Tɔlɔ Mɔ 12:6 - WE NU GALE 1995

⁶ Nɛ a tɔ̃ hã wa na: “Nɛ zélé we mi nɛ tɔ̃ hã nɛ gɛ do dia nɛ. Fala kɛ mi saka wele sanga nɛ na, a gba olo nu mi nde, nɛ mi be tɛ mi li wi ni do kɔ yalɛ, nɛ mi wele we do a.

Tɔlɔ Mɔ 12:6 Iomraidhean Croise

Ndo Nyanga Dɛ Mɔ 15:1

'Do ki ni, nɛ NWA bia tɛ̃ ɛ hã Abrama, nɛ a tɔ̃ hã a na: “Abrama, mɔ tɛ dɛ̀ kili gɔ. Mi zɔ sɛ mɔ tɛ mɔ, nɛ mi hã sɛ dia mɔ hã mɔ, we si olo kɛ mɔ gbini zã mɔ do mi ni.”

Ndo Nyanga Dɛ Mɔ 20:7

Mɔ gésé wuke hã wili a. We kɛ wili a a wi gba olo nu mi Gale, nɛ a sambala sɛ mi we duzu mɔ na, mɔ tɛ fè gɔ. Nɛ nde fala kɛ mɔ gèsè a hã wili a gɔ, nɛ mɔ fe sɛ mba do nu fɛlɛ mɔ, nɛ nɛ kumu sɛ vɛ̃.”

Ndo Nyanga Dɛ Mɔ 28:12

Nɛ do tũi ni, nɛ a yala zu a, nɛ nde wa ia ngalangala nù nga, nɛ ma nɛa gbaa nɛ ma to li nza. Nɛ oanzɛnɔ 'da Gale wa zĩlĩ, nɛ wa kũ do nɛ.

Ndo Nyanga Dɛ Mɔ 28:16

Yakɔbɔ tunu li yala, nɛ a tɔ̃ na: “Gbãlã we, NWA tɛ fala gɛ boe, nɛ nde mi ĩ̀ sɔ we nɛ gɔ.”

Ndo Nyanga Dɛ Mɔ 37:5

Mbe tũ kpo, nɛ Yozɛfu yala zu ɛ, nɛ a tɔ̃ nu yalɛ ni hã onya a, kɔ wa nɛa we zele nu yalɛ ni, nɛ ma dãlã sila wa dɛ tɛ̃ a, nɛ wa sɛnɛ 'bɔ a dɛ dati.

Ndo Nyanga Dɛ Mɔ 37:9

Nɛ 'do ki ni, nɛ Yozɛfu yala 'bɔ zu a mbé nɛ, nɛ a tɔ̃ we nɛ hã onya a na: “Mi yala 'bɔ, nɛ nde wese, do zɛkɛ, do sɔla 'bu ngɔ nɛ kpo, ma tɛa, hã ma gu nù ti mi.”

Ndo Nyanga Dɛ Mɔ 46:2

Nɛ do tũi ni, nɛ Gale bia tɛ̃ ɛ hã a, nɛ a sa mɔ hã a na: “Yakɔbɔ, Yakɔbɔ.” Nɛ Yakɔbɔ gese na: “Mi kɛ!”

2 SAMUƐLƐ 7:4

Nɛ do kpo tũi ni, nɛ NWA Gale wila we hã Natanɛ na:

1 Onwanɔ 3:15

Kɔ Salɔmɔ nɛa we tunu nɛ, nɛ a ĩ na, Gale wila we hã ɛ li yalɛ. A kpula tɛ̃ a dɛ Yeruzalɛmɛ i, nɛ a nɛ, nɛ a hɔ dati Sanduki Gba Tɔkɛ 'da NWA. Nɛ a dɔ sa'de we dɔnggɔ do Gale, nɛ a gbɛ ombe we be dɛa na. Dɛ 'do nɛ, nɛ a dɛ gbalimɔ hã owi olo li a vɛ̃.

1 Onwanɔ 3:5

'Da fala Salɔmɔ hɔa Gabaoni, nɛ do tũi ni, nɛ a ɔ nù, nɛ NWA Gale hɔa li a li yalɛ, nɛ a aka a na: “Mɛ mɔ kɔ̃a na, mi hã hã mɔ ni a ge nde?”

YƆBƆ 33:15

Do tũi, nɛ owinɔ wa ɔ nù, nɛ yala nɛ ngɔ wa, nɛ Gale wele we hã wa kɔ yalɛ.

