Mike 7:17 - WE NU GALE 1995

¹⁷ Wa Sama sɛ fumbɛlɛ ɔ nɛ ogɔ̃ do osa'de hala nù ni. Wa hɔ sɛ nza kɔ ogba ngbonɔ 'da wa do kili, nɛ tɛ wa ma tana sɛ dati mɔ NWA Gale 'da lɛ. Wa ɔngbɔ sɛ ngawi 'da mɔ NWA.

Mike 7:17 Iomraidhean Croise

2 SAMUƐLƐ 22:46

Ngawi 'da wa ma ia, wa tana kili, nɛ wa yu kɔ gba ngboe 'da wa do'do.

2 Sakonɔ 17:10

Owinɔ ngɔ nùnɔ vɛ̃ kɛ zã nù Yuda ni wa dɛa kili NWA Gale, nɛ wele kpo è 'bɔ bolo nù hã Yozafatɛ gɔ.

Zumanɔ 18:45

Ogele winɔ wa gu nù ti mi, mi ba nu mi hã wa, nɛ wa zele.

Zumanɔ 72:11

Onu kɔnggɔ winɔ vɛ̃ wa dungu sɛ ti mbula 'da a, nɛ owinɔ vɛ̃ wa bili sɛ zu wa nù dati a.

Zumanɔ 72:9

Owi yɛnggɛ li gba zɔ̃nɔ wa gu sɛ gba zugolo, nɛ owi sɛnɛ a wa Sama sɛ fumbɛlɛ dati a.

Zumanɔ 9:20

Aa NWA, mɔ kúlú ngɔ hã mɔ dɛ mɔ. Mɔ mbá li ogele nu kɔnggɔnɔ dɛ dati mɔ, hã mɔ 'bili ngbangga 'da wa, nɛ mɔ tɛ kɔ̃̀ na, 'dã wi kpo kpasa li nɛ gɔ.

Ezai 25:3

Ma hã owinɔ kɛ wa nganda zi wena ni, wa dɔnggɔ sɛ dɔ̃lɔ̃ li 'da mɔ, nɛ wa dɛ sɛ 'bɔ kili mɔ. Ogã winɔ kɛ wa zɛlɛ zi tɛ ongba wa ni, wa dɛ sɛ 'bɔ kili mɔ.

Ezai 49:23

Onwanɔ wa zɔ sɛ mɔ tɛ obenɔ 'da nɛ, ɔ nɛ kɛ baa be zɔ do mɔ tɛ be 'da a ni. Nɛ owuko nwanɔ wa dala sɛ wa ɔ nɛ kɛ naa be dala do be 'da a ni. Onwanɔ wa bili sɛ zu wa nu dati nɛ, wa dɛ sɛ kili nɛ, nɛ wa dɔnggɔ sɛ nɛ. Na mɛ ni, nɛ nɛ ĩ sɛ na mi a NWA. Nɛ nɛ ĩ sɛ 'bɔ na, wi kɛ a gbini zã a do mi, nɛ nde a kpá sape fala kpo gɔ.”

Ezai 59:19

NWA a tɛ sɛ ɔ nɛ gba fua lì tabi gba bũ ni, we hã etumbu hã wa. Na mɛ ni, owinɔ yolo si 'biti gba wese gbaa we hɔ si 'biti gɛ̃a wese, wa dɔnggɔ sɛ NWA, nɛ wa yu sɛ kili ngawi 'da a.

Ezai 60:14

Owinɔ kɛ wa zɛlɛ zi tɛ nɛ ni, wa yu sɛ kili nɛ, nɛ wa bili sɛ zu wa nù, nɛ wa nɛ sɛ dɛ 'da nɛ. Nɛ owanɔ kɛ wa yɔndɔ zi sila nɛ ni, wa gu sɛ nù ti nɛ, nɛ wa dɔnggɔ nɛ. Nɛ wa sa sɛ li le 'da nɛ na: ‘Sioni, le 'da NWA,’ ‘Le 'da Gale Santo 'da obe Israɛlɛ.’

Ezai 64:2

Mɔ zĩlĩ, hã mɔ dɛ mɔ kili, nɛ mɔ gbanga do lɛ, nɛ kalanɔ ma tana sɛ kili dati mɔ.

Ezai 65:25

Ogbokologboe do obe bata wa nyɔngɔ sɛ wɔkɔsɔ fala nɛ kpo, nɛ gbɔgbɔ a nyɔngɔ sɛ wɔkɔsɔ ɔ nɛ ngɔmbɔ ni, nɛ gɔ̃̀ a nyɔngɔ sɛ nù iko, a gbɛ́ sɛ 'bɔ wele gɔ. Tɛ ngɔ kala santo 'da mi vɛ̃, wa dɛ́ sɛ 'bɔ 'dã mɔ gɔ, nɛ wa 'dángá sɛ 'bɔ mɔ i mɔ gɔ.”

