Tɔlɔ Mɔ 11:1 - WE NU GALE 1995

¹ Ngba soe kpo, nɛ obe Israɛlɛ wa bi tɛ wa hã NWA wena. Kɔ NWA nɛa we zele bi tɛ wi 'da wa, nɛ zã a nɔ̃lã, nɛ a tombo we, nɛ ma bɛlɛ mɛnɔ tɛ mbe nu fala ɔi 'da wa.

Tɔlɔ Mɔ 11:1 Iomraidhean Croise

Ndo Nyanga Dɛ Mɔ 38:10

Nɛ mɛ a dɛa ni dè zi tɛ NWA gɔ, nɛ a gbɛa 'bɔ a.

2 SAMUƐLƐ 11:27

Kɔ tũ gɛla nɛa we la do'do ni, nɛ Davidi ba a dɛ 'dɛ ɛ nga. A ba Baseba do kɛnɛ a, nɛ wa kua bulu be do a. Nɛ mɛ Davidi dɛa ni, ma dè zi tɛ NWA gɔ.

2 Onwanɔ 1:12

Nɛ Elia gese na: “Nɛ́ kɛ mi a wi gba olo nu Gale ni, ma wia na, nyɛa we yolo li nza i, hã ma zĩlĩ, hã ma bɛlɛ mɔ do osodanɔ 'da mɔ 'bu wa mɔlɔ gɛ, hã nɛ kumu!” Nɛ yolo tɛ li nza i, nɛ Gale tumba nyɛa we do ti, nɛ ma zĩlĩ, nɛ ma bɛlɛ wi ngɔ sodanɔ, do sodanɔ 'da a 'bu wa mɔlɛ ni.

YƆBƆ 1:16

Kɔ wi toe ni 'bana tɔ̃ tɔ̃a iko, nɛ mbé nɛ le 'bɔ, nɛ a na: “Kolo ua dã li nza i, nɛ ma kala obatanɔ 'da mɔ, do Owi zɔ mɔ tɛ wa, nɛ ma ngutu wa vɛ̃. Nɛ mi zu mi kpo a mi kpasa, hã mi tɛa we tɔ̃ 'da nɛ hã mɔ.”

Zumanɔ 106:18

Nɛ mɔ tumba gba nyɛa we dɛ ngɔ Owi bɛ̃ wenɔ ni, nɛ ma bɛlɛ wa vɛ̃.

Zumanɔ 78:21

Nɛ nwa zila lɛnggɛnɔ ni, nɛ zã a nɔ̃lɔ̃ dɛ tɛ owinɔ 'da a, obe Israɛlɛ, nɛ nɔ̃lɔ̃ zã 'da a bɛlɛ wa ɔ nɛ we ni.

Zumanɔ 78:63

Nɛ obe zagbãlãnɔ wa fia li bolo, nɛ obe zɔnganɔ wa zɔlɔ wi wili we ba wa.

Kulu Tɔa 16:9

'Do nɛ, nɛ Mɔizɛ ba nu a hã Aroni na: “Mɔ tɔ̃ hã obe Israɛlɛ na, wa tɛ́ dɛ dati NWA, we kɛ a zila 'dã we kɛ wa lungu do a ni ia.”

Ezai 10:17

'Do tũ kpo, nɛ dɔ̃lɔ̃ li 'da NWA, kɛ ma ɔ nɛ yele ngbala we duzu obe Israɛlɛ ni, ma kifi sɛ we, nɛ ma bɛlɛ sɛ tala Oasiri, ɔ nɛ kɛ we bɛlɛ do te tɛ̃ tabi hɛlɛ ni.

Ezai 30:33

Wa 'dafa zi fala we dɔ do nwa ngɔ nù Asiri belee ia. Fala ni, wa zã ma korr gã wena, nɛ ma 'du wena. Wa a ogua kɔ nɛ dɛlɛ wena, nɛ wa fi sɛ we tɛ nɛ we dɔ do a. NWA a fi sɛ gba bũ, nɛ ma ufu we ni, nɛ ma nyɛ vɛ vɛ vɛ.

Ezai 33:14

Owi 'dã gulu wenɔ kɔ le Sioni wa dɛa kili, nɛ owanɔ kɛ wa bɛ̃a we nu Gale ni, wa tana. Nɛ wa na: “Gale 'bili we 'da ɛ, nɛ ma bele wele ɔ nɛ we ni. Kɔ sanga lɛ gɛ, wi kɛ a wia sɛ we dungu kɛ zã kalĩ we, kɛ ma bɛlɛ mɛnɔ fai ni a wio nde?”

