Tɔlɔ Mɔ 10:10 - WE NU GALE 1995

¹⁰ Nɛ 'da fala kɛ nɛ dungu ɛngganɔ, ɔ nɛ ɛngga mbé hɔa zɛkɛ tabi gele ɛngga nde, kɔ nɛ nɛ dɔ sa'denɔ we dɔnggɔ do mi, tabi nɛ nɛ gbɛ ombe we be dɛa na, nɛ nɛ dama sɛ mɔtũlĩ. Nɛ do 'da fala ni, nɛ tɛ mi ma gba sɛ ngɔ nɛ. Mi a NWA Gale 'da nɛ.”

Tɔlɔ Mɔ 10:10 Iomraidhean Croise

2 Onwanɔ 4:23

Nɛ wili a aka a na: “Sɔɛ gɛ, mɛ a kɔ̃ tũ ɔmɔ tɛ wi, tabi ɛngga mbé hɔa zɛkɛ gɔ. Kɔ gulu kɛ mɔ nɛ nɛ 'da a i we ge nde?” Nɛ wuke gese na: “We bina, mɔ mbɔkɔ sila mɔ.”

1 Sakonɔ 15:28

Nɛ obe Israɛlɛ vɛ̃ wa la do Sanduku Gba Tɔkɛ dɛ Yeruzalɛmɛ i. Wa nɛa do ma fala nɛ kpo tɛ dama mbala, do dama mɔtũlũ, do zɛ mbala mɔ bolo do ngba ɛ. Nɛ wa zɛ 'bɔ obe kundunɔ do ogã kundunɔ.

1 Sakonɔ 16:42

Hemanɛ do Yɛdutunɛ wa zi a Owi zɔ mɔ tɛ mɔtũlũnɔ do mbala mɔ bole kɛ wa zɛ do ngba ɛ ni, mba do mbe ogele mɛnɔ kɛ wa zɛ ma 'da fala ga Zumanɔ we dɔnggɔ do Gale ni. Nɛ obenɔ 'da Yɛdutunɛ zi a Owi zɔ mɔ tɛ onu ngbo nu tɔa.

2 Sakonɔ 29:28

Nɛ winɔ vɛ̃ wa bili zu wa nù, nɛ nde Owi ga Zumanɔ wa zi tɛ ga nɛ, nɛ owi dama mɔtũlũnɔ wa zi tɛ dama nɛ gbaa na, wa hã dɔnggamɛ ia sɛ nɛ de.

2 Sakonɔ 7:6

Do 'da fala ni, onganganɔ wa zi dɛ fala dɛa tonɔ 'da wa, nɛ olevitɛnɔ wa tɛ zɛ zuma do omɔ zɛ Zumanɔ kɛ nwa Davidi dɛa zi ma na, ma ɔ we toe 'da Gale ni. Wa ga zi zuma we dɔnggɔ do nwa we duzu kɔ̃a zã 'da a kɛ ndɔti nɛ bina ni. Nɛ wa ga ɔ nɛ kɛ nwa Davidi bia zi ma hã wa ni. Nɛ onganga bɔa wa yula dɛ dati owinɔ ni vɛ̃, nɛ wa ma ngɔ dama mɔtũlũ. Nɛ owinɔ vɛ̃ wa yolo do nyanga wa.

Ɛsdrasi 3:10

Do 'da fala kɛ Owi dɛ tɔanɔ wa tɛ a nyanga Tɛmpɛloe 'da NWA ni, nɛ wa tombo hã onganganɔ na, wa he'de tulu sambala 'da wa, kɔ wa tɛ, hã wa yolo do mɔtũlũ, nɛ wa dama we dɔnggɔ do NWA. Nɛ olevitɛnɔ kɛ wa a obe zã Asafɛ ni, wa yula kɛ 'da wa do mbala mɔ bolo kɛ wa zɛ do ngbɛ ɛ ni, tɛ dɔnggɔ 'bɔ NWA, nɛ́ kɛ Davidi, nwa ngɔ nù Israɛlɛ tɔ̃a zi nɛ ni.