YƆBƆ 4:13

Mi yala zu mi do tũ, nɛ yalɛ ni ma kala yala li mi.

Zumanɔ 105:15

“Nɛ tɛ 'bè tɛ owi tonɔ 'da mi gɔ, nɛ tɛ dɛ̃ 'dã mɔ do wa, owi gba olo nu mi gɔ.”

Zumanɔ 89:19

Mɔ NWA, mɔ a mɔ saka wi zɔ mɔ tɛ lɛ, mɔ Gale santo 'da lɛ obe Israɛlɛ, mɔ saka nwa hã lɛ.

Kulu Tɔa 7:1

Nɛ NWA tɔ̃ hã Mɔizɛ na: “Mɔ zélé, mi dɛ sɛ na, mɔ ɔ do ngawi dati nwa ngɔ nù Ezipeto ɔ nɛ mi Gale ni. Nɛ nya mɔ Aroni sɛ a wi gba olo nu mɔ.

Yeremi 23:25

Mi zila wenɔ owi gba olo nu mi wa tɔ̃ ni. Wa 'bili bɛlɛ do zu li mi na, mi bia mɔ hã wa do li yalɛ, nɛ nde mi bè mɔ hã wa gɔ.

Yeremi 23:28

Fala kɛ wi gba olo nu mi kpo yala zu a, nɛ ma wia na, a tɔ̃̀ tati a yalɛ ni iko. Kɔ fala kɛ mi tombo a do to, nɛ a tɔ̃́ toe ni do wala olo nɛ. Mba gɔ, wɔkɔsɔ ma wè kɔ̃ do gbãlã kpalɛ gɔ.

EZEKIƐLƐ 1:1

Mi, Ezekiɛlɛ, be 'da nganga Buzi, mi zi kɔ Oyudanɔ kɛ wa la zi kɔlɔ 'duli, nɛ wa a wa tɛ nu kolo lì Kebarɛ ni. Zi do kɔ sabɛlɛ kɛ 'bu nɛ talɛ, do zɛkɛ 'da nalɛ, kɔ̃ nɛ mɔlɔ, nɛ mi nɛ ka mɔ, nɛ mi zɔ li nza ma hũi, nɛ NWA Gale bia mɔ li mi kɔ yalɛ. 'Da fala ni, ma la zi sabɛlɛ mɔlɔ 'do kɛ wa 'dɔlɔ nwa Yoakinɛ ni. Nɛ nwa wila we hã mi ngɔ nu Babilonia i, dɛ nu kolo lì Kebarɛ ni. Nɛ ngawi 'da a lia mi.

DANIƐLƐ 10:8

Wa la mi dɛ di ni zu mi kpo tɛ zɔ ɔngbamɛ ni. Mi nɛa we zɔ na mɛ ni, nɛ ngawi 'da mi ia, nɛ kili tũ li mi, nɛ mi mbɔkɔ vɛ̃.

DANIƐLƐ 2:19

Nɛ NWA Gale bia yalɛ 'da nwa Nabukɔdɔnɔzɔrɛ li Daniɛlɛ kɔ yalɛ do tũ. Nɛ Daniɛlɛ ma ngɔ dɔnggɔ Gale tɛ li nza i na:

DANIƐLƐ 7:1

Do kuti sabɛlɛ dɛa to nwa 'da Baltazarɛ ngɔ nù Babilonia, nɛ Daniɛlɛ ɔa nù do tũ, nɛ a yala zu a, nɛ mɔ hɔa li a kɔ yalɛ ni. Nɛ a kɔma yalɛ ni

DANIƐLƐ 8:2

Mi yala zu mi, nɛ nde mi a tɛ Suzɛ, le kɛ gba ngbo zĩ ma takpa, tɛ ngɔ 'bili tɛ nù Elamɛ. Nɛ mi dɛ nu lì kɛ li nɛ a Ulai.

OZE 12:11

“Mi wila zi we hã owi gba olo nu mi, nɛ mi bia mɔ li wa do kɔ yalɛ wena. Nɛ owi gba olo nu mi ni, wa mbisa owinɔ 'da mi do wenɔ ni.