ALA NU 3:39

Gɛnɛ kɔ lɛ dɛa 'dã mɔ, nɛ nde lɛ 'bana nza. Kɔ gulu kɛ lɛ he tɛ lɛ we ge nde?

EZEKIƐLƐ 20:36

Mi hã sɛ etumbu hã nɛ, ɔ nɛ kɛ mi hã zi hã oyaa nɛ tɛ li gba zɔ̃ Ezipeto i ni. Mi NWA Gale, mi tɔ̃a ni.

Levitɛnɔ 10:2

Nɛ we ma yolo kɔ tɔa Tande 'da NWA i, nɛ ma hɔ, nɛ ma bɛlɛ wa bɔa nɛ, nɛ wa fe dɛ dati NWA ni.

NAHUMƐ 1:5

A hɔ ia, nɛ gã kalanɔ gbɛsɛ dati a, nɛ be kalanɔ yeke. A be tɛ̃ a ia, nɛ nùi tana, nɛ owinɔ do mɛnɔ ngɔ nyanga nza gɛ vɛ̃, wa kumu.

HABAKUKƐ 3:5

A tombo 'dã zɛlɛ dati, tɛ falanɔ vɛ̃ kɛ a la do nɛ ni, nɛ winɔ di ni, wa te do nga zɛlɛ.

Tɔlɔ Mɔ 10:33

Obe Israɛlɛ wa kulu ngɔ tɛ kala 'da NWA, nɛ wa la gbaa 'do tũ talɛ. Nɛ Sanduku Gba Tɔkɛ 'da NWA zi do dati wa, takɔ ma fa fala kɛ wa wia we 'dafa do fala ɔi 'da wa ni.

Tɔlɔ Mɔ 11:18

Nɛ mɔ tɔ̃́ hã obe Israɛlɛ na: ‘Bindɛ, nɛ nɛ fɔlɔ tɛ nɛ we hɔ sa wi li NWA. Nɛ kpa sɛ mulu sa'de we nyɔngɔ nɛ. NWA zila bi tɛ wi 'da nɛ kɛ nɛ tɔ̃ na, lo do gã wɔ nyɔngɔ mulu sa'de, do kɛ nɛ tɔ̃ 'bɔ na, lo zi Ezipeto i do dia nɛ ni. Ma kɛ a hã sɛ mulu sa'de hã nɛ na, nɛ nyɔngɔ.

Tɔlɔ Mɔ 12:2

na: “NWA wele tɛ mɛ we do wala 'da Mɔizɛ iko nde? A wele tɛ mɛ 'bɔ we do wala 'da lɛ wila.” Wa tɔ̃a ni, nɛ NWA zele.

Tɔlɔ Mɔ 14:2

Nɛ wa tɔ̃a 'dã we hã Mɔizɛ do Aroni na: “Ma dia sɔ fɛ̃ na, le fe dɛ Ezipeto i, tabi na lɛ fe dɛ li gba zɔ̃ gɛ.

Tɔlɔ Mɔ 14:22

wele kpo kɔ owinɔ gɛ lé sɛ ngɔ nùi ni gɔ. Wa zɔa dɔ̃lɔ̃ li 'da mi, do ogba sɔ̃ mɛnɔ vɛ̃ mi dɛa zi ngɔ nù Ezipeto i, do kɛnɔ mi dɛa 'bɔ li gba zɔ̃ɛ gɛ ni zɔa. Gɛnɛ kɔ na mɛ ni, nɛ nde wa yamba mi fai, nɛ wa là fala bɛ̃ we nu mi gɔ. Ma hã wele kpo kɔ wa lé sɛ ngɔ nùi mi kpua zi mbulu nɛ hã oyaa wa ni gɔ, we kɛ wa bɛ̃a gɛnɛ mi ni.

Tɔlɔ Mɔ 14:27

“O'dã winɔ gɛ wa nɛ la fala bi tɛ wa hã mi soe ki nge nde? Mi zila bi tɛ wi 'da wa, nɛ ma ngba mi do'do.

