Tɔlɔ Mɔ 1:50 - WE NU GALE 1995

⁵⁰ Mɔ la sɛ to zɔ mɔ kɔ tɔa Tande, fala wa ia do ta Gba Tɔkɛ, do obe si'bili mɛnɔ kɔ tɔa ni hã wa. Wa ba sɛ tole tɔa Tande do obe si'bili mɔ tɛ nɛ, nɛ wa dɛ sɛ to do kɔ tɔa Tande i. Nɛ wa ɔ sɛ zĩ do ma takpa.

Tɔlɔ Mɔ 1:50 Iomraidhean Croise

2 Sakonɔ 24:6

Nɛ nwa sa mɔ hã gã nwa nganga Yoyada, nɛ a tɔ̃ hã a na: “Mɔizɛ, wi toe 'da NWA, fala nɛ kpo do mba li ngba wi 'da owinɔ, wa tɔ̃a zi na, obe Israɛlɛ wa futa tako, takɔ wa 'dafa do tɔa dɔnggɔ do Gale kɛ 'buku Gba Tɔkɛ kɔ nɛ ni. Kɔ gulu kɛ mɔ yòlò 'do olevitɛnɔ na, wa kala takoe ni kɔ̃ Oyuda do owi Yeruzalɛmɛ gɔ we ge nde?

NEHEMIE 12:22

Do 'da fala Eliasibɛ, do Yoyada, do Yohananɛ, do Yadua wa hɔa ogã nwa nganganɔ dɛ 'do ngbawa ni, nɛ nde wa kɔma li olevitɛnɔ, kɛ wa a okpasa wi kɔ nu fɛlɛ wa ni kɔ 'buku li winɔ. Wa dɛa 'bɔ ní we onganganɔ, gbaa we hɔ tɛ dɛa to nwa 'da Dariusi, gã nwa ngɔ nù Pɛrsɛ.

NEHEMIE 12:47

Tũ kpo kpo, do 'da fala 'da Zorobabɛlɛ, tabi 'da Nehemi, obe Israɛlɛ wa tɛ zi do omɛnɔ kɛ ma wia we gala owi ga zumanɔ, do owi zɔ mɔ nu tɔa Tɛmpɛloe ni. Nɛ wa tɛ 'bɔ do dɔnggamɔ we gala olevitɛnɔ. Nɛ olevitɛnɔ wa kala kɛ 'da onganganɔ, nɛ wa hã ma hã wa.

NEHEMIE 12:8

Kɔ olevitɛnɔ, wi a: Yesua, Binui, Kadmiɛlɛ, Serebia, Yɛhuda do Matania. Matania do Owi wilinɔ kɔ nu fɛlɛ a hã wa ba gɛlɛ Zumanɔ we dɔnggɔ do Gale.

NEHEMIE 13:22

Nɛ mi ba nu mi hã olevitɛnɔ na, wa fɔlɔ tɛ wa we hɔ sa wi li Gale, nɛ wa nɛ we zɔ mɔ nu ongbo le, sɛ a winɔ wa dɛa kili, nɛ wa zɔ kɔ̃ tũ ɔmɔ tɛ wi na, mɛ a kɔ̃ tũi 'da Gale de. Ma kɛ mi sambala na: “Aa Gale 'daa, mɔ zɔ́ mɛ mi dɛa ni, nɛ ta zu mɔ gbá ngɔ mi. Nɛ mɔ dɛ́ 'bako hã mi, we kɛ mɔ de wena, kɔ̃a zã 'da mɔ ma gã wena.”

NEHEMIE 13:5

ma kɛ a ba mbe gã 'bili kɔ tɔa kpo, nɛ a hã ma hã Tobia. 'Bili tɔa ni zi a fala kɛ wa usu do ofũ, do ofũ yɔmbɔ we dɔnggɔ do Gale, do okpana we dɛa to kɔ tɔa Tɛmpɛloe. Dɛ kpo kɔ 'bili tɔa ni, wa usu zi 'bɔ odɔnggamɛnɔ we onganganɔ, do dimɛ kpalɛnɔ, do mbé dɔ̃, do nɔnɔ kɛ wa hã hã olevitɛnɔ, do owi ga zumanɔ, do wi zɔ mɔ nu tɔa Tɛmpɛloe ni.

Zumanɔ 122:4

Kɛ gɛ a fala kɛ nu fɛlɛ winɔ 'da nwa, obe Israɛlɛ wa tɛ gɛnɛ dɛ tɛ nɛ, nɛ wa dɔnggɔ NWA ɔ nɛ kɛ mbula 'da wa tɔ̃a ni.

Kulu Tɔa 31:18

Gale tɔ̃a wenɔ ni hã Mɔizɛ ngɔ kala Sinai 'di vɛ̃ do'do, nɛ a kala tanɔ kɛ a kɔma mbulanɔ do tɛ̃ a ngɔ nɛ ni, nɛ a hã ma hã a na, a zĩlĩ do nɛ.

Kulu Tɔa 38:21

Ngɔ gili mɔ bolonɔ gɛ vɛ̃, ma lia kɔ dɛa to tɔa Tande, kɛ wa dɛa we usu ota gba tɔkɔnɔ kɔ nɛ ni. Mɔizɛ ba nu a, nɛ Itamarɛ, be 'da nganga Aroni, a zɔa mɔ tɛ olevitɛnɔ, nɛ wa tɔlɔ mɛnɔ vɛ̃ wa dɛa do tɔa ni.

