Tɔlɔ Mɔ 11:23 - WE NU GALE 1995

²³ Nɛ nwa gese hã a na: “Ngawi 'da mi do ndɔti nɛ bina. 'Da kala sɛ gɔ, nɛ mɔ zɔ sɛ na, we mi tɔ́a ni ma dɛ sɛ tɛ̃ ɛ, tabi ma dɛ́ sɛ tɛ̃ ɛ gɔ nde.”

Tɔlɔ Mɔ 11:23 Iomraidhean Croise

Ndo Nyanga Dɛ Mɔ 18:14

Mɔ kɛ ma gana Gale ni, ma bina. Nɛ nde 'da fala mi kpolo sɛ tɛ mi 'da mɔ nga kɔ sabɛlɛ 'do gɛ, nɛ nde Sara kua bulu be ia.”

2 Onwanɔ 4:43

Nɛ wi toe gese na: “Mi nɛ dɛ fala kɛ̃ be nyɔngɔmɔ ɔ nɛ gɛ hã Owele kama kpo ni nɛ nde?” Nɛ Elize na: “Mɔ kɛ̃ ma hã winɔ vɛ̃, tua kɛ NWA Gale tɔ̃a na: ‘Wa vɛ̃ wa nyɔngɔ sɛ, nɛ zã wa hɛ̃, nɛ tala nɛ 'bana.’ ”

2 Onwanɔ 7:2

Nɛ mbe wi zɔ mɔ tɛ nwa ngɔ nù Israɛlɛ kpo gese hã Elize na: “Gɛnɛ kɔ nwa fi gba kolo bindɛ, hã ma tɛ dɛ ngɔ kpalɛnɔ, nɛ nde we mɔ tɔ̃ gɛ, ma dɛ́ sɛ tɛ̃ ɛ gɔ.” Nɛ Elize gese na: “We bina, mɔ zɔ sɛ mɛnɔ ni do li mɔ ngboo, nɛ nde mɔ nyɔ́ngɔ́ sɛ ma gɔ.”

Zumanɔ 78:41

Wa yamba sila a 'do ngbɛ ɛ do 'do ngbɛ ɛ, nɛ dɛa to tɛ wa hã 'bako hã a, kɛ a a Gale santo 'da lɛ obe Israɛlɛ ni.

Kulu Tɔa 6:1

Nɛ NWA Gale gese hã Mɔizɛ na: “Di ngangga ni, mɔ zɔ sɛ mɛ kɛ mi nɛ dɛ do nwa ngɔ nù Ezipeto ni. Nɛ mi ngbɔkɔ sɛ a do ngawi 'da mi, takɔ a e obe Israɛlɛ ni, hã wa la. Mi ngbɔkɔ sɛ a do ngawi 'da mi, nɛ a ndaka sɛ obe Israɛlɛ ngɔ nùi 'da a do'do.”

Ezai 50:2

“Aa nɛ, owinɔ 'da mi, ma dɛa nɛ nde? Mi nɛa we kpasa nɛ, nɛ mi kpà wele kpo gɔ. Mi sa mɔ hã nɛ, nɛ nɛ kɔ̃ nu mi gɔ we ge nde? Nɛ lengge wá na, mi do ngawi we kpasa nɛ bina nde? Mi wia we ba nu mi hã gba lì, nɛ ma ɔ̃sɔ̃, nɛ ma na nù. Mi wia 'bɔ we ba nu mi hã gã fua lì, nɛ ma kolo vɛ̃, nɛ olo nɛ kifi li go. Nɛ kɔyɔnɔ zi kɔ nɛ ni, wa fe wɔ lì, nɛ wa mbulu.

Ezai 59:1

Aa nɛ, obe Israɛlɛ, nɛ tɛ lènggè na, NWA do ngawi we gala nɛ bina gɔ. Nɛ tɛ lènggè 'bɔ na, zala a la la, kɔ a zélé sa mɛ 'da nɛ gɔ ni gɔ.

