Tɔlɔ Mɔ 10:1 - WE NU GALE 1995

¹ NWA tɔ́a hã Mɔizɛ na:

Tɔlɔ Mɔ 10:1 Iomraidhean Croise

Ndo Nyanga Dɛ Mɔ 42:13

Nɛ wa gese na: “Ma a ni gɔ. Lɛ vɛ̃ gɛ baa lɛ kpo, nɛ lɛ yula ngɔ nù Kanana. Nɛ lɛ zi vɛ̃ a obulu be 'bu ngɔ lɛ bɔa. Nɛ be tala nya lɛ 'do gɛ, a 'bana dɛ kɛ zã baa lɛ i, nɛ mbe nya lɛ kpo a yɔa zi.”

Ndo Nyanga Dɛ Mɔ 46:15

Obenɔ ni a obulu benɔ 'da Lea kɛ a kua wa do Yakɔbɔ ɛ ngɔ nù Mezopotami i gɛ a ni. Nɛ fala kɛ mɔ mba boko nya wa Dina do wa, mba 'bɔ do obenɔ 'da wa vɛ̃, nɛ nde wa hɔa zi vɛ̃ Owele 'bu wa talɛ ngɔ wa talɛ.

2 SAMUƐLƐ 6:15

Davidi do obe Israɛlɛ, wa la do Sanduku Gba Tɔkɛ 'da NWA dɛ Yeruzalɛmɛ i, nɛ wa he mɔ yangga, nɛ wa dama mɔtũlũ.

2 Onwanɔ 11:14

Kɔ a nɛa we ka mɔ, nɛ a zɔ mbé nwa, nɛ nde a yula dɛ tɛ bɛlɛduma tɔa kɛ ma sakata nu tɔa Tɛmpɛloe, dɛ fala kɛ Onwanɔ wa yolo do nɛ fai ni. Nɛ ogã wi ngɔ sodanɔ do Owi dama mɔtũlũnɔ, wa yula dɛ kɛ zã a ni, nɛ owi dama mɔtũlũnɔ tɛ dama nɛ. Nɛ owinɔ vɛ̃ wa ma ngɔ zɛ nu wa do yangga. Kɔ Atali nɛa we zɔ ni, nɛ a ɛ̃ tulu tɛ̃ a, nɛ a he mɔ na: “Nɛ gbɛa mi ia! Nɛ gbɛa mi ia!”

2 Sakonɔ 23:13

Kɔ a nɛa we ka mɔ, nɛ a zɔ mbé nwa, nɛ nde a yula dɛ tɛ bɛlɛduma tɔa, kɛ ma sakata nu tɔa Tɛmpɛloe ni. Nɛ ogã wi ngɔ sodanɔ do owi dama mɔtũlũnɔ, wa yolo dɛ kɛ zã a ni, nɛ Owi dama mɔtũlũnɔ wa tɛ dama nɛ. Nɛ Owi ga Zumanɔ wa kala mɔ zɛ Zumanɔ 'da wa, nɛ wa kpe dati owi zɛ kaliãnɔ. Nɛ owinɔ vɛ̃ wa ma ngɔ he mɔ do yangga. Kɔ Atali nɛa we zɔ ni, nɛ a ɛ̃ tulu tɛ̃ a, nɛ a zɛ nu a na: “Nɛ gbɛa mi ia! Nɛ gbɛa mi ia!”

2 Sakonɔ 7:6

Do 'da fala ni, onganganɔ wa zi dɛ fala dɛa tonɔ 'da wa, nɛ olevitɛnɔ wa tɛ zɛ zuma do omɔ zɛ Zumanɔ kɛ nwa Davidi dɛa zi ma na, ma ɔ we toe 'da Gale ni. Wa ga zi zuma we dɔnggɔ do nwa we duzu kɔ̃a zã 'da a kɛ ndɔti nɛ bina ni. Nɛ wa ga ɔ nɛ kɛ nwa Davidi bia zi ma hã wa ni. Nɛ onganga bɔa wa yula dɛ dati owinɔ ni vɛ̃, nɛ wa ma ngɔ dama mɔtũlũ. Nɛ owinɔ vɛ̃ wa yolo do nyanga wa.