Tɔlɔ Mɔ 1:53

Nɛ nde tati a obe zã Levi hã wa ɔ sɛ zĩ do tɔa Tande takpa, nɛ wa dɛ sɛ toe 'da wa dɛ di ni. Na mɛ ni, nɛ wa amba sɛ zu obe Israɛlɛ na, wa tɛ kɔ́lɔ́ do tɔa ni, kɔ dã ba mi dɛ tɛ wa gɔ.”

Tɔlɔ Mɔ 10:21

Nɛ olevitɛnɔ kɛ wa a obe zã Kehatɛ, nɛ wa a wa ba tole mɛnɔ ma santo wena ni, wa kpia dɛ 'do wa. Kɔ wa nɛ hɔ tɛ mbé fala kɛ wa nɛ ɔ nɛ ni, nɛ nde otala levitɛnɔ wa zĩ sɔ tɔa Tande dɛ ngɔ ia.

Tɔlɔ Mɔ 17:7

Ĩ na, 'da fala obe Israɛlɛ wa wele do 'dã we hã Mɔizɛ do Aroni ni, nɛ wa ka mɔ si ngɔ tɔa Tande 'da NWA i, nɛ wa zɔ zɛ̃ we gã dɔlɔ li 'da NWA, nɛ nde ma gulu ngɔ tɔa.

Tɔlɔ Mɔ 18:5

Mɔ, do obe zã mɔ hã nɛ dɛ sɛ toe tɛ Fala kɛ ma santo do kɛ zã gbagala. Nɛ dɛ na mɛ ni, nɛ zã mi ma nɔ̃́lɔ̃́ sɛ 'bɔ mbé nɛ dɛ tɛ obe Israɛlɛ gɔ.

Tɔlɔ Mɔ 2:17

Dɛ 'do nɛ, nɛ obe zã Levi wa la sɛ do tɔa Tande. Wa yolo sɛ do gbogbo ngɔ gili winɔ nalɛ ni. Ngɔ gili winɔ bɔa wa kpe sɛ dati, nɛ ngɔ gili winɔ bɔa wa kpe dɛ 'do wa. Ngɔ gili winɔ ni kpo kpo, wa la sɛ do 'da tɛlɛ tɛ kɛ wa ɔ do ma ni, wi wili kpo kpo do fala 'da a, do ti bɛndɛlɛ 'da ngɔ gili nu kpala a.

Tɔlɔ Mɔ 20:11

Ma kɛ Mɔizɛ ba dɔndɔlɛ 'da a dɛ ngɔ, nɛ a zɛ do ta fala bɔa, nɛ gã lì yula kɔ nɛ do ti, nɛ ma go'do dɛ nza. Nɛ obe Israɛlɛ wa nɔa lì fala nɛ kpo do onadalamɛnɔ 'da wa.

Tɔlɔ Mɔ 4:15

Kɔ wa nɛ la ma, nɛ Aroni do obenɔ 'da a wa lɔmbɔ sɛ 'do omɛnɔ ma santo ni, do osi'bili mɔ to nɛ vɛ̃ do'do, sɛ nɛ obe zã Kehatɛ wa tɛ we ba tole nɛ de. Na mɛ ni, nɛ kɔ Okehatɛ ndɔ́ sɛ tɛ mɔ santoe, kɔ wa hɔ fɛna fio gɔ. Obe zã Kehatɛ wa dɛ sɛ to kala omɔ tole santonɔ kɔ tɔa Tande ni.

Tɔlɔ Mɔ 4:3

Nɛ nɛ tɔ́lɔ́ wi wilinɔ, wanɔ wa wia 'bu sabɛlɛ talɛ we hɔ 'bu nɛ mɔlɔ ni, nɛ nɛ kɔmɔ sɛ li wa, takɔ wa dɛ ombe tonɔ kɔ tɔa Tande i.

Tɔlɔ Mɔ 8:19

Nɛ mi ia wa na, wa dɛ to kɔ tɔa Tande dɛ ti Aroni do benɔ 'da a olo li obe Israɛlɛ. Na mɛ ni, nɛ wa amba sɛ zu obe Israɛlɛ na, dɔ wa kɔ́lɔ́ do tɔa Tande, kɔ wa fe gɔ.”

Tɔlɔ Mɔ 8:20

Mɔizɛ, Aroni do obe Israɛlɛ vɛ̃ wa dɛa mbula ngɔ olevitɛnɔ, kɛ NWA hã zi ma hã Mɔizɛ ni, do wala olo nɛ ngboo.

Tɔlɔ Mɔ 8:22

'Do nɛ, nɛ olevitɛnɔ wa ndua dɛa toe 'da wa kɔ Tɔa Tande dɛ ti Aroni do obenɔ 'da a. Na mɛ ni, wa dɛa mbula ngɔ levitɛnɔ, kɛ nwa hã ma hã Mɔizɛ ni.

USU MƐNƆ 15:5

'Do ki ni, nɛ mi nɛ ka mɔ, nɛ nde nu tɔa Tɛmpɛloe li nza i hũi, nɛ mi zɔ tɔa Tande kɛ ma be na, Gale di ni boe ni.