Tɔlɔ Mɔ 11:17 - WE NU GALE 1995

¹⁷ Mi zĩlĩ sɛ we wele we do mɔ dɛ di ni. Nɛ mi dɛ sɛ na, Hi Wi kɛ mi hã ma hã mɔ ni, zĩlĩ tɛ mɛ 'bɔ ngɔ wa. Na mɛ ni, nɛ wa gala sɛ mɔ, nɛ mɔ bá sɛ 'bɔ dĩ tole winɔ gɛ zu mɔ kpo gɔ.

Tɔlɔ Mɔ 11:17 Iomraidhean Croise

Ndo Nyanga Dɛ Mɔ 11:5

Nɛ NWA yula li nza i, nɛ a zĩlĩ nù nga we zɔ le do gba ngala tɔa kɛ winɔ wa tɛ dɛ ma ni.

Ndo Nyanga Dɛ Mɔ 17:22

'Do kɛ Gale wila we do Abrahama do'do, nɛ a la.

Ndo Nyanga Dɛ Mɔ 17:3

Abrama zila ní, nɛ a gu li a nù. Nɛ Gale tɔ̃ 'bɔ hã a na:

Ndo Nyanga Dɛ Mɔ 18:33

NWA wila we do Abrahama ni do'do, nɛ a la, nɛ Abrahama kpolo tɛ̃ a dɛ nu tɔa tande 'da a i.

2 Onwanɔ 2:15

Owi gba olo nu Gale kɛ wa yula tɛ Yeriko i ni, wa nɛa we zɔ ni, nɛ wa na: “Elize kpa ngawi gba olo nu Gale olo Elia!” Nɛ wa nɛ, nɛ wa kpa Elize, nɛ wa bili zu wa nù dati a,

2 Onwanɔ 2:9

Wa hɔa kulu lì i, nɛ Elia tɔ̃ hã Elize na: “Mɔ aka we mɛ zã mɔ kɔ̃a na, mi dɛ hã mɔ, dati kɛ na, nwa ba mi dɛ li nza i ni.” Nɛ Elize gese na: “Mi kɔ̃a sɔ we kpa ngawi gba olo nu Gale olo mɔ fala bɔa.”

NEHEMIE 9:20

We kɔ̃a zã 'da mɔ dɛ 'da wa, nɛ mɔ tumba Hi Wi 'da mɔ na, a hã hã zã hã wa. 'Da fala fai, mɔ tumba mana, na wa nyɔngɔ, do lì na wa nɔ, we wɔnɔ 'da wa.

Kulu Tɔa 18:18

Ma mbɔkɔ sɛ mɔ, do wi tɔ̃ ngbangganɔ vɛ̃. Toe gɛ, ma gã dɛ tɛ mɔ wena, mɔ wè tɛ dɛ ma zu mɔ kpo gɔ.

Kulu Tɔa 18:22

Nɛ tũ kpo kpo, wa gɔnɔ sɛ wenɔ ngbala owinɔ. Nɛ wa tɛ sɛ dati mɔ do ogã ngbangganɔ, nɛ nde obe kɛnɔ, wa zu wa kpo wa gɔnɔ sɛ ma. Mɔ dɛ na mɛ ni, nɛ dɛa toe 'da mɔ ma mbɔkɔ sɛ, we kɛ mɔ kɛ̃ sɛ sanga nɛ do wa.

Kulu Tɔa 19:11

Nɛ wa 'dáfá tɛ wa we mbasa, we kɛ ngba soe ni, winɔ vɛ̃ wa zɔ sɛ mi tɛ zĩlĩ dɛ ngɔ kala Sinai.

Kulu Tɔa 19:20

NWA zĩlĩ dɛ zu kala Sinai, nɛ a sa mɔ hã Mɔizɛ, nɛ Mɔizɛ kũ dɛ 'da a 'di.

Kulu Tɔa 34:5

Nɛ NWA zĩlĩ tɛ kɔ lɔnggɔ zɛ̃ we, nɛ a yolo nù dɛ kɛ zã Mɔizɛ ni. Nɛ a dɔnggɔ tɛ̃ a do li a wele nɛ na: “NWA.”

Ezai 44:3

“Mi dɛ sɛ na, kolo ma tɛ kɔ lenɔ, kɛ fo lì kɔ nɛ bina ni, nɛ ofua lì ma la do ngɔ nga kula nùnɔ. Mi tombo sɛ Hi Wi 'da mi dɛ ngɔ obe zã nɛ, nɛ mi wele sɛ nu mi tɛ nu fɛlɛ nɛ.

Ezai 63:11

Nɛ ta zu obe Israɛlɛ gba ngɔ mɛnɔ kɛ ma dɛa zi tɛ̃ ɛ, do 'da fala 'da Mɔizɛ, wi dɛa toe 'da nwa ni. Nɛ wa aka na: “NWA Gale kɛ a hã zi hi wi 'da a hã Mɔizɛ ni, a a do nde? NWA kɛ a dɛa zi na, owinɔ 'da a do wi zɔ mɔ tɛ wa, wa la do 'dɔ gba lì ni, a a do nde?

