Tɔlɔ Mɔ 11:20 - WE NU GALE 1995

²⁰ Nɛ nyɔngɔ sɛ mulu sa'de gbaa 'do zɛkɛ kpo, nɛ ma 'danga sɛ nu nɛ, nɛ ma gbala do kɔ zɔ́ nɛ sɛ nɛ de. Ki ni a etumbu kɛ nɛ kpa sɛ ma, we kɛ nɛ bɛ̃a gɛnɛ nwa, kɛ a ɔ dɛ sanga nɛ gɛ, nɛ nɛ bi tɛ nɛ dati a na, lo hɔa nza kɔ Ezipeto we ge nde ni.’ ”

Tɔlɔ Mɔ 11:20 Iomraidhean Croise

2 SAMUƐLƐ 12:10

Kɔ mɔ zɔ́, yolo do sɔɛ gɛ, nga fio zɔlɔ sɛ kɔ nu fɛlɛ mɔ gɔ, we duzu kɛ mɔ mɔmɔ mi, nɛ mɔ ba kɛnɛ Uri do wuke 'da mɔ.

Zumanɔ 106:15

Nɛ mɔ hã mulu sa'de wa gɔa ni hã wa, nɛ wa nyɔngɔ gbaa, nɛ ma nɛ ngɔ sila wa.

Kulu Tɔa 16:13

Do gɛ̃a wese ni, nɛ onɔɛ wa ɔ nɛ ogbanu ni wa hɔa, nɛ wa zĩ nù kpa do falanɔ vɛ̃ kɛ obe Israɛlɛ wa 'dafa, hã wa ɔ nɛ ni. Nɛ do titole, nɛ nde mbɔɛ ala do kɛ zã fala ɔi 'da wa dɛlɛ wena.

Kulu Tɔa 16:3

Wa na: “Ma wia sɔ na, NWA gbɛ lɛ dɛ ngɔ nù Ezipeto, we kɛ i mɔ, nyɔngɔmɔ wena. Lɛ mba zi li ngba lɛ, nɛ lɛ nyɔngɔ osa'de ɔ nɛ kɛ lɛ kɔ̃a ni. Kɔ gulu kɛ nɛ tɛa do lɛ li gba zɔ̃ɛ gɛ we ge nde? Nɛ kɔ̃a na, lɛ fe wɔ iko nde?”

GBA WENƆ 27:7

Wi kɛ zã a hɛ̃ wena ni, gɛnɛ kɔ a zɔ dia nyɔngɔmɔ, nɛ nde a 'bé sɛ tɛ nɛ gɔ. Nɛ wi kɛ a ala wɔ ni, gɛnɛ kɔ kpã nyɔngɔmɔ, nɛ ma ɛ̃lɛ̃ sɛ nu a iko.

MALAKI 1:6

NWA tɔ̃a na: “Mi NWA ngɔ mɔ nyanga nza vɛ̃, mi tɔ̃ hã nɛ onganganɔ na: Bulu be dɔnggɔ baa a dɔngga, nɛ wi dɛa to dɛ mbula nu nwa ngɔ a dɛa. Nɛ ĩ na, mi a baa nɛ, kɔ gulu kɛ nɛ dɔ́nggɔ́ mi gɔ we ge nde? Mi a nwa ngɔ nɛ, kɔ gulu kɛ nɛ dɛ́ mbula nu mi gɔ we ge nde? Nɛ zɔ mi li nɛ yala, nɛ nɛ aka na: ‘Lɛ zɔ mɔ li lɛ yala nɛ nde?’

Tɔlɔ Mɔ 11:13

Mi nɛ kpa mulu sa'de na, mi hã ma hã winɔ vɛ̃ kɛ wa bi tɛ wa gɛ do nde?

Tɔlɔ Mɔ 11:19

Nɛ kpá sɛ ma 'do tũ kpo tabi tũ bɔa iko gɔ. Tabi 'bɔ we tũ mɔlɔ, tũ 'bu tabi 'bu tũ bɔa gɔ.

Tɔlɔ Mɔ 11:21

Nɛ Mɔizɛ tɔ̃ hã nwa na: “Winɔ mi kã wa gɛ, wa nɛa ngɔ koto kama gazɛlɛ nɛa. Nɛ mɔ tɔ̃ tɛ mɛ na, ɛ nɛ hã mulu sa'de hã wa gbaa zɛkɛ kpo vɛ̃ nde!

Tɔlɔ Mɔ 14:3

Kɔ gulu kɛ NWA kã lɛ gbaa dɛ ngɔ nùi kɛ ɔ nɛ gɛ ni we ge nde? Lɛ fe sɛ li bolonɔ, nɛ owi sɛnɛ lɛ wa kala sɛ wukonɔ 'da lɛ do obenɔ 'da lɛ, nɛ wa si do wa. Ma dia sɔ fɛ̃ na, lɛ kpolo tɛ lɛ dɛ Ezipeto i.”

