NEHEMIE 1:3 - WE NU GALE 1995

³ Nɛ wa gese hã mi na, winɔ kɛ wa si zi olo 'dɔlɔ wi 'da wa ni, wa ɔ ngɔ nù Yuda. Nɛ nde wa zɔ ngamɔ i mɔ wena, nɛ wa 'bɔ do dĩ bina. Nɛ ngbo nu le Yeruzalɛmɛ ma gbini wena, nɛ ogbangga kpe do nu ngbo le ma bɛlɛ 'bɔ do'do.

NEHEMIE 1:3 Iomraidhean Croise

1 Onwanɔ 9:7

nɛ mi fo sɛ nɛ obe Israɛlɛ, winɔ 'da mi, tɛ ngɔ nùi mi ba hã nɛ gɛ do'do. Nɛ tɔa Tɛmpɛloe, kɛ mi wila nu mi tɛ nɛ na, ma ɔ we dɔ̃lɔ̃ li 'da mi gɛ, mi da sɛ 'bɔ kɔ̃ mi tɛ nɛ do'do. Nɛ ogele winɔ vɛ̃ wa mɔmɔ sɛ nɛ obe Israɛlɛ, nɛ wa zɔ sɛ nɛ li wa yala iko.

2 Onwanɔ 25:10

Nɛ sodanɔ 'da a wa gbini ngbo nu le Yeruzalɛmɛ.

2 Sakonɔ 36:19

Nɛ osoda Babilɔnɛ wa dɔ tɔa Tɛmpɛloe 'da Gale, nɛ wa 'danga gba ngbo nu le Yeruzalɛmɛ, nɛ wa dɔ otɔa nwanɔ, nɛ wa 'danga omɔ olo gã golenɔ kɔ le ni vɛ̃.

Ɛsdrasi 2:1

Nɛ dɛlɛ Owi 'dulinɔ, kɛ Nabukɔdɔnɔzɔrɛ, nwa ngɔ nù Babilonia kala zi wa, nɛ a 'dɔlɔ wa dɛ Babilɔnɛ i ni, wa si dɛ olo wa. Wa kulu ngɔ tɛ Babilɔnɛ, nɛ wa si dɛ Yeruzalɛmɛ, do ogele lenɔ tɛ ngɔ nù Yuda, wele do wele si dɛ kɔ le 'da a.

Ɛsdrasi 5:8

Nwa, lɛ mbese mɔ na, lɛ nɛa ngɔ nù Yuda, nɛ lɛ hɔa tɛ Tɛmpɛloe 'da Gale 'da Yudanɔ. Lɛ hɔa i mɔ, nɛ nde wa ndua 'bɔ dɛ tɔa Tɛmpɛloe ni do ogã ta, nɛ wa a oma'baya zã dɛlɛnɔ. Wa dɛ tɔa ni do dia nɛ, do hɛ̃lɛ̃, nɛ ma gɔ nɔ wena.

NEHEMIE 11:3

Onwa ngɔ 'bili tɛ nùi, wa ɔa tɛ Yeruzalɛmɛ. Nɛ tala obe Israɛlɛ ɔ nɛ onganganɔ, do olevitɛnɔ, do Owi gala olevitɛnɔ kɔ tɔa Tɛmpɛloe, do obe zã wi tonɔ 'da Salɔmɔ, wa ɔa wele do wele dɛ kɔ le 'da a.

NEHEMIE 2:13

Do sanga tũi, nɛ mi hɔa nza do nu ngboe kɛ si ba gɔtɔ, nɛ mi nɛ nu lì Gba Sɔ̃ Sa'de, do nu ngbo kɛ li nɛ a Zubu ni. Nɛ mi suka ngbo nu le Yeruzalɛmɛ vɛ̃ do sɔ̃a li, nɛ mi zɔa na ma gbini wena, nɛ ogbangga kpe do nu nɛ ma bɛlɛ 'bɔ.

