Tɔlɔ Mɔ 10:9 - WE NU GALE 1995

⁹ 'Da fala nɛ sɛ a ngɔ nùi 'da nɛ, kɔ nɛ nɛ we bi do owi sɛnɛ nɛ, nɛ nɛ dama sɛ mɔtũlũnɔ, nɛ nɛ he hiamɔ bolo, sɛ a tɛ mi gba ngɔ nɛ de. Na mɛ ni, nɛ mi, NWA Gale 'da nɛ, mi kpasa sɛ nɛ ti kɔ owi sɛnɛ nɛ.

Tɔlɔ Mɔ 10:9 Iomraidhean Croise

Ndo Nyanga Dɛ Mɔ 8:1

Nɛ ta zu Gale gba ngɔ Nowe, do osa'denɔ do onɔɛnɔ vɛ kɛ wa zi kɔ masua fala nɛ kpo do a ni. Nɛ a dɛa na bũ ma fi, nɛ bũ fi ngɔ nù gɛ, nɛ hɛ̃a lì ma ngɔ ɔ̃sɔ̃ nɛ.

2 Sakonɔ 13:12

Kɔ ngangga ni, NWA ngboo a a kpia dati lɛ, nɛ onganganɔ 'da a wa kɔ lɛ gɛ boe. Wa 'bɔ we dama mɔtũlũ, takɔ winɔ wa ga zuma sɔ̃ bolo hã nɛ. Aa nɛ, Oisraɛlɛ, nɛ tɛ bì bolo do NWA Gale 'da oyaa nɛ gɔ. We kɛ nɛ nɛ́ sɛ ngɔ a gɔ.”

2 Sakonɔ 13:14

Osoda Yuda wa siki li wa, nɛ wa zɔ na osodanɔ 'da Yeroboamɛ wa 'do wa gɛ boe, nɛ wa ala nu wa hã nwa na a gbaka wa, nɛ onganganɔ wa dama mɔtũlũ.

Zumanɔ 106:4

Aa NWA, kpadɛ nɛ mɔ lengge do mi, do fala kɛ mɔ be sɛ dia zã hã owinɔ 'da mɔ ni. Mɔ kpásá sɛ mi fala nɛ kpo do wa,

Zumanɔ 106:42

Na mɛ ni, wa kpa zɛlɛ tɛ ti kɔ̃ owi sɛnɛ wa, nɛ wa bili zu wa ti mbulanɔ 'da wa.

Zumanɔ 136:23

A lengge zi do lɛ 'da fala ngamɔ, kɔ̃a zã 'da a do ndɔti nɛ bina.

Ezai 18:3

Nɛ, owinɔ ngɔ nù gɛ vɛ̃, nɛ ká mɔ we fa bɛndɛlɛ kɛ wa zĩ sɛ ma ngɔ kalanɔ 'di ni, nɛ nɛ gɛ́ zala nɛ we 'bɔ do 'da giti mɔtũlĩ kɛ ma wele sɛ ni.

Ezai 58:1

NWA Gale tɔ́a hã wi gba olo nu a na: “Mɔ hé mɔ do nga gɛlɛ ɔ nɛ kɛ ma wia do mɔ ni. Mɔ zɛ́ nu mɔ ɔ nɛ mɔtũlũ ni, nɛ mɔ bé 'dã mɛ 'da owinɔ 'da mi, obe Israɛlɛ dɛ nza.

Yeremi 4:19

Ee, kɔ zã mi zɛ zɛla! Mi tɛ bi do ngamɔ, nɛ sila mi to ɔ nɛ ma nɛ gɔ gɔna ni. Mi wè we dungu fio gɔ. Mi wè we kpe nu mi gɔ. We kɛ mi zila giti mɔtũlũ, do hiamɔ bolo.

Yeremi 4:21

Mi nɛ zɔ bɛndɛlɛ bolonɔ gɛ, nɛ mi zele giti mɔtũlũnɔ fai nde?

