Tɔlɔ Mɔ 1:3 - WE NU GALE 1995

³ Nɛ tɔ́lɔ́ wi wilinɔ vɛ̃ kɛ wa do 'bu sabɛlɛ bɔa we kũ dɛ ngɔ, nɛ wa wia we dɛ to soda ni.

Tɔlɔ Mɔ 1:3 Iomraidhean Croise

2 SAMUƐLƐ 24:9

Wa hɔa i mɔ, nɛ Yoabɛ ba li winɔ wa tɔlɔ wa ni hã nwa Davidi. Nɛ nde nù Israɛlɛ zi do owi wili koto kama ngbɛ'dɛ'dɛ, nɛ nù Yuda do Owi wili koto kama mɔlɔ. Wi wilinɔ ni a wanɔ kɛ wa wia we nɛ bolo ni.

1 Sakonɔ 5:18

Onu kpala Rubɛnɛ do Gadɛ do mbee nu kpala Manase, wa wia zi saka osoda koto 'bu wa nalɛ ngɔ wa nalɛ do kama sambo do 'bu wa gazɛlɛ (44.760) kɛ wa ĩ ti bi bolo do ngele, do du kɔya, do nzabele ɔ dia, nɛ wa 'dafa tɛ wa we bi bolo ni.

2 Sakonɔ 25:5

'Do nɛ, nɛ Amasia ngɛmɛ li owinɔ 'da a Oyuda do Obɛnzamɛ, nɛ a tɔlɔ owi wilinɔ kɛ wa do 'bu sabɛlɛ bɔa do wanɔ wa 'bɔ do sabɛlɛ nɛa ngɔ ki ni ni. A dɛa ni, nɛ a kpa onga soda koto kama talɛ, kɛ wa ĩ ti 'be ngele do da sɛlɛ ni. Nɛ a kɛ̃ sanga wa do ngɔ gili osoda koto, do gili osoda kama do 'da nu fɛlɛnɔ vɛ̃. Nɛ a a ogã wi ngɔ wa.

Kulu Tɔa 12:17

“Kɔ sabɛlɛ do sabɛlɛ, fala kɛ ma hɔ kɔ̃ tũi kɛ mi fua do nɛ kɔ ngbá ngɔ nù Ezipeto ni, nɛ nɛ dungu sɛ ɛngga we lengge do ma. Nɛ 'da fala ɛngga ni, nɛ nyɔngɔ sɛ mapa kɛ wa à ina hana mapa tɛ nɛ gɔ ni. Nɛ nɛ tɛ gbìnì mbula gɛ gɔ.

Kulu Tɔa 30:14

Ma wia na, be Israɛlɛ vɛ̃ kɛ mɔ tɔlɔ a, nɛ nde a ɔa 'bu sabɛlɛ bɔa, tabi a la ma la ni, a futa takoe ni.

Kulu Tɔa 38:26

We kɛ̃ dĩ fɛ̃a mɔ bole ni do 'da zu owi wili Israɛlɛ, wanɔ wa hɔa sabɛlɛ 'bu nɛ bɔa hɔa, nɛ wa tɔlɔ wa, nɛ nde wa zi vɛ̃ a Owele 603.550 ni, nɛ ma be na, wi wili kpo kpo hã fɛ̃a mɔ bolo gramɛ mɔlɔ.

Tɔlɔ Mɔ 14:29

Nɛ fe sɛ, nɛ wɔlɔ nɛ ma ɔ sɛ do li gba zɔ̃ gɛ fatata. Nɛ vɛ̃ kɛ wa tɔlɔ zi nɛ, nɛ sabɛlɛ 'da nɛ yolo 'bu nɛ bɔa we kũ dɛ ngɔ ni, nɛ fe sɛ, we kɛ nɛ bi tɛ nɛ hã mi wena.

Tɔlɔ Mɔ 26:2

“Nɛ tɔ́lɔ́ obe Israɛlɛ, do 'da nu fɛlɛ wa. Nɛ tɔlɔ sɛ a wi wilinɔ wa do 'bu sabɛlɛ bɔa we kũ dɛ ngɔ, nɛ wa wia dɛ to soda ni.”

Tɔlɔ Mɔ 3:15

“Mɔ tɔ́lɔ́ owi nu kpala Levi, do 'da nu fɛlɛ kula 'da wa kpo kpo. Nɛ mɔ kɔ́mɔ́ li owi wilinɔ do obulu benɔ, yolo tɛ wanɔ wa wia zɛkɛ kpo we kũ dɛ ngɔ.”

Tɔlɔ Mɔ 32:11

‘Sanga nɛ, owinɔ nɛ yula Ezipeto i ni, wanɔ wa do 'bu sabɛlɛ bɔa we kũ dɛ ngɔ ni, wele kpo zɔ̃ sɛ nùi mi kpua mbulu nɛ hã Abrahama, Izaka do Yakɔbɔ ni gɔ. We kɛ nɛ dɛ̀ olo nu mi gɔ.

Tɔlɔ Mɔ 33:1

Kɛ gɛ a li ofalanɔ kɛ obe Israɛlɛ wa ɔa zi tɛ nɛ, 'do kɛ wa hɔa nza ngɔ nù Ezipeto ni. Do 'da fala ni, owi kpe ti wa zi a Mɔizɛ do Aroni.

Tɔlɔ Mɔ 4:3

Nɛ nɛ tɔ́lɔ́ wi wilinɔ, wanɔ wa wia 'bu sabɛlɛ talɛ we hɔ 'bu nɛ mɔlɔ ni, nɛ nɛ kɔmɔ sɛ li wa, takɔ wa dɛ ombe tonɔ kɔ tɔa Tande i.

Mbulanɔ 24:5

“'Da fala wi wili ba wuko dɔ̃ɔ iko, nɛ ma wè na, a nɛ bolo gɔ. Nɛ ma wè 'bɔ na, wa hã gele dɛa to mbati hã a gɔ. Ma wè na, a dɛ to na mɛ ni gɔ gbaa 'do sabɛlɛ kpo. Na mɛ ni, nɛ a wia we 'bana dɛ nu tɔa 'da a, nɛ a dɛ yangga do wuke 'da a.

Mbulanɔ 3:18

“Do 'da fala ni, nɛ mi ia zi mbulanɔ gɛ hã wa na: ‘Ngangga ni, Gale 'da lɛ, a hã 'bili tɛ nùi nu lì Yɔrdanɛ si 'biti gba wese, kɛ lɛ di ngangga gɛ ngɔ nɛ ni hã nɛ na, nɛ ba ma. Kɔ ma wia na, owi bolonɔ sanga nɛ gɛ, wa kala bolonɔ 'da wa, kɔ wa kpe ti tala onu kpala Israɛlɛ, nɛ wa kũ lì Yɔrdanɛ we gala wa na, wa ba 'bili tɛ nù kɛ 'da wa.