Tɔlɔ Mɔ 1:4 - WE NU GALE 1995

⁴ Kpasa wi nu fɛlɛ kula kpo kɔ nu kpala kpo kpo, a gala sɛ nɛ.”

Tɔlɔ Mɔ 1:4 Iomraidhean Croise

1 Onwanɔ 8:1

Nɛ nwa Salɔmɔ sa mɔ hã okumu Israɛlɛ vɛ̃, owanɔ ngɔ nu kpalanɔ, do owanɔ ngɔ nu fɛlɛ kulanɔ vɛ̃. A sa mɔ hã wa na, wa mba li ngba wa dɛ 'da a tɛ Yeruzalɛmɛ, takɔ wa ba Sanduku Gba Tɔkɛ 'da NWA tɛ kɔ Gba Ngbo nwa 'da Davidi, kɛ wa sa 'bɔ li ma na Sioni ni, kɔ wa e ma tɛ kɔ tɔa Tɛmpɛloe i.

Kulu Tɔa 18:21

Dɛ ngɔ nɛ, mɔ sáká kɔ owinɔ, nɛ mɔ kala wanɔ kɛ wa a wi dĩ, nɛ wa dɛ kili Gale dɛa, nɛ wa a wi bɔlɔ zu, nɛ wa dɛ́ to olo avoka gɔ ni. Wanɔ ni, mɔ é wa do owi zɔ mɔ tɛ ongba wa. Mɔ e sɛ wa ngɔ ogili wele koto kpo, kama kpo, 'bu nɛ mɔlɔ, tabi Owele 'bu.

Kulu Tɔa 18:25

A saka Owele kɔ obe Israɛlɛ, nɛ a a wa do owi zɔ mɔ tɛ ongba wa. A a wa ngɔ ogili wele koto kpo, kama kpo, 'bu nɛ mɔlɔ, tabi Owele 'bu.

Tɔlɔ Mɔ 1:16

Okpasa wi nu fɛlɛ kulanɔ, wa saka wa ni, wa 'bɔ a ogã wi ngɔ osoda Israɛlɛ.

Tɔlɔ Mɔ 1:44

Ki ni a ngɔ gili winɔ kɛ Mɔizɛ, Aroni do okpasa wi nu fɛlɛ kulanɔ kɔ onu kpala Israɛlɛ, wa tɔlɔ wa gɛ a ni.

Tɔlɔ Mɔ 17:3

Mba gɔ, o'dã winɔ kɛ wa fia ni, wa tɛa nɛ hã mi, nɛ ma hɔa santo. Ma wia na, winɔ wa 'dɛnɛ ma, takɔ li nɛ pɛsɛ dɛ 'do, nɛ wa gu mbala mɔ bole ni ngɔ gbagala dɔ do sa'de. Nɛ ma ɔ sɛ dɛ di ni we mbese obe Israɛlɛ.”

Tɔlɔ Mɔ 25:14

Li be Israɛlɛ, kɛ Pinasi gbɛa zi a fala nɛ kpo do wuko Madianɛ ni a Zimri, be 'da Salu. A zi a mbe kpo kɔ owinɔ wa zɔ mɔ tɛ nu kpala Simeoni ni.

Tɔlɔ Mɔ 25:4

nɛ a tɔ̃ hã Mɔizɛ na: “Mɔ kálá ogã wi ngɔ obe Israɛlɛ, kɔ mɔ gbɛ wa dɛ dati mi NWA do gba wese, sɛ a owinɔ vɛ̃ wa zɔa de. Na mɛ ni, nɛ gã nɔ̃lɔ̃ zã kɛ mi do ma dɛ tɛ nɛ ni, ma gɛ̃ sɛ.”

Tɔlɔ Mɔ 30:1

Mɔizɛ tɔ̃a mbulanɔ vɛ̃ a kpa 'da nwa i ni, hã obe Israɛlɛ.

Tɔlɔ Mɔ 4:34

Mɔizɛ, Aroni do okpasa wi ngɔ obe Israɛlɛ, wa tɔlɔ olevitɛnɔ vɛ̃ kɛ wa a obe zã Kehatɛ, Gɛrsoni do Mɛrari do 'da nu fɛlɛ wa do nu di 'da wa. Wa tɔlɔ wanɔ wa wia 'bu sabɛlɛ talɛ we hɔ 'bu nɛ mɔlɔ ni. Wa kɔma li winɔ ni we dɛ tonɔ kpi do kpi kɔ tɔa Tande. Wa tɔlɔ wa ɔ nɛ kɛ NWA ba do nu ɛ hã Mɔizɛ na a dɛ ni. Nɛ wa kpa wa na mɛ gɛ: Obe zã Kehatɛ; owi wili 2.750 Obe zã Gɛrsoni; owi wili 2.630 Obe zã Mɛrari; owi wili 3.200 Ngɔ gili levitɛnɔ vɛ̃ hɔa owi wili 8.580. Levitɛ kpo kpo kpa ombula ngɔ toe 'da a, do omɛnɔ ma wia na a ba tole nɛ ni. A kpa toe ni ɔ nɛ kɛ NWA ba do nu ɛ hã Mɔizɛ ni.

Tɔlɔ Mɔ 7:2

'Do nɛ, nɛ okpasa wi nu kpala Israɛlɛ, kɛ wa dɛ to olo li obe Israɛlɛ, nɛ wa gala zi 'bɔ tɛ tɔlɔ winɔ ni, wa hɔa.

Mbulanɔ 1:15

Ma kɛ mi ngɛmɛ owi hã zã kɛ wa wia do dɛa toe ni na, wa zɔ mɔ tɛ nɛ. Owinɔ ni, wa dɛ zi 'bɔ to dati belee kɔ nu kpala nɛ. Mi ia ombe do wi ngɔ ogili wele koto kpo, nɛ ombe ngɔ Owele kama kpo, nɛ ombe ngɔ Owele 'bu wa mɔlɔ, nɛ ombe ngɔ Owele 'bu. Nɛ mi hã to zɔ mɔ tɛ nu kpala kpo kpo hã ombe nɛ.

Yozue 22:14

Nɛ okpasa wi 'bu wa kã Pinasi. Okpasa winɔ ni, wa saka zi wa kpo kpo kɔ nu kpala winɔ si 'biti gɛ̃a wese vɛ̃. Nɛ wa zi vɛ̃ a okpasa wi ngɔ nu fɛlɛ kulanɔ 'da obe Israɛlɛ.