Mike 7:18 - WE NU GALE 1995

¹⁸ Fo gele gale kpo kɛ a wia kɔ̃ do mɔ NWA ni bina. Fala kɛ mɔ zɔ 'dã mɛnɔ 'da otala winɔ 'da mɔ, kɛ wa 'bana nza ni, nɛ mɔ kunu sila mɔ, nɛ mɔ fo ku'da nɛ zu wa do'do. Zã mɔ nɔ̃́lɔ̃́ fai gɔ, we kɛ mɔ do yangga we be dia sila 'da mɔ hã lɛ.

Mike 7:18 Iomraidhean Croise

Ndo Nyanga Dɛ Mɔ 4:7

Mɔ dɛ sɔ ɔ dia, nɛ bula li mɔ sɔ tɛ mɛ 'bɔ do yangga. Nɛ nde mɔ dɛa 'dã mɔ, nɛ 'dã mɛ ni, ma ɔ nɛ gba sɔ̃ sa'de kɛ a ɔa nù dɛ 'do nu tɔa 'da mɔ, nɛ a fa we ba mɔ do ngbá ni. Kɔ ma wia na, mɔ dɛ a nga, hã mɔ nɛ ngɔ a.”

1 Onwanɔ 8:23

Nɛ a sambala na: “Aa NWA Gale 'da lɛ obe Israɛlɛ, fo gele gale tɛ li nza ngɔ i, do tɛ ngɔ nù gɛ ɔ nɛ mɔ ni bina! Mɔ tɛ èlè gba tɔkɛ mɔ gba zi do owinɔ 'da mɔ ni gɔ. Kɔ fala kɛ wa wele nɛ, wa dɛ mbulanɔ 'da mɔ vɛ̃, nɛ sila mɔ 'bana sɛ ngɔ wa fai.

2 Sakonɔ 30:9

'Da fala kɛ nɛ kpolo tɛ nɛ dɛ 'da nwa, nɛ Owi sɛnɛ nɛ kɛ wa kala onya nɛ, nɛ wa tombo wa kɔlɔ 'duli ni, wa be sɛ dia zã hã onya nɛ, nɛ wa gese sɛ wa dɛ ngɔ nùi 'da wa. Mba gɔ, NWA Gale 'da nɛ, a a Gale dia zã do mbɔkɔ li. Kɔ fala kɛ nɛ kpolo tɛ nɛ dɛ 'da a, nɛ nde a bɛ sɛ gɛnɛ nɛ gɔ.”

2 Sakonɔ 6:21

Mɔ zélé sambala 'da mi, do kɛ 'da obe Israɛlɛ, winɔ 'da mɔ. 'Da fala kɛ wa siki li wa dɛ fala gɛ we sambala mɔ, nɛ mɔ zélé sambala 'da wa. Nɛ mɔ NWA kɛ mɔ dungu li nza i ni, mɔ zélé lɛ, nɛ mɔ fó ku'da 'dã mɛnɔ zu lɛ.

NEHEMIE 9:17

Zala wa ngaka do'do, wa bɛ̃a we dɛ olo nu mɔ, nɛ tɛ wa ila ngɔ odia dɛa mɛnɔ vɛ̃ kɛ mɔ dɛa zi we wa ni, nɛ wa saka we kpolo tɛ wa kɔ ngbá tɛ Ezipeto. Nɛ nde mɔ là wa na mɛ ni gɔ, we kɛ mɔ a Gale kɛ mɔ fo ku'da 'dã mɛnɔ zu winɔ. Mɔ ĩ 'bako hã winɔ, nɛ mɔ do dia kɔ sila dɛ 'da wa. Mɔ do du sila, nɛ kɔ̃a zã 'da mɔ ma la mɔ vɛ̃.

Zumanɔ 103:13

NWA kɔ̃a gɛnɛ owi yu kili a, ɔ nɛ kɛ baa be kɔ̃a do benɔ 'da a ni.

Zumanɔ 130:4

Nɛ nde mɔ fua ku'da 'dã mɛnɔ zu lɛ, nɛ lɛ yu kili mɔ we nɛ.

