NEHEMIE 2:3 - WE NU GALE 1995

³ nɛ mi gese hã a na: “Gã nwa, e kɔ 'do mɔ nyɛlɛ ngɔ nùi gɛ! Mi wia tɛ ɔ do 'bako, we kɛ le kɛ wa mi zɛ́ do oyaa mi ni, ma dɛa olo tɔa do'do. Nɛ ogbangga kpe do nu ngbo le, ma bɛlɛ vɛ̃.”

NEHEMIE 2:3 Iomraidhean Croise

1 Onwanɔ 1:31

Baseba nɛa we zele ni, nɛ a gu gba zugolo, nɛ a bili zu a gbaa, nɛ ma to nù dati nwa, nɛ a he mɔ na: “E kɔ nwa Davidi 'bana do ngawi fai!”

2 Onwanɔ 25:8

Nwa Nabukɔdɔnɔzɔrɛ dɛa sabɛlɛ 'bu ngɔ nɛ kusi kɔ dɛa to nwa 'da a tɛ ngɔ nù Babilonia, kɔ ma nɛa we hɔ tɛ kɔ̃ zɛkɛ sambo, zɛkɛ 'da mɔlɔ, nɛ Nɛbuzaradanɛ, gã wi ngɔ Owi zɔ mɔ tɛ nwa ngɔ nù Babilonia le kɔ le Yeruzalɛmɛ.

2 Sakonɔ 21:20

Yoramɛ hɔa zi nwa, nɛ nde a do 'bu sabɛlɛ talɛ ngɔ nɛ bɔa. Nɛ a dɛa to nwa 'da a tɛ Yeruzalɛmɛ 'do sabɛlɛ ngbɛ'dɛ'dɛ. A fia, nɛ wele kpo dɛ̃ mbe 'bako a gɔ. Wa mi zi a tɛ kɔ Gba Ngbo nwa 'da Davidi, nɛ nde wa mì a ngɔ mabi'donggo 'da Onwanɔ gɔ.

2 Sakonɔ 28:27

A nɛa we fe nɛ, nɛ wa mi a tɛ Yeruzalɛmɛ. Nɛ nde wa mi a ngɔ mabi'donggo 'da Onwanɔ gɔ. Nɛ be 'da a Ezekiasi dungu nwa olo a.

2 Sakonɔ 32:33

A fia, nɛ wa mi a ngɔ mabi'donggo 'da obe zã Davidi, tɛ fala kɛ ma do ngɔ kala ni. Nɛ do ngba soe fie 'da a, nɛ owinɔ tɛ Yeruzalɛmɛ do Oyuda vɛ̃, wa dɛa gbalimɔ. Nɛ be 'da a Manase dungu nwa olo a.

2 Sakonɔ 36:19

Nɛ osoda Babilɔnɛ wa dɔ tɔa Tɛmpɛloe 'da Gale, nɛ wa 'danga gba ngbo nu le Yeruzalɛmɛ, nɛ wa dɔ otɔa nwanɔ, nɛ wa 'danga omɔ olo gã golenɔ kɔ le ni vɛ̃.

NEHEMIE 1:3

Nɛ wa gese hã mi na, winɔ kɛ wa si zi olo 'dɔlɔ wi 'da wa ni, wa ɔ ngɔ nù Yuda. Nɛ nde wa zɔ ngamɔ i mɔ wena, nɛ wa 'bɔ do dĩ bina. Nɛ ngbo nu le Yeruzalɛmɛ ma gbini wena, nɛ ogbangga kpe do nu ngbo le ma bɛlɛ 'bɔ do'do.

NEHEMIE 2:13

Do sanga tũi, nɛ mi hɔa nza do nu ngboe kɛ si ba gɔtɔ, nɛ mi nɛ nu lì Gba Sɔ̃ Sa'de, do nu ngbo kɛ li nɛ a Zubu ni. Nɛ mi suka ngbo nu le Yeruzalɛmɛ vɛ̃ do sɔ̃a li, nɛ mi zɔa na ma gbini wena, nɛ ogbangga kpe do nu nɛ ma bɛlɛ 'bɔ.

ƐSTƐRƐ 8:6

Mi nɛ dɛ nɛ nɛ nde, takɔ mi kunu sila mi, nɛ mi zɔ owinɔ kɛ mi kɔ nu kɔnggɔ wa tɛ kpa 'bako ni. Mi wé sɛ tɛ kunu sila mi na, wa kumu owinɔ kɛ mi do wa nu kɔnggɔ kpo ni dɛ li mi gɔ.”