NEHEMIE 12:35

Dɛ 'do wa, wi a onganganɔ kɛ wa dama mɔtũlũnɔ ni. Nɛ Zakaria, wi nu fɛlɛ Asafɛ, fala nɛ kpo do ongba a, wa kpia dɛ 'do wa. Lì oyaa Zakaria a: Zakurɛ, Mikaya, Matania, Sɛmaya do Yonatanɛ.

Zumanɔ 150:3

Nɛ dámá mɔtũlũ we dɔnggɔ do a, nɛ zɛ́ gã kundu do be kundu hã a.

Zumanɔ 81:3

Nɛ kálá biã, do gã kundu, do be kundu, hã nɛ zɛ́ do dia zuma.

Zumanɔ 81:4

Nɛ dámá mɔtũlũ do ngba soe ɛngganɔ 'da lɛ, do ngba soe mbé hɔa zɛkɛ, do ngba soe kɛ zɛkɛ fi mbata ni.

Zumanɔ 89:15

Gbãlã we do de dɛa mɛ 'da mɔ, ma nganda dɛa to nwa 'da mɔ. Nɛ bɔlɔ zu do kɔ̃a zã be tɛ̃ ɛ nza kɔ toe mɔ dɛ ni.

Kulu Tɔa 28:29

“We le kɔ tɔa Tande 'di, nɛ Aroni a he'de sɛ koe tuli kɛ wa a mɛnɔ we aka do mi Gale kɔ nɛ ni dɛ ngɔ ngu'du a, koe ni do li nu kpala obe Israɛlɛ dɛ tɛ nɛ. Na mɛ ni, ta zu mi NWA Gale ma élé sɛ ngɔ nɛ obe Israɛlɛ gɔ.

Kulu Tɔa 30:16

Mɔ ngɛmɛ li mbili ni kɔ obe Israɛlɛ vɛ̃ do'do, nɛ mɔ ba ma we 'dafa do tɔa Tande kpa ngba wi do mi Gale. Na mɛ ni, ta zu mi élé sɛ ngɔ nɛ obe Israɛlɛ gɔ, nɛ mi ka sɛ mɔ tɛ nɛ fai.”

Ezai 27:13

Do ngba soe ni, wa dama sɛ gã mɔtũlũ, nɛ owinɔ kɛ wa pɛsɛ zi dɛ ngɔ nu Asiri do Ezipeto ni, wa si sɛ vɛ̃ dɛ kɔ le Yeruzalɛmɛ. Nɛ wa nɛ sɛ ngɔ kala kɛ ma santo we dɔnggɔ NWA.

Levitɛnɔ 23:24

a e mbula gɛ hã obe Israɛlɛ na: “Do zɛkɛ 'da sambo, kɔ nɛ kpo, mɛ sɛ a kɔ tũ ɔmɔ tɛ wi we duzu nɛ. Nɛ do ngba soe ni, nɛ nɛ mba sɛ ngba nɛ do zu li mi, nɛ nɛ zɛ nu nɛ hã mi do yangga, takɔ tɛ zu mi gba ngɔ nɛ fai.

Tɔlɔ Mɔ 10:9

'Da fala nɛ sɛ a ngɔ nùi 'da nɛ, kɔ nɛ nɛ we bi do owi sɛnɛ nɛ, nɛ nɛ dama sɛ mɔtũlũnɔ, nɛ nɛ he hiamɔ bolo, sɛ a tɛ mi gba ngɔ nɛ de. Na mɛ ni, nɛ mi, NWA Gale 'da nɛ, mi kpasa sɛ nɛ ti kɔ owi sɛnɛ nɛ.

Tɔlɔ Mɔ 28:11

“Do kuti kɔ̃ tũ zɛkɛ kpo kpo, nɛ nɛ dɔ sɛ wili ngɔmbɔ bɔa, wili bata kpo do obe bata sambo kɛ wa do sabɛlɛ kpo, we dɔnggɔ do mi NWA. Nɛ sa'denɔ ni vɛ̃ wa tɛ ɔ̀ do kunda tɛ wa gɔ.

Tɔlɔ Mɔ 29:1

“Do zɛkɛ 'da sambo, kɔ̃ nɛ kpo, nɛ mba sɛ ngba nɛ we dɔnggɔ mi NWA. Nɛ nɛ la sɛ fala dɛa tonɔ 'da nɛ, we kɛ mɛ a ngba soe dama mɔtũlũ.

