Mike 7:19 - WE NU GALE 1995

¹⁹ Mɔ dɛ sɛ 'bɔ 'bako hã lɛ, nɛ mɔ fo sɛ ku'da o'dã mɛnɔ zu lɛ fai, nɛ mɔ lénggé sɛ 'bɔ do ma gɔ. Ma ɔ sɛ nɛ kɛ mɔ da ma 'dɔ gba 'du lì ni.

Mike 7:19 Iomraidhean Croise

2 SAMUƐLƐ 24:14

Nɛ Davidi gese na: “Mi a kɔ gã 'bako. Nɛ nde mi kɔ̃̀ na, Owele hã wa hã etumbu hã mi gɔ. Mi kɔa na, NWA a a hã etumbu hã mi, we kɛ a do 'bako li a boe.”

Zumanɔ 103:12

A fua 'dã mɛnɔ 'da lɛ, nɛ a da ma nyɛlɛ ndũu, ɔ nɛ 'biti gba wese nyɛlɛ do 'biti gɛ̃a wese ni.

Zumanɔ 130:8

A do tɛ̃ a ngboo, a kpasa sɛ nɛ kɔ 'dã mɛnɔ 'da nɛ vɛ̃.

Zumanɔ 85:3

Mɔ fua ku'da 'dã mɛnɔ zu owinɔ 'da mɔ, nɛ mɔ ila 'dã mɛnɔ 'da wa vɛ̃.

Ezai 33:24

Wi Yeruzalɛmɛ kpo álá sɛ 'bɔ nu ɛ na, ɛ do zɛlɛ gɔ. Nɛ 'dã mɛnɔ ma fo sɛ tɛ̃ ɛ zu owinɔ kɔ le ni vɛ̃.

Ezai 38:17

Nɛ ngangga ni, 'bakoe 'da mi ma kifi yangga. Mba gɔ, mɔ kɔ̃ gɛnɛ mi wena, nɛ mɔ kpasa mi kɔ fio, nɛ mɔ fua ku'da 'dã mɛnɔ zu mi do'do.

Ezai 43:25

Kɔ ngangga ni, mi fua ku'da 'dã mɛnɔ ni zu nɛ, nɛ ta mi gbá sɛ 'bɔ mbé ngɔ ma gɔ.

Yeremi 31:20

“Aa nɛ, Oisraɛlɛ, nɛ zélé! Nɛ a obenɔ 'da mi ngɔ sila mi, mi kɔ̃ gɛnɛ nɛ wena. 'Da fala kɛ mi dãlã do nɛ ia, nɛ nde sila mi fé ngɔ nɛ gɔ. Mi ba sila mi vɛ̃ hã nɛ, nɛ mi wè tɛ la fala dɛ 'bako hã nɛ gɔ.

Yeremi 31:34

Wa bé sɛ 'bɔ wenɔ 'da mi hã ongba wa bia, sɛ nɛ wa ĩ ti mi NWA de gɔ. Mba gɔ, wa vɛ̃, yolo ngɔ be we hɔ ngɔ kpasa wi, wa ĩ sɛ ti mi. Mi ele sɛ 'dã mɛnɔ do yɔa ti dɛa mɛnɔ 'da wa, nɛ mi lénggé sɛ 'bɔ do ma gɔ. Mi NWA, mi tɔ̃a ni.” NWA tɔ̃a na:

Yeremi 33:8

Mi fo sɛ ku'da 'dã mɛnɔ kɛ wa dɛa zi do mi ni zu wa, nɛ mi ele sɛ ma do'do.

Yeremi 50:20

Do 'da fala ni, nɛ Oisraɛlɛ do Oyuda, wa dɛ́ sɛ 'bɔ 'dã mɔ tabi yɔa ti dɛa mɔ gɔ. We duzu kɛ mi fo sɛ ku'da 'dã mɛnɔ zu wanɔ wa 'bana sɛ nza ni. Mi NWA, mi tɔ̃a ni.”

ALA NU 3:22

NWA lá fala ĩ 'bako hã winɔ gɔ. A 'bana fala be kɔ̃a zã 'da a hã wa fai.

ALA NU 3:32

Gɛnɛ kɔ a zɛlɛ tɛ lɛ, nɛ nde we bina, a be sɛ 'bɔ kɔ̃a zã 'da a hã lɛ, we kɛ kɔ̃a zã 'da a, ma do ndɔti nɛ bina.

EZEKIƐLƐ 18:22

Nɛ mi ele sɛ 'dã mɛnɔ 'da a, nɛ a kpasa sɛ tua we dia mɛ a dɛ ni.

EZEKIƐLƐ 39:29

Mi tombo sɛ Hi Wi 'da mi dɛ ngɔ obe Israɛlɛ, nɛ mi bá sɛ 'bɔ li mi ngɔ wa gɔ. Mi NWA Gale, mi tɔ̃a ni.”