YƆƐLƐ 3:1

Nɛ nwa tɔ̃a 'bɔ na: “Dɛ 'do nɛ, nɛ mi tombo sɛ Hi Wi 'da mi, nɛ a dunu sɛ kɔ winɔ vɛ̃. Obulu benɔ, do oboko benɔ 'da nɛ, wa gba sɛ olo nu mi. Mi tɔ̃ sɛ yalɛ zu okpasa winɔ 'da nɛ, nɛ mi be mɔ li ozagbãlã benɔ 'da nɛ.

ZAKARIA 1:8

Nɛ Zakaria tɔ̃a gulu nɛ na: Mi ɔa yala do tũ, nɛ mi zɔ mɔ do li yalɛ. Mi zɔa wele, nɛ nde a kũ ngɔ fila mbalata, nɛ a yula dɛ sanga odia te do kɔ gbangɔlɔ̃. Nɛ ogele mbalata do 'do a. Tɛ ombe a fila, nɛ tɛ ombe ɔ ngoo nɛ́ zɛ̃ we ni, nɛ tɛ ombe a fɛ̃a.

Tɔlɔ Mɔ 24:4

Gale kɛ a nɛa ngɔ mɛnɔ vɛ̃, a wele we, nɛ mi zele, a be mɔ dɛ li mi, nɛ mi zɔ. Mi sambala a, nɛ a be mɔ hã mi.

MATIE 1:20

Kɔ a ma ngɔ 'dafa na mɛ ni, nɛ anzɛ 'da Nwa Gale hɔ 'da a li yalɛ, nɛ a tɔ̃ hã a na: “Yozɛfu, be 'da Davidi, mɔ tɛ dɛ̀ kili ba Maria gɔ, we kɛ zã tɛ̃ a gɛ ma yula do wala 'da Hi Wi Santo.

MATIE 2:19

'Do kɛ Herodɛ fia ni, nɛ anzɛ 'da Nwa Gale hɔ 'bɔ 'da Yozɛfu do kɔ yalɛ tɛ Ezipeto i,

MATIE 23:31

Na mɛ ni, nɛ tɔ̃ tɛ nɛ na, lo a obe zã owinɔ kɛ wa gbɛa zɛ́ owi gba olo nu Gale ni.

MATIE 23:34

Ma kɛ mi tɔ̃ hã nɛ na, mi tombo sɛ owi gba olo nu Gale, do owi hã zã, do owanɔ wa yambala mɔ wena ni hã nɛ. Nɛ nde nɛ gbɛ sɛ ombe sanga wa, nɛ nɛ bɛ̃lɛ̃ ombe ngɔ finda te, nɛ nɛ zɛ ombe do zufa ndala tɛ kɔ tɔa mbulanɔ 'da nɛ, nɛ nɛ ndaka sɛ 'do wa kɔ le do kɔ le.

MATIE 23:37

“Aa nɛ, owi Yeruzalɛmɛ, nɛ gbɛ owi gba olo nu Gale fai, nɛ nɛ lo owinɔ kɛ Gale tombo wa hã nɛ ni do ta. Mi kɔ̃a zi wena na, mi ngɛmɛ li nɛ dɛ ti mi, ɔ nɛ kɛ naa kɔla ngɛmɛ do li obenɔ 'da a dɛ ti sala 'baka a ni. Nɛ nde nɛ kɔ̃̀ gɔ!

MATIE 27:19

'Da fala Pilatɛ dungu nù we 'bili we ni, nɛ kɛnɛ a tombo to hã a na: “Mɔ tɛ lè kɔ we 'da wi bɔlɔ zui gɛ gɔ, we duzu kɛ mi yala zu mi dɛ ngɔ a dè gɔ.”

LUKA 1:11

Nɛ mbe anzɛ 'da Nwa Gale hɔa dɛ 'da Zakaria, nɛ a yolo dɛ kɛ zã gbagala, kɛ wa a do mɛnɔ wa hã ma hã Gale ni si ngɔ ngawili kɔ̃.

LUKA 1:22

Kɔ a nɛa we hɔ nza, nɛ nde a wè 'bɔ tɛ wele we hã wa gɔ. Nɛ a ma ngɔ we kɔ̃ a hã wa wia iko. Owinɔ wa nɛa we zɔ ní, nɛ wa ĩ na, Gale bia mɔ li a kɔ Tɛmpɛloe i bia, nɛ a hɔa wi lɔndɔ nu.

