Tɔlɔ Mɔ 11:25 - WE NU GALE 1995

²⁵ Nɛ NWA zĩlĩ dɛ kɔ lɔnggɔ zɛ̃ we, nɛ a wele we do Mɔizɛ. Nɛ a dɛ na, Hi Wi kɛ a hã ma hã Mɔizɛ ni zĩlĩ tɛ mɛ 'bɔ ngɔ okumunɔ, nɛ wa ma ngɔ gba olo nu a Gale. Nɛ nde wa gbà 'do nɛ nyɛlɛ gɔ.

Tɔlɔ Mɔ 11:25 Iomraidhean Croise

2 Onwanɔ 2:15

Owi gba olo nu Gale kɛ wa yula tɛ Yeriko i ni, wa nɛa we zɔ ni, nɛ wa na: “Elize kpa ngawi gba olo nu Gale olo Elia!” Nɛ wa nɛ, nɛ wa kpa Elize, nɛ wa bili zu wa nù dati a,

NEHEMIE 9:20

We kɔ̃a zã 'da mɔ dɛ 'da wa, nɛ mɔ tumba Hi Wi 'da mɔ na, a hã hã zã hã wa. 'Da fala fai, mɔ tumba mana, na wa nyɔngɔ, do lì na wa nɔ, we wɔnɔ 'da wa.

Zumanɔ 99:7

A wele zi we hã wa kɔ lɔnggɔ zɛ̃ we, nɛ wa dɛ zi mbulanɔ a hã hã wa ni.

Kulu Tɔa 32:32

Kɔ mi ala nu mi hã mɔ na, mɔ fo ku'da 'dã mɛ ni zu wa. Kɔ mɔ kɔ̃̀ we fo ku'da nɛ zu wa gɔ, nɛ mɔ gbɛ li mi kɔ 'buki kɛ mɔ kɔma li owinɔ 'da mɔ kɔ nɛ ni do'do.”

Kulu Tɔa 34:5

Nɛ NWA zĩlĩ tɛ kɔ lɔnggɔ zɛ̃ we, nɛ a yolo nù dɛ kɛ zã Mɔizɛ ni. Nɛ a dɔnggɔ tɛ̃ a do li a wele nɛ na: “NWA.”

Kulu Tɔa 40:38

Do gba wese, nɛ NWA be zi tɛ̃ a hã obe Israɛlɛ do zɛ̃ we kɛ ma kpe tɔa Tande ni, nɛ do tũi, a be tɛ̃ a hã wa kɔ lɔnggɔ nyɛa we kɛ ma yele zi ngɔ ma ni. A dɛa zi do wa ni tɛ li wala gɛnɛ 'da wa vɛ̃.

Ezai 63:11

Nɛ ta zu obe Israɛlɛ gba ngɔ mɛnɔ kɛ ma dɛa zi tɛ̃ ɛ, do 'da fala 'da Mɔizɛ, wi dɛa toe 'da nwa ni. Nɛ wa aka na: “NWA Gale kɛ a hã zi hi wi 'da a hã Mɔizɛ ni, a a do nde? NWA kɛ a dɛa zi na, owinɔ 'da a do wi zɔ mɔ tɛ wa, wa la do 'dɔ gba lì ni, a a do nde?

EZEKIƐLƐ 8:11

Nɛ mi zɔ okumu Israɛlɛ 'bu wa sambo, nɛ nde wa yula dɛ dati ohi mɛnɔ ni. Nɛ Yazania, be 'da Safanɛ zi sanga wa. Nɛ wele kpo kpo sanga wa 'bia kpana fũ yɔmbɔ dɛ kɔ̃ ɛ, nɛ zɛ̃ we fũ yɔmbɛ tɛ kutu dɛ ngɔ.

