Tɔlɔ Mɔ 11:10 - WE NU GALE 1995

¹⁰ Mɔizɛ zila kɛ obe Israɛlɛ wa bi tɛ wa nu tɔa tandenɔ 'da wa ni, nɛ ma yɛkɛ sila a, we kɛ zã NWA nɔ̃lɔ̃ dɛ tɛ wa.

Tɔlɔ Mɔ 11:10 Iomraidhean Croise

Zumanɔ 106:25

Wa si ti tandenɔ 'da wa, nɛ wa lungu we, nɛ wa zélé zi 'bɔ wenɔ kɛ NWA tɔ̃ ni gɔ.

Zumanɔ 139:21

Aa NWA, mi sɛnɛ owi sɛnɛ mɔ wena. Fala kɛ mi zɔ winɔ wa bɛ̃ we nu mɔ ni, nɛ sila mi nɛ nɛa.

Zumanɔ 78:21

Nɛ nwa zila lɛnggɛnɔ ni, nɛ zã a nɔ̃lɔ̃ dɛ tɛ owinɔ 'da a, obe Israɛlɛ, nɛ nɔ̃lɔ̃ zã 'da a bɛlɛ wa ɔ nɛ we ni.

Zumanɔ 78:59

Gale zɔa na mɛ ni, nɛ dã ba a, nɛ a bɛ̃a gɛnɛ obe Israɛlɛ.

Ezai 5:25

Ma kɛ zã NWA nɔ̃lã dɛ tɛ owinɔ 'da a, nɛ a bia kɔ̃ a li wa, nɛ a zɛ wa. Okalanɔ ma tana dati a, nɛ wɔlɔ owinɔ wa fia ni, ma 'bana dɛ li walanɔ, nɛ ma mbulu ɔ nɛ wɔkɔsɔ ngɔ zubu ni. Nɛ nde mɛnɔ kɛ NWA dɛa vɛ̃ ni, ma tɛ gɛ sila a gɔ, a 'bana tɛ be kɔ̃ a li wa.

Yeremi 17:4

Nɛ gese sɛ nùi mi 'dɔlɔ zi hã nɛ ni hã Owele nɛ. Nɛ mi dɛ sɛ na, nɛ hɔ ongbá ti Owi sɛnɛ nɛ, tɛ ngɔ nù kɛ nɛ zɔ̃ kuti nɛ gɔ. We duzu kɛ nɛ nɔ̃lɔ̃ zã mi la li ngele, nɛ sila mi gɛ̃ sɛ fala kpo gɔ.”

Tɔlɔ Mɔ 11:1

Ngba soe kpo, nɛ obe Israɛlɛ wa bi tɛ wa hã NWA wena. Kɔ NWA nɛa we zele bi tɛ wi 'da wa, nɛ zã a nɔ̃lã, nɛ a tombo we, nɛ ma bɛlɛ mɛnɔ tɛ mbe nu fala ɔi 'da wa.

Tɔlɔ Mɔ 11:11

Nɛ Mɔizɛ aka NWA na: “Aa NWA, gulu kɛ mɔ dɛ mi 'danga ní ni we ge nde? Gulu kɛ mi dè 'bɔ li mɔ gɔ, nɛ mɔ hã to fɔmɔ gili winɔ gɛ hã mi ni, we ge nde?

Tɔlɔ Mɔ 12:3

Nɛ nde Mɔizɛ wèlè we kpo gɔ. Mba gɔ, a zi a wi kɛ a ba tɛ̃ a dɛ nù nɛa ngɔ winɔ ngɔ nù gɛ vɛ̃.

Tɔlɔ Mɔ 12:9

Na mɛ ni, zã nwa nɔ̃lã dɛ tɛ wa, nɛ a la.

Tɔlɔ Mɔ 16:27

Owinɔ wa zila ni, nɛ wa la nyɛlɛ do tandenɔ 'da Kore, Datanɛ do Abiramɛ. Datanɛ do Abiramɛ wa hɔa nza ɔ tandenɔ 'da wa, nɛ wa yolo dɛ nu ɛ ni, fala nɛ kpo do owukonɔ, obenɔ o ogele nu fɛlɛ kulanɔ 'da wa.

Tɔlɔ Mɔ 21:5

nɛ wa ma ngɔ tɔ̃ 'dã we hã Gale do Mɔizɛ na: “Gulu kɛ nɛ fua lɛ ngɔ nù Ezipeto, nɛ nɛ tɛ do lɛ dɛ li gba zɔ̃ɛ gɛ, kɛ ma do nyɔngɔmɔ, tabi lì nɔ nɔa bina ni we ge nde? Nyɔngɔmɔ 'bakoe, lɛ nyɔngɔ do mana gɛ, ma ngba lɛ do'do.”

MARKO 10:14

Kɔ Yezu nɛa we zɔ ní, nɛ zã a nɔ̃lɔ̃, nɛ a dãlã do Owi yambala mɛnɔ na: “Nɛ tɛ gà benɔ we tɛ 'da mi nga gɔ. Nɛ lá wa kɔ wa tɛ, we duzu kɛ le nwa 'da Gale ma we winɔ kɛ sila wa ɔ nɛ sila benɔ gɛ ni.

MARKO 3:5

Nɛ Yezu ka mɔ tɛ wa do nɔ̃lɔ̃ zã, nɛ a zi 'bɔ do 'bako wena, we duzu kɛ wa do 'dã sila. Nɛ a tɔ̃ hã wi zɛlɛ ni na: “Mɔ bɔ́lɔ́ kɔ̃ mɔ!” Nɛ a bɔlɔ kɔ̃ a, nɛ ma de.

Mbulanɔ 32:22

Nɔ̃lɔ̃ zã 'da mi ma nyɛ sɛ ɔ nɛ we ni, nɛ ma bɛlɛ sɛ mɛnɔ ngɔ nù gɛ vɛ̃, nɛ ma hɔ sɛ gbaa kɔ le 'da ofionɔ i, nɛ nyanga kalanɔ ti nù i ma ngutu sɛ vɛ̃.