Mike 7:4 - WE NU GALE 1995

⁴ Sila wa dè gɔ, nɛ wa dɛ́ mɔ do wala olo nɛ gɔ. Wa ɔ nɛ o'dã wɔkɔsɔ ni. Aa nɛ, obe Yuda, kɔ̃ tũ bili nu gbã 'dã mɛnɔ 'da nɛ hɔa ia. Ma dɛ sɛ tɛ̃ ɛ ɔ nɛ kɛ Owi zɔ mɔ tɛ nɛ wa tɔ̃a zi ni. Owi zɔ mɔ tɛ nɛ wi a owi gba olo nu Gale. Kɔ kili ndua ba nɛ belee ia gbãlã we!

Mike 7:4 Iomraidhean Croise

Ezai 10:3

Kɔ fala kɛ nwa a tɛ sɛ, nɛ a dɛ na, ngamɔ yolo gele fala, hã ma te ngɔ nɛ ni, nɛ nɛ dɛ sɛ nɛ nde? Wi kɛ nɛ yu sɛ dɛ 'da a na, a gala nɛ wi a wio nde? Nɛ usu sɛ kpamɛnɔ 'da nɛ do nde?

Ezai 22:5

We kɛ sɔɛ gɛ, mɛ a kɔ̃ tũ 'bako. Mɛnɔ ma 'danga, nɛ zu lɛ ma vĩ. Wi a NWA Gale ngɔ mɔ nyanga nza vɛ̃, a dɛa na mɛ ni. Ngbo nu le 'da lɛ ma gbini vɛ̃, nɛ owinɔ wa zɛa nu wa, nɛ ma wila gbaa ngɔ kalanɔ 'di.

Ezai 55:13

Dia te ma hɔ sɛ dɛ olo otɛ̃ gbakɔndanɔ, nɛ owala te ma hɔ sɛ olo ote tɛ̃nɔ. Mɛnɔ kɛ NWA a dɛ sɛ ma hã nɛ ni, ma hã sɛ dɔ̃lɔ̃ li hã a, nɛ ma gba sɛ ta zu nɛ ngɔ a fai.”

Yeremi 10:15

Mɛ a onga mɔ gbɔlɔ mɔmu iko. Ma 'danga sɛ do fala kɛ NWA a gɔnɔ sɛ do ngbangga ni.

Yeremi 11:23

Hã sabɛlɛ mi nɛ hã do etumbui hã wa ni we, nɛ wele kpo 'báná sɛ do tunu li ɛ gɔ.”

Yeremi 46:21

Wa lɛlɛ zi osodanɔ kɛ wa dɛ to ngɔ nu Ezipeto we mbili ni, ɔ nɛ kɛ wa lɛlɛ do obe ngɔmbɔ ni. Ĩ na, wa yòlò ti bole gɔ, wa yu vɛ̃, nɛ wa si. Ma nɛa we hɔ kɔ̃ tũ ngamɛ do kɔ̃ tũ etumbui mi hã hã wa ni, nɛ wele kpo yòlò dati bole gɔ.

Yeremi 8:12

Sape 'dã mɛnɔ 'da wa ma bá li wa gɔ, nɛ wa ĩ̀ ti gbala 'dã mɛnɔ 'da wa gɔ. Gulu nɛ a mi nwa, mi nɛ hã etumbu hã wa. Wa te sɛ ɔ nɛ kɛ ogele winɔ wa tia ni. Nɛ wele kpo kúlú sɛ ngɔ gɔ.”

EZEKIƐLƐ 2:6

“Nɛ nde mɔ be 'da wele, mɔ tɛ dɛ̃ kili wa, tabi kili lɛnggɛ nu wa gɔ. Wa 'danga sɛ we nu mɔ, nɛ ma ɔ sɛ nɛ mɔ dungu dɛ ngbala otɛ̃ tabi ngbala ogbatɔalanga ni. Gɛnɛ kɔ na mɛ ni, mɔ tɛ dɛ̃ kili dɛa mɔ tɛ wa, tabi 'dã kɔa nu 'da wa gɔ, we kɛ wa a Owele zu wa nganda wena.

EZEKIƐLƐ 28:24

NWA tɔ̃a na: “Ogele winɔ kɛ zã obe Israɛlɛ, wa zɔ wa fai li wa yala. Ogele winɔ ni, wa ɔ zi we duzu wa nɛ hɛlɛ do tɛ̃, kɛ ma dumu wele, nɛ ma 'bili a ni. Nɛ nde ma Sɔkpɔ ia, wa ɔ́ sɛ 'bɔ ni gɔ. Nɛ wa ĩ sɛ na, mi a NWA.”

AMƆSI 8:2

nɛ a aka mi na: “Amɔsi, mɛ mɔ zɔ ni a ge nde?” Nɛ mi gese hã a na: “Mi zɔ yele ofila wala te.” Nɛ NWA tɔ̃ hã mi na: “Oisraɛlɛ wa fila ɔ nɛ owala tenɔ gɛ, nɛ wa hɔa ndɔti dungu 'da wa ia, wa 'báná sɛ 'bɔ gɔ. Mi kpóló sɛ linggamɛ 'da mi gɔ, mi hã sɛ etumbu hã wa.

NAHUMƐ 1:10

We ma bɛlɛ sɛ wa, nɛ wa ngutu sɛ ɔ nɛ kula wɔkɔsɔ, tabi ndu'bu ni.

LUKA 21:25

“Nɛ omɔ ma dɛ sɛ li wese, do zɛkɛ, do osɔlanɔ. Nɛ ngɔ nù nga, sila owinɔ ma ɔ sɛ ngɔ ngbũu, nɛ wa zele sɛ giti ngele gba lì kɛ ma sulu ni, nɛ wa tana kili.

OHEBRE 6:8

Kɔ fala kɛ nùi ni ko tati a otɛ̃, do owɔkɔsɔ iko, nɛ nde mɛ a 'dã nù. Nɛ ngba soe kɛ Gale nɛ fɔmbɔ do ma ni kɔla ia, wa fi sɛ we tɛ nɛ, nɛ ma bɛlɛ vɛ̃.