Tɔlɔ Mɔ 10:29 - WE NU GALE 1995

²⁹ Mɔizɛ tɔ̃a hã Hobabɛ, be 'da kɛfɛ a Yetro, wi Madianɛ na: “Lɛ kɔa we nɛ dɛ tɛ nùi kɛ NWA tɔ́a na, ɛ hã sɛ ma hã lɛ ni. A kpua zi mbulu hã lɛ obe Israɛlɛ na, a hã sɛ odia mɔ hã lɛ. Kɔ mɔ kã́ lɛ, nɛ lɛ kɛ̃ sɛ sanga dia mɛnɔ a kɔa we hã ma hã lɛ ni do mɔ.”

Tɔlɔ Mɔ 10:29 Iomraidhean Croise

Ndo Nyanga Dɛ Mɔ 12:7

Nɛ NWA bia tɛ̃ ɛ hã Abrama, nɛ a tɔ̃ hã a na: “Kɛ gɛ mɛ a nùi kɛ mi hã sɛ ma hã obe zã mɔ.” Abrama zila ni, nɛ a kala ta, nɛ a dɛ gbagala dɛ di ni we dɔ do sa'de hã NWA, kɛ a bia tɛ̃ a hã a ni.

Ndo Nyanga Dɛ Mɔ 13:15

Nùi kɛ mɔ zɔ ma vɛ̃ ni, mi hã sɛ ma hã mɔ do obe zã mɔ, nɛ mɛ sɛ a nùi 'da wa fai.

Ndo Nyanga Dɛ Mɔ 15:18

Do ngba soe ni, nɛ NWA gba tɔkɔ do Abrama, nɛ a na: “Mi hã sɛ nùi gɛ hã obe zã mɔ, yolo tɛ nu fua lì ngɔ nù Ezipeto, gbaa we hɔ tɛ nu gba lì Efratɛ.

Ndo Nyanga Dɛ Mɔ 17:8

Nɛ nù Kanana, kɛ mɔ ɔ ngɔ nɛ nɛ gɛnɛ gɛ, mi hã sɛ hã mɔ. Nɛ wele nɛ sɛ a mɔ́ mɔ do obe zã mɔ fai, nɛ mi sɛ a Gale 'da wa.”

Ndo Nyanga Dɛ Mɔ 32:12

Mɔ kpásá mi ti kɔ nya mi Ezau, we kɛ mi do kili na, a gbɛ sɛ mi do owukonɔ, do obenɔ 'da mi.

Zumanɔ 100:1

Aa nɛ, owinɔ nù gɛ, nɛ gá zuma hã NWA!

Zumanɔ 34:8

Owinɔ kɛ wa yu kili NWA yu ni, anzɛ 'da a zɔ́ mɔ tɛ wa, nɛ a kpasa wa kɔ ngamɔ.

Zumanɔ 95:1

Aa nɛ, nɛ tɛ́ hã lɛ sambala NWA, wi kpasa lɛ. Lɛ gá zuma yangga hã Gale, wi amba zu lɛ.

Kulu Tɔa 18:1

Yetro, nganga ngɔ nù Madianɛ, kɛ a a kɛfɛ Mɔizɛ ni, a zila we mɛnɔ vɛ̃ kɛ NWA Gale dɛa hã Mɔizɛ do obe Israɛlɛ ni. Nɛ a zila 'bɔ tɛlɛ tɛ kɛ NWA fua owinɔ 'da a, obe Israɛlɛ ngɔ nù Ezipeto dɛ nza ni.

Kulu Tɔa 18:12

'Do nɛ, nɛ Yetro dɔa sa'de we dɔnggɔ do Gale, nɛ a gbɛ ombe we be dɛa na. Nɛ Aroni do okumu Israɛlɛ vɛ̃, wa nyɔngɔ mɛ ni fala nɛ kpo do Yetro, kɛfɛ Mɔizɛ dɛ dati Gale.

Kulu Tɔa 18:27

'Do nɛ, nɛ Mɔizɛ ia kɛfɛ ɛ Yetro li wala, nɛ Yetro si kɔ le 'da a.

