Tɔlɔ Mɔ 11:4 - WE NU GALE 1995

⁴ Ombe gele wele wa lia zi sanga obe Israɛlɛ tɛ li wala gɛnɛ 'da wa. Nɛ mbe ngba soe kpo, nɛ sɔkpã ba nu ogele winɔ ni. Nɛ wɔ nyɔngɔ mulu sa'de ba wa wena. Nɛ obe Israɛlɛ wa ma ngɔ bi tɛ mɛ 'bɔ tɛ wa tɛ tɔ̃ na: “Ee nɛ gɛ! Lɛ nɛ kpa mbe mulu sa'de we nyɔngɔ nɛ do nde?

Tɔlɔ Mɔ 11:4 Iomraidhean Croise

NEHEMIE 13:3

Kɔ obe Israɛlɛ wa nɛa we zele mbula ni, nɛ wa ba nu wa na, wa ndaka ogele winɔ vɛ̃ sanga lo owinɔ 'da Gale do'do.

Zumanɔ 106:14

Wa hɔa li gba zɔ̃ i, nɛ wa 'bã mɛnɔ wa zɔla ma ni, nɛ wa yamba sila mɔ Gale.

Kulu Tɔa 12:38

Ogele wele dɛlɛ wena wa la zi do obe Israɛlɛ fala nɛ kpo. Obatanɔ, do oduanɔ, do ongɔmbɛnɔ wa dɛlɛ zi 'bɔ wena.

Kulu Tɔa 16:12

“Mi zila 'dã we kɛ obe Israɛlɛ wa lungu do mi ni. Kɔ mɔ nɛ́, hã mɔ tɔ̃ hã wa na, gɛ̃a wese gɛ, wa nyɔngɔ sɛ mulu sa'de. Nɛ bindɛ do titole, mi hã sɛ nyɔngɔmɔ hã wa na wa nyɔngɔ, nɛ zã wa hɛ̃. Mi dɛ na mɛ ni, nɛ wa ĩ sɛ na, mi NWA, mi a Gale 'da nɛ.”

Kulu Tɔa 16:3

Wa na: “Ma wia sɔ na, NWA gbɛ lɛ dɛ ngɔ nù Ezipeto, we kɛ i mɔ, nyɔngɔmɔ wena. Lɛ mba zi li ngba lɛ, nɛ lɛ nyɔngɔ osa'de ɔ nɛ kɛ lɛ kɔ̃a ni. Kɔ gulu kɛ nɛ tɛa do lɛ li gba zɔ̃ɛ gɛ we ge nde? Nɛ kɔ̃a na, lɛ fe wɔ iko nde?”

Tɔlɔ Mɔ 11:18

Nɛ mɔ tɔ̃́ hã obe Israɛlɛ na: ‘Bindɛ, nɛ nɛ fɔlɔ tɛ nɛ we hɔ sa wi li NWA. Nɛ kpa sɛ mulu sa'de we nyɔngɔ nɛ. NWA zila bi tɛ wi 'da nɛ kɛ nɛ tɔ̃ na, lo do gã wɔ nyɔngɔ mulu sa'de, do kɛ nɛ tɔ̃ 'bɔ na, lo zi Ezipeto i do dia nɛ ni. Ma kɛ a hã sɛ mulu sa'de hã nɛ na, nɛ nyɔngɔ.

Tɔlɔ Mɔ 14:1

Do ngba soe wa tɔ̃a do wenɔ ni, nɛ do tũi ni vɛ̃, obe Israɛlɛ wa hia kɔ̃a do 'bako vɛ̃.

Tɔlɔ Mɔ 14:22

wele kpo kɔ owinɔ gɛ lé sɛ ngɔ nùi ni gɔ. Wa zɔa dɔ̃lɔ̃ li 'da mi, do ogba sɔ̃ mɛnɔ vɛ̃ mi dɛa zi ngɔ nù Ezipeto i, do kɛnɔ mi dɛa 'bɔ li gba zɔ̃ɛ gɛ ni zɔa. Gɛnɛ kɔ na mɛ ni, nɛ nde wa yamba mi fai, nɛ wa là fala bɛ̃ we nu mi gɔ. Ma hã wele kpo kɔ wa lé sɛ ngɔ nùi mi kpua zi mbulu nɛ hã oyaa wa ni gɔ, we kɛ wa bɛ̃a gɛnɛ mi ni.

Tɔlɔ Mɔ 16:13

Mɔ fua zi lɛ dɛ nza ngɔ nù Ezipeto, nù kɛ ma do nyɔngɔmɔ la li ngele, nɛ mɔ tɛa do lɛ dɛ dɛ, takɔ lɛ fe dɛ li gba zɔ̃ɛ gɛ. Nɛ ki ni ma wè li mɔ gɔ, nɛ mɔ kɔa 'bɔ we be tɛ mɔ na, mɔ ngɔ lɛ nde?

ROMA 13:14

Nɛ bá wala hã Nwa 'da lɛ Yezu Kristo na, a bi zu nɛ, nɛ nɛ tɛ fà we dɛ mɔ kɛ wɔ kɔ kili tɛ nɛ kɔ̃a ni gɔ.

1 KORINTƐ 10:6

Mɛnɔ ni dɛa zi tɛ ɛ we mbese lɛ na, da dɛ kɔ lɛ dɛ́ wɔ tɛ 'dã mɔ, ɔ nɛ kɛ oyaa lɛ wa dɛa zi ni gɔ.

1 KORINTƐ 15:33

Kɔ dɔ nɛ ɔ́lɔ́ tɛ nɛ gɔ. Mba gɔ, wa tɔ̃a na: “Mɔ ba 'bia do wi dɛ 'dã mɔ, nɛ mɔ hɔ sɛ a.”

Mbulanɔ 9:22

“'Do ki ni, nɛ mbe tũ kpo, nɛ nɛ nɔ̃lɔ̃ zi 'bɔ zã NWA, 'da fala nɛ zi a tɛ Tabera do Masa do Kibrɔtɛ-Tava ni.