Tɔlɔ Mɔ 10:12 - WE NU GALE 1995

¹² Obe Israɛlɛ wa zɔa ní, nɛ wa kulu ngɔ tɛ li gba zɔ̃ Sinai, nɛ wa le wala. Zɛ̃ we kpia dati wa, nɛ ma yolo nù tɛ li gba zɔ Paranɛ.

Tɔlɔ Mɔ 10:12 Iomraidhean Croise

Ndo Nyanga Dɛ Mɔ 14:6

Nɛ wa nɛ 'bɔ, nɛ wa bi Ohori dɛ ngɔ okalanɔ 'da wa tɛ Edɔmɛ, nɛ wa ndaka wa gbaa tɛ kɔ le Ɛlɛ-Paranɛ, kɛ ma kɔlɔ dɔ̃ɔ do li gba zɔ́ i ni.

Ndo Nyanga Dɛ Mɔ 21:21

nɛ a ɔ zi tɛ li gba zɔ̃ Paranɛ. Naa a fa zi be zɔnga Ezipeto hã a, nɛ a ba a do wuko.

1 Onwanɔ 11:18

Wa kulu ngɔ tɛ Madianɛ, nɛ wa la dɛ li gba zɔ̃ Paranɛ. Nɛ ombe wi Paranɛ wa mba do wa, nɛ wa kulu dɛ 'da nwa ngɔ nù Ezipeto. Nɛ nwa ni kɔ̃a gɛnɛ Hadadɛ, nɛ a hã tɔa, do nyɔngɔmɔ hã a. Nɛ a e 'bɔ nù hã a.

Kulu Tɔa 13:20

Obe Israɛlɛ wa kulu ngɔ tɛ Sukɔtɛ, nɛ wa nɛ, nɛ wa dɛ fala ɔi 'da wa kɔlɔ do li gba zɔ̃ kɛ zã le Etamɛ.

HABAKUKƐ 3:3

“Gale kɛ a santo, a yula tɛ le Temanɛ, kɔ a tɛ tɛ nɛ. Nɛ a zĩlĩ do ngɔ kalanɔ tɛ Paranɛ. Yele ngbala 'da a ma kpa li nza vɛ̃, nɛ winɔ ngɔ nù gɛ vɛ̃ wa tɛ dɔnggɔ a.

Tɔlɔ Mɔ 1:1

Do zɛkɛ 'da bɔa, kɔ̃ nɛ kpo, do kɔ bɔa sabɛlɛ 'do kɛ obe Israɛlɛ wa Ia ngɔ nù Ezipeto, kɔ wa hɔa tɛ li gba zɔ̃ Sinai ni, nɛ NWA Gale wila we hã Mɔizɛ tɛ kɔ tɔa Tande kpa ngba wi do a na:

Tɔlɔ Mɔ 10:33

Obe Israɛlɛ wa kulu ngɔ tɛ kala 'da NWA, nɛ wa la gbaa 'do tũ talɛ. Nɛ Sanduku Gba Tɔkɛ 'da NWA zi do dati wa, takɔ ma fa fala kɛ wa wia we 'dafa do fala ɔi 'da wa ni.

Tɔlɔ Mɔ 12:16

A nɛa we kpolo tɛ̃ a dɛ fala ɔi do'do ni, nɛ wa kulu ngɔ tɛ Haserɔtɛ, nɛ wa la dɛ li gba zɔ́ Paranɛ. Wa hɔa i mɔ, nɛ wa 'dafa fala ɔi 'da wa dɛ di ni.

Tɔlɔ Mɔ 13:26

Nɛ wa kpolo tɛ wa dɛ Kadɛsɛ, tɛ li gba zɔ́ Paranɛ, dɛ 'da Mɔizɛ, Aroni do obe Israɛlɛ. Nɛ wa tɔ̃ we mɛnɔ vɛ̃ wa zɔa i mɔ ni, nɛ wa be 'bɔ wala tenɔ ngɔ nùi ni hã wa.

Tɔlɔ Mɔ 13:3

Mɔizɛ zila nu NWA, nɛ a tombo Owele 'bu ngɔ wa bɔa kɛ wa a ogã wi ngɔ obe Israɛlɛ. Wa yula tɛ li gba zɔ̃ Paranɛ, nɛ wa la. Li wa ma kɛ: Nu kpala Li wi wa saka a Rubɛnɛ Samua, be 'da Zakurɛ Simeoni Safatɛ, be 'da Hori Yuda Kalɛbɛ, be 'da Yɛfune Isakarɛ Igalɛ, be 'da Yozɛfu Efraimɛ Hose, be 'da Nunɛ Bɛnzamɛ Palti, be 'da Rafu Zabuloni Gadiɛlɛ, be 'da Sodi Manase Gadi, be 'da Susi Danɛ Amiɛlɛ, be 'da Gɛmali Asɛrɛ Sɛturɛ, be 'da Mikaɛlɛ Nɛftali Nabi, be 'da Vofsi Gadɛ Guɛlɛ, be 'da Maki