Tɔlɔ Mɔ 14:28

Kɔ nɛ nɛ́, nɛ nɛ to hã wa na: Mi NWA, mi kana tɛ mi na, mi nɛ dɛ do nɛ, ɔ nɛ kɛ nɛ tɔ̃a kɔ lɛnggɛnɔ 'da nɛ ni.

Tɔlɔ Mɔ 16:11

Mɔ do owinɔ 'da mɔ, nɛ bɛ̃a we nu Aroni. Nɛ nde ĩ na, wi kɛ nɛ bɛ̃a nu a ni, wi a NWA, nɛ nɛ dɛa nga zu dɛ tɛ̃ a.”

Tɔlɔ Mɔ 16:35

'Do nɛ, nɛ NWA tumba nyɛa we, nɛ ma bɛlɛ owinɔ 250 kɛ wa dɔa zi fũ yɔmbɛ ni.

Tɔlɔ Mɔ 17:5

Wa gu ma ngɔ nɛ, takɔ obe Israɛlɛ wa zɔ, nɛ ma gba ta zu wa na, tati a obe zã Aroni hã wa wia we dɔ fũ yɔmbɛ dati NWA. Gele wele iko dɔ ma, nɛ kpo mɛ ma dɛa Kore do owinɔ 'da a ni, ma dɛ sɛ 'bɔ a, ɔ nɛ kɛ nwa tɔ̃a hã Aroni do wala 'da Mɔizɛ ni.

Tɔlɔ Mɔ 21:5

nɛ wa ma ngɔ tɔ̃ 'dã we hã Gale do Mɔizɛ na: “Gulu kɛ nɛ fua lɛ ngɔ nù Ezipeto, nɛ nɛ tɛ do lɛ dɛ li gba zɔ̃ɛ gɛ, kɛ ma do nyɔngɔmɔ, tabi lì nɔ nɔa bina ni we ge nde? Nyɔngɔmɔ 'bakoe, lɛ nyɔngɔ do mana gɛ, ma ngba lɛ do'do.”

1 KORINTƐ 10:10

Nɛ lɛ tɛ lùngù we, ɔ nɛ kɛ ombe sanga wa wa lungu zi, nɛ anzɛ gbɛ wi gbɛa wa ni gɔ.

Mbulanɔ 25:18

Wa dɛ̀ zi kili Gale gɔ. Nɛ do 'da fala nɛ mbɔkɔ zi wena, kɔ ombe wa zi tɛ zĩ tɛ wa do 'do i ni, nɛ Oamalɛkɛ wa 'bɔa 'da nɛ, nɛ wa gbɛa wanɔ 'do mɔ ni.

Mbulanɔ 32:22

Nɔ̃lɔ̃ zã 'da mi ma nyɛ sɛ ɔ nɛ we ni, nɛ ma bɛlɛ sɛ mɛnɔ ngɔ nù gɛ vɛ̃, nɛ ma hɔ sɛ gbaa kɔ le 'da ofionɔ i, nɛ nyanga kalanɔ ti nù i ma ngutu sɛ vɛ̃.

Mbulanɔ 9:22

“'Do ki ni, nɛ mbe tũ kpo, nɛ nɛ nɔ̃lɔ̃ zi 'bɔ zã NWA, 'da fala nɛ zi a tɛ Tabera do Masa do Kibrɔtɛ-Tava ni.

OHEBRE 12:29

Mba gɔ, Gale 'da lɛ a ɔ nɛ nyɛa we kɛ ma bɛlɛ mɔ, nɛ ma ngutu vɛ̃ ni.

ZAKE 5:4

Nɛ zélé! Winɔ kɛ wa wa fɔnɔ 'da nɛ, nɛ nɛ bɛa we futa wa olo toe 'da wa ni, wa tɛ he mɔ do zu li nɛ. Winɔ kɛ wa 'bɛ̃lã kpalɛnɔ kɔ fɔnɔ 'da nɛ hã nɛ ni, wa zɛa nu wa, nɛ zɛa nui 'da wa hɔa zala Gale, Nwa ngɔ mɔ nyanga nza vɛ̃.

YUDA 1:16

Winɔ ni wa lungu we, nɛ wa he tɛ wa fai, nɛ wa dɛ tati a 'dã mɛnɔ kɛ zã wa kɔ̃a ni. Wa wele we do wali, nɛ wa tɛmbɛlɛ owinɔ we kpa mɔ kɔ̃ wa.