Tɔlɔ Mɔ 11:16 - WE NU GALE 1995

¹⁶ Nɛ NWA tɔ̃ hã Mɔizɛ na: “Mɔ ngɛ́mɛ́ li owi wili 'bu wa sambo, kɛ wa a okumu do okpasa wi ngɔ obe Israɛlɛ, nɛ wa a owi dĩ ni. Nɛ mɔ nɛ́ do wa dɛ nu tɔa Tande i, nɛ mɔ tɔ̃ hã wa na, wa yolo do mɔ dɛ dati mi ni.

Tɔlɔ Mɔ 11:16 Iomraidhean Croise

Ndo Nyanga Dɛ Mɔ 46:27

Mba wa do obenɔ 'da Yozɛfu kɛ a kua zi wa ngɔ nù Ezipeto i ni, nɛ nde wa vɛ̃ a Owele 'bu wa sambo.

Kulu Tɔa 18:25

A saka Owele kɔ obe Israɛlɛ, nɛ a a wa do owi zɔ mɔ tɛ ongba wa. A a wa ngɔ ogili wele koto kpo, kama kpo, 'bu nɛ mɔlɔ, tabi Owele 'bu.

Kulu Tɔa 24:1

NWA tɔ́a hã Mɔizɛ na: “Mɔ sá mɔ hã Aroni, do Nadabɛ, do Abihu, do okumu 'bu wa sambo kɔ nu fɛlɛ obe Israɛlɛ, kɔ nɛ kũ do wa ngɔ kala nga. Fala kɛ nɛ hɔ nga, nɛ nɛ 'bana sɛ nyɛlɛ do mi bi sĩ, nɛ nɛ bili zu nɛ gbaa nɛ ma to nù.

Kulu Tɔa 24:9

'Do nɛ, nɛ Mɔizɛ kũ dɛ ngɔ kala 'di fala nɛ kpo do Aroni, Nadabɛ, Abihu do okumunɔ 'bu wa sambo kɔ nu fɛlɛ obe Israɛlɛ ni.

Kulu Tɔa 4:29

'Do nɛ, nɛ wa kulu ngɔ, nɛ wa nɛ tɛ Ezipeto i, nɛ wa mba li okumu Israɛlɛ vɛ̃.

Yeremi 19:1

NWA tɔ̃a hã mi na, mi nɛ́ hã mi oso kpana. Nɛ a tɔ̃ 'bɔ hã mi na, lɛ kulu ngɔ do ombe kpasa wi ngɔ nu fɛlɛ kulanɔ, do mbe kɔ onganganɔ,

EZEKIƐLƐ 8:11

Nɛ mi zɔ okumu Israɛlɛ 'bu wa sambo, nɛ nde wa yula dɛ dati ohi mɛnɔ ni. Nɛ Yazania, be 'da Safanɛ zi sanga wa. Nɛ wele kpo kpo sanga wa 'bia kpana fũ yɔmbɔ dɛ kɔ̃ ɛ, nɛ zɛ̃ we fũ yɔmbɛ tɛ kutu dɛ ngɔ.

Tɔlɔ Mɔ 11:24

Nɛ Mɔizɛ hɔa nza, nɛ a tɔ̃ wenɔ NWA tɔ̃a hã a ni hã owinɔ. 'Do nɛ, nɛ a mba li okumunɔ 'da obe Israɛlɛ 'bu wa sambo, nɛ a a wa zĩ do tɔa Tande takpa.

Tɔlɔ Mɔ 16:25

Nɛ Mɔizɛ kulu ngɔ fala nɛ kpo do okumunɔ, nɛ wa nɛ we kpa Datanɛ do Abiramɛ.

LUKA 10:1

'Do nɛ, nɛ Nwa Yezu saka ombé gele wele 'bu wa sambo ngɔ wa bɔa, nɛ a tombo wa bɔa bɔa na, wa nɛ kɔ lenɔ, do falanɔ vɛ̃ kɛ ɛ nɛ yɛnggɛ sɛ do ma ni.

LUKA 10:17

Owinɔ 'bu wa sambo ngɔ wa bɔa kɛ Yezu tumba wa ni, wa nɛa, nɛ wa kpula tɛ wa, nɛ nde wa do yangga wena. Nɛ wa tɔ̃ hã Yezu na: “Nwa, mɔ zɔ́, lɛ hɔa i mɔ, nɛ lɛ ba nu lɛ do zu li mɔ, nɛ gɛnɛ kɔ o'dã hi winɔ, nɛ wa zila nu lɛ!”

Mbulanɔ 1:15

Ma kɛ mi ngɛmɛ owi hã zã kɛ wa wia do dɛa toe ni na, wa zɔ mɔ tɛ nɛ. Owinɔ ni, wa dɛ zi 'bɔ to dati belee kɔ nu kpala nɛ. Mi ia ombe do wi ngɔ ogili wele koto kpo, nɛ ombe ngɔ Owele kama kpo, nɛ ombe ngɔ Owele 'bu wa mɔlɔ, nɛ ombe ngɔ Owele 'bu. Nɛ mi hã to zɔ mɔ tɛ nu kpala kpo kpo hã ombe nɛ.

Mbulanɔ 16:18

“Nɛ saka sɛ owi 'bili we tɛ̃ ɛ do tɛ̃ ɛ kɔ lenɔ kpo kpo, kɛ NWA Gale 'da nɛ, a hã sɛ ma hã nɛ ni. Owinɔ ni wa 'bili sɛ wenɔ 'da owinɔ do bɔlɔ nɛ ngboo.

Mbulanɔ 31:28

Ngangga ni, nɛ ngɛ́mɛ́ li okumunɔ do okpasa wi ngɔ nu kpala nɛ dɛ kɛ zã mi gɛ. Mi tɔlɔ sɛ lɛnggɛ kɔ zuma kɛ Gale bia hã mi ni hã wa dɛ ngɔ. Nɛ li nza do nùi sɛ a Otemɔɛnɔ 'da mi.