Tɔlɔ Mɔ 10:32 - WE NU GALE 1995

³² Mɔ kã lɛ, nɛ lɛ kɛ̃ sɛ sanga dia mɛnɔ NWA nɛ hã sɛ hã lɛ ni do mɔ.”

Tɔlɔ Mɔ 10:32 Iomraidhean Croise

Levitɛnɔ 19:34

Nɛ nde nɛ dɛ́ do a ɔ nɛ nya nɛ ni. Nɛ kɔ̃́ gɛnɛ a ɔ nɛ kɛ nɛ kɔ̃a gɛnɛ kili tɛ nɛ wele nɛ ni. Nɛ lénggé do kɛ na, nɛ zi tɛ mɛ 'bɔ ogɛnɛ tɛ ngɔ nù Ezipeto ni. Mi a NWA Gale 'da nɛ.

Mbulanɔ 10:18

A bi ngɔ obe gula do owi fio wili, nɛ a kɔ̃a gɛnɛ ogele winɔ kɛ wa ɔ sanga owinɔ 'da lɛ ɔ nɛ gɛnɛnɔ ni. Nɛ a hã nyɔngɔmɔ do tulu hã wa.

1 YOANƐ 1:3

Lɛ zɔa do gbali lɛ, nɛ lɛ zele do zala lɛ, nɛ lɛ tɔ̃ 'bɔ we nɛ hã nɛ, takɔ nɛ mba do lɛ kpo, ɔ nɛ kɛ lɛ mba do Baa lɛ, do Be 'da a Yezu Kristo kpo ni.

Owi kpe dati 1:16

Okeni, obe zã kɛfɛ Mɔizɛ, wa kulu ngɔ tɛ Yeriko, kɛ li nɛ 'bɔ a “Le 'Bete” ni, nɛ wa mba fala nɛ kpo do Oyuda, nɛ wa la do wa dɛ li gba zɔ̃ Negɛvɛ, ngɔ nù Yuda. Wa hɔa i mɔ, nɛ wa nɛ tɛ mbe fala kpo, kɛ mɔ yolo Aradɛ, nɛ nde ma do si ba gɔtɔ, nɛ wa dɛ tɔa do winɔ dɛ di ni.

Owi kpe dati 4:11

Do 'da fala ni, nɛ nde Hebɛrɛ, be Keni, a nyɛ̀lɛ̀ zi do le Kedɛsi gɔ. Okeni wa zi a nu fɛlɛ Hobabɛ, masɛ̃ Mɔizɛ. Nɛ nde Hebɛrɛ la zi onya a Keninɔ, nɛ a zĩ tɔa tande 'da a tɛ ti te sɛnɛ tɛ Sananimɛ, dɔ̃ɔ do Kedɛsi.

1 SAMUƐLƐ 14:6

Yonatanɛ tɔ̃a hã wi toe 'da a na: “Lɛ nɛ́ gbaa kɔ lɛ hɔ tɛ fala Ofilisti, kɛ wa a omanda'ba iko, wa ɔ nɛ ni. Mbe gɔ, nɛ NWA a gala sɛ lɛ. Gɛnɛ kɔ lɛ dɔ̃ gɔ, kɔ fala kɛ nwa kɔ̃ we gala lɛ, nɛ nde mɔ kɛ ma wia we amba na, a gala lɛ we nɛ ngɔ wi sɛnɛ lɛ ni bina.”