Zumanɔ 35:10

Nɛ mi tɔ̃ sɛ do sila mi kpo na: “Aa nwa, wele kpo wè kɔ̃ do mɔ gɔ. Mɔ kpasa wi 'bako ti kɔ̃ onga winɔ, kɛ wa fa we zɛlɛ tɛ̃ a ni.”

Zumanɔ 65:3

Owinɔ ngɔ nù gɛ vɛ̃ wa nɛ dɛ 'da mɔ, we kɛ mɔ zele sambalanɔ vɛ̃.

Zumanɔ 65:4

Dĩ tole 'dã mɛnɔ 'da lɛ nɛa ngɔ lɛ do'do, nɛ nde mɔ fua ma zu lɛ, nɛ mɔ gbɛa ma vɛ̃.

Zumanɔ 71:19

Aa Gale, bɔlɔ zui 'da mɔ gã, nɛ ma nɛa gbaa li nza i. Mɔ dɛa ogba mɔ wena. Gale, wi kɛ a wia kɔ̃ do mɔ a wio nde?

Zumanɔ 86:15

Nɛ nde mɔ NWA, kɛ mɔ a Gale mbɔkɔ li, do dia zã, do du sila, mɔ dunu do kɔ̃a zã do bɔlɔ zu,

Zumanɔ 86:5

Mɔ NWA, mɔ a wi dia sila, nɛ mɔ 'bɔ a wi mbɔkɔ li. Mɔ be dia zã 'da mɔ hã owinɔ vɛ̃ kɛ wa sambala mɔ ni.

Zumanɔ 89:6

E kɔ oanzɛnɔ wa dɔnggɔ mɔ NWA tɛ li nza i, we duzu ɔngbamɛnɔ mɔ dɛ ma ni. E kɔ wa dɔnggɔ dia zu li mɔ kɔ mba li ngba wi 'da wa.

Zumanɔ 89:8

Aa Gale, wa dɛ kili mɔ tɛ kɔ mba li ngba wi 'da oanzɛnɔ, wa dɛ kili mɔ nɛ ngɔ winɔ kɛ wa kɛ zã mɔ ni vɛ̃.

Kulu Tɔa 15:11

“Aa NWA, gele gale kɛ a wia kɔ̃ do mɔ a wio nde? Gele gale santo ɔ nɛ mɔ gɛ boe nde? Mɔ a wi dɛ oɔngbamɔ, lɛ dɔnggɔ mɔ gbãlã we.

Kulu Tɔa 34:9

nɛ a he mɔ na: “NWA, mi ala nu mi hã mɔ na, mɔ tɛ́ hã mɔ kã lɛ, tua kɛ mɔ bia dia zã 'da mɔ hã mi ia. Mi ĩ de wena na, obe Israɛlɛ wa a owi dɛ nga zu, nɛ nde mi aka mɔ na, mɔ fo 'dã mɛnɔ zu lɛ do'do, kɔ mɔ ba lɛ ɔ nɛ owinɔ 'da mɔ ni.”

Ezai 1:18

NWA tɔ̃a na: “Nɛ tɛ́, hã lɛ 'dafa lɛnggɛ do nɛ. Nɛ fila ɔ nɛ tɔkɔ ni, tua do 'dã mɛnɔ 'da nɛ, nɛ nde mi wia we fɔlɔ nɛ, nɛ nɛ fɛngɛ nɛ́ fũ tukia. Gɛnɛ kɔ nɛ fele ɔ nɛ kula, nɛ nɛ fɛngɛ sɛ turr.

Ezai 33:24

Wi Yeruzalɛmɛ kpo álá sɛ 'bɔ nu ɛ na, ɛ do zɛlɛ gɔ. Nɛ 'dã mɛnɔ ma fo sɛ tɛ̃ ɛ zu owinɔ kɔ le ni vɛ̃.

Ezai 38:17

Nɛ ngangga ni, 'bakoe 'da mi ma kifi yangga. Mba gɔ, mɔ kɔ̃ gɛnɛ mi wena, nɛ mɔ kpasa mi kɔ fio, nɛ mɔ fua ku'da 'dã mɛnɔ zu mi do'do.

