Mike 7:2 - WE NU GALE 1995

² Ngɔ nù Yuda gɛ ma ɔ tɛ mɛ 'bɔ na mɛ ni. Fo wi dɛ olo nu Gale, tabi wi dɛ mɔ do wala olo nɛ kɔ winɔ gɛ bina. Obe Yuda vɛ̃, wa lengge tati a handa ngba wa na, wa gbɛ wa iko.

Mike 7:2 Iomraidhean Croise

Zumanɔ 10:9

A 'dafa fala, nɛ a usu do tɛ̃ a ɔ nɛ gbɔgbɔ ni, nɛ a wɛ wi 'bako we ba a. A ndɔ bili hã a, nɛ a ba a, nɛ a la do a.

Zumanɔ 12:1

Zuma 'da Davidi

Zumanɔ 12:2

Aa NWA, mɔ gbáká lɛ! Tala dia wele kpo 'bànà gɔ. Fo 'bɔ wi dɛ mɔ do wala olo nɛ bina.

Zumanɔ 57:6

Aa Gale, mɔ kúlú ngɔ tɛ li nza i, nɛ mɔ be na mɔ a gã wi, nɛ dɔ̃lɔ̃ li 'da mɔ pɛsɛ ngɔ nù nga vɛ̃.

GBA WENƆ 1:11

Wa tɔ̃ sɛ hã mɔ na: “Mɔ tɛ́, hã lɛ nɛ we wɛ Owi la walanɔ, kɔ lɛ gbanga wa. Gɛnɛ kɔ wanɔ wa dɛ̀ 'dã mɔ do lɛ gɔ ni, nɛ lɛ bi wa.

GBA WENƆ 12:6

Lɛnggɛ nu 'dã wi wia tɛ gbɛ wele. Nɛ nde lɛnggɛ nu dia wi, wia tɛ kpasa wele li fio.

Ezai 3:5

Sanga owinɔ, wele do wele a fa sɛ we zɛlɛ tɛ ngba a, tabi nya a. Obenɔ wa dɛ́ sɛ kili kpasa winɔ gɔ, nɛ Owele yala iko wa zɛlɛ sɛ tɛ nwanɔ.

Ezai 57:1

Owi dɛ de mɔ wa fe, nɛ nde fo wi dɛ 'bako we fio wa bina. Nɛ wele kpo fá we ĩ gulu ngamɛ kɛ wa kpa ma, hã ma gbɛa wa ni gɔ.

Ezai 59:7

Nɛ fa fai we dɛ 'dã mɔ. Nɛ nɛ tɔ̃ tɛ wi kɛ a do 'dã mɔ bina ni, nɛ nɛ fa we gbɛ a. Nɛ lengge fai we zɛlɛ tɛ ongba nɛ. Kɔ yali 'da nɛ, nɛ dɛ mɔ do mbana, nɛ nɛ 'danga mɛnɔ vɛ̃.

Ezai 9:19

Wa fa nyɔngɔmɔ mba mba, hã wa kpa ma, nɛ wa wɛlɛ zu nɛ, nɛ wa nyɔngɔ, nɛ nde zã wa hɛ̃ gɔ. Gɛnɛ kɔ onya wa ngboo, nɛ wa nyɔngɔ mulu tɛ wa.

Yeremi 16:16

NWA tɔ̃a na: “Mi sa sɛ mɔ hã ogele soda, nɛ mi tombo wa dɛlɛ wena dɛ ngɔ owinɔ 'da mi, hã wa gbɛ wa ɔ nɛ kɛ Owi gbɛ kɔyɔnɔ, wa gbɛ do kɔyɔnɔ ni. Nɛ mi tombo sɛ 'bɔ mbé osoda, takɔ wa ndaka 'do wa tɛ ngɔ gã kalanɔ, do obe kalanɔ, do kɔ tanɔ, ɔ nɛ Owi yali zamɔ wa bi sa'de ni.

Yeremi 5:16

Owi da nzabelenɔ 'da wa, wa dá kɔtɔ gɔ, nɛ osodanɔ 'da wa vɛ̃, wa a onga wi bolo.

Yeremi 5:26

“Owi dɛ 'dã mɔ wa dɛlɛ kɔ owinɔ 'da mi wena. Wa dɛ mɔ tɛ wa ɔ nɛ wi ndɔ bili, kɛ a gu nù tɛ fala usu tɛ wi, kɔ a 'bɔ we kala onɔɛ ni. Ĩ na, wa ndɔ bilinɔ ni we kala Owele.

Yeremi 8:6

Mi zila wenɔ nɛ tɔ̃a ni do dia nɛ, nɛ nde mɛ a gbãlã we gɔ. Wele kpo kɔ nɛ, kɛ a gbala 'dã mɛ 'da a, tabi a sa tɛ̃ a ngɔ 'dã mɛ a dɛa ni, a bina. Wele do wele ba tati a wala 'da a, ɔ nɛ mbalata kɛ a yu, nɛ a lia kɔ bolo, nɛ a kɔ̃̀ we kpolo tɛ̃ a 'do gɔ ni.

