Mike 7:9 - WE NU GALE 1995

⁹ Nɛ fala kɛ NWA o dã zu lɛ, nɛ lɛ kunu sila lɛ, we kɛ lɛ dɛa 'dã mɔ, nɛ lɛ zɛlɛ sila a. Nɛ nde mbe tũ kpo, nɛ a yolo sɛ 'do lɛ, nɛ a be sɛ dia gulu we 'da lɛ dɛ nza. A a sɛ lɛ tɛ sa fala, nɛ a dɛ sɛ de dɛa mɔ hã lɛ.

Mike 7:9 Iomraidhean Croise

2 SAMUƐLƐ 24:17

Davidi zɔa anzɛ kɛ a gbɛ winɔ ni, nɛ a tɔ̃ hã NWA na: “Wi a mi a mi tia do ngbangga, wi a mi a mi dɛa 'dã mɔ. Nɛ nde owinɔ kɛ wa kpa 'bakoe gɛ, wa dɛ̀ 'dã mɔ gɔ. Kɔ ma wia na, mɔ hã etumbu hã mi, do nu fɛlɛ mi.”

YƆBƆ 23:10

Gɛnɛ kɔ ní, nɛ nde a ĩ̀ ti wala mi la do ma ni. Fala kɛ a yamba sila mi, nɛ a zɔ sɛ na mi a wi bɔlɔ zu, mi ɔ nɛ mɔ mbali kɛ 'dɔlɔ nɛ 'bànà zã nɛ gɔ ni.

YƆBƆ 35:14

Yɔbɔ, mɔ tɔ̃ na, ɛ zɔ́ Gale gɔ, ɛ tɔ̃a gulu we 'da ɛ hã a, nɛ ɛ 'bɔ 'da a zãa.

Zumanɔ 119:154

Mɔ yóló 'do mi hã mɔ tɔ̃ ngbangga ngɔ mi, mɔ fó mi li ngbangga nɛ́ kɛ mɔ kpua mbulu nɛ ni.

Zumanɔ 37:6

Nɛ a gbɛ sɛ dia we hã mɔ, nɛ bɔlɔ zu 'da mɔ ma to ɔ nɛ wese kɛ ma hɔa gbogbo zu wi ni.

Zumanɔ 43:1

Aa Gale, mɔ gbɛ́ dia gulu we hã mi, nɛ mɔ bɛ̃ we ngɔ mi hã owinɔ kɛ fo 'bako li wa bina ni. Mɔ kpásá mi ti kɔ̃ owi dɛ 'dã mɛnɔ, do owi tɔ̃ bɛlɛnɔ.

Zumanɔ 7:6

nɛ mɔ e Owi sɛnɛ mi, hã wa ndi 'do mi. Nɛ wa bá mi do tunu li mi, nɛ wa ma mi ti nyanga wa, nɛ wa gbɛ mi, nɛ wa gbɔtɔ wɔlɔ mi do zã 'bɛ̃tɛ̃.

Zumanɔ 94:15

Wa 'bili sɛ 'bɔ ngbangganɔ do bɔlɔ nɛ, nɛ odia winɔ wa kɔ̃ sɛ gɛnɛ nɛ.

Ezai 42:16

“Mi ba sɛ te ti owi lɔa lìnɔ, nɛ mi kã sɛ wa do li wala kɛ wa bà kuti nɛ gɔ ni. Mi dɛ sɛ na, gba tũi kɛ wa kɔ nɛ ni, ma kifi sa fala hã wa. Mi kpe sɛ gɔtɔ kɔ̃nɔ dati wa, nɛ li walanɔ 'da wa ma lɔ sɛ. Mɛnɔ kɛ mi kpua mbulu nɛ gɛ a ni. Mi dɛ sɛ ma ɔ nɛ kɛ mi tɔ̃a ni.

Ezai 42:7

Mɔ dɛ sɛ na, owi lɔa li wa zɔ mɔ, nɛ mɔ fo sɛ owi bɔlɔkɔ kɔ tũ tɔa dɛ nza.

Ezai 46:13

Mi 'dafa na, mi kpasa nɛ ngangga gɛ, nɛ mi kɔla we dɛ ma ia. Mi kpasa sɛ nɛ owinɔ 'da mi, nɛ mi gese sɛ nɛ dɛ tɛ Yeruzalɛmɛ. Nɛ nɛ kpa sɛ dɔ̃lɔ̃ li tɛ ngɔ nùi 'da nɛ.”

Ezai 51:22

NWA Gale 'da nɛ, kɛ a bi bole zu nɛ ni, a tɔ̃a na: “Mi fo sɛ bila dɔ̃ nɔ̃lɔ̃ zã 'da mi kɛ mi isi dɛ nu nɛ na, nɛ nɔ́ ma, hã ma zĩ zu nɛ ni do'do. Nɛ nɛ nɔ́ sɛ 'bɔ ma gɔ.

Ezai 56:1

NWA Gale tɔ̃a hã owinɔ 'da a na: “Nɛ dɛ́ de mɔ do bɔlɔ zu dɛa mɔ. Mba gɔ, mi kɔlɔ we kpasa nɛ ngangga gɛ ia.

Yeremi 10:19

Owi kɔ le Yeruzalɛmɛ wa hia mɔ na: “Kɛ nɛ kpa lɛ gɛ a ngamɔ ge nde? Lɛ lingga zi na, 'bakoe ma kpa lɛ gɛ, ma 'bana sanga iko, nɛ lɛ kunu sɛ sila lɛ ngɔ ma. Nɛ nde ma gã la li ngele.