Ezai 40:18

Wi kɛ wa wia we we Gale do a ni, wi a wio nde? Nɛ wi kɛ wa wia we we tɛlɛ tɛ̃ a do a ni, wi a wio nde?

Ezai 40:25

Gale santo aka na: “Nɛ wia we we mi do wio nde? Wi kɛ a wia kɔ̃ do mi ni a wio nde?”

Ezai 43:25

Kɔ ngangga ni, mi fua ku'da 'dã mɛnɔ ni zu nɛ, nɛ ta mi gbá sɛ 'bɔ mbé ngɔ ma gɔ.

Ezai 44:22

Mi gbɛa 'dã mɛ 'da nɛ, nɛ ma bisi vɛ̃ ɔ nɛ kɛ tũ kolo bisi nɛ ni. Nɛ nde mi aka nɛ na, nɛ kpolo tɛ nɛ dɛ 'da mi. Mba gɔ, wi kpasa nɛ, wi a mi zu mi kpo.”

Ezai 55:7

E kɔ o'dã winɔ wa kpolo linggamɔ zu wa, nɛ wa la fala 'dã mɛnɔ 'da wa, nɛ wa kifi tɛ wa dɛ 'da NWA Gale, nɛ a ĩ sɛ 'bako hã wa, nɛ a mbɔkɔ sɛ wa.

Ezai 57:10

Nɛ nɛ fa wa ni gbaa, nɛ nɛ mbɔkɔ, nɛ nde nɛ lá fala fa wa gɔ. Nɛ lengge na, osɛa tenɔ 'da nɛ wa hã sɛ ngawi hã nɛ, nɛ nɛ mbɔkɔ sɛ gɔ.”

Ezai 57:16

Mba gɔ, zã mi nɔ̃́lɔ̃́ sɛ dɛ tɛ owinɔ 'da mi kɛ mi dɛa wa ni fai gɔ. Mi la sɛ fala kpa we do wa do'do, da dɛ kɔ wa kúmú gɔ.

Ezai 62:5

NWA, kɛ a dɛa nɛ ni, a ba sɛ nɛ do kɛnɛ a ɔ nɛ kɛ be zagbãlã ba do be zɔnga ni. Nɛ nɛ hã sɛ yangga hã a wena ɔ nɛ kɛ wuko kɔ wili a hã yangga hã wili a ni.

Ezai 64:9

Ole santonɔ 'da mɔ ma kifi olo tɔa, Yeruzalɛmɛ, gã le santo 'da mɔ kulu vɛ̃. Owele wa 'danga ma, nɛ fo 'bɔ wi ɔ kɔ nɛ bina.

Ezai 65:19

Nɛ mi sɛ tɛ mɛ 'bɔ do yangga wena we duzu le Yeruzalɛmɛ do Owi kɔ nɛ. Wa zélé sɛ 'bɔ hia kɔ̃a do wila we ala nu kɔ le ni gɔ.

Yeremi 3:12

Kɔ mɔ lá si gbãlã ngɔ, hã mɔ sá mbula gɛ hã Oisraɛlɛ na, mi nwa, mi tɔ̃a na, wa kpolo tɛ wa 'da mi. Wa dɛ ni, nɛ mi dɛ sɛ 'bako hã wa, nɛ mi sɛ 'bɔ do nɔ̃lɔ̃ zã bina, nɛ mi bá sɛ 'bɔ mãlã wa dɛ zã mi gɔ.

Yeremi 3:5

Kɔ mɔ 'bana sɛ do nɔ̃lɔ̃ zã dɛ tɛ lɛ fai nde? Nɛ mɔ ba sɛ mãlã lɛ dɛ zã mɔ fai nde? Gɔ!’ Ki ni a wenɔ kɛ nɛ obe Israɛlɛ, nɛ tɛ tɔ̃ ma, nɛ nde nɛ 'bana tɛ dɛ 'dã mɛnɔ vɛ̃ kɛ ma wia do nɛ ni!”