Zumanɔ 102:14

Mɔ ĩ sɛ 'bako hã Owi Sioni, nɛ mɔ be sɛ dia zã 'da mɔ hã wa. Ngba soe yolo 'do wa ma wia ia, gbãlã we, ngba soe nɛ wia ia.

Zumanɔ 102:15

Lɛ, owi dɛa tonɔ 'da mɔ, lɛ kɔ̃a gɛnɛ le gɛ do sila lɛ kpo. Kɔ lɛ zɔ kɛ ma 'danga do'do ni, nɛ 'bako ba lɛ wena.

Zumanɔ 137:6

E kɔ wala gɛlɛ mi nãlã, fala kɛ mi ba sila mi ngɔ le Yeruzalɛmɛ, kɔ mi la fala lengge na, gã yangga 'da mi yolo kɔ le ni ni.

Zumanɔ 38:7

Mi 'bɔa hɛɔɔ, nɛ mi mbɔka vɛ̃, nɛ kɔ̃ tũnɔ vɛ̃, mi dungu ɔ nɛ wi gɛla ni.

Yeremi 52:12

Nwa Nabukɔdɔnɔzɔrɛ dɛa sabɛlɛ 'bu ngɔ nɛ kusi kɔ dɛa to nwa 'da a tɛ ngɔ nu Babilonia, kɔ ma nɛa we hɔ kɔ̃ zɛkɛ sambo, zɛkɛ 'da mɔlɔ, nɛ Nɛbuzaradanɛ, gã wi ngɔ owi zɔ mɔ tɛ nwa ngɔ nù Babilonia le kɔ le Yeruzalɛmɛ.

ALA NU 2:9

Ofungula nu ngbonɔ ma gbini kisi kisi, nɛ gbangganɔ tia vɛ̃. Nwa 'da lɛ do Owi olo li a wa la kɔlɔ 'duli. Fo 'bɔ wi be mbulanɔ 'da Gale hã lɛ bina, nɛ NWA Gale wélé 'bɔ we hã Owi gba olo nu a gɔ.

DANIƐLƐ 2:4

Nɛ wa gese hã nwa do lɛnggɛ aramenyɛ na: “Aa nwa, e kɔ mɔ 'bana tɛ to nwa 'da mɔ fai! Mɔ tɔ̃ yalɛ 'da mɔ hã lɛ, nɛ lɛ tɔ̃ sɛ gulu nɛ hã mɔ.”

DANIƐLƐ 3:9

Nɛ wa tɔ̃ hã a na: “Aa nwa, e kɔ mɔ 'bana tɛ dɛa to nwa fai!

DANIƐLƐ 5:10

Naa nwa Baltazarɛ zila hiamɔ gɛlɛ a do ogã wi tonɔ 'da a, nɛ a le kɔ tɔa wa dɛa do gbalimɛ ni, nɛ a tɔ̃ na: “Aa nwa, e kɔ mɔ 'bana tɛ dɛa to nwa fai. Linggamɔ zu mɔ tɛ ha kili hã mɔ, kɔ bula li mɔ fɛngɛ ni gɔ.

DANIƐLƐ 6:21

Nɛ a sa mɔ hã Daniɛlɛ do sa mɔ 'bako na: “Daniɛlɛ, wi toe 'da Gale, wele kpasi! Gale 'da mɔ kɛ mɔ dɔnggɔ a do sila mɔ vɛ̃ ni, a kpasa mɔ ti kɔ̃ ogbɔgbɔnɔ nde?”

DANIƐLƐ 6:6

Ma kɛ owinɔ ni wa tɔ̃a dɛ ngbala wa na: “Lɛ kpá sɛ 'dã mɔ kpo kɔ Daniɛlɛ na, lɛ da a we nɛ gɔ. Lɛ fá we kpa a tabi si ngɔ tɛlɛ tɛ kɛ a dɔnggɔ do gale 'da a ni iko.”

Levitɛnɔ 26:31

Mi 'danga sɛ olenɔ 'da nɛ, nɛ ma hɔ sɛ bili tɔa, nɛ mi gbini sɛ tɔa sambala 'da nɛ, nɛ wele hɔ́ sɛ 'bɔ tɛ nɛ gɔ. Nɛ mi kɔ sɛ 'bɔ gɛnɛ dɔnggamɛnɔ 'da nɛ gɔ.