Tɔlɔ Mɔ 10:21 - WE NU GALE 1995

²¹ Nɛ olevitɛnɔ kɛ wa a obe zã Kehatɛ, nɛ wa a wa ba tole mɛnɔ ma santo wena ni, wa kpia dɛ 'do wa. Kɔ wa nɛ hɔ tɛ mbé fala kɛ wa nɛ ɔ nɛ ni, nɛ nde otala levitɛnɔ wa zĩ sɔ tɔa Tande dɛ ngɔ ia.

Tɔlɔ Mɔ 10:21 Iomraidhean Croise

1 Sakonɔ 15:2

Nɛ a na: “Tati a olevitɛnɔ hã wa ba sɛ Sanduku Gba Tɔkɛ. Mba gɔ, nwa saka zi tati a wa na, wa ɔ Owi ba tolo nɛ, do fɔmɔ fala nɛ fai.”

1 Sakonɔ 23:24

Ki ni a li obe zã Levi, kɛ wa a ogã wi kɔ nu fɛlɛ kulanɔ 'da wa ngboo, nɛ wa kɔma do li wa kpo kpo kɔ 'buku kɔmɔ do li owinɔ gɛ a ni. Fala kɛ wa zi do 'bu sabɛlɛ bɔa ni, nɛ wa hã dɛa to kɔ Tɛmpɛlo 'da NWA hã wa.

Tɔlɔ Mɔ 1:51

“'Da fala nɛ kulu ngɔ we la nɛ ni, nɛ wa sɛ a wa nɛ yala tɔa Tande. Kɔ nɛ hɔ tɛ mbé fala ɔi, nɛ wa a wa nɛ zĩ sɛ 'bɔ ma dɛ olo nɛ. Hã fala kɛ mbe gele wele kɔlɔ do tɔa Tande, nɛ wa gbɛ sɛ a.

Tɔlɔ Mɔ 10:17

'Do nɛ, nɛ wa yala tɔa Tande. Nɛ obe zã Gɛrsoni do Mɛrari wa kala ma la do nɛ.

Tɔlɔ Mɔ 10:20

Nɛ dɛ 'do wa, wi a nu kpala Gadɛ do gã wi ngɔ sodanɔ 'da wa Eliasafɛ, be 'da Deuɛlɛ.

Tɔlɔ Mɔ 2:17

Dɛ 'do nɛ, nɛ obe zã Levi wa la sɛ do tɔa Tande. Wa yolo sɛ do gbogbo ngɔ gili winɔ nalɛ ni. Ngɔ gili winɔ bɔa wa kpe sɛ dati, nɛ ngɔ gili winɔ bɔa wa kpe dɛ 'do wa. Ngɔ gili winɔ ni kpo kpo, wa la sɛ do 'da tɛlɛ tɛ kɛ wa ɔ do ma ni, wi wili kpo kpo do fala 'da a, do ti bɛndɛlɛ 'da ngɔ gili nu kpala a.

Tɔlɔ Mɔ 4:20

Na mɛ ni, nɛ nde wa kpá sɛ fala we le kɔ tɔa Tande we soko mɛnɔ kɛ ma santo ni, kɔ wa kpa 'dã mɔ gɔ. Mba gɔ, li wa gbo tɛ mɛnɔ ni, nɛ wa fe sɛ.”

Tɔlɔ Mɔ 7:9

Nɛ nde Mɔizɛ hã̀ ngilingili tabi ngɔmbɔ hã Okehatɛ gɔ, we kɛ wa a wi fɔmɔ omɛnɔ kɛ ma santo ni. Nɛ ma wia na, wa kala tole mɛnɔ ni do ngɔ 'baka wa ngboo.