Yeremi 31:20

“Aa nɛ, Oisraɛlɛ, nɛ zélé! Nɛ a obenɔ 'da mi ngɔ sila mi, mi kɔ̃ gɛnɛ nɛ wena. 'Da fala kɛ mi dãlã do nɛ ia, nɛ nde sila mi fé ngɔ nɛ gɔ. Mi ba sila mi vɛ̃ hã nɛ, nɛ mi wè tɛ la fala dɛ 'bako hã nɛ gɔ.

Yeremi 31:34

Wa bé sɛ 'bɔ wenɔ 'da mi hã ongba wa bia, sɛ nɛ wa ĩ ti mi NWA de gɔ. Mba gɔ, wa vɛ̃, yolo ngɔ be we hɔ ngɔ kpasa wi, wa ĩ sɛ ti mi. Mi ele sɛ 'dã mɛnɔ do yɔa ti dɛa mɛnɔ 'da wa, nɛ mi lénggé sɛ 'bɔ do ma gɔ. Mi NWA, mi tɔ̃a ni.” NWA tɔ̃a na:

Yeremi 32:41

Mi sɛ do yangga dɛ dia mɔ hã wa, nɛ mi dɛ sɛ na, wa ɔ dɛ ngɔ nùi gɛ fai.”

Yeremi 33:8

Mi fo sɛ ku'da 'dã mɛnɔ kɛ wa dɛa zi do mi ni zu wa, nɛ mi ele sɛ ma do'do.

Yeremi 38:8

nɛ a nɛ, nɛ a tɔ̃ hã a na:

Yeremi 50:20

Do 'da fala ni, nɛ Oisraɛlɛ do Oyuda, wa dɛ́ sɛ 'bɔ 'dã mɔ tabi yɔa ti dɛa mɔ gɔ. We duzu kɛ mi fo sɛ ku'da 'dã mɛnɔ zu wanɔ wa 'bana sɛ nza ni. Mi NWA, mi tɔ̃a ni.”

Yeremi 9:24

NWA tɔ̃a 'bɔ na: “'Da fala kpo, nɛ mi hã sɛ etumbu hã Oezipeto, Oyuda, Oedɔmɛ, Oamoni, Omoabɛ, do owinɔ tɛ li gba zɔ̃ i, kɛ wa kɛlɛ dati wa we dɔnggɔ ogalenɔ 'da wa ni. Owinɔ ni vɛ̃ wa nɛa gaza nɛa, nɛ nde wa dɛ́ mbula gaza gɔ. Wele kpo kɔ owinɔ ni, tabi kɔ obe Israɛlɛ a dɛ́ mbula gba tɔkɛ 'da mi gɔ.”

EZEKIƐLƐ 18:23

Nɛ lengge na, mi dɛ yangga fio mɔ́ 'dã wi dɛa nde? Mi NWA Gale, mi kɔ̃a na, a kifi sila a, nɛ a kpasa iko.

EZEKIƐLƐ 33:11

Kɔ nɛ zélé, mi NWA Gale, mi kana tɛ mi na, wi dɛ 'dã mɔ fe, nɛ nde ma hã́ yangga hã mi gɔ. Mi kɔ̃a na, wi dɛ 'dã mɔ kifi sila a, hã a kpasa. Nɛ, obe Israɛlɛ, nɛ lá fala dɛ 'dã mɔ. Gulu kɛ nɛ fa fio we ge nde?

EZEKIƐLƐ 33:16

Mi ele sɛ 'dã mɛnɔ 'da a, nɛ a kpasa sɛ, we kɛ a dɛa dia mɔ do bɔlɔ zu dɛa mɔ.

DANIƐLƐ 9:9

Nɛ gɛnɛ kɔ lɛ dɛa nga zu dɛ tɛ mɔ NWA Gale 'da lɛ, nɛ nde mɔ bia dia zã 'da mɔ hã lɛ, nɛ mɔ fua ku'da 'dã mɛ zu lɛ.

OZE 14:2

Aa nɛ, obe Israɛlɛ, nɛ kpóló tɛ nɛ dɛ 'da NWA Gale 'da nɛ, we kɛ nɛ kɔa zu nyanga nɛ, nɛ nɛ tia we duzu 'dã mɛnɔ 'da nɛ.