Yeremi 4:5

Nɛ dámá mbala, nɛ ma wele kpa ngɔ nùi vɛ̃! Nɛ hé mɔ do nga gɛlɛ, nɛ nɛ mbese na, bolo boe! Nɛ tɔ̃́ hã Owi ngɔ nù Yuda, do owi kɔ le Yeruzalɛmɛ na, wa yú, hã wa usu tɛ wa kɔ lenɔ kɛ gba ngbo zĩ ma takpa ni.

Yeremi 49:2

Nɛ nde mbe ngba soe kpo, nɛ mi nwa, mi dɛ sɛ na, owinɔ kɔ le Raba, kɛ mɛ a gã le 'da Oamoni ni, wa zele giti hiamɔ bolo kɔ le 'da wa. Nɛ gã le ni ma kifi sɛ bili tɔa, nɛ olenɔ kɛ zã nɛ ni, ma bɛlɛ sɛ vɛ̃. Nɛ obe Israɛlɛ wa kala sɛ 'bɔ lenɔ 'da wa dɛ olo nɛ.

Yeremi 6:1

Aa nɛ, owi nu kpala Bɛnzamɛ, nɛ hɔ́ nza kɔ le Yeruzalɛmɛ, nɛ nɛ yú, hã nɛ usu tɛ nɛ! Nɛ zɛ kɛ'dɛnggu kɔ le Tekoa, nɛ nɛ dã gba nyɛa we tɛ Bɛtɛ-Kerɛmɛ we mbese winɔ na, bolo boe. We kɛ Owele wa yula tɛ si gbãlã ngɔ, kɔ wa tɛ tɛ nɛ we hã tala ngamɔ hã nɛ.

Yeremi 6:17

Ma kɛ NWA a Owi gba olo nu a, takɔ wa mbese obe Israɛlɛ na, li wa sɔ̃, we kɛ kɛ'dɛnggu bolo tɛ dɔ̃lɔ̃ nɛ! Nɛ wa gisa na, ma dɛ́ mɔ tɛ lo gɔ.

EZEKIƐLƐ 7:14

Nɛ gɛnɛ kɔ wa zɛ mɔtũlũ, we sa mɔ hã winɔ na, wa nɛ bolo, nɛ nde wele kpo kúlú sɛ ngɔ we nɛ bole ni gɔ. We kɛ nɔ̃lɔ̃ zã 'da mi we winɔ vɛ̃.

OZE 5:8

NWA tɔ̃a na: “Nɛ dámá mɔtũlũ bolo tɛ Gibea do Rama. Nɛ nɛ hé hiamɔ bolo tɛ Betɛlɛ. Nɛ nɛ, onu kpala Bɛnzamɛ, nɛ hámá do owi sɛnɛ nɛ, wa tɛ ndi 'do nɛ.

Levitɛnɔ 23:24

a e mbula gɛ hã obe Israɛlɛ na: “Do zɛkɛ 'da sambo, kɔ nɛ kpo, mɛ sɛ a kɔ tũ ɔmɔ tɛ wi we duzu nɛ. Nɛ do ngba soe ni, nɛ nɛ mba sɛ ngba nɛ do zu li mi, nɛ nɛ zɛ nu nɛ hã mi do yangga, takɔ tɛ zu mi gba ngɔ nɛ fai.

AMƆSI 3:6

Hiamɔ mbisa bolo wele kɔ le, hã winɔ wa zele, nɛ nde wa dɛ́ sɛ kili gɔ nde? Ngamɔ hɔa mbe kɔ le iko, nɛ nde NWA Gale a dɛ ma gɔ nde?

SOFONI 1:16

Do kɔ tũi ni, osodanɔ wa he sɛ hiamɔ bolo, nɛ wa dama mɔtũlũ, nɛ wa bi lenɔ kɛ gba ngbo do ongala tɔa zĩ ma takpa ni.

Tɔlɔ Mɔ 31:6

Nɛ Mɔizɛ tumba wa vɛ̃ we bi bole. Nɛ nganga Pinasi, be 'da Elazarɛ kã wa. A nɛa do ombe mɛnɔ kɛ ma santo ni li bole, nɛ a nɛ 'bɔ do omɔtũlũ na, a dama ma we he hiamɔ bolo.