MATIE 11:28

“Nɛ, owinɔ vɛ̃ kɛ nɛ mbɔka tɛ ba dĩ tolenɔ ni, nɛ tɛ́ 'da mi, nɛ mi kusu sɛ tole zu nɛ, nɛ mi hã sɛ fala ɔmɔ tɛ wi hã nɛ.

Owi Nɛ Tonɔ 10:4

Nɛ Kɔmɛyɛ soko a, nɛ kili ba a, nɛ a aka a na: “Nwa, dɛa nɛ nde?” Nɛ anzɛ gese hã a na: “Gale kɔ̃a gɛnɛ sambala 'da mɔ, do mɛnɔ kɛ mɔ gala do Owi sãnɔ ni, nɛ a lingga do mɔ.

1 KORINTƐ 15:52

Ma hɔ ndɔti nùi, nɛ mɔtũlũ ma wele sɛ, nɛ ma dɛ sɛ lɛ ɔ nɛ gbini li ni, nɛ ofionɔ wa za'da sɛ nza kɔ fio do ti. Nɛ kili tɛ wa kɛ ma mbu mbulu ni, ma kifi sɛ kili tɛ wi kɛ ma mbúlú gɔ ni.

1 TƐSALONIKƐ 4:16

Do ngba soe nɛ ni, nɛ mbisa we ma wele sɛ nganda wena, nɛ wa zele sɛ giti gɛlɛ gã nwa ngɔ anzɛnɔ, do giti mɔtũlũ 'da Gale. Nɛ Nwa Yezu Kristo do tɛ̃ a ngboo, a yolo sɛ li nza i, nɛ a zĩlĩ. Nɛ owinɔ kɛ wa fia, nɛ nde wa kɔ̃a zu li a kɔ̃a ni, wa tunu sɛ kɔ fio dati.

1 TƐSALONIKƐ 4:18

Kɔ ma wia na, nɛ ngándá sila ngba nɛ do wenɔ gɛ.

Yozue 4:7

nɛ nɛ gese hã wa na, lì Yɔrdanɛ gɔnɔ zɛ́ sanga tɛ ngbɛ ɛ, nɛ ma la fala fo nɛ, do 'da fala kɛ onganganɔ wa lia do Sanduku Gba Tɔkɛ 'da NWA 'dɔ nɛ ni. Do gbãlã we, tanɔ ni ma gba sɛ ta zu obe Israɛlɛ ngɔ ɔngbamɛ kɛ NWA dɛa gɛ fai.”

Yozue 6:4

Onganga sambo wa kala sɛ mɔtũlũ kpo kpo dɛ kɔ wa, nɛ wa kpe dati Sanduku Gba Tɔkɛ. Kɔ ma hɔ tɛ sambo tũi, nɛ nɛ vɛ̃ nɛ zĩ sɛ do 'do ngbo nu le fala sambo. Onganganɔ wa kpe sɛ dati Sanduku Gba Tɔkɛ, nɛ wa dama mɔtũlĩ. Nɛ nɛ nɛ 'do Sanduki.

USU MƐNƆ 22:17

Hi Wi 'da Gale, do wuke kɛ Be Bata ba a ni, wa tɔ̃a na: “Mɔ tɛ́!” E kɔ wele kpo kpo kɛ a zele ma ni, a tɔ̃ tɛ mɛ 'bɔ na: “Mɔ tɛ́!” E kɔ wi kɛ wɔ lì ba a ba ni, a tɛ. Nɛ wi kɛ a kɔ̃a we nɔ lì kɛ ma hã kpasi ni, a tɛ́, nɛ a nɔ iko.

1 SAMUƐLƐ 20:5

Nɛ Davidi tɔ̃ hã a na: “Bindɛ, mɛ a ɛngga Mbé Zɛkɛ, nɛ ma wia sɔ na mi nyɔngɔ mɔ fala nɛ kpo do nwa kɔ tɔa 'da a i. Kɔ mɔ kɔ̃̀, nɛ mɔ e mi, hã mi nɛ, kɔ mi usu tɛ mi zamɔ i gbaa we hɔ mbasa do gɛ̃a wese, sɛ nɛ mi hɔ nza de.