Tɔlɔ Mɔ 1:46 - WE NU GALE 1995

⁴⁶ Wa zi vɛ̃ 603.550.

Tɔlɔ Mɔ 1:46 Iomraidhean Croise

Ndo Nyanga Dɛ Mɔ 12:2

Mi dɛ sɛ na, obe zã mɔ wa dɛlɛ, nɛ wa hɔ gã nu kɔnggɔ wele. Nɛ mi wele sɛ 'bɔ nu mi tɛ mɔ na, sako li mɔ dɔ̃lɔ̃, nɛ tala gele winɔ wa kpa sɛ wila nu we duzu mɔ.

Ndo Nyanga Dɛ Mɔ 13:16

Mi dɛ sɛ na, obe zã mɔ wa dɛlɛ ɔ nɛ gbãlã kɛnzɛnɔ ngɔ nù gɛ. Ɔ nɛ kɛ wele wè tɛ tɔlɔ gbãlã kɛnzɛnɔ ngɔ nù gɛ gɔ ni, wele wé sɛ tɛ mɛ 'bɔ we tɔlɔ obe zã mɔ gɔ.

Ndo Nyanga Dɛ Mɔ 15:5

Nɛ 'do ki ni, nɛ NWA tɔ̃ hã Abrama na, a hɔ kɔ tɔa tande dɛ nza. A nɛa we hɔ nɛ, nɛ NWA tɔ̃ hã a na: “Mɔ bá li mɔ ngɔ, hã mɔ zɔ sɔlanɔ, tabi mɔ we sɛ we tɔlɔ ma nde? Nɛ nde obe zã mɔ wa dɛlɛ sɛ ɔ nɛ sɔlanɔ kɛ wele wè tɛ tɔlɔ ma gɔɛ ni.”

Ndo Nyanga Dɛ Mɔ 17:6

Obe zã mɔ wa dɛlɛ sɛ wena, nɛ wa hɔ sɛ gã nu kɔnggɔ Owele, nɛ ombe wa hɔ sɛ nwa.

Ndo Nyanga Dɛ Mɔ 22:17

mi wele sɛ nu mi tɛ mɔ, nɛ mi dɛ sɛ na, obe zã mɔ wa dɛlɛ wena nɛ osɔlanɔ li nza, tabi gbãlã kɛnzɛ nu gã lì ni. Nɛ obe zã mɔ wa nɛ sɛ ngɔ owi sɛnɛ wa, nɛ wa kala sɛ lenɔ 'da wa.

Ndo Nyanga Dɛ Mɔ 26:3

nɛ mɔ ɔ dɛ di ni. Mi sɛ fala nɛ kpo do mɔ, nɛ mi wele sɛ nu mi tɛ mɔ, nɛ mi hã 'bili tɛ nùnɔ gɛ vɛ̃ hã mɔ do obe zã mɔ. Na mɛ ni, nɛ mi dɛ sɛ mbuli kɛ mi kpua zi do baa mɔ Abrahama ni hã mɔ.

Ndo Nyanga Dɛ Mɔ 28:14

Obe zã mɔ wa dɛlɛ sɛ ɔ nɛ gbãlã kɛnzɛ ngɔ nùi gɛ. Nɛ nùi 'da wa ma gã sɛ dɛ 'do si ba gɔtɔ, si 'biti gba wese, si gbãlã ngɔ, do si 'biti gɛ̃a wese. Mi wele sɛ nu mi tɛ nu kɔnggɔ owinɔ ngɔ nù gɛ vɛ do wala 'da mɔ, do obe zã mɔ.

2 SAMUƐLƐ 24:9

Wa hɔa i mɔ, nɛ Yoabɛ ba li winɔ wa tɔlɔ wa ni hã nwa Davidi. Nɛ nde nù Israɛlɛ zi do owi wili koto kama ngbɛ'dɛ'dɛ, nɛ nù Yuda do Owi wili koto kama mɔlɔ. Wi wilinɔ ni a wanɔ kɛ wa wia we nɛ bolo ni.

1 Onwanɔ 4:20

Owi ngɔ nù Yuda, do wanɔ ngɔ nù Israɛlɛ wa dɛlɛ zi wena. Wa dɛlɛ zi ɔ nɛ gbãlã kɛnzɛ nu gba lì, kɛ wa wè tɛ tɔlɔ nɛ, nɛ ma e gɔ ni. Gɛnɛ kɔ na mɛ ni, nɛ nde wa zɔ̀lɔ̀ zi nyɔngɔmɔ, do nɔa mɔ gɔ, nɛ wa dungu zi do yangga.