Tɔlɔ Mɔ 14:4

Nɛ wa ma ngɔ tɔ̃ dɛ sanga tɛ ngba wa na: “Lɛ sáká wi kpe dati lɛ, kɔ lɛ kpolo tɛ lɛ dɛ Ezipeto i.”

Tɔlɔ Mɔ 16:13

Mɔ fua zi lɛ dɛ nza ngɔ nù Ezipeto, nù kɛ ma do nyɔngɔmɔ la li ngele, nɛ mɔ tɛa do lɛ dɛ dɛ, takɔ lɛ fe dɛ li gba zɔ̃ɛ gɛ. Nɛ ki ni ma wè li mɔ gɔ, nɛ mɔ kɔa 'bɔ we be tɛ mɔ na, mɔ ngɔ lɛ nde?

Tɔlɔ Mɔ 20:4

Gulu kɛ nɛ tɛa do lɛ, owinɔ 'da NWA, dɛ li gba zɔ̃ɛ gɛ ni we ge nde? Nɛ tɛa do lɛ na, nɛ gbɛ lɛ do onadalamɛnɔ 'da lɛ dɛ li gba zɔ̃ɛ gɛ nde?

Tɔlɔ Mɔ 21:5

nɛ wa ma ngɔ tɔ̃ 'dã we hã Gale do Mɔizɛ na: “Gulu kɛ nɛ fua lɛ ngɔ nù Ezipeto, nɛ nɛ tɛ do lɛ dɛ li gba zɔ̃ɛ gɛ, kɛ ma do nyɔngɔmɔ, tabi lì nɔ nɔa bina ni we ge nde? Nyɔngɔmɔ 'bakoe, lɛ nyɔngɔ do mana gɛ, ma ngba lɛ do'do.”

Owi Nɛ Tonɔ 13:41

‘Nɛ, winɔ kɛ nɛ 'danga we nu Gale ni, nɛ zɔ́ mɛ na gɛ, nɛ nɛ ɔ́ngbɔ́, nɛ nɛ fó tɛ nɛ do'do! Mba gɔ, do ngba soe 'da nɛ, nɛ mi dɛ sɛ mɔ kpo. Wele tɔ̃́ sɔ lɛnggɛ mɛ ni hã nɛ, nɛ nde nɛ kɔ̃́ sɔ gɔ.’ ”

1 TƐSALONIKƐ 4:8

We duzu ma, wi kɛ a bɛ̃ gɛnɛ mbula gɛ, nɛ nde a bɛ̃̀ gɛnɛ wele gɔ, a bɛ̃a gɛnɛ Gale, kɛ a hã Hi Wi Santo 'da a hã nɛ ni.

Yozue 24:27

Nɛ a tɔ̃ hã obe Israɛlɛ na: “Nɛ zɔ ta gɛ, ma sɛ a temɔɛ 'da lɛ, we kɛ ma zila wenɔ vɛ̃ kɛ NWA Gale tɔ̃a hã lɛ ni. Ma gba sɛ ta zu lɛ na, da dɛ kɔ lɛ dɛ́ 'dã mɔ dɛ 'da Gale 'da lɛ gɔ.”

1 SAMUƐLƐ 10:19

Wi a mi, Gale 'da nɛ, kɛ mi fua zi ongamɛnɔ, do 'bakonɔ 'da nɛ vɛ. Nɛ nde sɔɛ gɛ, nɛ bɛ̃a gɛnɛ mi, nɛ nɛ aka mi na, mi hã nwa hã nɛ. Ma a dia, kɔ nɛ mbá ngba nɛ, nu kpala nɛ do nu fɛlɛ kpo do kpo, nɛ nɛ hɔ dati mi NWA Gale.’ ”

1 SAMUƐLƐ 2:30

Kɔ ɔ nɛ kɛ mɔ dɛa ni ni, mɔ zélé we mi NWA Gale 'da nɛ obe Israɛlɛ, mi tɔ̃ hã mɔ gɛ: Mi tɔ̃a zi hã nu fɛlɛ kula 'da mɔ na, wa sɛ fai a onganganɔ 'da mi. Kɔ da dɔ̃ ni, mi tɔ̃ na, ma sɛ 'bɔ ni gɔ. Tua kɛ mi dɔnggɔ owanɔ kɛ wa dɔnggɔ mi ni, nɛ owanɔ wa zɔ mi yala ni, mi zɔ tɛ mɛ 'bɔ wa yala.