hã a na: “Mɔ kpã́lã́ sila mɔ, nɛ mɔ ɔ̀ do ngawi. Mɔ a mɔ nɛ kã sɛ obe Israɛlɛ dɛ ngɔ nùi kɛ mi kpua zi mbulu nɛ hã wa ni. Nɛ mi sɛ fala nɛ kpo do mɔ boe.”

OHEBRE 13:6

We duzu ki ni, ma kɛ lɛ gbini zã lɛ do a, nɛ lɛ wia tɛ tɔ̃ na: “Nwa Gale a wi gala mi, mi wè tɛ dɛ kili mɔ kpo gɔ. Wele wè we dɛ 'dã mɔ do mi gɔ.”

Yozue 1:6

Mɔ kpã́lã́ sila mɔ, nɛ mɔ ó do ngawi, we kɛ mɔ a mɔ kpe sɛ ti winɔ gɛ, we ba nùi kɛ mi kpua zi mbulu nɛ hã oyaa nɛ ni.

Yozue 1:9

Mi ba nu mi hã mɔ na, mɔ kpã́lã́ sila mɔ, nɛ mɔ ɔ́ do ngawi. Mɔ tɛ mbɔ̀kɔ̀ gɔ, nɛ mɔ tɛ dɛ̃ kili gɔ, we kɛ mi NWA Gale 'da mɔ, mi sɛ do mɔ falanɔ vɛ̃ kɛ mɔ nɛ sɛ nɛ ni.”

Yozue 2:1

Obe Israɛlɛ wa 'bana zi tɛ fala ɔi tɛ Sitimɛ, nɛ Yozue tumba owi miã bɔa ngɔ nù Kanana, we zɔ gã le Yeriko do lenɔ kɛ zã nɛ ni. Wa hɔa 'di mɔ, nɛ wa le kɔ tɔa 'da mbe wuko ndumba kpo, li a a Rahabɛ, nɛ wa ɔ dɛ di ni.

Yozue 2:3

Nɛ a tombo to hã Rahabɛ na, winɔ bɔa kɛ wa ɔa kɔ tɔa 'da a ni, wa tɛa we zɔ nùi, kɔ ma wia na, a 'dɔlɔ wa hɛ̃ ɛ dɔ̃ dɔ̃.