1 Sakonɔ 21:5

nɛ a sa ngɔ gili winɔ ni hã nwa. Nù Israɛlɛ zi do owi wili kɛ wa wia we nɛ bolo ni miliɔ̃ kpo do koto kama kpo (1.100.000), nɛ nù Yuda do wa koto kama nalɛ do 'bu wa sambo (470.000).

2 Sakonɔ 13:3

Nɛ Abia kala nga osoda bolo koto kama nalɛ we bi do Yeroboamɛ. Nɛ Yeroboamɛ kala tɛ mɛ 'bɔ nga osoda koto kama ngbɛ'dɛ'dɛ we bi do Abia.

Kulu Tɔa 12:37

'Do nɛ, nɛ obe Israɛlɛ wa kulu ngɔ kɔ le Ramsɛsi, nɛ wa la dɛ Sukɔtɛ. Wa zi owi wili koto kama gazɛlɛ, nɛ wa tɔ̀lɔ̀ zi owukonɔ do obenɔ do ogbɛlɛnɔ gɔ.

Kulu Tɔa 38:26

We kɛ̃ dĩ fɛ̃a mɔ bole ni do 'da zu owi wili Israɛlɛ, wanɔ wa hɔa sabɛlɛ 'bu nɛ bɔa hɔa, nɛ wa tɔlɔ wa, nɛ nde wa zi vɛ̃ a Owele 603.550 ni, nɛ ma be na, wi wili kpo kpo hã fɛ̃a mɔ bolo gramɛ mɔlɔ.

Tɔlɔ Mɔ 1:45

Ngɔ gili obe Israɛlɛ kɛ wa tɔlɔ wa, nɛ wa wia dɛ to soda ni,

Tɔlɔ Mɔ 11:21

Nɛ Mɔizɛ tɔ̃ hã nwa na: “Winɔ mi kã wa gɛ, wa nɛa ngɔ koto kama gazɛlɛ nɛa. Nɛ mɔ tɔ̃ tɛ mɛ na, ɛ nɛ hã mulu sa'de hã wa gbaa zɛkɛ kpo vɛ̃ nde!

Tɔlɔ Mɔ 14:29

Nɛ fe sɛ, nɛ wɔlɔ nɛ ma ɔ sɛ do li gba zɔ̃ gɛ fatata. Nɛ vɛ̃ kɛ wa tɔlɔ zi nɛ, nɛ sabɛlɛ 'da nɛ yolo 'bu nɛ bɔa we kũ dɛ ngɔ ni, nɛ fe sɛ, we kɛ nɛ bi tɛ nɛ hã mi wena.

Tɔlɔ Mɔ 2:32

Ngɔ gili obe Israɛlɛ, kɛ wa tɔlɔ wa kɔ nu kpala kpo kpo do ngɔ gili sodanɔ ni kpo kpo, wa zi vɛ̃ 603.550.

Tɔlɔ Mɔ 23:10

Wi wia we tɔlɔ gba gili obe Israɛlɛ, wi a wio nde? Wi wia we ĩ ti ngɔ gili obe zã Yakɔbɔ, wi a wio nde? E kɔ Sɔkpɔ dungi 'da mi ma ɔ nɛ kɛ 'da winɔ 'da NWA ni. E kɔ mi fe dia fio, ɔ nɛ kɛ wa, owi bɔlɔ zunɔ wa fe ni.”

Tɔlɔ Mɔ 26:51

Ngɔ gili obe Israɛlɛ wa tɔlɔ wa ni, wa vɛ̃ owi wili koto kama gazɛlɛ do ngɔ wa kpo, do kama sambo do 'bu wa talɛ (601.730).

Mbulanɔ 10:22

'Da fala oyaa nɛ wa hɔa zi tɛ ngɔ nù Ezipeto i ni, nɛ nde wa zi tati a Owele 'bu wa sambo iko. Nɛ ngangga ni, NWA Gale 'da nɛ dɛa na nɛ ko, nɛ nɛ dɛlɛ ɔ nɛ osɔlanɔ li nza i ni.