NEHEMIE 4:2 - WE NU GALE 1995

² nɛ a ma ngɔ tɔ̃ hã onya a be Horoni do osodanɔ kɛ wa yula Samaria i ni na: “Mɛ tɛ mɛ ngboo ofumbu Yudanɔ gɛ, wa fa we dɛ ma gɛ a ge nde? Wa hɔ sɛ ndɔti toe 'da wa, nɛ wa gbɛ sa'de we dɔnggɔ do Gale 'da wa kpaa nde? Wa kala sɛ 'bɔ ã tanɔ kɛ we ngɛnzɛ ma vɛ̃ ni, nɛ wa zĩ ma do ngboe nde? Ma e sɛ da dɔ̃ ni nde?”

NEHEMIE 4:2 Iomraidhean Croise

Ɛsdrasi 4:4

Winɔ ngɔ nùi ni, wa ma ngɔ fa we 'danga linggamɔ zu Oyudanɔ, takɔ kili ba wa, hã wa la fala dɛ tɔa Tɛmpɛloe.

NEHEMIE 12:27

'Da fala dɛa to zĩ ngbo nu le Yeruzalɛmɛ dɛ olo nɛ ia do'do, nɛ wa sa mɔ hã olevitɛnɔ tɛ falanɔ vɛ̃ kɛ wa ɔ nɛ ni na, wa tɛ Yeruzalɛmɛ, hã wa dɛ yangga, nɛ wa dungu ɛngga e ngbo nu le dɛ kɔ̃ Gale, nɛ wa ga ozuma dɔnggɔ do Gale, nɛ wa zɛ ombala mɔ bolo, do ogã kundu, do obe kundu.

NEHEMIE 12:43

Kɔ̃ tũi ni, mɛ zi a kɔ̃ tũ ɛngga, nɛ winɔ wa hã zi dɔnggamɛnɔ hã Gale wena. Nɛ Gale hã yangga hã owinɔ 'da a wena. Wukonɔ do benɔ tɛ Yeruzalɛmɛ, wa dunu do yangga, nɛ wá zɛ kaliã. Nɛ hiamɔ yangganɔ ni ma dɔ̃lɔ̃ nyɛlɛ wena.

NEHEMIE 4:10

Ĩ na, do 'da fala ni, Oyudanɔ wa tɛ tɔ̃ na: “Owi dɛ tonɔ wa mbɔkɔ ia, nɛ nde dɛa to 'dafa ngboe 'bana wena. Ní a lɛ wé sɛ we zĩ ma dɛ olo nɛ fala kpo gɔ.”

NEHEMIE 6:15

To zĩ ngboe dɛ olo nɛ, ma ia 'do 'bu tũ mɔlɔ ngɔ nɛ bɔa, do kɔ̃ zɛkɛ 'bu nɛ bɔa ngɔ nɛ mɔlɔ, zɛkɛ 'da gazɛlɛ.

Zumanɔ 83:4

Wa mba li ngba wa, nɛ wa ba zã zu we dɛ tɛ owinɔ 'da mɔ, kɛ mɔ zɔ mɔ tɛ wa ni.

Yeremi 26:18

“'Da fala Ezekiasi zi a nwa ngɔ nù Yuda ni, nɛ mbe wi gba olo nu Gale zi kpo tɛ kɔ le Moresɛtɛ, li a a Mike. A gba zi olo nu NWA ngɔ mɔ nyanga nza vɛ̃ hã Owi ngɔ nù Yuda na: ‘Kala Sioni ma hɔ sɛ mbé fɔ, le Yeruzalɛmɛ ma dɛ sɛ olo tɔa, nɛ owɔkɔsɔ ma kele sɛ ngɔ kala tɔa Tɛmpɛloe vɛ̃.’

Yeremi 33:24

“Mɔ zèlè we winɔ wa tɛ tɔ̃ ma ni gɔ nde? Wa tɛ tɔ̃ na, mi la fala nu kɔnggɔ Oisraɛlɛ do Oyuda, kɛ mi saka zi wa ni do'do! Winɔ wa tɔ̃ we ni, wa yɔndɔ winɔ 'da mi yɔnda, nɛ wa zɔ wa li wa yala iko.

DANIƐLƐ 9:25

Mɛ ma wia na, mɔ ĩ ti nɛ ni, ma kɛ: Yolo do 'da fala wa tɔ̃a lɛnggɛ 'dafa le Yeruzalɛmɛ dɛ olo nɛ ni, gbaa we hɔ ngɔ wi kɛ Gale saka a ni, ma ɔ sɛ sabɛlɛ sambo fala sambo. 'Do nɛ, nɛ wa 'dafa sɛ Yeruzalɛmɛ, do owalanɔ kɔ nɛ ni, do ngbonɔ kɛ ma zĩ ma takpa ni, nɛ toe ni ma ɔ sɛ sabɛlɛ sambo fala 'bu nɛ gazɛlɛ ngɔ nɛ bɔa. Nɛ nde mɛ sɛ a 'da fala ngamɔ.

HABAKUKƐ 3:2

A na: “Aa NWA, mi zila we mɛnɔ vɛ̃ kɛ mɔ dɛa ni, nɛ mi dɛ kili ma wena. Mɔ dɛ́ 'bɔ kpo kpo gã dɛa mɛnɔ ni do kɔ̃ tũnɔ gɛ, nɛ mɔ bé ma dɛ li winɔ, takɔ wa ĩ ti ma. Gɛnɛ kɔ zã mɔ nɔ̃lã gbãlã we, nɛ nde mɔ bé dia zã 'da mɔ hã lɛ.

ZAKARIA 12:8

Do 'da fala ni, nɛ mi nwa, mi amba sɛ zu owi Yeruzalɛmɛ vɛ̃. Nɛ gɛnɛ kɔ osulu winɔ kɔ wa ni, nɛ wa nganda sɛ nɛ́ Davidi ni. Nɛ obe zã Davidi wa kpe sɛ dati owi Yeruzalɛmɛ nɛ́ anzɛ 'da mi NWA, tabi nɛ́ mi NWA do tɛ mi ngboo ni.”

1 KORINTƐ 1:27

Nɛ nde Gale saka mɛ kɛ owinɔ wa zɔ li wa ɔ nɛ yia mɛ ni, takɔ ma hã sape hã owi hã zãnɔ. Nɛ a saka mɛ kɛ winɔ wa zɔ li wa na, ma a mbɔkɔ ni, takɔ ma hã sape hã owi ngawinɔ.