Ezai 7:19

Wa 'bo sɛ ngba wa kɔ tanɔ, do kɔ kɔ̃nɔ, nɛ wa kpa sɛ do 'dɔ 'denɔ vɛ̃.

Yeremi 16:16

NWA tɔ̃a na: “Mi sa sɛ mɔ hã ogele soda, nɛ mi tombo wa dɛlɛ wena dɛ ngɔ owinɔ 'da mi, hã wa gbɛ wa ɔ nɛ kɛ Owi gbɛ kɔyɔnɔ, wa gbɛ do kɔyɔnɔ ni. Nɛ mi tombo sɛ 'bɔ mbé osoda, takɔ wa ndaka 'do wa tɛ ngɔ gã kalanɔ, do obe kalanɔ, do kɔ tanɔ, ɔ nɛ Owi yali zamɔ wa bi sa'de ni.

Yeremi 33:9

Le Yeruzalɛmɛ ma hɔ sɛ 'bɔ le dɔ̃lɔ̃ li, do le yangga kɛ mi dɔnggɔ sɛ tɛ mi do ma. Nɛ onu kɔnggɔ winɔ ngɔ nu gɛ vɛ̃, wa zele sɛ we dia mɛnɔ kɛ mi dɛa we owi Yeruzalɛmɛ, do dia dungi mi ba hã wa ni, nɛ wa tana sɛ kili.”

ALA NU 3:29

kɔ lɛ gu nù ti a, nɛ mbe gɔ, nɛ a siki sɛ li a dɛ 'da lɛ.

ZAKARIA 14:5

Nɛ nɛ, owi Yeruzalɛmɛ, nɛ yu sɛ do kɔ gbongboe ngbala kalanɔ ni, we kɛ ma la sɛ gbaa dɛ kɔ le Asalɛ. Nɛ yu sɛ, ɔ nɛ kɛ oyaa nɛ wa dɛa zi do ngba soe nùi tana do 'da fala 'da Oziasi, nwa ngɔ nù Yuda ni. Nɛ NWA Gale 'da mi, a tɛ sɛ fala nɛ kpo do oanzɛnɔ 'da a vɛ̃.

Mbulanɔ 32:24

Wɔ, do bawe tɛ wi, do 'dã zɛlɛ, ma gbɛ sɛ wa, mi tombo sɛ dã sa'de na, wa gbɛ wa, nɛ odã gɔ̃ wa gɔmɔ sɛ wa, nɛ wa fe.

Yozue 9:24

Owi Gabaoni wa zila ní, nɛ wa gese na: “Nwa, lɛ dɛa ni mba gɔ, lɛ dɛa zi kili na, nɛ gbɛ sɛ lɛ. Nɛ lɛ ĩ ti mbuli kɛ NWA Gale 'da nɛ, a hã hã Mɔizɛ wi dɛa toe 'da a, do obe Israɛlɛ vɛ̃ ni. NWA tɔ̃a zi hã Mɔizɛ na, 'da fala kɛ nɛ le ngɔ nùi gɛ, nɛ a kala sɛ lenɔ gɛɔ gɛɔ, nɛ a hã sɛ ma vɛ̃ hã nɛ, nɛ nɛ gbɛ sɛ owinɔ kɔ nɛ ni vɛ̃.

USU MƐNƆ 3:9

Kɔ nɛ zɔ́ mɛnɔ mi nɛ dɛ sɛ do gili winɔ 'da Satana, kɛ wa 'bili bɛlɛ, nɛ wa tɔ̃ na, lo a Oyuda, nɛ nde wa a Yuda gɔ ni. Mi ngbɔkɔ sɛ wa na, wa nɛ 'da nɛ i, nɛ wa gu gba zugolo dati nɛ, nɛ wa ĩ sɛ na, mi kɔ̃a gɛnɛ nɛ.

1 SAMUƐLƐ 14:11

Yonatanɛ do wi toe 'da a wa nɛa, nɛ wa be tɛ wa hã osoda Filisti. Osoda Filisti wa nɛa we zɔ wa, nɛ wa tɔ̃ dɛ sanga ngba wa na: “Hɔ! Nɛ zɔ́ obe Hebre, wa hɔa nza kɔ kɔ̃nɔ wa usu tɛ wa kɔ nɛ ni.”