NEHEMIE 2:17

Ma kɛ mi tɔ̃a hã wa na: “Nɛ zɔ́ ngamɛ ma kpa lɛ gɛ: le Yeruzalɛmɛ dɛa olo tɔa do'do, nɛ ogbangga kpe do nu ngbo le ma bɛlɛ vɛ̃! Lɛ kúlú ngɔ, kɔ lɛ nɛ́ we zĩ ngbo nu le Yeruzalɛmɛ dɛ olo de, sɛ a lɛ fua sape li lɛ de!”

NEHEMIE 2:3

nɛ mi gese hã a na: “Gã nwa, e kɔ 'do mɔ nyɛlɛ ngɔ nùi gɛ! Mi wia tɛ ɔ do 'bako, we kɛ le kɛ wa mi zɛ́ do oyaa mi ni, ma dɛa olo tɔa do'do. Nɛ ogbangga kpe do nu ngbo le, ma bɛlɛ vɛ̃.”

NEHEMIE 7:6

Ma kɛ mi zɔa kɔ 'buku li winɔ kɛ wa si zi kɔlɔ 'duli dati kurr ni, nɛ mi kpa li onu fɛlɛ kulanɔ kɛ nwa Nabukɔdɔnɔzɔrɛ kala zi wa kɔlɔ 'duli tɛ Babilɔnɛ i, nɛ wa si de Yeruzalɛmɛ, do tɛ ogele lenɔ ngɔ nù Yuda ni. Wa si zi wele do wele dɛ ko le 'da a.

ƐSTƐRƐ 1:1

We lɛ nɛ tɔ̃ nɛ gɛ, ma dɛa zɛ́ tɛ̃ e kɔ le 'da nwa Sɛrsɛsi. Sɛrsɛsi zi a nwa ngɔ 'bili tɛ nù kama do 'bu nɛ bɔa ngɔ nɛ sambo. Nùi 'da a ndila zi Indɛ, gbaa nɛ ma Sɔkpɔ Etiopi.

Zumanɔ 79:4

Ongba lɛ wi tɔanɔ wa dã lɛ owinɔ 'da mɔ. Owinɔ wa ɔ kɛ zã lɛ ni, wa fi tɔɛ zu lɛ, nɛ wa hã sape hã lɛ.

GBA WENƆ 25:28

Wi kɛ a ĩ̀ ti kunu sila a do 'da fala nɔ̃lɔ̃ zã gɔ ni, a ɔ nɛ le kɛ fo ngboo 'do nɛ bina, nɛ wa bi ma ni.

Ezai 43:28

Ma kɛ mi hã sape hã wi ngɔ Tɛmpɛloe 'da mi, nɛ mi dɛa na, owi sɛnɛ nɛ wa tɛ, hã wa 'danga nùi 'da nɛ, obe Israɛlɛ. Nɛ mi dɛa 'bɔ na, nɛ fe dɛla ti kɔ̃ wa.”

Ezai 5:5

Kɔ ngangga ni, nɛ zélé mɛ kɛ mi dɛ sɛ do fɔ vinɔ 'da mi ni. Mi gbini sɛ ngboe 'do nɛ do'do, nɛ osa'de wa nyɔngɔ sɛ vinɔɛ. Ngboe nu fɔɛ kɛ wa dɛa do ta ni, mi ili sɛ ma, nɛ ma te nù, nɛ owinɔ wa ma sɛ ma.

Yeremi 24:9

Mi tombo sɛ ngamɔ dɛ ngɔ wa, nɛ onu kɔnggɔ winɔ ngɔ nù gɛ vɛ̃ wa zɔ sɛ wa, nɛ wa zɛ nu wa do kili. Winɔ wa mɔmɔ sɛ wa, nɛ wa dã wa do dɛla, wa fi sɛ zuma do zu li wa, nɛ wa fɔmbɔ wa tɛ falanɔ vɛ̃ mi pɛsɛ sɛ do wa ni.

Yeremi 29:18

Mi ndaka sɛ 'do wa do bolo, do gba wɔ, do 'dã zɛlɛ, do tɛlɛ tɛ kɛ na, owinɔ ngɔ nùi gɛ vɛ̃ wa zɔ wa, nɛ wa zɛ nu wa. Nɛ tɛ falanɔ vɛ̃ mi pɛsɛ sɛ do wa ni, owinɔ wa tana sɛ kili we zɔ mɛ ma dɛa wa ni. Wa mɔmɔ sɛ wa, nɛ wa sa li wa kɔ fɔmba.

