Tɔlɔ Mɔ 1:53 - WE NU GALE 1995

⁵³ Nɛ nde tati a obe zã Levi hã wa ɔ sɛ zĩ do tɔa Tande takpa, nɛ wa dɛ sɛ toe 'da wa dɛ di ni. Na mɛ ni, nɛ wa amba sɛ zu obe Israɛlɛ na, wa tɛ kɔ́lɔ́ do tɔa ni, kɔ dã ba mi dɛ tɛ wa gɔ.”

Tɔlɔ Mɔ 1:53 Iomraidhean Croise

1 Sakonɔ 23:32

Wa zɔ sɛ mɔ tɛ tɔa Tande do fala dɔnggɔ do Gale. Nɛ nde onya wa, obe zã Aroni, wa dɛ sɛ tonɔ 'da wa kɔ Tɛmpɛlo 'da NWA.

2 Sakonɔ 13:10

“Nɛ nde we duzu lɛ, Gale 'da lɛ wi a NWA, nɛ lɛ bɛ gɛnɛ a gɔ. Nɛ onganganɔ kɛ wa dɛ toe 'da NWA ni a obe zã Aroni. Nɛ olevitɛnɔ wa tɛ dɛ tonɔ 'da wa sanga lɛ.

2 Sakonɔ 13:11

Titole do gɛ̃a wese, nɛ wa dɔ sa'de mba do fũ yɔmbɔ we dɔnggɔ do NWA. Nɛ wa a omapanɔ wa hã ma hã NWA ni dɛ ngɔ mɛsa santoe 'da a. Nɛ do gɛ̃a wese kpo kpo, nɛ wa tũ omwindanɔ kɛ wa dɛa mɔ a do ma do mɔ mbali ni. Ma bia na, lɛ dɛ toe 'da NWA do dia nɛ vɛ̃. Nɛ nde kɛ 'da nɛ, nɛ bɛ̃a gɛnɛ ngbongbo Gale.

Yeremi 23:15

NWA ngɔ mɔ nyanga nza vɛ̃ tɔ̃a 'bɔ dɛ ngɔ owi gba olo nu a, wanɔ wa kɔ le Yeruzalɛmɛ ni na: “Mi hã sɛ Sanggo kɛ ma a fã ni hã wa na, wa nyɔngɔ, nɛ mi hã 'dã ina hã wa na, wa nɔ. 'Dã mɔ yula kɔ̃ owi gba olo nu mi tɛ Yeruzalɛmɛ, nɛ ma yɛ'bɛ ngɔ nùi vɛ̃.”

Yeremi 5:31

Owi gba olo nu mi Gale wa 'bili bɛlɛ iko, onganganɔ wa fa tati a kpasi 'da wa wele nɛ. Nɛ nɛ, owinɔ 'da mi, nɛ zɔa ma, nɛ nɛ kɔ̃a gɛnɛ nɛ wena. Kɔ ngba soe mɛnɔ ni ma e, nɛ nɛ dɛ sɛ nɛ nɛ nde?”

Levitɛnɔ 10:6

'Do nɛ, nɛ Mɔizɛ tɔ̃ hã Aroni, do tala obenɔ 'da a bɔa, Elazarɛ do Itamarɛ na: “Nɛ tɛ là mili zu nɛ na mɛ ni iko gɔ, nɛ nɛ tɛ ɛ̃̀ 'bɔ tulu tɛ nɛ we dɛ 'bako gɔ. Nɛ dɛ na mɛ ni, nɛ nɛ fe sɛ, nɛ zã NWA ma nɔ̃lɔ̃ sɛ dɛ tɛ obe Israɛlɛ vɛ̃. Nɛ nde tala onya nɛ, obe Israɛlɛ, wa wia we he kɔ̃a winɔ kɛ NWA tumba nyɛa we, kɔ ma gbɛa wa ni.

Tɔlɔ Mɔ 1:50

Mɔ la sɛ to zɔ mɔ kɔ tɔa Tande, fala wa ia do ta Gba Tɔkɛ, do obe si'bili mɛnɔ kɔ tɔa ni hã wa. Wa ba sɛ tole tɔa Tande do obe si'bili mɔ tɛ nɛ, nɛ wa dɛ sɛ to do kɔ tɔa Tande i. Nɛ wa ɔ sɛ zĩ do ma takpa.

Tɔlɔ Mɔ 1:54

Obe Israɛlɛ wa dɛa vɛ̃ ɔ nɛ kɛ NWA ba do nu a hã Mɔizɛ ni.

Tɔlɔ Mɔ 16:9

NWA a saka nɛ dɛ kɔ tala gele obe Israɛlɛ na, nɛ kɔlɔ do ɛ, nɛ nɛ dɛ to kɔ tɔa Tande 'da ɛ, nɛ nɛ dɛ 'bɔ to olo li obe Israɛlɛ vɛ̃. Nɛ nde nɛ lengge na, ki ni ma wè gɔ nde?