Tɔlɔ Mɔ 11:25

Nɛ NWA zĩlĩ dɛ kɔ lɔnggɔ zɛ̃ we, nɛ a wele we do Mɔizɛ. Nɛ a dɛ na, Hi Wi kɛ a hã ma hã Mɔizɛ ni zĩlĩ tɛ mɛ 'bɔ ngɔ okumunɔ, nɛ wa ma ngɔ gba olo nu a Gale. Nɛ nde wa gbà 'do nɛ nyɛlɛ gɔ.

Tɔlɔ Mɔ 12:5

nɛ nwa zĩlĩ dɛ kɔ lɔnggɔ zɛ̃ we, nɛ a yolo dɛ nu tɔa Tande ni. Nɛ a sa mɔ hã Aroni do Miriamɛ, nɛ wa do bɔa nɛ, wa tili dɛ dati.

Tɔlɔ Mɔ 12:8

Mi kɔ̃̀ we wele we hã a do gba we gɔ, mi fi li nɛ hã a dɛ nza ngboo. Mi be tɛlɛ tɛ mi hã a, nɛ a zɔ. Kɔ gulu kɛ nɛ dɛ́ kili tɔ̃ tɛ wi toe 'da mi Mɔizɛ gɔ we ge nde?”

Tɔlɔ Mɔ 27:18

Nɛ NWA gese hã Mɔizɛ na: “Yozue, be 'da Nunɛ, a a wi kɛ a do Hi Wi 'da mi kɔ a boe. Mɔ sá sɛ mɔ hã a, nɛ mɔ nɛ do a dati nganga Elazarɛ do obe Israɛlɛ vɛ̃. Nɛ mɔ e kɔ̃ mɔ zu a, nɛ mɔ tɔ̃ dɛ li winɔ vɛ̃ na, a dɛ sɛ toe olo mɔ.

Tɔlɔ Mɔ 7:89

'Da fala Mɔizɛ lia kɔ tɔa Tande we wele we do NWA ni, nɛ a zele gɛlɛ a, ma yula do si 'biti fala ohi mɛnɔ bɔa ngɔ mɔ nu Sanduku Gba Tɔkɛ wa do nɛ ni. Ohi mɛnɔ ni ma ɔ nɛ wele ni, nɛ sala 'baka ma boe. Nɛ NWA wila we do a.

YOANƐ 3:13

Gele wele kpo tɛ kũ̀li nza i gɔ, wi tati a mi Be 'da Wele, kɛ mi yula ngɔ i, nɛ mi zĩlĩ dɛ nù nga gɛ iko!

YOANƐ 7:39

(Yezu tɔ̃ zi ni a we ngɔ Hi Wi Santo na, winɔ wa kɔ̃ zu li ɛ ni, wa kpa sɛ a. Mba gɔ, do 'da fala ni, nɛ nde Gale tɛ tòmbò Hi Wi Santo gɔ, we kɛ Yezu tɛ kù zi dɛ li nza i gɔ.)

ROMA 8:9

Nɛ nde kɛ 'da nɛ, nɛ tɛ yɛ̀nggɛ̀ ɔ nɛ kɛ 'dã wɔ kɔ kifi tɛ nɛ tombo do nɛ ni gɔ. Nɛ nde nɛ yɛnggɛ ɔ nɛ kɛ zã Hi Wi kɔ̃a ni, we kɛ Hi Wi 'da Gale kɔ nɛ boe. Kɔ wi kɛ Hi Wi 'da Kristo kɔ a bina ni, nɛ nde wi ni a wi 'da Kristo gɔ.

1 KORINTƐ 2:12

Kɔ we lɛ, lɛ kpà hi wi kɛ a yula ngɔ nùi gɛ gɔ, lɛ kpa Hi Wi kɛ a yula 'da Gale, takɔ lɛ ĩ ti mɛnɔ vɛ kɛ Gale hã ma hã lɛ do dia zã 'da a ni.

1 TƐSALONIKƐ 4:8

We duzu ma, wi kɛ a bɛ̃ gɛnɛ mbula gɛ, nɛ nde a bɛ̃̀ gɛnɛ wele gɔ, a bɛ̃a gɛnɛ Gale, kɛ a hã Hi Wi Santo 'da a hã nɛ ni.

1 PETRO 1:22

Di ngangga gɛ, nɛ zila nu Gale, nɛ bɛ̃a gɛnɛ 'dã mɔ, nɛ sila nɛ sa, nɛ nɛ kɔ̃a gɛnɛ onya nɛ wi kɔ̃a wenɔ do ngbongbo nɛ. Kɔ ma wia na, nɛ kɔ̃ gɛnɛ ngba nɛ dɛ dati do sila nɛ vɛ.

YUDA 1:19

Winɔ ni wa fi sɛ sɛnɛmɔ sanga winɔ na, wa kɛ sanga tɛ ngba wa. Linggamɔ kɔ zã wa a kɛ 'da Owi nù iko, nɛ fo Hi Wi 'da Gale kɔ wa bina.

1 SAMUƐLƐ 10:6

Nɛ 'do nɛ, nɛ Hi Wi 'da NWA ma ba sɛ mɔ, nɛ mɔ mba sɛ do wa, tɛ yɔ yɔla do he mɔ, tɛ gba olo nu Gale. Nɛ linggamɔ zu mɔ ma kpolo sɛ do'do.