LUKA 20:6

Kɔ lɛ gese 'bɔ na: ‘Wi zi a Owele hã wa tumba a,’ nɛ owinɔ vɛ̃, wa lo sɛ lɛ do ta, nɛ wa gbɛ lɛ iko. We kɛ winɔ wa tɔ̃ na, Yoanɛ zi a wi gba olo nu Gale.”

Owi Nɛ Tonɔ 10:11

A nɛa we ka mɔ do kɔ yalɛ, nɛ nde li nza hũi, nɛ mɔ ɔ nɛ gã gbau tulu ni yula li nza i, nɛ ma zĩlĩ dɛ nù nga. Ma ɔ nɛ Owele wa 'bia nu zɔ̃ nɛ nalɛ nɛ 'bia ni.

Owi Nɛ Tonɔ 10:17

Nɛ Petro ma ngɔ fa gulu mɛnɔ a zɔa ni, nɛ a kpà gɔ. Kɔ a 'bana tɛ fa gulu nɛ iko, nɛ owinɔ kɛ Kɔmɛyɛ tumba wa ni, wa aka we tɔa 'da Simɔ, nɛ wa nɛ, nɛ wa yolo dɛ nu nɛ ni.

EFƐZƐ 4:11

Wi hã ngawi dɛ to kpi do kpi hã winɔ, wi a a. A ia ombe do Owi nɛ to, nɛ a e ombe owi gba olo nu Gale, nɛ ombe owi be Dia Sakoe, nɛ ombe owi zɔ mɔ tɛ eklezia, nɛ ombe owi be mɔ.

Mbulanɔ 18:15

Ma kɛ a tombo sɛ wi gba olo nu a ɔ nɛ mi gɛ hã nɛ. Wi ni sɛ a be le 'da nɛ ngboo, nɛ ma wia na, nɛ zele wenɔ kɛ a tɔ̃ sɛ hã nɛ ni.

Mbulanɔ 18:18

Mi tombo sɛ wi gba olo nu mi ɔ nɛ mɔ gɛ hã wa. Nɛ a sɛ a be le 'da nɛ ngboo. Mi tɔ̃ sɛ we kɛ ma wia na a wele ni hã a, nɛ a tɔ̃ sɛ wenɔ vɛ̃ kɛ mi ba nu mi na, wa dɛ ni.

OHEBRE 1:1

Zɛ́ dati, Gale wila zɛ́ we hã oyaa lɛ fala dɛlɛ wena, do walanɔ kpi do kpi. A wila zɛ́ we hã wa do wala 'da owi gba olo nu a.

USU MƐNƆ 11:10

Nɛ fie 'da winɔ bɔa ni, ma de sɛ tɛ winɔ ngɔ nù gɛ wena. Wa dɛ sɛ yangga, nɛ wa hã odia mɔ hã ngba wa, we duzu kɛ owinɔ bɔa kɛ wa gba zi olo nu Gale, nɛ wa hã zi ngamɔ hã winɔ ngɔ nù gɛ wena ni, wa fia ia.

USU MƐNƆ 11:3

Nɛ mi tombo sɛ temɔɛnɔ 'da mi bɔa, nɛ wa he'de sɛ saki, nɛ wa be we nu Gale gbaa 'do tũnɔ kote do kama bɔa do 'bu nɛ gazɛlɛ ni.”

1 SAMUƐLƐ 28:6

Nɛ a aka NWA Gale na, ɛ dɛ nɛ nde? Nɛ nde nwa gèsè nu we hã a do yalɛ tabi do wala 'da wi gba olo nu a gɔ. A gèsè 'bɔ we do wala 'da mɔ kɛ ma santo we aka do a Gale ni gɔ.

1 SAMUƐLƐ 3:15

NWA tɔ̃a we hã Samuɛlɛ ni do'do, nɛ a la. Nɛ dɛ olo nɛ ni, nɛ Samuɛlɛ ɔa nù gbaa titole. Nɛ do titole ni, nɛ a kulu ngɔ, nɛ a hũi nu tɔa Tɛmpɛloe. Nɛ a dɛa kili be gulu mɛ a zɔa ni hã Heli do'do.

1 SAMUƐLƐ 3:21

NWA 'bana zi tɛ be tɛ̃ a tɛ Silo i bia fai. Mba gɔ, mɛ a fala a be do tɛ̃ a hã Samuɛlɛ, nɛ a be do gulu lɛnggɛ 'da a, sɛ nɛ Samuɛlɛ gba nu nɛ hã nu kɔnggɔ Israɛlɛ vɛ̃ de.