Tɔlɔ Mɔ 11:2 - WE NU GALE 1995

² Obe Israɛlɛ wa nɛa we zɔ ni, nɛ wa he mɔ, nɛ wa sa mɔ hã Mɔizɛ na, a gala lo. Mɔizɛ ala nu a do zu li wa hã NWA, nɛ we bi.

Tɔlɔ Mɔ 11:2 Iomraidhean Croise

Zumanɔ 106:23

Nɛ 'da fala kɛ Gale kɔ̃a we mbiti owinɔ 'da a ni, nɛ Mɔizɛ, wi toe kɛ a saka a ni kulu ngɔ, nɛ a ala nu a hã a na, a tɛ dɛ nɔ̃lɔ̃ zã, hã a kumu wa vɛ̃ gɔ.

Kulu Tɔa 10:18

Nɛ Mɔizɛ ia nwa ngɔ nù Ezipeto, nɛ a la, nɛ a sambala NWA Gale.

Kulu Tɔa 34:9

nɛ a he mɔ na: “NWA, mi ala nu mi hã mɔ na, mɔ tɛ́ hã mɔ kã lɛ, tua kɛ mɔ bia dia zã 'da mɔ hã mi ia. Mi ĩ de wena na, obe Israɛlɛ wa a owi dɛ nga zu, nɛ nde mi aka mɔ na, mɔ fo 'dã mɛnɔ zu lɛ do'do, kɔ mɔ ba lɛ ɔ nɛ owinɔ 'da mɔ ni.”

Ezai 37:4

Nwa ngɔ nù Asiri tumba gã wi ngɔ sodanɔ 'da a na, a tɛ hã a dã Gale, wele kpasi. Mi ala nu mi na, e kɔ NWA Gale 'da mɔ zele dɛlanɔ ni, nɛ a hã etumbu hã wi dã a. Mi aka mɔ na, mɔ sambala nwa we duzu tala owinɔ 'da a kɛ wa 'bana gɛ.”

Yeremi 15:1

NWA tɔ́a hã mi na: “Gɛnɛ kɔ Mɔizɛ do Samuɛlɛ wa hɔ sɔ dɛ, hã wa ala nu wa hã mi we owinɔ gɛ, nɛ nde mi dɛ́ sɔ 'bako hã wa gɔ. Kɔ mɔ nɛ́, hã mɔ tɔ̃́ hã wa na, wa fó tɛ wa li mi do'do.

Yeremi 37:3

Gɛnɛ kɔ na mɛ ni, nɛ nde nwa Sedekiasi tumba Yukalɛ, be 'da Selemia, do nganga Sɛfania, be 'da Maseya we aka mi Yeremi na, mi sambala NWA Gale 'da lɛ we lo.

Yeremi 42:2

nɛ wa tɛ, nɛ wa tɔ̃ hã mi na: “Yeremi, mɔ kɔ̃, nɛ mɔ zele lɛ sɛ! Mɔ sámbálá NWA Gale 'da lɛ we duzu lɛ! Mɔ sámbálá we tala lɛ kɛ lɛ 'bana gɛ. Mɔ ĩ na, lɛ dɛlɛ zi wena, nɛ nde ngangga ni, tala lɛ 'bana be sĩ iko.

Tɔlɔ Mɔ 12:11

nɛ a tɔ̃ hã Mɔizɛ na: “Nwa, lɛ do ngbangga. Nɛ nde mi gɔ kɔ̃ mɔ na, mɔ tɛ hã̀ etumbu hã lɛ we dɛa mɔ yɔnda lɛ dɛa gɛ gɔ.

Tɔlɔ Mɔ 12:13

Ma kɛ Mɔizɛ ala nu a hã NWA na: “Aa Gale, mi gɔ kɔ mɔ na, mɔ kɔ, nɛ mɔ kpásá a.”

Tɔlɔ Mɔ 21:7

Nɛ tala owinɔ wa yu dɛ 'da Mɔizɛ i, nɛ wa tɔ̃ hã a na: “Lɛ tɔ̃a 'dã we hã mɔ do NWA, lɛ dɛa 'dã mɔ. Kɔ mɔ kɔ̃, nɛ mɔ ala nu mɔ hã NWA na, a ndaka odã gɔ̃nɔ gɛ do'do.” Ma kɛ Mɔizɛ sambala NWA we owinɔ,

Owi Nɛ Tonɔ 8:24

Nɛ Simɔ tɔ̃a hã Petro do Yoanɛ na: “Nɛ kɔ̃́, nɛ nɛ sámbálá Nwa Gale we mi na, dɔ mɛ nɛ tɔ̃a nɛ ni, ma dɛ́ mi gɔ.”

OHEBRE 7:26

Na mɛ ni, Yezu a gã nwa nganga kɛ a wia do lɛ ngboo ni. A a santo, a dè 'dã mɔ gɔ, nɛ fo 'dã mɔ kɔ a bina. Gale fua zi a sanga o'dã winɔ, nɛ a ba a dɛ li nza ngɔ i.

ZAKE 5:16

Kɔ we duzu ki ni, mi tɔ̃ hã nɛ na, nɛ gbálá 'dã mɛnɔ 'da nɛ hã ongba nɛ, nɛ nɛ sámbálá 'bɔ Gale we ongba nɛ, takɔ nɛ kpasa tɛ zɛlɛ 'da nɛ. Sambala kɛ wi bɔlɔ zu sambala do sila a vɛ̃ ni, ma do ngawi wena.

1 YOANƐ 5:16

Fala kɛ mbe wele zɔ ngba a tɛ dɛ 'dã mɔ, nɛ nde mɛ a 'dã mɔ kɛ ma tombo a dɛ li fio gɔ ni, nɛ ma wia na, a sambala Gale we duzu wi ni, nɛ Gale a kpasa sɛ a. Nɛ nde nɛ sambala Gale tati a we owinɔ kɛ wa dɛa 'dã mɔ kɛ ma tómbó wa dɛ li fio gɔ ni. Mba gɔ, 'dã mɔ kɛ ma tombo wele dɛ li fio ni, ma 'bɔ boe. Nɛ mi tɔ̃̀ na, nɛ sambala Gale we wi kɛ a dɛa tɛlɛ tɛ 'dã mɛ ni gɔ.