Tɔlɔ Mɔ 13:17 - WE NU GALE 1995

¹⁷ 'Da fala Mɔizɛ tombo winɔ ni, nɛ a tɔ̃ hã wa na: “Nɛ lé ngɔ nù Kanana do li gba zɔ̃ Negɛvɛ si ba gɔtɔ. 'Do nɛ, nɛ nɛ la si ngɔ kalanɔ.

Tɔlɔ Mɔ 13:17 Iomraidhean Croise

Ndo Nyanga Dɛ Mɔ 12:9

'Do ki ni, nɛ Abrama kulu 'bɔ fala ni, nɛ a la dɛ dati tɛ mɛ ní do ní gbaa we nɛ dɛ tɛ li gba zɔ̃ Negɛvɛ.

Ndo Nyanga Dɛ Mɔ 13:1

'Do nɛ, nɛ Abrama kulu ngɔ tɛ Ezipeto, nɛ a ba wuke 'da a, nɛ a kala mɛnɔ 'da a vɛ̃, nɛ a la si tɛ li gba zɔ̃ Negɛvɛ. Nɛ Lɔtɛ la fala nɛ kpo do a.

Ndo Nyanga Dɛ Mɔ 13:17

Mɔ nɛ́, hã mɔ bá 'da nùi gɛ vɛ̃ hã mɔ zɔ́, we kɛ mi hã sɛ ma hã mɔ.”

Ndo Nyanga Dɛ Mɔ 13:3

A kulu ngɔ, nɛ a la we si dɛ tɛ Betɛlɛ. Nɛ a ɔa tɛ dala sa'denɔ 'da a dɛ sanga wala gɛ gbaa, nɛ a hɔ tɛ fala kɛ ma sanga le Betɛlɛ do Ai,

Ndo Nyanga Dɛ Mɔ 14:10

Nɛ nde kɔ gbangɔlɛ̃ tɛ Sidimɛ ni, nu kɔ gili dɛlɛ zi di ni wena. Nɛ onwa Sodɔmɛ do Gomɔrɛ wa yu, nɛ wa te kɔ kɔ̃nɔ ni. Nɛ tala wanɔ talɛ ni, wa yu dɛ ngɔ kalanɔ i.

Tɔlɔ Mɔ 13:18

Nɛ nɛ yɛnggɛ ngɔ nùi we zɔ tɛlɛ tɛ kɛ ma ɔ nɛ ni. Nɛ nɛ zɔ́ na, winɔ wa dɛlɛ wena, tabi wa dɛlɛ gɔ nde. Nɛ wa nganda wena, tabi wa ngàndà gɔ nde.

Tɔlɔ Mɔ 13:29

Oamalɛkɛ wa ɔ tɛ li gba zɔ́ Negɛvɛ. Nɛ Ohiti do Oyebuzi do Oamori, wa ɔ do ngɔ kalanɔ. Nɛ nde Okanana wa ɔ do nu kolo gba lì Meditɛrane do nu kolo lì Yɔrdanɛ.”

Tɔlɔ Mɔ 14:40

Gulu nɛ hã do sanga titole belee, nɛ wa kulu ngɔ we la dɛ ngɔ kalanɔ i, nɛ wa ma ngɔ tɔ̃ na: “Lɛ dɛa 'dã mɔ. Nɛ nde di dɔ́ ni, lɛ kɔ̃a we nɛ dɛ ngɔ nùi kɛ nwa bia hã lɛ ni.”

Mbulanɔ 1:44

Nɛ Oamori kɛ wa ɔ ngɔ kalanɔ ni, wa zĩlĩ, nɛ wa bi nɛ tɛ Seirɛ, nɛ wa ndi 'do nɛ ɔ nɛ kɛ ogɔlɔ wa ndi 'do wele ni gbaa, nɛ wa hɔ Horma.

Yozue 10:40

Yozue bi lenɔ si ngɔ kalanɔ, do lenɔ tɛ li gba zɔ̃ Negɛvɛ, do lenɔ nyanga kalanɔ si 'biti gɛ̃a wese, do lenɔ nu gã lì vɛ̃, nɛ a nɛ ngɔ onwa ngɔ lenɔ ni, nɛ a ba lenɔ ni vɛ̃. Yozue kpia ti sodanɔ 'da a yolo Kadɛsɛ-Barnea do Gaza, si ba gɔtɔ gbaa we hɔ ngɔ nù Gosɛnɛ do Gabaoni, si gbãlã ngɔ. Nɛ a là wele kpo do tunu li a gɔ, nɛ a kumu winɔ do onadalamɛnɔ vɛ̃, we kɛ NWA Gale ba zi nu a na wa dɛ ni.

Yozue 15:3

Ma la zi do ti nyanga kala Akrabimɛ, do li gba zɔ̃ Tisinɛ si ba gɔtɔ. Nɛ ma la 'bɔ do le Kadɛsɛ-Barnea, nɛ ma ku do tɛ le Hɛsroni gbaa we hɔ tɛ le Adarɛ. Nɛ ma ba do ngɔ le Karka,

Yozue 2:1

Obe Israɛlɛ wa 'bana zi tɛ fala ɔi tɛ Sitimɛ, nɛ Yozue tumba owi miã bɔa ngɔ nù Kanana, we zɔ gã le Yeriko do lenɔ kɛ zã nɛ ni. Wa hɔa 'di mɔ, nɛ wa le kɔ tɔa 'da mbe wuko ndumba kpo, li a a Rahabɛ, nɛ wa ɔ dɛ di ni.

Owi kpe dati 1:15

Nɛ Akɛsa gese na: “Mɔ kɔ̃, nɛ mɔ 'dɔlɔ mbe de mɔ hã mi. Mɔ hã mbe zu lì hã mi, we kɛ nùi mɔ hã ma hã mi tɛ li gba zɔ̃ Negɛvɛ gɛ, ma kolo wena.” Kalɛbɛ zila ní, nɛ a hã zu lìnɔ si ngɔ kala, do kɛnɔ si ba gɔtɔ hã be 'da a Akɛsa.

Owi kpe dati 1:19

NWA zi fala nɛ kpo do wa, nɛ wa kala lenɔ ngɔ kala i ni. Nɛ nde wa wè zi tɛ ndaka winɔ kɛ lenɔ 'da wa ma ngɔ mbɛ nùi ni gɔ, we duzu kɛ winɔ ni wa zi do ongilingili bi bolo, kɛ wa dɛa do mɔ bolo ni.

Owi kpe dati 1:9

Nɛ 'do nɛ, nɛ wa nɛ, nɛ wa bi Okanana kɛ wa ɔ zi ngɔ kalanɔ, do wanɔ ti nyanga kalanɔ si 'biti gɛ̃a wese, do wanɔ kɔ lenɔ tɛ li gba zɔ̃ Negɛvɛ si ba gɔtɔ ni.