ALA NU 4:18

Owi sɛnɛ lɛ wa tɛ ngɛ'dɛ lɛ, nɛ fo wala yɛnggɛ yali ti lɛ bina. Kɔ̃ tũ fie 'da lɛ kɔla ia, tũ dungu nza 'da lɛ ia ia.

EZEKIƐLƐ 22:12

Ombe winɔ wa gbɛ wele we kpa mbili, nɛ ombe wa hã ku'da mbili, nɛ wa fa we kpa ngɔ nɛ gã wena. Ombe wa zɛlɛ tɛ ogele winɔ, we kala mbili kɔ̃ wa. Nɛ nɛ lénggé 'bɔ do mi NWA Gale kɔ dungi 'da nɛ gɔ. Mi NWA, mi tɔ̃a ni.

EZEKIƐLƐ 24:6

“Mɔ zélé we mi NWA Gale, mi tɔ̃ gɛ: 'Bako do le kɛ ma dunu do Owi gbɛ winɔ ni. Ma ɔ nɛ gã saso kɛ kɔ nɛ tua ngangge, nɛ wa fɔ̃lɔ̃ ma fala kpo gɔ ni. Wa fó mulu sa'de kɔ sasoe kpo kpo dɛ nza, nɛ wila kɔ nɛ ma ɔ iko.

OZE 5:1

NWA tɔ̃a na: “Aa nɛ, onganganɔ, nɛ zélé we gɛ! Nɛ nɛ, obe Israɛlɛ, do Owi nu fɛlɛ nwa, nɛ gɛ́ zala nɛ sɛ! Ma wia sɔ na, nɛ gɔnɔ wenɔ do bɔlɔ nɛ. Nɛ nde nɛ dɛa na, owinɔ 'da mi wa te kɔ 'dã mɔ. Nɛ ndɔa bili hã wa tɛ Mispa, nɛ nɛ fí gbanda hã wa tɛ ngɔ kala Tabɔrɛ.

OZE 6:9

Nɛ onganganɔ wa hɔa owi gbɛ wi. Wa usu tɛ wa tɛ li wala le Sikɛmɛ, kɛ owinɔ wa dɔnggɔ mi Gale tɛ nɛ ni, nɛ wa kala wa, nɛ wa gbɛ wa. Kɛ wa dɛa ni, mɛ a gã 'dã mɔ.

Mike 2:8

Nɛ nde NWA gisa hã winɔ ni na: “Aa nɛ, ogã winɔ, nɛ dɛ do owinɔ 'da mi, ɔ nɛ nɛ a owi sɛnɛ wa ni. Nɛ zɔ owi wili wa yolo li bolo, hã wa si do gɛ̃a sila ni, nɛ nɛ kala tulu ngɔ 'da wa tɛ wa do'do.

Mike 3:10

Nɛ gbɛ Owele, nɛ nɛ kala mbili kɔ̃ wa do nga nɛ, we 'dafa do Yeruzalɛmɛ, le 'da Gale.

Mike 3:2

Nɛ nde nɛ kɔ̃̀ we dɛ de dɛa mɔ gɔ, nɛ kɔ̃a we dɛ tati a 'dã mɔ iko. Nɛ dɛ do owinɔ 'da mi, ɔ nɛ kɛ nɛ a wi gɔmɔ sa'de ni. Nɛ ɛ̃lɛ̃ ndala tɛ wa, nɛ nɛ 'bili mulu tɛ wa, nɛ nɛ o gbãlã tɛ wa, ɔ nɛ kɛ nɛ nɛ a kɔ kpana we gi we nyɔngɔ ma ni.

ZAKARIA 11:6

(Mi nwa mi tɔ́a na: “Mi ĩ́ sɛ 'bɔ 'bako hã owinɔ ngɔ nù gɛ gɔ. Mi a sɛ wa ti mbula 'da Onwanɔ 'da wa. Nɛ Onwanɔ wa 'danga sɛ nùi, nɛ nde mi kpásá sɛ wele kpo ti kɔ wa gɔ.”)

Owi Nɛ Tonɔ 24:9

Nɛ Oyudanɔ di ni ni, wa yula 'do we ni, nɛ wa tɔ̃ na, ma ngboo hã ni.

1 SAMUƐLƐ 24:11

Mɔ ĩ́ na, NWA Gale do tɛ̃ a, a ia mɔ sɔɛ gɛ dɛ kɔ̃ mi, 'da fala mɔ sɔ kɔ ta ni. Wa tɔ̃a hã mi na, mi gbɛ mɔ. Nɛ nde i dɛa 'bako hã mɔ, nɛ mi tɔ̃a hã wa na, mi gbɛ́ sɛ mɔ gɔ, we kɛ NWA Gale a saka mɔ we dɛ to nwa gɛ.

1 SAMUƐLƐ 26:20

Nɛ nde mi kɔ̃̀ na, mi nyɛlɛ do NWA Gale, nɛ mi fe dɛ gele fala gɔ. Aa nwa, gulu kɛ mɔ kɔ̃a we bi bolo do mi, kɛ mi a fɔ̃ɛ yala iko ni we ge nde? Gulu kɛ mɔ ndaka 'do mi, ɔ nɛ kɛ wa ndi do gbalɛ ngɔ okalanɔ ni we ge nde?”