OZE 14:5

NWA tɔ̃a na: “Mi kpasa sɛ Oisraɛlɛ, nɛ wa síkí sɛ 'bɔ 'do wa hã mi gɔ, nɛ mi kɔ̃ sɛ gɛnɛ wa do sila mi kpo, nɛ zã mi nɔ̃́lɔ̃́ sɛ 'bɔ dɛ tɛ wa gɔ.

AMƆSI 1:11

Nɛ zélé we NWA tɔ̃a gɛ: “Oedɔmɛ wa tɛ dɛ 'dã mɔ 'do ngbɛ ɛ do 'do ngbɛ ɛ. Ma kɛ mi 'bili ia, mi kpóló sɛ 'bɔ nu mi gɔ. Mi nɛ gese olo 'dã mɛnɔ 'da wa hã wa. Wa kala omɔ bi bolo dɛ kɔ̃ wa, nɛ wa ndaka do onya wa obe Israɛlɛ. Wa mbe do 'bako li wa be sĩ bina. Wa usu mãlã dɛ zã wa, nɛ wa kɔ̃̀ we la fala nɛ gɔ.

AMƆSI 7:8

Nɛ a aka mi na: “Amɔsi, mɛ mɔ zɔ kɔ mi gɛ a ge nde?” Nɛ mi gese hã a na: “Mɛ a fɛlɛ wa zɔ do bɔlɔ dɛlɛ tɔa ni.” Nɛ NWA tɔ̃ 'bɔ na: “Mi tɛa do fɛlɛ gɛ we zɔ do dɛa to tɛ owinɔ 'da mi, tabi ma a bɔlɔ nde? Mba gɔ, mi ùmù sɛ li mi ngɔ 'dã mɛnɔ 'da wa gɔ.

AMƆSI 8:2

nɛ a aka mi na: “Amɔsi, mɛ mɔ zɔ ni a ge nde?” Nɛ mi gese hã a na: “Mi zɔ yele ofila wala te.” Nɛ NWA tɔ̃ hã mi na: “Oisraɛlɛ wa fila ɔ nɛ owala tenɔ gɛ, nɛ wa hɔa ndɔti dungu 'da wa ia, wa 'báná sɛ 'bɔ gɔ. Mi kpóló sɛ linggamɛ 'da mi gɔ, mi hã sɛ etumbu hã wa.

YONASI 4:2

Nɛ a tɔ̃ hã Gale na: “Aa NWA, dati kɛ na mi la le 'da mi ni, mi ĩ zi na, mɔ dɛ sɛ mɛ kɛ mɔ dɛa gɛ. Gulu nɛ a mi fa zi we yu dɛ Tarsisi i ni. Mi ĩ zi na, mɔ a Gale mbɔkɔ li, mɔ 'bɔ do dia zã wena. Mɔ a wi du sila, nɛ kɔ̃a zã 'da mɔ la mɔ vɛ̃. Mɔ kpolo linggamɛ 'da mɔ ngɔ etumbui mɔ kɔ̃a sɔ we hã hã owinɔ ni dɔ̃ iko.

Mike 2:12

Gale na, ɛ mba sɛ li nɛ, tala obe Israɛlɛ vɛ̃ kɛ nɛ 'bana ni. Ɛ ngɛmɛ sɛ li nɛ, ɔ nɛ wa ngɛmɛ do li obata dɛ kɔ ba'de 'da wa ni. Nɛ Owele wa dɛlɛ sɛ ngɔ nùi 'da nɛ, ɔ nɛ kɛ obata wa dɛlɛ kɔ ngbo 'da wa ni.

Mike 4:7

Wa 'dɔlɔ wa nyɛlɛ do le 'da wa, nɛ wa mbɔka vɛ̃. Nɛ nde mi mba sɛ li owanɔ wa 'bana nza ni, nɛ mi dɛ sɛ na, wa hɔ nganda nu kɔnggɔ wele. Do 'da fala ni, nɛ mi Gale, mi ɔ sɛ do ngɔ kala Sioni tɛ Yeruzalɛmɛ, nɛ mi dungu sɛ nwa ngɔ wa pii.