Tɔlɔ Mɔ 2:34

Nɛ obe Israɛlɛ wa dɛa vɛ̃ ɔ nɛ kɛ NWA ba do nu a hã Mɔizɛ ni. Wa ɔa ngɔ gili wa kpo kpo dɛ ti bɛndɛlɛ 'da ngɔ gili sodanɔ 'da wa. Nɛ wa nɛa nɔɛ 'da wa, wele do wele dɛ kɔ nu fɛlɛ a do kɔ nu kpala a, ɔ nɛ mbula wa hã ma hã wa ni.

Tɔlɔ Mɔ 9:1

Do zɛkɛ 'da kpo, kɔ bɔa sabɛlɛ 'do kɛ obe Israɛlɛ wa hɔa nza Ezipeto ni, nɛ nde wa zi a tɛ li gba zɔ̃ Sinai. Nɛ NWA tɔ̃a we hã Mɔizɛ dɛ di ni na:

Tɔlɔ Mɔ 9:17

'Da fala fai kɛ zɛ̃ we ni kulu zi ngɔ zu tɔa Tande, nɛ obe Israɛlɛ wa le wala, nɛ wa nɛ, nɛ wa ɔ tɛ fala zɛ̃ we yolo nɛ nù ni.

Tɔlɔ Mɔ 9:5

Nɛ wa dungu ɛngga tɛ li gba zɔ̃ Sinai do gɛ̃a wese, do kɔ̃ zɛkɛ 'bu ngɔ nɛ nalɛ, zɛkɛ 'da kpo. Wa dɛa ngboo ɔ nɛ kɛ NWA ba do nu a hã Mɔizɛ ni.

Mbulanɔ 1:1

'Buki gɛ, ma be olɛnggɛnɔ kɛ Mɔizɛ tɔ̃a zi hã obe Israɛlɛ, do 'da fala kɛ wa zi tɛ li gba zɔ̃ si 'biti gba wese, tɛ kulu lì Yɔrdanɛ ni. Wa zi a kɔ gbangɔlɔ̃ Yɔrdanɛ, dɔ̃ɔ do le Sufɛ. Gbangɔlɛ̃ ni kɛ̃a sanga le Paranɛ do ole Tɔfɛlɛ, Labanɛ, Haserɔtɛ do Di-Zahabɛ.

Mbulanɔ 1:19

“'Do nɛ, nɛ NWA Gale 'da lɛ ba nu a hã lɛ, nɛ lɛ kulu ngɔ tɛ ngɔ kala Sinai, nɛ lɛ la do li gba zɔ̃ tɛ li wala ngɔ kalanɔ 'da Oamoni. Mɛ a gã li gba zɔ̃ kɛ nɛ zɔa ma, nɛ ma hã kili hã nɛ. Lɛ nɛa, nɛ lɛ hɔ Kadɛsɛ-Barnea,

Mbulanɔ 1:7

Kɔ nɛ kálá mɛnɔ 'da nɛ, kɔ nɛ lé wala. Nɛ lá dɛ ngɔ nù ngɔ kalanɔ, fala Oamori wa ɔ tɛ nɛ, do o'bili tɛ nùnɔ vɛ̃ kɛ zã wa, kɛ Okanana wa ɔ tɛ nɛ ni: mɛ a li zɔ̃ Yɔrdanɛ, le ngɔ kalanɔ, nyanga kalanɔ si 'biti gɛ̃a wese, lenɔ tɛ li gba zɔ̃ Negɛvɛ, do lenɔ nu gba lì. Nɛ nɛ́ dɛ ngɔ nù Kanana, gbaa we hɔ tɛ ngɔ kala Libanɛ, do nu gã lì Efratɛ.

Mbulanɔ 33:2

“NWA yula ngɔ kala Sinai, nɛ a kulu ngɔ dɛ ngɔ nù Seirɛ, ɔ nɛ wese kɛ ma gba ngɔ nùi ni. A yolo tɛ ngɔ kala Paranɛ, nɛ a yele dɛ ngɔ owinɔ 'da a. A tɛa do oanzɛ koto do koto, nɛ nyɛa we hɔ si tɛ ngawili kɔ̃ a.

1 SAMUƐLƐ 25:1

Do 'da fala ni, nɛ Samuɛlɛ fia. Nɛ obe Israɛlɛ vɛ̃ wa mba li ngba wa we ɔ ngɔ fio a. Wa mi a kɔ le 'da a tɛ Rama. 'Do nɛ, nɛ Davidi la dɛ li gba zɔ̃ Paranɛ.