Ɛsdrasi 3:10

Do 'da fala kɛ Owi dɛ tɔanɔ wa tɛ a nyanga Tɛmpɛloe 'da NWA ni, nɛ wa tombo hã onganganɔ na, wa he'de tulu sambala 'da wa, kɔ wa tɛ, hã wa yolo do mɔtũlũ, nɛ wa dama we dɔnggɔ do NWA. Nɛ olevitɛnɔ kɛ wa a obe zã Asafɛ ni, wa yula kɛ 'da wa do mbala mɔ bolo kɛ wa zɛ do ngbɛ ɛ ni, tɛ dɔnggɔ 'bɔ NWA, nɛ́ kɛ Davidi, nwa ngɔ nù Israɛlɛ tɔ̃a zi nɛ ni.

Zumanɔ 47:5

A saka nùi gɛ, nɛ a 'dɔlɔ hã lɛ, nɛ ma hɔa le 'da lɛ, nɛ lɛ dɔnggɔ tɛ lɛ we duzu ma. Lɛ, obe zã Yakɔbɔ, lɛ a owinɔ 'da a, nɛ a kɔ gɛnɛ lɛ wena.

Zumanɔ 81:3

Nɛ kálá biã, do gã kundu, do be kundu, hã nɛ zɛ́ do dia zuma.

Zumanɔ 98:6

Nɛ dámá mɔtũlũ do gaga, we dɔnggɔ do Gale, nwa 'da lɛ,

Tɔlɔ Mɔ 1:52

Tala gele obe Israɛlɛ, wa ɔ sɛ wele do wele dɛ kɔ ngɔ gili sodanɔ 'da wa, do ti bɛndɛlɛ 'da wa.

Tɔlɔ Mɔ 10:2

“Mɔ bá fɛ̃a mɔ bolo, nɛ mɔ dolo do mɔtũlũ bɔa. Nɛ ma gala sɛ nɛ we ngbolo li obe Israɛlɛ, tabi we tɔ̃ hã wa na, wa le wala.

Tɔlɔ Mɔ 29:1

“Do zɛkɛ 'da sambo, kɔ̃ nɛ kpo, nɛ mba sɛ ngba nɛ we dɔnggɔ mi NWA. Nɛ nɛ la sɛ fala dɛa tonɔ 'da nɛ, we kɛ mɛ a ngba soe dama mɔtũlũ.

Tɔlɔ Mɔ 7:2

'Do nɛ, nɛ okpasa wi nu kpala Israɛlɛ, kɛ wa dɛ to olo li obe Israɛlɛ, nɛ wa gala zi 'bɔ tɛ tɔlɔ winɔ ni, wa hɔa.

Tɔlɔ Mɔ 9:23

NWA ba zi nu a, sɛ nɛ obe Israɛlɛ wa ɔ nù tabi wa le wala de. Wa dɛ zi tonɔ 'da wa hã NWA do 'da mbulanɔ a hã ma hã wa do wala 'da Mɔizɛ ni.

MATIE 24:31

Nɛ gã mɔtũlũ ma dɔ̃lɔ̃ sɛ, nɛ mi tombo sɛ anzɛnɔ, nɛ wa yɛnggɛ nyanga nza gɛ vɛ̃, we ngɛmɛ li owinɔ kɛ Gale saka zɛ́ wa ia ni ngɔ nù gɛ vɛ̃.

Yozue 6:4

Onganga sambo wa kala sɛ mɔtũlũ kpo kpo dɛ kɔ wa, nɛ wa kpe dati Sanduku Gba Tɔkɛ. Kɔ ma hɔ tɛ sambo tũi, nɛ nɛ vɛ̃ nɛ zĩ sɛ do 'do ngbo nu le fala sambo. Onganganɔ wa kpe sɛ dati Sanduku Gba Tɔkɛ, nɛ wa dama mɔtũlĩ. Nɛ nɛ nɛ 'do Sanduki.

USU MƐNƆ 8:2

Nɛ 'do nɛ, nɛ mi zɔa oanzɛnɔ sambo kɛ wa yolo dɛ dati Gale ni, nɛ wele nɛa, nɛ a hã mɔtũlũ kpo kpo hã wa sambo nɛ.

Owi kpe dati 7:20

Nɛ tala ngɔ gili winɔ bɔa ni, wa nɛ zɔ na mɛ ni, nɛ wa dama tɛ mɛ 'bɔ mɔtũlũnɔ 'da wa, nɛ wa o sanga dakanɔ 'da wa. Nɛ wa vɛ̃ wa kala okãnɔ do gale kɔ̃ wa, nɛ wa kala mɔtũlũnɔ do ngawili kɔ̃ wa, nɛ wa he mɔ na: “Lɛ nɛ́, hã lɛ bi wa do zu li NWA Gale, do zu li Zedeoni!”