Mike 5:3

Nɛ nwa kɛ wa ko sɛ a ni, a kã sɛ owinɔ do ngawi 'da NWA Gale, nɛ a be sɛ 'bɔ dɔ́lɔ́ li 'da Gale 'da a dɛ nza. Nwa ni a hã sɛ dungu fio hã owinɔ 'da a, we kɛ ngawi 'da a ma be sɛ tɛ̃ ɛ ngɔ nùnɔ vɛ̃. Fala kɛ Oasiri wa tɛ we ba nùi 'da lɛ, kɔ wa le kɔ ngbo lenɔ 'da lɛ, nɛ lɛ tombo sɛ onwa bolonɔ 'da lɛ, we bi do wa.

Mike 7:14

Aa NWA Gale, mɔ ka lɛ owinɔ 'da mɔ kɛ mɔ saka lɛ ni. Mɔ zɔ́ mɔ tɛ lɛ, ɔ nɛ kɛ wi fɔmɔ odua bata zɔ do mɔ tɛ batanɔ 'da a ni. Nùi lɛ ɔ ngɔ nɛ gɛ, ma dé kpalɛ gɔ, nɛ nde odia nù mi do kpalɛ zĩ lɛ takpa. Kɔ mɔ ka lɛ dɛ tɛ nù Basanɛ do Galadɛ, kɔ lɛ kpa dia nù i mɔ, nɛ lɛ mi do kpalɛ ɔ nɛ kɛ zɛ́ dati ni.

SOFONI 3:17

NWA Gale 'da nɛ do nɛ boe. A bi sɛ bolo zu nɛ do ngawi 'da a. A hã sɛ mbé dia dungu hã nɛ do kɔ̃a zã 'da a. A dɛ sɛ yangga dɛ 'da nɛ, nɛ sape bá sɛ 'bɔ li a we duzu nɛ gɔ. A ga sɛ zuma yangga we nɛ,

Tɔlɔ Mɔ 23:21

Mi zɔ̃ 'dã mɔ mɔ́ obe zã Yakɔbɔ kpo gɔ. Fo ngamɔ ngɔ nù Israɛlɛ bina, we kɛ NWA do wa boe.

LUKA 15:32

Nɛ nde ma wia na, lɛ dɛ mɔ dɔ, kɔ lɛ dɛ yangga, we kɛ nya mɔ gɛ, a fia zi fia, kɔ a kpasa. A yɔa zi yɔa, kɔ mi kpa a!’ ”

LUKA 24:47

Nɛ ma wia 'bɔ na, Owele wa be sakoe 'da a nyanga nza gɛ vɛ̃, ndo do Yeruzalɛmɛ, we tɔ̃ hã winɔ na, wa kifi sila wa, kɔ Gale fo ku'da 'dã mɛnɔ zu wa.

ROMA 11:4

Nɛ Gale gese hã a na: “Mi saka Owele koto sambo, kɛ wa tɛ dɔ̀nggɔ̀ gale Bala gɔ ni, nɛ mi a wa we mi.”

Mbulanɔ 33:26

“Aa nɛ obe Israɛlɛ, mbe gele gale ɔ nɛ wele kɛ 'da nɛ ni bina. A a kɔ yele ngbala 'da a, nɛ a kũ dɛ ngɔ kutu tɛ li nza i, nɛ a zĩlĩ we gbaka nɛ.

ZAKE 2:13

Wi kɛ a ĩ́ 'bako hã ngba a gɔ, kɔ Gale nɛ 'bili we 'da a, nɛ a ĩ́ sɛ tɛ mɛ 'bɔ 'bako hã a gɔ. Nɛ nde wi kɛ a ĩ 'bako hã ngba a, nɛ Gale a ĩ sɛ tɛ mɛ 'bɔ 'bako hã a, nɛ a té sɛ li ngbangga gɔ.

Owi kpe dati 10:16

Nɛ 'do ki ni, nɛ wa la fala dɔnggɔ ogele galenɔ ni, nɛ wa hã tɛ wa we dɔnggɔ NWA. Nɛ NWA zɔa na mɛ ni, nɛ a wè zi 'bɔ tɛ kunu sila a ngɔ 'bakoe kɛ wa kpa ma ni gbaa gɔ.