1 KORINTƐ 14:8

Tabi fala kɛ wa dàmà mɔtũlũ do li zuma nɛ gɔ, nɛ osodanɔ wa 'dafa sɛ tɛ wa we nɛ bolo nde?

Mbulanɔ 20:1

“'Da fala kɛ nɛ nɛ we bi bolo do wi sɛnɛ nɛ, kɔ nɛ zɔ ngɔ gili owi kũ mbalatanɔ, do ongilingilinɔ, do osodanɔ 'da wa na, wa dɔa nɛa ngɔ wanɔ 'da nɛ, nɛ nɛ tɛ dɛ̀ kili wa gɔ. We kɛ NWA Gale 'da nɛ, kɛ a fua zi nɛ kɔ ngbá tɛ Ezipeto i ni, a sɛ do nɛ boe.

Yozue 6:5

'Da fala kɛ onganganɔ wa dámá mɔtũlĩ, kɔ wa kpè hi wa gɔ, kɔ nɛ zele ma, nɛ nɛ hé gã hiamɔ bolo. Nɛ ngbo nu le ma gbini sɛ, nɛ nɛ vɛ̃ nɛ lé. Wele do wele a le sɛ do fala a yula nɛ ni.”

Owi kpe dati 10:12

Osidoni, Oamalɛkɛ, do Omaoni vɛ̃, wa zɛlɛ zi tɛ nɛ, nɛ nɛ ala nu nɛ hã mi na, mi gala nɛ, nɛ mi fò zi nɛ ti kɔ̃ wa gɔ nde?

Owi kpe dati 10:8

Nɛ yolo dɛ di ni, nɛ owinɔ ni wa ma ngɔ bi obe Israɛlɛ kɛ wa ɔ tɛ Galadɛ, kɛ ma ngɔ nùi 'da Oamori tɛ kulu lì Yɔrdanɛ do si 'biti gba wese ni. Nɛ wa zɛlɛ tɛ wa gbaa 'do sabɛlɛ 'bu ngɔ nɛ ngbɛ'dɛ'dɛ.

Owi kpe dati 2:18

'Da fala kɛ NWA tombo wi kpe dati owinɔ 'da a ia, nɛ a yolo 'do a kɔ dungu nza 'da a vɛ̃, nɛ a kpasa Oisraɛlɛ tambala kɔ owi sɛnɛ wa. NWA kpasa obe Israɛlɛ, we duzu kɛ a zɔa ngamɛ kɛ owi sɛnɛ wa wa hã hã wa ni, nɛ a zila hia kɔ̃a 'da wa, nɛ a ĩ 'bako hã wa.

Owi kpe dati 3:27

A hɔa ngɔ kalanɔ tɛ Efraimɛ i, nɛ a dama mɔtũlũ we mba li obe Israɛlɛ. Wa zila mɔtũlĩ, nɛ wa hɔ, nɛ a kpe dati wa, nɛ wa zĩlĩ kalanɔ.

Owi kpe dati 6:34

'Da fala ni, nɛ Hi Wi 'da nwa le kɔ Zedeoni, nɛ a dama mɔtũlũ we sa mɔ hã owi nu fɛlɛ Abiezɛrɛ na, wa nɛ 'do a.

Owi kpe dati 6:9

Mi fua zi nɛ ti kɔ̃ Oezipeto, do kɔ̃ owinɔ vɛ̃ kɛ wa zɛlɛ tɛ nɛ ni. Mi ndaka zi owi sɛnɛ nɛ dati nɛ, nɛ mi 'dɔlɔ le 'da wa hã nɛ.’

1 SAMUƐLƐ 10:18

Wa hɔa i mɔ, nɛ a tɔ̃ hã wa na: “NWA Gale 'da nɛ obe Israɛlɛ tɔ̃a na: ‘Mi a mi fua zi nɛ obe Israɛlɛ ngɔ nù Ezipeto dɛ nza. Nɛ mi fua zi 'bɔ nɛ ti nwa ngɔ nù Ezipeto, do ti onwa ngɔ ogele nùnɔ, kɛ wa hã zi ngamɔ hã nɛ ni.