Tɔlɔ Mɔ 11:17

Mi zĩlĩ sɛ we wele we do mɔ dɛ di ni. Nɛ mi dɛ sɛ na, Hi Wi kɛ mi hã ma hã mɔ ni, zĩlĩ tɛ mɛ 'bɔ ngɔ wa. Na mɛ ni, nɛ wa gala sɛ mɔ, nɛ mɔ bá sɛ 'bɔ dĩ tole winɔ gɛ zu mɔ kpo gɔ.

Tɔlɔ Mɔ 12:5

nɛ nwa zĩlĩ dɛ kɔ lɔnggɔ zɛ̃ we, nɛ a yolo dɛ nu tɔa Tande ni. Nɛ a sa mɔ hã Aroni do Miriamɛ, nɛ wa do bɔa nɛ, wa tili dɛ dati.

Tɔlɔ Mɔ 16:25

Nɛ Mɔizɛ kulu ngɔ fala nɛ kpo do okumunɔ, nɛ wa nɛ we kpa Datanɛ do Abiramɛ.

Tɔlɔ Mɔ 24:2

A nɛa we ba li a ngɔ, nɛ a zɔ obe Israɛlɛ, wa dungu dɛ fala ɔi 'da wa do nu kpala wa kpo kpo. Nɛ Hi Wi 'da Gale lia kɔ a,

Tɔlɔ Mɔ 27:18

Nɛ NWA gese hã Mɔizɛ na: “Yozue, be 'da Nunɛ, a a wi kɛ a do Hi Wi 'da mi kɔ a boe. Mɔ sá sɛ mɔ hã a, nɛ mɔ nɛ do a dati nganga Elazarɛ do obe Israɛlɛ vɛ̃. Nɛ mɔ e kɔ̃ mɔ zu a, nɛ mɔ tɔ̃ dɛ li winɔ vɛ̃ na, a dɛ sɛ toe olo mɔ.

Owi Nɛ Tonɔ 11:28

Nɛ Hi Wi Santo fí li mbe kpo sanga wa ni, li a a Agabusi, nɛ a kulu ngɔ, nɛ a tɔ̃ na: “Gba wɔ ma te sɛ ngɔ nùi vɛ.” (Nɛ gba wɛ ni, ma tia zi do 'da fala Klodɛ zi a gã nwa ni.)

1 KORINTƐ 14:32

Ma wia na, ngawi gba oto nu Gale 'bana ti mbula 'da wi gba oto nu Gale.

ZAKE 1:17

Dia mɛnɔ vɛ̃ ma yolo 'da Baa lɛ Gale tɛ ngɔ i, kɛ a dɛa wese, do zɛkɛ, do sɔlanɔ ni. Gale kpóló tɛlɛ tɛ̃ a gɔ. A ɔ̀ nɛ wese kɛ ma le nù, nɛ ma la lɛ dɛ kɔ gba tũ ni gɔ.

2 PETRO 1:21

Mba gɔ, wenɔ kɛ Owi gba olo nu Gale wa tɔ̃a zɛ́ ni, ma yòlò kɔ hã zã 'da wa wele nɛ gɔ. Nɛ nde Hi Wi Santo lia zi kɔ wa, nɛ wa gba olo nu Gale ngboo.

Owi kpe dati 3:10

Hi Wi 'da NWA lia kɔ Otniɛlɛ, nɛ a hɔa wi kpe dati obe Israɛlɛ. A nɛa, nɛ a bi do nwa Kusanɛ-Risataimɛ, nɛ NWA Gale hã ngawi hã a, nɛ a nɛ ngɔ nwa ni.

1 SAMUƐLƐ 10:10

Saulo wa nɛa do wi toe 'da a, nɛ wa hɔ tɛ kɔ le Gibea i, nɛ wa kpa ngba wa do ngɔ gili Owi gba olo nu Gale. A nɛa we zɔ wa ni, nɛ Hi Wi 'da Gale ba a, nɛ a mba do wa, nɛ wa yɔ yɔla, nɛ wa he mɔ tɛ gba olo nu Gale.