Mike 7:8 - WE NU GALE 1995

⁸ Aa nɛ, owi sɛnɛ lɛ, nɛ tɛ mɔ̀mɔ̀ ngamɛ lɛ kpa gɛ gɔ. Gɛnɛ kɔ lɛ tia nù, nɛ nde lɛ kulu sɛ ngɔ. Gɛnɛ kɔ lɛ a kɔ gba tũ, nɛ nde NWA Gale a fo sɛ lɛ dɛ sa fala.

Mike 7:8 Iomraidhean Croise

YƆBƆ 31:29

Fala kɛ mi zɔ owi sɛnɛ mi kɔ ngamɔ, nɛ mi dɛ yangga dɛa nde?

Zumanɔ 112:4

Fala kɛ gba tũ kpe kpã kpã, nɛ fala sa kɛ zã wi bɔlɔ zu. A a wi dia sila, wi mbɔkɔ li, nɛ a dɛ mɔ do wala olo nɛ.

Zumanɔ 143:3

Wi sɛnɛ mi tɛ zɛlɛ tɛ mi, a fi mi nù, nɛ a ma mi ti nyanga a. A ili mi, nɛ a fi mi kɔ gba tũ, ɔ nɛ kɛ wa mi mi kɔ le 'da ofionɔ ni.

Zumanɔ 20:8

Ombe winɔ wa gbini zã wa do ngilingili bolonɔ 'da wa. Nɛ ombee nɛ wa gbini zã wa do ombalatanɔ 'da wa. Nɛ nde lɛ, lɛ gbini zã lɛ do ngawi 'da NWA Gale 'da lɛ.

Zumanɔ 27:1

Zuma 'da Davidi NWA a wi kpasa mi, a a nyɛa we kɛ ma yele ngɔ mi, mi wè tɛ dɛ kili wele kpo gɔ. NWA a wi amba zu mi, kili wè tɛ ba mi gɔ.

Zumanɔ 35:19

Mɔ tɛ là owinɔ kɛ wa bɛ̃a gɛnɛ mi ni na, wa nɛ ngɔ mi hã wa mɔmɔ mi gɔ. Mɔ tɛ là owinɔ kɛ wa sɛnɛ mi yala iko ni na, wa fi gbɛlɛgbɛsɛ ngɔ mi gɔ.

Zumanɔ 37:21

'Dã wi ba ku'da kɔ wele, nɛ a gésé gɔ, nɛ nde wi bɔlɔ zu hã mɔ hã wele do dia zã iko.

Zumanɔ 37:24

Fala kɛ wi ni te, nɛ nde a 'báná dɛ nù ni gɔ, we kɛ NWA 'be nu kɔ̃ a, nɛ a ba a dɛ ngɔ.

Zumanɔ 38:16

Nɛ nde mi gbini zã mi do mɔ NWA, nɛ mi 'bɔ na, mɔ NWA Gale 'da mi, mɔ gese nu we hã mi.

Zumanɔ 84:11

Mi zɔa na, ɔ kɔ Tɛmpɛloe 'da mɔ tũ kpo, ma dia nɛa ngɔ ɔ gele fala tũ koto kpo. Ɔ dɛ 'do gbangga nu tɔa 'da mɔ Gale 'da mi, ma dia nɛa ngɔ ɔ kɔ tɔa 'da o'dã winɔ.

Zumanɔ 97:11

Fala sa 'da Owi bɔlɔ zunɔ, nɛ Owi dia silanɔ wa do yangga.

Ezai 2:5

Aa nɛ, obe zã Yakɔbɔ, nɛ kúlú ngɔ hã lɛ mbá ngba lɛ kpo, hã lɛ yɛnggɛ kɔ sa fala kɛ nwa hã ma hã lɛ gɛ.

Ezai 49:9

Mi tɔ̃ sɛ hã Owi bɔlɔkɔnɔ na, wa hɔ́ nza hã wa sí do dia nɛ. Nɛ mi tɔ̃ sɛ 'bɔ hã Owi kɔ gba tũnɔ na, wa hɔ́ dɛ sa fala. Owinɔ ni wa ɔ sɛ nɛ obata kɛ wa nɛ, nɛ wa nyɔngɔ owɔkɔsɔnɔ tɛ ngɔ kalanɔ i ni.

Ezai 50:10

Sanga nɛ gɛ vɛ̃, wi kɛ a dɔnggɔ NWA dɔnggɔ ni, nɛ ma wia na, a zele we nu wi dɛa toe 'da NWA. Fala kɛ wele kpa ngamɔ, kɔ a yɛnggɛ kɔ gba tũ, nɛ ma wia na, a gbini zã a do NWA Gale, nɛ a hã tɛ̃ a hã a.