Yeremi 14:9

Ngawi 'da mɔ ma i ia nde? Gulu kɛ mɔ dɛ mɔ ɔ nɛ nwa bolo kɛ a mbɔkɔ do'do, nɛ a wè 'bɔ we kpasa winɔ 'da a gɔ ni we ge nde? Ĩ na mɔ NWA, mɔ a wele lɛ, nɛ lɛ a owinɔ 'da mɔ, mɔ tɛ fò tɛ mɔ 'do lɛ gɔ!’ ”

Yeremi 32:17

“Aa NWA Gale, mɔ dɛa nùi gɛ do li nza, do ngawi 'da mɔ, do hã zã 'da mɔ. Mɔ kpo ngàndà li mɔ gɔ.

Yeremi 32:27

“Mi nwa, mi a Gale 'da owinɔ vɛ̃. Fo mɔ gana mi bina.

EZEKIƐLƐ 12:25

Mba gɔ, mi NWA Gale, mi tɔ̃ sɛ we hã wa, nɛ we mi tɔ́a ni 'da nɛ kálá sɛ gɔ, nɛ ma dɛ sɛ tɛ̃ ɛ do ti. Mi dɛ sɛ na, onga mɛnɔ kɛ mi tɔ̃a zi we nɛ hã nɛ ni, ma kpa nɛ, Owi nga zunɔ gɛ. Nɛ ma kpa sɛ nɛ dati kɛ na nɛ fe ni. Mi NWA Gale, mi tɔ̃a ni.”

EZEKIƐLƐ 24:14

Mi nwa, mi tɔ̃a ni, nɛ ma dɛ sɛ tɛ̃ ɛ. Mi zĩ́ sɛ tɛ mi gɔ. Mi nɛ dɛ ma di dɔ̃ ni, nɛ 'bako sɛ li mi bina. Le Yeruzalɛmɛ ma kpa sɛ si olo 'dã mɛnɔ kɛ owinɔ wa dɛa kɔ nɛ ni. Mi NWA Gale, mi tɔ̃a ni.”

DANIƐLƐ 6:20

Ma hɔa sanga titole belee, nɛ nwa Dariusi kulu ngɔ, nɛ a wɛlɛ tɛ̃ a dɛ nu kɔ̃ɛ 'da ogbɔgbɔnɔ i.

Mike 2:7

Wa tɔ̃ 'bɔ na, NWA Gale fɔmbɔ obe Israɛlɛ gɔ, a là fala du sila 'da a dɛ 'da wa gɔ, a wè tɛ dɛ na mɛ ni gɔ. Wila we nu a dɛ 'da wi kɛ dɛa to tɛ̃ a a bɔlɔ ni pii a dia.

Tɔlɔ Mɔ 11:22

Gɛnɛ kɔ lɛ gbɛ sɔ obatanɔ, oduanɔ, do ongɔmbɛnɔ 'da lɛ vɛ̃, nɛ nde ma wé sɔ zu wa gɔ. Tabi lɛ gbɛ sɔ 'bɔ okɔyɔnɔ 'dɔ gba lì vɛ̃, nɛ nde ma wé sɔ 'bɔ gɔ.”

Tɔlɔ Mɔ 23:19

Gale a a wele ɔ nɛ lɛ gɛ gɔ. A 'bílí bɛlɛ gɔ. A wè 'bɔ tɛ kpolo nu a gɔ, a kpo mbulu, nɛ a dɛ ma, a tɔ̃ we, nɛ ma dɛ tɛ̃ ɛ.

MATIE 19:26

Nɛ Yezu ka mɔ tɛ wa, nɛ a tɔ̃ hã wa na: “Owele wa wè tɛ kpasa do ngawi 'da wa wele nɛ gɔ. Nɛ nde Gale wia we dɛ mɛnɔ vɛ̃.”

MATIE 24:35

Li nza do nùi ma 'danga sɛ, nɛ nde we nu mi ma 'bana sɛ fai.

LUKA 1:37

We duzu kɛ fo mɔ gana Gale bina.”