DANIƐLƐ 9:24

“ ‘Gale wia sabɛlɛ sambo fala 'bu nɛ sambo we owinɔ 'da mɔ, do we le santo 'da nɛ, takɔ nɛ la fala bɛ̃ nu a Gale, nɛ nɛ ɔmɔ tɛ dɛ 'dã mɔ. Nɛ Gale a fo sɛ 'dã mɛ ni zu nɛ, nɛ a dɛ sɛ na, nɛ dɛ bɔlɔ zu dɛa mɔ fai. Na mɛ ni, omɛnɔ wi gba olo nu Gale zɔa, nɛ a tɔ̃a ni, ma dɛ sɛ tɛ̃ ɛ. Nɛ wa 'dafa sɛ tɔa Tɛmpɛlo kɛ ma santo wena ni dɛ olo nɛ.

OZE 14:2

Aa nɛ, obe Israɛlɛ, nɛ kpóló tɛ nɛ dɛ 'da NWA Gale 'da nɛ, we kɛ nɛ kɔa zu nyanga nɛ, nɛ nɛ tia we duzu 'dã mɛnɔ 'da nɛ.

OZE 14:4

Oasiri wa wè tɛ kpasa lɛ gɔ, nɛ ombalata bolonɔ wa wè tɛ gɔnɔ zu lɛ gɔ. Lɛ tɔ̃́ sɛ 'bɔ na, kpikimanɔ lɛ dolo wa ni a Gale 'da lɛ gɔ. We kɛ mɛ a mɔ kɛ lɛ dɛa do kɔ̃ lɛ iko. Nɛ nde mɔ nwa zu mɔ kpo, mɔ a mɔ be dia zã hã wi kɛ fo wele 'do a bina ni.”

ZAKARIA 3:4

Nɛ anzɛ ni tɔ̃ hã owinɔ kɛ a yula do wa li nza i ni na: “Nɛ hɔ́lɔ́ ndi tulunɔ gɛ tɛ̃ a do'do.” Nɛ a tɔ̃ hã Yozue na: “Mɔ zɔ́! Mi fua 'dã mɛ 'da mɔ zu mɔ ia, kɔ mi nɛ he'de tulu ɛngga hã mɔ.”

ROMA 6:14

Mba gɔ, 'dã mɔ wè tɛ dungu 'bɔ nwa ngɔ nɛ gɔ. We kɛ nɛ 'bɔ ti mbula bina, nɛ nde mɛ a dia zã 'da Gale hã ma dungu nwa ngɔ nɛ.

ROMA 8:13

Mba gɔ, fala kɛ nɛ dɛ 'dã mɔ kɛ wɔ kɔ kifi tɛ nɛ tombo nɛ we nɛ ni, nɛ nɛ fe sɛ. Kɔ fala kɛ nɛ bɛ̃ gɛnɛ 'dã wɔ kɔ kifi tɛ nɛ do wala ngawi 'da Hi Wi 'da Gale, nɛ nɛ kpasa sɛ.

Mbulanɔ 30:3

Nɛ dɛ na mɛ ni, nɛ a dɛ sɛ 'bako hã nɛ. Nɛ a dɛ sɛ na, nɛ yolo ngɔ nùnɔ kɛ a pɛsɛ zi nɛ dɛ ngɔ nɛ ni, kɔ nɛ kpolo tɛ nɛ. Nɛ a dɛ sɛ 'bɔ na, nɛ ɔ do kpamɔ wena.

Mbulanɔ 30:6

“NWA Gale 'da nɛ, a 'dafa sɛ sila nɛ do sila obe zã nɛ, takɔ nɛ kɔ̃ gɛnɛ a do sila nɛ vɛ̃. Nɛ nɛ 'bana sɛ dɛ ngɔ nùi ni fai.

Mbulanɔ 32:36

“Nɛ nde NWA a kpasa sɛ owinɔ 'da a. A lengge sɛ do ngamɛ wa zɔ ni. Fala kɛ a zɔ na, ngawi 'da wa ia do'do, kɔ fo 'bɔ wi gbaka wa bina,

TITO 2:14

A hã zi kili tɛ̃ a we duzu lɛ, takɔ a gɔnɔ zu lɛ kɔ 'dã mɛnɔ vɛ̃. Nɛ a fɔlɔ 'bɔ ndi kɔ sila lɛ do'do na, lɛ ɔ winɔ 'da a ngboo, nɛ lɛ hã tɛ lɛ we dɛ de mɔ.

OHEBRE 8:12

Mi ele sɛ 'dã mɛnɔ 'da wa fai, nɛ mi lénggé sɛ 'bɔ do ma gɔ.”

1 YOANƐ 3:8

Nɛ wi kɛ a 'bana tɛ dɛ 'dã mɔ fai ni, a a wi 'da Satana. Mba gɔ, Satana ndua zɛ́ dɛ 'dã mɔ yolo do gulu. Nɛ nde Be 'da Gale tɛa we gbɛ dɛa to 'da Satana.