Mike 7:5 - WE NU GALE 1995

⁵ Nɛ tɛ kɔ̃̀ gɛnɛ we nu o'bia nɛ gɔ, nɛ nɛ tɛ gbìnì zã nɛ do oyali ngba nɛ gɔ. Nɛ nɛ tɛ tɔ̃̀ we zã nɛ hã okɛnɛ nɛ gɔ.

Mike 7:5 Iomraidhean Croise

Zumanɔ 141:3

NWA, mɔ é nwá tɛ nu mi, mɔ zɔ́ mɔ tɛ mi na, dɔ mi wélé 'dã we gɔ.

Zumanɔ 38:14

Nɛ nde mi, mi kpia zala mi, nɛ mi zélé mɔ kpo gɔ. Mi wélé we kpo gɔ ɔ nɛ kɛ nu mi lɔ lɔnda ni.

Zumanɔ 41:9

Wa tɔ̃ na: “Owi tũ wa nyɔngɔ a, ɔ nɛ kɛ zɛlɛ ni fi a nù ni, a kúlú sɛ ngɔ gɔ.”

Yeremi 9:3

Wele kpo wè 'bɔ tɛ gbini zã a do ngba a tabi e sila a ngɔ nya a gɔ. We kɛ wa vɛ̃ wa 'bili bɛlɛ do zu li nya wa, ɔ nɛ kɛ Yakɔbɔ dɛa zi ni. Wa vɛ̃ wa tɔ̃ tɛ ngba wa wena.

Yeremi 9:4

Wele kpo kpo tɛ ɔlɔ ngba a, nɛ fo 'bɔ wi tɔ̃ gbãlã we bina. 'Bili bɛlɛ lia wa wena, nɛ 'dã mɔ ili do wa ia, wa wè 'bɔ we la fala nɛ gɔ.

ALA NU 1:2

Owi Yeruzalɛmɛ wa he do tũ gbaa, nɛ fala sa wa dɛ ngɔ gɛ, nɛ li wa 'bɔ do mili kɔ̃a. Nɛ wele kpo sanga oyali ngba wa zi ni, tɛ́ mbe we mbɔkɔ zã wa gɔ. Wanɔ wa kɔ̃a zi gɛnɛ owi Yeruzalɛmɛ wena ni, wa yu wa vɛ̃, nɛ wa hɔa owi sɛnɛ wa.

MATIE 10:16

“Nɛ zélé! Mi tumba nɛ, nɛ nɛ ɔ sɛ nɛ obata kɛ wa lia sanga ogɔ̃̀ ni. Kɔ li nɛ sɔ̃́ nɛ́ li gɔ̃ ni, nɛ sila nɛ gɛ̃ ɔ nɛ sila gbakulĩ ni.

Owi kpe dati 14:17

Nɛ wuke 'da Samsoni hia dɛ tɛ̃ a gbaa, we hɔ ndɔti tũ mɔ dɔɛ ni. Nɛ ma nɛa we hɔ tɛ kɔ tũ kɛ sambo ni, nɛ Samsoni tɔ̃ gulu toe ni hã a, we kɛ hia kɔ̃a 'da wuke 'da a ma ngba a do'do. Wuke zila gulu toe do'do, nɛ a nɛ dɔ̃, nɛ a tɔ̃ ma hã owinɔ 'da a.