Ezai 9:2

Mɔ NWA, mɔ hã yangga hã wa wena, mɔ dɛa na yangga 'da wa ma gã. Wa zɛ nu wa, nɛ wa dɛ sa dati mɔ, ɔ nɛ kɛ wele dɛ sa 'da fala kala kpalɛ ni. Wa he mɔ do yangga, ɔ nɛ owi kɛ̃ sanga kpamɔ, kɛ wa kala ma li bolo ni.

Yeremi 48:27

Aa nɛ, Omoabɛ, ta zu nɛ ila ngɔ kɛ nɛ mɔmɔ zi do obe Israɛlɛ ni nde? 'Da fala kɛ nɛ tɔ̃ zi lɛnggɛ mɔ́ wa, nɛ nɛ yaka zu nɛ ɔ nɛ kɛ nɛ kpa wa tɛ zũ mɔ ni.

Yeremi 50:11

NWA tɔ̃a na: “Aa nɛ, Owi Babilonia, nɛ 'danga zi nùi 'da mi. Nɛ nɛ dɔnggɔ tɛ nɛ, nɛ nɛ dɛ yangga, nɛ nɛ bũlũ dɛ ngɔ, ɔ nɛ obe wili ngɔmbɔ tɛ li zɔ́, nɛ nɛ he mɔ ɔ nɛ owili punda ni!

Yeremi 8:4

NWA tumba mi na, mi tɔ̃ hã winɔ 'da a na: “Fala kɛ wele te, nɛ nde a kúlú 'bɔ ngɔ gɔ nde? Fala kɛ wele yɔ wala, nɛ nde a kpóló 'bɔ tɛ̃ a 'do gɔ nde?

EZEKIƐLƐ 25:6

“Nɛ zélé we mi NWA Gale, mi tɔ̃ gɛ! Mi na: Nɛ zɔa ngamɛnɔ kɛ ma kpa obe Israɛlɛ ni, nɛ nɛ ta kɔ̃ nɛ, nɛ nɛ bũlũ do yangga, nɛ nɛ fi tɔɛ zu wa wena.

EZEKIƐLƐ 35:15

ɔ nɛ kɛ nɛ dɛa zi yangga 'da fala nùi 'da mi Israɛlɛ ma 'danga ni. Kpo mɛ kɛ ma dɛa zi obe Israɛlɛ ni, ma dɛ sɛ tɛ mɛ 'bɔ nɛ. Kalanɔ do nùi 'da nɛ vɛ̃ ma kifi sɛ li go. Na mɛ ni, nɛ winɔ vɛ̃ wa ĩ sɛ na, mi a NWA.”

EZEKIƐLƐ 36:5

Gã nɔ̃lɔ̃ zã 'da mi NWA Gale tombo mi na, mi dãlã dɛ tɛ ogele winɔ kɛ zã nù Israɛlɛ ni, nɛ nde wena a Oedɔmɛ. Wa mɔmɔ obe Israɛlɛ, nɛ wa yɔndɔ sila wa, nɛ wa ba nùi 'da wa, nɛ wa 'danga fala nyɔngɔmɛ 'da nadalamɛnɔ 'da wa vɛ̃.

AMƆSI 9:11

NWA tɔ̃a na: “Mbe ngba soe kpo, nɛ mi 'dafa sɛ nu kpala Davidi kɛ ma kumu, nɛ ma ɔ nɛ olo tɔa ni, nɛ ma de sɛ 'bɔ dɛ olo nɛ. Mi kpe sɛ oholonɔ, nɛ mi bɔlɔ sɛ dɛlɛ tɔanɔ. Mi 'dafa sɛ ma na, ma de 'bɔ ɔ nɛ kɛ zi dati ni.

ABDIASI 1:12

“Aa nɛ, Oedɔmɛ, ma wè zi na, nɛ dɛ yangga ngamɛ kɛ onya nɛ Oyuda wa kpa ni gɔ. Nɛ wè zi we dɛ yangga do ngba soe kɛ owi sɛnɛ Oyuda, wa ba le 'da wa, nɛ wa 'danga ma ni gɔ. Nɛ nɛ wè zi 'bɔ we dã wa do ngba soe 'bako 'da wa ni gɔ.

