Tɔlɔ Mɔ 12:13 - WE NU GALE 1995

¹³ Ma kɛ Mɔizɛ ala nu a hã NWA na: “Aa Gale, mi gɔ kɔ mɔ na, mɔ kɔ, nɛ mɔ kpásá a.”

Tɔlɔ Mɔ 12:13 Iomraidhean Croise

Ndo Nyanga Dɛ Mɔ 20:17

Nɛ nde we duzu mɛ wa dɛa hã Sara, wuko 'da Abrahama ni, nɛ NWA dɛa na, wukonɔ kɔ tɔa 'da Abimelɛkɛ ni vɛ̃, wa tɛ kò 'bɔ kula gɔ. Nɛ Abrahama sambala Gale we duzu wa, nɛ Gale kpasa Abimelɛkɛ, do wuko 'da a do owuko wi dɛa tonɔ 'da a, nɛ a dɛa na, wa ko 'bɔ mbé kula.

1 Onwanɔ 13:6

Nɛ nwa Yeroboamɛ ala nu a hã wi gba olo nu Gale na: “Mɔ kɔ̃́, nɛ mɔ aka NWA Gale 'da mɔ na, a fo 'dã mɛ 'da mi, hã 'baka mi de dɛ olo nɛ.” Nɛ wi gba olo nu Gale sambala NWA Gale, nɛ kɔ̃ Yeroboamɛ de dɛ olo nɛ.

Zumanɔ 30:2

Aa nwa, mi sambala mɔ, we kɛ mɔ kpasa mi kɔ fio, nɛ mɔ là mi hã Owi sɛnɛ mi na, wa mɔmɔ mi gɔ.

Zumanɔ 41:4

Fala kɛ zɛlɛ ba a, nɛ NWA zɔ mɔ tɛ̃ a, nɛ a gala a ngɔ tangge zɛlɛ.

Kulu Tɔa 15:26

A tɔ̃a hã wa na: “Fala kɛ nɛ zele nu mi, hã nɛ dɛ tati a bɔlɔ zu dɛa mɔ li mi, nɛ nɛ zele 'bɔ bia wenɔ 'da mi, nɛ nɛ dɛ olo nu mi, nɛ nde nɛ bá sɛ zɛlɛ kpo, kɔ kɛnɔ mi hã zi ma hã Oezipeto ni gɔ. We kɛ mi a NWA, wi kpasa nɛ kɔ zɛlɛmɔ.”

Kulu Tɔa 4:7

Nɛ NWA tɔ̃ na: “Fí 'bɔ kɔ̃ mɔ mbé nɛ ti tulu gbãlã ngu'du mɔ.” Nɛ Mɔizɛ fi 'bɔ kɔ̃ ɛ mbé nɛ, nɛ a nɛ gbɔtɔ dɛ nza, nɛ nde kɔ̃ a dia dɛ olo nɛ.

Ezai 30:26

Zɛkɛ ma to sɛ ɔ nɛ wese ni, nɛ wese ma to sɛ nɛ ngɔ kɛnɔ ma to fai ni fala sambo. Do ngba soe ni, NWA a fɔlɔ sɛ li dani tɛ owinɔ 'da a, nɛ a kpasa sɛ wa.

Yeremi 17:14

Aa NWA, mɔ kpásá mi, nɛ zɛlɛ 'da mi ma e sɛ. Mɔ gbáká mi, nɛ mi dungu sɛ do dia nɛ. We kɛ mɔ a wi kɛ mi dɔnggɔ tɛ mi do mɔ.

Tɔlɔ Mɔ 11:2

Obe Israɛlɛ wa nɛa we zɔ ni, nɛ wa he mɔ, nɛ wa sa mɔ hã Mɔizɛ na, a gala lo. Mɔizɛ ala nu a do zu li wa hã NWA, nɛ we bi.

Tɔlɔ Mɔ 12:12

Da dɛ kɔ mɔ dɛ́ na, Miriamɛ ɔ nɛ fio nzɔ be kɛ wa nɛ ko a, nɛ nde mbee tɛ̃ a 'danga ia ni gɔ.”

Tɔlɔ Mɔ 14:2

Nɛ wa tɔ̃a 'dã we hã Mɔizɛ do Aroni na: “Ma dia sɔ fɛ̃ na, le fe dɛ Ezipeto i, tabi na lɛ fe dɛ li gba zɔ̃ gɛ.

LUKA 23:34

Nɛ Yezu tɔ̃ na: “Baa mi, mɔ fó ku'da 'dã mɛ zu wa, we duzu kɛ wa ĩ̀ gulu mɛnɔ wa dɛ ni gɔ.” Nɛ wa tua zeke we kɛ̃ sanga tulunɔ 'da a dɛ kɔ̃ ngba wa.

LUKA 6:28

Nɛ wélé nu nɛ tɛ winɔ kɛ wa fɔmbɔ nɛ ni, nɛ nɛ sámbálá Gale we wanɔ kɛ wa tɔ̃ tɛ nɛ ni.

Owi Nɛ Tonɔ 7:60

Nɛ 'do nɛ, nɛ a gu do zugolo a gburr, nɛ a he mɔ do nga gɛlɛ na: “Nwa, mɔ tɛ è ngbangga zu wa we 'dã mɛ wa dɛa gɛ gɔ.” A nɛa we tɔ̃ ni, nɛ a e sila a nù. Nɛ Saulo kɔ̃a zi gɛnɛ kɛ wa gbɛa Etiɛnɛ ni.

ROMA 12:21

Nɛ tɛ bà wala hã 'dã mɔ na, ma nɛ ngɔ nɛ gɔ, nɛ nde nɛ dɛ de mɔ, nɛ ma nɛ ngɔ 'dã mɔ.

ZAKE 5:15

Kɔ fala kɛ wa kɔ̃ do kɔ sila wa na, Gale a zele sɛ sambala 'da lo nde, nɛ Gale a kpasa sɛ wi zɛlɛ ni. Hã fala kɛ wi ni dɛ zi 'dã mɔ dɛa nde, nɛ Gale a fo sɛ 'bɔ ku'da 'dã mɛ ni zu a.

1 SAMUƐLƐ 12:23

We duzu mi, mi lá sɛ fala sambala we duzu nɛ gɔ. Mi la fala nɛ, nɛ nde mi dɛa 'dã mɔ gbali NWA. Nɛ mi lá sɛ 'bɔ fala be bɔlɔ wala hã nɛ gɔ.

1 SAMUƐLƐ 15:11

“Mi sa tɛ mi tɛ kɛ mi ia zi Saulo do nwa ni, we kɛ a la wala 'da mi do'do, nɛ a bɛ̃a we dɛ olo nu mi.” Samuɛlɛ nɛa we zele ni, nɛ zã a nɔ̃lɔ̃ wena. Nɛ do tũi ni vɛ̃, a ala nu a hã NWA.