Tɔlɔ Mɔ 12:11 - WE NU GALE 1995

¹¹ nɛ a tɔ̃ hã Mɔizɛ na: “Nwa, lɛ do ngbangga. Nɛ nde mi gɔ kɔ̃ mɔ na, mɔ tɛ hã̀ etumbu hã lɛ we dɛa mɔ yɔnda lɛ dɛa gɛ gɔ.

Tɔlɔ Mɔ 12:11 Iomraidhean Croise

2 SAMUƐLƐ 19:19

Wa kũ lì we yɛlɛ ti a takɔ wa gala a. 'Da fala nwa kũ lì do'do ni, nɛ Simei te nù dɛ dati a ni,

2 SAMUƐLƐ 24:10

Davidi nɛa we tɔlɔ winɔ do'do, nɛ a ĩ do kɔ sila a na, ɛ dɛa 'dã mɔ. Nɛ a tɔ̃ hã NWA na: “Mi dɛa gã 'dã mɔ. Mi ĩ di ni na, mi dɛa mɔ yɔnda. Kɔ NWA, mɔ fó ku'da 'dã mɛ ni zu mi do'do.”

1 Onwanɔ 13:6

Nɛ nwa Yeroboamɛ ala nu a hã wi gba olo nu Gale na: “Mɔ kɔ̃́, nɛ mɔ aka NWA Gale 'da mɔ na, a fo 'dã mɛ 'da mi, hã 'baka mi de dɛ olo nɛ.” Nɛ wi gba olo nu Gale sambala NWA Gale, nɛ kɔ̃ Yeroboamɛ de dɛ olo nɛ.

2 Sakonɔ 16:9

Mba gɔ, nwa ka mɔ, nɛ a zɔ mɛnɔ ngɔ nù gɛ vɛ̃, takɔ a gbaka owinɔ kɛ wa kɔ̃a gɛnɛ a do sila wa vɛ̃ ni. Nɛ nde sɔɛ gɛ, mɔ dɛa mɔ tɛ mɔ ɔ nɛ yia wi ni. Kɔ 'do gɛ, nɛ bolo ma bi sɛ mɔ.”

Kulu Tɔa 12:32

Nɛ kálá 'bɔ osa'denɔ 'da nɛ hã nɛ lá do wa. Nɛ nɛ aka sɛ Gale 'da nɛ na, a wélé nu a tɛ mi.”

GBA WENƆ 30:32

Fala kɛ mɔ ɔ do yɔndɔ wi, kɔ mɔ dɔnggɔ tɛ mɔ, tabi mɔ fa we dɛ 'dã mɔ, nɛ mɔ yulu nu nɛ nù, nɛ mɔ lengge mɔ sɛ.

Yeremi 42:2

nɛ wa tɛ, nɛ wa tɔ̃ hã mi na: “Yeremi, mɔ kɔ̃, nɛ mɔ zele lɛ sɛ! Mɔ sámbálá NWA Gale 'da lɛ we duzu lɛ! Mɔ sámbálá we tala lɛ kɛ lɛ 'bana gɛ. Mɔ ĩ na, lɛ dɛlɛ zi wena, nɛ nde ngangga ni, tala lɛ 'bana be sĩ iko.

Tɔlɔ Mɔ 11:2

Obe Israɛlɛ wa nɛa we zɔ ni, nɛ wa he mɔ, nɛ wa sa mɔ hã Mɔizɛ na, a gala lo. Mɔizɛ ala nu a do zu li wa hã NWA, nɛ we bi.

Tɔlɔ Mɔ 12:12

Da dɛ kɔ mɔ dɛ́ na, Miriamɛ ɔ nɛ fio nzɔ be kɛ wa nɛ ko a, nɛ nde mbee tɛ̃ a 'danga ia ni gɔ.”

Owi Nɛ Tonɔ 8:24

Nɛ Simɔ tɔ̃a hã Petro do Yoanɛ na: “Nɛ kɔ̃́, nɛ nɛ sámbálá Nwa Gale we mi na, dɔ mɛ nɛ tɔ̃a nɛ ni, ma dɛ́ mi gɔ.”

USU MƐNƆ 3:9

Kɔ nɛ zɔ́ mɛnɔ mi nɛ dɛ sɛ do gili winɔ 'da Satana, kɛ wa 'bili bɛlɛ, nɛ wa tɔ̃ na, lo a Oyuda, nɛ nde wa a Yuda gɔ ni. Mi ngbɔkɔ sɛ wa na, wa nɛ 'da nɛ i, nɛ wa gu gba zugolo dati nɛ, nɛ wa ĩ sɛ na, mi kɔ̃a gɛnɛ nɛ.

1 SAMUƐLƐ 12:19

Nɛ wa tɔ̃ hã Samuɛlɛ na: “Mɔ álá nu mɔ hã NWA Gale 'da mɔ we duzu lɛ na, da dɛ kɔ lɛ fé gɔ. Lɛ ĩ wá na, dɛ ngɔ 'dã mɛnɔ vɛ̃ lɛ dɛa ni, lɛ dɛa 'bɔ mbé nɛ, we kɛ lɛ gɔa nwa.”

1 SAMUƐLƐ 2:30

Kɔ ɔ nɛ kɛ mɔ dɛa ni ni, mɔ zélé we mi NWA Gale 'da nɛ obe Israɛlɛ, mi tɔ̃ hã mɔ gɛ: Mi tɔ̃a zi hã nu fɛlɛ kula 'da mɔ na, wa sɛ fai a onganganɔ 'da mi. Kɔ da dɔ̃ ni, mi tɔ̃ na, ma sɛ 'bɔ ni gɔ. Tua kɛ mi dɔnggɔ owanɔ kɛ wa dɔnggɔ mi ni, nɛ owanɔ wa zɔ mi yala ni, mi zɔ tɛ mɛ 'bɔ wa yala.