Kulu Tɔa 2:18

Nɛ oboko benɔ ni wa si, kɔ wa nɛa we hɔ 'da baa wa 'di, nɛ a aka wa na: “Nɛ si sɔɛ gɛ belee ni we ge nde?”

Kulu Tɔa 2:21

Wa kpa Mɔizɛ tɛa do a, nɛ a kɔ̃a we ɔ dɛ 'da Yetro ni. Nɛ Yetro hã be zɔnga be 'dɛ ɛ, li a a Sefora hã a do wuko 'da a.

Kulu Tɔa 3:1

Mɔizɛ dala zi obata do oduanɔ 'da kɛfɛ a Yetro, kɛ a a nganga ngɔ nù Madianɛ ni. Nɛ mbe wese kpo, nɛ Mɔizɛ nɛa do osa'denɔ gbaa kulu li gba zɔ̃ 'di, takɔ wa nyɔngɔ mɔ. Nɛ a hɔa tɛ Horɛbɛ, kɛ mɛ a kala 'da Gale.

Kulu Tɔa 3:8

Hã mi kɔ̃a we fo wa kɔ ngbá ti kɔ̃ Oezipeto, takɔ mi kã wa dɛ ngɔ gele nù kɛ ma a gã, nɛ ma a dia, nɛ nyɔngɔmɔ i mɔ la li ngele ni. Nùi ni, mɛ a nù 'da Okanana, Ohiti, Oamori, Opɛrizi, Ohivi do Oyebuzi.

Kulu Tɔa 6:4

Mi gba zi tɔkɔ do wa, nɛ mi kpo mbulu hã wa na, nùi 'da Okanana, kɛ wa ɔ ngɔ nɛ nɛ́ ogele winɔ ni, mi hã sɛ ma hã wa.

Ezai 2:3

Kɔ gba gili winɔ ni wa ma ngɔ nɛ 'di mɔ, nɛ wa tɔ̃ sɛ do 'da li wala na: “Lɛ nɛ́, lɛ kṹ ngɔ kala Sioni, kala 'da nwa, lɛ lé kɔ tɔa 'da Gale 'da Yakɔbɔ. A be sɛ mbulanɔ 'da a hã lɛ, nɛ lɛ ba sɛ wala kɛ a be hã lɛ ni. Mba gɔ, bia wenɔ 'da NWA ma yolo tɛ ngɔ kala Sioni, nɛ lɛnggɛnɔ 'da a, kɛ ma hɔ zala lɛ ni, ma yolo Yeruzalɛmɛ.”

Yeremi 50:5

Wa aka sɛ we li wala kɛ ma ba dɛ tɛ le Sioni ni, nɛ wa siki sɛ li wa, nɛ wa ba do ma. Wa tɛ sɛ, nɛ wa kpa mi nwa, nɛ wa gba tɔkɔ do mi. Nɛ gba tɔkɛ ni ma ɔ sɛ sabɛlɛ do sabɛlɛ, ta zu wa élé sɛ ngɔ ma fala kpo gɔ.

Tɔlɔ Mɔ 10:28

Ki ni a tɛlɛ tɛ kɛ wa 'dafa zi do ngɔ gili winɔ na, wa nɛ do ma gɛ a ni.

Tɔlɔ Mɔ 23:19

Gale a a wele ɔ nɛ lɛ gɛ gɔ. A 'bílí bɛlɛ gɔ. A wè 'bɔ tɛ kpolo nu a gɔ, a kpo mbulu, nɛ a dɛ ma, a tɔ̃ we, nɛ ma dɛ tɛ̃ ɛ.

Owi Nɛ Tonɔ 7:5

Nɛ nde Gale hã̀ zi mbe nu nùi gɛ sĩ hã a gɔ. Gɛnɛ kɔ mba mba bi fala sĩ we e do nyanga a gɔ. Nɛ Gale kpua mbulu hã a na, wi sɛ a obe zã a, hã wa kpa sɛ nùi gɛ do mɔ́ wa. Ĩ na, do ngba soe ni, nɛ nde Abrahama zɛ́ do be bina.