Yeremi 39:8

Do kpo 'da fala ni, nɛ osoda Babilɔnɛ, wa fi we tɛ tɔa 'da nwa Sedekiasi, do otɔanɔ 'da winɔ, nɛ wa gbini ongbo nu le Yeruzalɛmɛ dɛ nù.

Yeremi 42:18

Nɛ mi tɔ̃a 'bɔ na: “NWA Gale 'da obe Israɛlɛ tɔ̃a na: ‘Mi tumba zi gã nɔ̃lɔ̃ zã 'da mi dɛ ngɔ Owi Yeruzalɛmɛ. Nɛ mi dɛ sɛ 'bɔ do nɛ kpasaa na mɛ ni, fala kɛ nɛ kulu dɛ Ezipeto i ni. Nɛ Owele wa zɔ sɛ nɛ, nɛ wa ɔngbɔ. Nɛ wa sa sɛ li nɛ kɔ fɔmba, nɛ nɛ hɔ sɛ wi sape. Nɛ nɛ zɔ́ sɛ 'bɔ le 'da nɛ fala kpo gɔ!’ ”

Yeremi 5:10

Mi tombo sɛ owi sɛnɛ wa, nɛ wa kũ ngɔ kalanɔ, nɛ wa 'danga ofɔ vinɔnɔ 'da wa. Nɛ nde wa 'dángá sɛ ma vɛ̃ gɔ. Wa 'bili sɛ ogbakɔ̃ te vinɔnɔ dɛ nù, we kɛ mɛ 'bɔ a mɔ́ mi gɔ.

Yeremi 52:14

Nɛ osodanɔ 'da a wa gbini ongbo nu le Yeruzalɛmɛ dɛ nù.

ALA NU 1:7

Le Yeruzalɛmɛ kifi olo tɔa, nɛ ta zu owi kɔ nɛ gba ngɔ kpamɛnɔ kɛ wa zi do ma dati belee ni. Le 'da wa tia dɛ kɔ̃ Owi sɛnɛ wa, nɛ wele kpo tɛ̀ we gala wa gɔ. Owi sɛnɛ wa, wa nɛa ngɔ wa, nɛ wa fi gbɛlɛgbɛsɛ zu wa.

ALA NU 2:9

Ofungula nu ngbonɔ ma gbini kisi kisi, nɛ gbangganɔ tia vɛ̃. Nwa 'da lɛ do Owi olo li a wa la kɔlɔ 'duli. Fo 'bɔ wi be mbulanɔ 'da Gale hã lɛ bina, nɛ NWA Gale wélé 'bɔ we hã Owi gba olo nu a gɔ.

ALA NU 3:61

“Aa NWA, mɔ zila dɛlanɔ vɛ̃ kɛ wa dã do mi ni. Nɛ mɔ ĩ 'bɔ ti wenɔ vɛ̃ kɛ wa ba zã zu nɛ dɛ ngɔ mi ni.

ALA NU 5:1

Aa NWA, ta zu mɔ tɛ èlè ngɔ ngamɛnɔ, kɛ lɛ kpa ma gɛ gɔ. Mɔ ká mɔ, hã mɔ zɔ sape kɛ wa hã hã lɛ gɛ.

Levitɛnɔ 26:31

Mi 'danga sɛ olenɔ 'da nɛ, nɛ ma hɔ sɛ bili tɔa, nɛ mi gbini sɛ tɔa sambala 'da nɛ, nɛ wele hɔ́ sɛ 'bɔ tɛ nɛ gɔ. Nɛ mi kɔ sɛ 'bɔ gɛnɛ dɔnggamɛnɔ 'da nɛ gɔ.

Levitɛnɔ 26:33

Mi dɛ sɛ na, bolo bi ngɔ nùi 'da nɛ, nɛ mi pɛsɛ sɛ nɛ dɛ ngɔ gele nùnɔ. Nɛ nùi 'da nɛ, ma kifi sɛ li gba zɔ́. Nɛ lenɔ 'da nɛ, ma dɛ sɛ bili tɔa.