Mike 7:3 - WE NU GALE 1995

³ Wa ĩ ti dɛ 'dã dɛa mɔ wena. Onwanɔ do Owi 'bili wenɔ, wa dɛ to 'da wa olo mbili iko. Ogã winɔ, wa tɔ̃ 'dã linggamɛnɔ 'da wa dɛ nza, nɛ wa dɛ nganda na, linggamɛ 'da lo dɛ tɛ̃ ɛ.

Mike 7:3 Iomraidhean Croise

GBA WENƆ 16:30

Li mɔ sɔ̃ tɛ wi kɛ a nyɛ li a hã mɔ, nɛ a mɔmɔ dɛ 'da mɔ ni. A 'dafa we dɛ 'dã mɔ do mɔ ia.

GBA WENƆ 17:23

O'dã wi gɔnɔ we wa kɔ̃ gɛnɛ avoka kɛ wa 'dɔlɔ hã wa ni, sɛ nɛ wa 'bili we do bɛlɛ de.

Ezai 1:23

Onwa ngɔ nɛ, wa a Owi dɛ nga zu, wa ba 'bia do Owi zũ. Wa fa tati a mbili iko. Wele futa wa, sɛ nɛ wa dɛ to hã a de. Wa 'danga gulu we 'da be gula, nɛ wa kɔ̃́ we zele ngbangga mɔ́ wi fio wili gɔ.

Ezai 26:21

NWA hɔa nza kɔ tɔa 'da a, nɛ a tɛ tɛ ma we hã etumbu hã Owi dɛ 'dã mɛnɔ ngɔ nù gɛ. Tɔkɔ tɛ winɔ kɛ ma a zi nù ni, ma be sɛ tɛ̃ ɛ, nɛ wɔlɔnɔ kɛ wa usu zi ma ni, nùi ma fo sɛ ma dɛ nza.

Ezai 3:5

Sanga owinɔ, wele do wele a fa sɛ we zɛlɛ tɛ ngba a, tabi nya a. Obenɔ wa dɛ́ sɛ kili kpasa winɔ gɔ, nɛ Owele yala iko wa zɛlɛ sɛ tɛ nwanɔ.

Ezai 32:7

Nɛ o'dã winɔ wa dɛ 'dã mɔ do owi sãnɔ. Wa 'bili bele dɛ tɛ wa, nɛ wa bɛ̃ we ĩ ti dia gulu we 'da wa.

Ezai 5:23

Wi 'dã gulu we hã dia mɔ hã wa, nɛ wa si 'do a, nɛ wa kɔ̃̀ we zele lɛnggɛ 'da wi dia gulu we gɔ.

Yeremi 3:5

Kɔ mɔ 'bana sɛ do nɔ̃lɔ̃ zã dɛ tɛ lɛ fai nde? Nɛ mɔ ba sɛ mãlã lɛ dɛ zã mɔ fai nde? Gɔ!’ Ki ni a wenɔ kɛ nɛ obe Israɛlɛ, nɛ tɛ tɔ̃ ma, nɛ nde nɛ 'bana tɛ dɛ 'dã mɛnɔ vɛ̃ kɛ ma wia do nɛ ni!”

Yeremi 4:22

NWA tɔ̃a na: “Owinɔ 'da mi, wa a oyɔnda wi, we kɛ wa ĩ̀ ti mi gɔ. Wa a obe kɛ wa zɔlɔ hã zã, nɛ wa ĩ̀ ti mɔ gɔ. Mɛ wa ĩ ti nɛ a dɛ 'dã mɔ iko. Nɛ nde we dɛ dia mɔ, wa ĩ̀ ti mɔ kpo kɔ nɛ gɔ.”

Yeremi 8:10

Gulu nɛ a mi nwa, mi kala sɛ fɔnɔ 'da wa, do wukonɔ 'da wa, nɛ mi 'dɔlɔ wa hã ogele wele. We duzu kɛ wele do wele, be tabi kpasa nɛ, a fa tati a kpasi 'da a zu a kpo. Nɛ owi gba olo nu mi do onganganɔ, wa vɛ̃ a owi zũ iko.

EZEKIƐLƐ 22:12

Ombe winɔ wa gbɛ wele we kpa mbili, nɛ ombe wa hã ku'da mbili, nɛ wa fa we kpa ngɔ nɛ gã wena. Ombe wa zɛlɛ tɛ ogele winɔ, we kala mbili kɔ̃ wa. Nɛ nɛ lénggé 'bɔ do mi NWA Gale kɔ dungi 'da nɛ gɔ. Mi NWA, mi tɔ̃a ni.