Mike 4:10

Gbãlã we, nɛ Owi Yeruzalɛmɛ, nɛ bí tɛ nɛ, nɛ nɛ hé mɔ ɔ nɛ wuko kɛ a do zɛlɛ kula ni. We kɛ wa kala sɛ nɛ kɔ gã le 'da nɛ dɛ nza, nɛ nɛ ɔ sɛ do ngɔ fɔnɔ, nɛ wa 'dɔlɔ sɛ nɛ gbaa dɛ Babilɔnɛ i. Nɛ nde i mɔ ni, NWA a kpasa sɛ nɛ, nɛ a fo sɛ nɛ ti mbula 'da owi sɛnɛ nɛ.

Mike 7:10

Owi sɛnɛ lɛ wa zɔ sɛ de dɛa mɛnɔ, kɛ a dɛ we lɛ ni, nɛ sape ma ba sɛ li wa, nɛ wa áká sɛ 'bɔ nu lɛ na: “NWA Gale 'da nɛ a do nde” ni gɔ. Nɛ Owele wa ma sɛ owi sɛnɛ lɛ do nyanga wa ɔ nɛ 'bɛ̃tɛ̃ ni, nɛ lɛ sɛ do yangga we zɔ mɛ wa dɛ do wa ni.

ZAKARIA 12:8

Do 'da fala ni, nɛ mi nwa, mi amba sɛ zu owi Yeruzalɛmɛ vɛ̃. Nɛ gɛnɛ kɔ osulu winɔ kɔ wa ni, nɛ wa nganda sɛ nɛ́ Davidi ni. Nɛ obe zã Davidi wa kpe sɛ dati owi Yeruzalɛmɛ nɛ́ anzɛ 'da mi NWA, tabi nɛ́ mi NWA do tɛ mi ngboo ni.”

MATIE 4:16

Owinɔ wa ɔ kɔ gba tũ ni, wa zɔa gba nyɛa we yele ngbaa. Nɛ wanɔ kɛ wa kɔ gba tũi 'da fionɔ ni, fala sa ngɔ wa.”

YOANƐ 16:20

Mi tɔ̃ hã nɛ do gbãlã we na, nɛ dungu sɛ do mili kɔ̃a, do 'bako, nɛ nde winɔ nù gɛ wa sɛ do yangga wena. Nɛ sɛ do 'bako, nɛ nde 'bakoe 'da nɛ ma kifi sɛ yangga.

YOANƐ 8:12

Nɛ Yezu bia 'bɔ mbé we hã ogili winɔ na: “Mi a sa fala kɛ ma sa ngɔ nù gɛ ni. Kɔ wele kɛ a tɛ 'dɔkɔlɔ mi ni, a yɛ́nggɛ́ sɛ 'bɔ kɔ gba tũ gɔ. A yɛnggɛ sɛ kɔ sa fala, nɛ ma be wala kpasi hã a.”

Owi Nɛ Tonɔ 26:18

Mi tombo mɔ, takɔ mɔ hũi li winɔ na, wa hɔ nza kɔ tũ fala, kɔ wa le kɔ sa fala. Mɔ fo sɛ winɔ kɔ ngawi 'da Satana, nɛ mɔ kã wa dɛ 'da Gale, nɛ wa kɔ̃ zu li mi Yezu. Nɛ Gale a fo sɛ ku'da 'dã mɛnɔ zu wa, nɛ a a wa sanga owinɔ 'da a.’

2 KORINTƐ 4:6

Gale kɛ a tɔ̃a zɛ́ na: “E kɔ sa fala yele kɔ tũ fala” ni, a 'bɔ a dɛa na, ma yele kɔ sila lɛ, nɛ ma fĩ li lɛ we ĩ ti yele ngbala dɔ̃lɔ̃ li 'da a, kɛ ma ndele bula li Kristo ni.

2 KORINTƐ 4:9

Owinɔ wa tɛ zɛlɛ tɛ lɛ, nɛ nde Gale lá lɛ gɔ. Wa lo lɛ nù, nɛ nde lɛ fé gɔ.

USU MƐNƆ 21:23

Wese do zɛkɛ to kɔ le ni gɔ, we duzu kɛ yele ngbala 'da Gale do kɛ 'da Be Bata yele kɔ nɛ.

USU MƐNƆ 22:5

Tũ tu sɛ kɔ le ni gɔ, nɛ winɔ wa sɛ do wɔ tɛ nyɛa we mwinda, tabi tua wese bina, we kɛ yele ngbala 'da Nwa Gale ma yele sɛ ngɔ wa. Nɛ wa dungu sɛ nwa kɔ sabɛlɛ do sabɛlɛ.