Yeremi 14:7

“Nɛ owinɔ 'da mi wa tɛ he mɔ na: ‘Aa NWA, lɛ dɛa 'dã mɔ gbãlã we, nɛ lɛ tia do ngbangga. Kɔ mɔ gálá lɛ, we duzu dɔ̃lɔ̃ li 'da mɔ. Lɛ bɛ̃a we nu mɔ fala dɔ wena, nɛ lɛ dɛa 'dã mɔ dɛ 'da mɔ.

Yeremi 51:10

Obe Israɛlɛ wa tɔ̃a na: “NWA 'bili dia gulu we hã lɛ! Lɛ nɛ́, hã lɛ tɔ̃ sako mɛ NWA Gale 'da lɛ dɛa ni hã owi Yeruzalɛmɛ.”

ALA NU 1:18

“Nɛ nde NWA dɛa do lɛ ni gbãlã we, we kɛ lɛ bɛ̃a zi nu a. Aa nɛ, owinɔ vɛ̃, nɛ zélé we gɛ, nɛ nɛ zɔ́ ngamɛ 'da lɛ! Wa kala obe zagbãlãnɔ, do obe zɔnga benɔ 'da lɛ, nɛ wa la do wa.

Levitɛnɔ 26:41

Wa ĩ sɛ na, mi bɛ̃a gɛnɛ wa, nɛ mi tombo wa kɔlɔ 'duli dɛ ngɔ nùi 'da owi sɛnɛ wa. Wa ba sɛ tɛ wa dɛ nù, nɛ wa kɔ̃ sɛ gɛnɛ etumbu olo 'dã mɛnɔ 'da wa.

MALAKI 3:18

Do ngba soe ni, nɛ nɛ zɔ sɛ na, ode winɔ do o'dã winɔ wa wè kɔ̃ gɔ. Nɛ nɛ zɔ sɛ 'bɔ na, winɔ kɛ wa dɛ mbula 'da mi Gale, do wanɔ kɛ wa dɛ́ mbulanɔ 'da mi gɔ ni, wa wè kɔ̃ gɔ.

1 KORINTƐ 4:5

Kɔ we duzu ma, nɛ tɛ 'bìlì we 'da ongba nɛ dati gɔ, nɛ 'bɔ́ 'da ngba soe kɛ Nwa a hɔ sɛ nɛ ni. Kɔ a hɔ, nɛ a be sɛ mɛnɔ kɛ ma usu tɛ ɛ ti tũi ni vɛ dɛ wila fala, nɛ a be sɛ usu linggamɔ kɔ sila winɔ vɛ́ dɛ nza. Na mɛ ni, nɛ wele do wele a kpa sɛ dɔngga wi kɔ̃ Gale, ɔ nɛ kɛ ma wia do a ni.

2 TIMOTE 4:8

Kɔ ngangga ni, mi 'bɔ 'da si mɔ olo bole 'da mi. Nɛ si mɔ olo bole ni, mɛ a kɛ na, Nwa a sa sɛ li mi na wi bɔlɔ zu do ngba soe 'bili ngbangga ni. Nwa, kɛ a 'bili we do bɔlɔ nɛ ni, a há sɛ ma hã mi zu mi kpo iko gɔ, nɛ nde a hã sɛ tɛ mɛ 'bɔ ma hã owanɔ vɛ kɛ wa 'bɔ 'da ngba soe tɛa 'da a do kɔ̃a zã ni.

USU MƐNƆ 18:20

Aa nɛ, winɔ li nza i, nɛ dɛ́ yangga, we kɛ le Babilɔnɛ tia. Aa nɛ, winɔ 'da Gale, do Owi nɛ tonɔ 'da a, do owi gba do nu a, nɛ dɛ́ yangga! We kɛ Gale 'bili 'dã gulu we hã a, we 'dã mɛnɔ a dɛa zi do nɛ ni.

1 SAMUƐLƐ 24:15

Aa nwa, wi mɔ bi bole do a ni a wio nde? Kɛ mi a fia be tolo, nɛ mi a 'dã fɔɛ iko, nɛ mɔ ndaka 'do mi ni we ge nde?

1 SAMUƐLƐ 25:39

'Da fala Davidi zila na, Nabalɛ fia ni, nɛ a tɔ̃ na: “Mi hã iɔ̃nae hã NWA, we kɛ a bili nu gbã 'dã we Nabalɛ tɔ́a hã mi ni. Nɛ a fɔmɔ 'bɔ mi wi toe 'da a na, mi tɛ dɛ̃ 'dã mɔ gɔ. Wi hã etumbui hã Nabalɛ olo 'dã mɛ 'da a, wi a NWA do tɛ̃ a.” 'Do nɛ, nɛ Davidi tumba Owi to na, wa nɛ, kɔ wa wele we do Abigailɛ na, ɛ kɔ̃a we ba a.

1 SAMUƐLƐ 26:10

Do zu i nwa wele kpasi, mi tɔ̃ hã mɔ na, nwa do tɛ̃ a, a gbɛ sɛ Saulo, tabi do fio tɔa, tabi do fio bolo.

1 SAMUƐLƐ 3:18

Samuɛlɛ nɛa we zele ni, nɛ a bia gulu wenɔ vɛ̃ kɛ Gale tɔ̃a ni hã Heli. A ùsù we kpo gɔ. Heli zila do'do, nɛ a tɔ̃ na: “A a NWA. E kɔ a dɛ ɔ nɛ kɛ ma dia tɛ̃ a ni.”