Mbulanɔ 30:5

Nɛ nɛ ba sɛ 'bɔ nùi kɛ oyaa nɛ wa ɔ zi ngɔ nɛ dati ni. Nɛ Gale a dɛ sɛ na, nɛ kpa mɔ wena, nɛ nɛ ko sɛ obe zã nɛ dɛlɛ nɛ ngɔ obe zã oyaa nɛ zi dati ni.

Mbulanɔ 4:40

Nɛ dɛ́ mbulanɔ 'da a vɛ̃ kɛ mi hã ma hã nɛ sɔɛ gɛ. Nɛ nɛ, do obe zã nɛ vɛ̃, nɛ kpa sɛ dia mɔ. Nɛ 'do nɛ ma nyɛlɛ sɛ, nɛ nɛ dungu sɛ ngɔ nùi kɛ NWA Gale 'da nɛ hã ma hã nɛ do mɔ nɛ ni fai.”

TITO 1:2

takɔ wa gbini zã wa do kpasi kɛ ma é sɛ gɔ ni. Gale 'bílí bɛlɛ gɔ. A kpua zɛ́ mbulu kpasi ni dati kɛ a tɛ dè mɛnɔ vɛ̃ gɔ ni,

OHEBRE 6:18

Nɛ mbuli 'da Gale, do zonggo tɛ wi 'da a ma kífí sɛ gɔ, nɛ Gale káfá sɛ olo nu ɛ gɔ. Ki ni ma hã ngawi hã lɛ winɔ kɛ lɛ usu tɛ lɛ dɛ tambala kɔ̃ a ni na, lɛ 'bɔ 'da mbuli ni do sila lɛ kpo.

USU MƐNƆ 22:17

Hi Wi 'da Gale, do wuke kɛ Be Bata ba a ni, wa tɔ̃a na: “Mɔ tɛ́!” E kɔ wele kpo kpo kɛ a zele ma ni, a tɔ̃ tɛ mɛ 'bɔ na: “Mɔ tɛ́!” E kɔ wi kɛ wɔ lì ba a ba ni, a tɛ. Nɛ wi kɛ a kɔ̃a we nɔ lì kɛ ma hã kpasi ni, a tɛ́, nɛ a nɔ iko.

Owi kpe dati 1:16

Okeni, obe zã kɛfɛ Mɔizɛ, wa kulu ngɔ tɛ Yeriko, kɛ li nɛ 'bɔ a “Le 'Bete” ni, nɛ wa mba fala nɛ kpo do Oyuda, nɛ wa la do wa dɛ li gba zɔ̃ Negɛvɛ, ngɔ nù Yuda. Wa hɔa i mɔ, nɛ wa nɛ tɛ mbe fala kpo, kɛ mɔ yolo Aradɛ, nɛ nde ma do si ba gɔtɔ, nɛ wa dɛ tɔa do winɔ dɛ di ni.

Owi kpe dati 4:11

Do 'da fala ni, nɛ nde Hebɛrɛ, be Keni, a nyɛ̀lɛ̀ zi do le Kedɛsi gɔ. Okeni wa zi a nu fɛlɛ Hobabɛ, masɛ̃ Mɔizɛ. Nɛ nde Hebɛrɛ la zi onya a Keninɔ, nɛ a zĩ tɔa tande 'da a tɛ ti te sɛnɛ tɛ Sananimɛ, dɔ̃ɔ do Kedɛsi.

1 SAMUƐLƐ 15:6

'Do nɛ, nɛ a tombo to hã Okeni, owinɔ kɛ yaa wa dɛa zi dia mɔ do oyaa obe Israɛlɛ do 'da fala wa hɔa zi nza ngɔ nù Ezipeto ni, nɛ a tɔ̃ hã wa na: “Nɛ fó tɛ nɛ kɔ Oamalɛkɛ do'do, da dɛ kɔ mi gbɛ́ nɛ fala nɛ kpo do wa gɔ.” Okeni wa nɛa we zele ni, nɛ wa yu.