EZEKIƐLƐ 22:27

Onwa ngɔ wa, wa 'danga ɔ nɛ ogɔ̃̀ kɛ wa ɛ̃ sanga sa'denɔ wa gbɛa wa ni. Wa gbɛ winɔ we kala kpamɛnɔ olo wa.

EZEKIƐLƐ 22:6

“Ogã winɔ ngɔ nù Israɛlɛ, kɛ wa fɔmɔ le 'da nɛ ni, wa ia to nwa 'da wa do li wa we gbɛ winɔ.

EZEKIƐLƐ 34:21

Nɛ, nɛ ili wanɔ kɛ wa mbɔkɔ wena ni do zu 'baka nɛ, nɛ nɛ to wa dɛ nza kɔ ba'de do zamba zu nɛ.

EZEKIƐLƐ 9:9

Nɛ a gese hã mi na: “Owi ngɔ nù Israɛlɛ do Yuda, wa dɛa 'dã mɔ kɛ ma gã wena. Wa a tɔkɔ tɛ winɔ nù kpa do ngɔ nùi 'da wa vɛ̃, nɛ fo bɔlɔ zu dɛa mɔ kɔ le bina. Owinɔ wa tɔ̃ na, mi nwa, mi ba li mi ngɔ le gɛ do'do, nɛ mi zɔ́ lo gɔ.

OZE 4:18

Nɛ nɔ nga dɔ̃ɛ 'da nɛ gbaa, nɛ nɛ dɛ ndumba. Onwanɔ 'da nɛ wa kɔ̃a kpa sape nɛa ngɔ ɔ do dĩ.

OZE 7:3

NWA tɔ́a na: “Owinɔ wa usu 'dã linggamɔ zu wa, nɛ wa tɔ̃ ɛ̃fɛ̃ lɛnggɛ hã nwanɔ do owi olo li wa, nɛ ma de tɛ wa.

Mike 2:8

Nɛ nde NWA gisa hã winɔ ni na: “Aa nɛ, ogã winɔ, nɛ dɛ do owinɔ 'da mi, ɔ nɛ nɛ a owi sɛnɛ wa ni. Nɛ zɔ owi wili wa yolo li bolo, hã wa si do gɛ̃a sila ni, nɛ nɛ kala tulu ngɔ 'da wa tɛ wa do'do.

Mike 3:11

Owele wa hã dia mɔ hã Owi 'bili wenɔ, sɛ nɛ wa ĩ ti 'bili dia we hã wa de. Wa hã mbili hã onganganɔ, sɛ nɛ wa be mbula de. Wa hã mbili hã owinɔ kɛ wa gba olo nu Gale ni, sɛ nɛ wa tɔ̃ we mɛnɔ ma dɛ sɛ tɛ̃ ɛ ni de. Nɛ nde mɛ ni, wa 'bã nu wa, nɛ wa tɔ̃ na, NWA Gale do lo boe, nɛ nde lo kpá sɛ 'dã mɔ kpo gɔ.

Mike 3:2

Nɛ nde nɛ kɔ̃̀ we dɛ de dɛa mɔ gɔ, nɛ kɔ̃a we dɛ tati a 'dã mɔ iko. Nɛ dɛ do owinɔ 'da mi, ɔ nɛ kɛ nɛ a wi gɔmɔ sa'de ni. Nɛ ɛ̃lɛ̃ ndala tɛ wa, nɛ nɛ 'bili mulu tɛ wa, nɛ nɛ o gbãlã tɛ wa, ɔ nɛ kɛ nɛ nɛ a kɔ kpana we gi we nyɔngɔ ma ni.

MATIE 26:15

“Fala kɛ mi 'dɔlɔ Yezu hã nɛ, nɛ mɛ nɛ nɛ hã sɛ hã mi ni a ge nde?” Nɛ wa tɔla mbili fɛ̃a mɔ bolo 'bu nɛ talɛ, nɛ wa hã ma hã a.

1 KORINTƐ 4:5

Kɔ we duzu ma, nɛ tɛ 'bìlì we 'da ongba nɛ dati gɔ, nɛ 'bɔ́ 'da ngba soe kɛ Nwa a hɔ sɛ nɛ ni. Kɔ a hɔ, nɛ a be sɛ mɛnɔ kɛ ma usu tɛ ɛ ti tũi ni vɛ dɛ wila fala, nɛ a be sɛ usu linggamɔ kɔ sila winɔ vɛ́ dɛ nza. Na mɛ ni, nɛ wele do wele a kpa sɛ dɔngga wi kɔ̃ Gale, ɔ nɛ kɛ ma wia do a ni.