Tɔlɔ Mɔ 17:7

Ĩ na, 'da fala obe Israɛlɛ wa wele do 'dã we hã Mɔizɛ do Aroni ni, nɛ wa ka mɔ si ngɔ tɔa Tande 'da NWA i, nɛ wa zɔ zɛ̃ we gã dɔlɔ li 'da NWA, nɛ nde ma gulu ngɔ tɔa.

Tɔlɔ Mɔ 2:17

Dɛ 'do nɛ, nɛ obe zã Levi wa la sɛ do tɔa Tande. Wa yolo sɛ do gbogbo ngɔ gili winɔ nalɛ ni. Ngɔ gili winɔ bɔa wa kpe sɛ dati, nɛ ngɔ gili winɔ bɔa wa kpe dɛ 'do wa. Ngɔ gili winɔ ni kpo kpo, wa la sɛ do 'da tɛlɛ tɛ kɛ wa ɔ do ma ni, wi wili kpo kpo do fala 'da a, do ti bɛndɛlɛ 'da ngɔ gili nu kpala a.

Tɔlɔ Mɔ 3:23

Fala ɔi 'da nu fɛlɛ Ogɛrsoni, ma zi do 'do tɔa Tande, si 'biti gɛ̃a wese.

Tɔlɔ Mɔ 3:29

Onu fɛlɛ Okehatɛ wa 'dafa fala ɔi 'da wa do 'do tɔa Tande, si ba gɔtɔ.

Tɔlɔ Mɔ 3:35

Nwa ngɔ wa a Suriɛlɛ, be 'da Abihailɛ. Wa 'dafa zi fala ɔi 'da wa do 'do tɔa Tande, si gbãlã ngɔ.

Tɔlɔ Mɔ 3:38

Nɛ Mɔizɛ, Aroni do obenɔ 'da a, wa 'dafa fala ɔi 'da wa do dati tɔa Tande, si 'biti gba wese. Wa dɛ zi toe kɔ tɔa Tande do zu li obe Israɛlɛ. Kɔ gele wele iko, kɛ a a nganga gɔ ni, a yamba dɛ toe ni, nɛ ma wia na wa gbɛ a.

Tɔlɔ Mɔ 31:30

Nɛ ngɔ omɛnɔ kɛ tala obe Israɛlɛ wa kpa ni, mɔ fo sɛ wele kpo kɔ Owele 'bu wa mɔlɔ, nɛ sa'de kpo kɔ osa'de 'bu wa mɔlɔ. Mɛ sɛ a osa'denɔ gɛ: ongɔmbɔ, opunda, obata, odua do ogele sa'denɔ. Nɛ wele wa vɛ̃ sɛ a mɔ́ mi. Nɛ mɔ hã sɛ wa hã olevitɛnɔ, kɛ wa dɛ toe kɔ tɔa Tande 'da mi ni.”

Tɔlɔ Mɔ 31:47

Nɛ ngɔ omɛnɔ ni, Mɔizɛ fua wele kpo kɔ Owele 'bu wa mɔlɔ, nɛ sa'de kpo kɔ osa'de 'bu wa mɔlɔ, nɛ a hã wa hã olevitɛnɔ, kɛ wa dɛ toe kɔ tɔa Tande 'da NWA ni. A dɛa ɔ nɛ kɛ NWA ba zi do nu ɛ hã a ni.

Tɔlɔ Mɔ 8:19

Nɛ mi ia wa na, wa dɛ to kɔ tɔa Tande dɛ ti Aroni do benɔ 'da a olo li obe Israɛlɛ. Na mɛ ni, nɛ wa amba sɛ zu obe Israɛlɛ na, dɔ wa kɔ́lɔ́ do tɔa Tande, kɔ wa fe gɔ.”

2 TIMOTE 4:2

Mɔ bé we nu Gale hã owinɔ, nɛ mɔ dálá nu mɔ tɛ be ma. Gɛnɛ kɔ mɛ a dia ngba soe, tabi mɛ a 'dã ngba soe nde, nɛ mɔ tɛ mbɔ̀kɔ̀ tɛ be we hã wa gɔ, mɔ bé ma bia fai. Mɔ dã́lã́ dɛ tɛ wa, nɛ mɔ ha kpã sila hã wa, nɛ mɔ bé wenɔ hã wa do du sila ngboo.

1 SAMUƐLƐ 6:19

Nɛ nde do 'da fala ni, nɛ nwa hã etumbu hã owinɔ kɔ le Bɛtɛ-Semɛsi, we kɛ wa zɔa Sanduku Gba Tɔkɛ ni. A gbɛa Owi wili 'bu wa sambo kɔ owinɔ ni. Owanɔ kɛ wa fè gɔɛ ni, wa nɛa we zɔ ni, nɛ wa dungu gɛla, we kɛ nwa hã etumbu hã wa nganda wena.