Mike 7:16 - WE NU GALE 1995

¹⁶ Mɔ dɛ́ ní, nɛ ogele winɔ wa zɔ sɛ, nɛ sape ma ba sɛ li wa. Gɛnɛ kɔ wa do ngawi wena, nɛ ma ba sɛ we nu wa, nɛ zala wa ma la sɛ, nɛ wa tana sɛ kili gbulu gbulu.

Mike 7:16 Iomraidhean Croise

YƆBƆ 21:5

Fala kɛ nɛ á tɛ nɛ do mi, nɛ sape ma ba sɛ li nɛ, nɛ ma ba sɛ we nu nɛ, nɛ nɛ ɔngbɔ sɛ ɔngba.

YƆBƆ 40:4

Mi gɛ a mɔ gɔ, kɔ mi nɛ gese hã mɔ na ge nde? Mi kpia nu mi ia, mi tɔ̃ sɛ mbé we gɔ.

Zumanɔ 126:2

Nɛ lɛ zɛa kaliã, nɛ lɛ he hiamɔ yangga. Nɛ ogele winɔ wa tɔ̃a na: “NWA dɛa gba mɔ hã wa.”

GBA WENƆ 30:32

Fala kɛ mɔ ɔ do yɔndɔ wi, kɔ mɔ dɔnggɔ tɛ mɔ, tabi mɔ fa we dɛ 'dã mɔ, nɛ mɔ yulu nu nɛ nù, nɛ mɔ lengge mɔ sɛ.

Ezai 26:11

NWA, mɔ bia kɔ̃ mɔ li o'dã winɔ, nɛ nde wa lènggè do ma gɔ. Wa zɔ sɛ mɔ tɛ bi ngɔ owinɔ 'da mɔ, wanɔ kɛ wa ngɔ sila mɔ ni, nɛ sape ma ba sɛ li wa. NWA, mɔ ha ngamɔ hã wa, ɔ nɛ kɛ mɔ hã ma hã Owi sɛnɛ mɔ ni.

Ezai 52:15

Nɛ nde ngangga ni, ogele nu kɔnggɔnɔ wa tɛ ɔngbɔ we 'da a, nɛ we 'da a ma ba we nu 'Onwanɔ vɛ̃. Mba gɔ, wa zèlè mbe kuti wenɔ kɛ wa tɔ̃ ma hã wa gɛ gɔ, nɛ wa zɔ̀ mbe kuti mɔ ɔ ni gɔ.”

Ezai 66:18

Mi ĩ ti linggamɔ zu wa, do dɛa to tɛ wa ĩ.” Nɛ NWA tɔ̃a 'bɔ na: “Mi tɛ sɛ, nɛ mi mba sɛ li nu kɔnggɔ owinɔ, do ngɔ gili lɛnggɛnɔ ngɔ nù gɛ vɛ̃, takɔ wa ĩ ti dɔ̃lɔ̃ li 'da mi.

EZEKIƐLƐ 38:23

Na mɛ ni, nɛ mi be sɛ hã tala ogele winɔ na, mi a Gale kɛ mi gã wena, nɛ mi santo. Nɛ wa ĩ sɛ na, mi a NWA.”

Mike 3:7

Nɛ, owinɔ kɛ nɛ tɔ̃ we mɛnɔ ma dɛ sɛ tɛ̃ ɛ ni, nɛ usu sɛ li nɛ do sape, we kɛ mi Gale, mi gésé sɛ 'bɔ nu we 'da nɛ gɔ.”

Mike 5:8

Kafi bina, obe Israɛlɛ wa kala sɛ owi sɛnɛ wa, nɛ wa gbɛ wa vɛ̃.

AZE 2:22

Nɛ mi nɛ a Onwanɔ ngɔ nùi gɛ vɛ̃ nù, nɛ mi fo ngawinɔ 'da wa kɔ̃ wa vɛ̃. Mi zɛ sɛ nyanga ngilingili nɛ bolonɔ ti ma, nɛ owi ba yinda nɛ wa ala sɛ do ma. Ombalatanɔ wa fe sɛ, nɛ zu Owi kũ mbalatanɔ ma vĩ sɛ, nɛ wa gbɛ sɛ ngba wa do nya wa.

ZAKARIA 12:9

NWA tɔ̃a na: “Do 'da fala ni, nɛ mi kumu sɛ ogele winɔ vɛ̃ kɛ wa tɛ sɛ we bi Yeruzalɛmɛ ni.

ROMA 3:19

Lɛ ĩ na, wenɔ kɛ mbula tɔ̃ ni, ma tɔ̃ ma hã winɔ kɛ wa ti mbula ni, takɔ owinɔ vɛ wa kpe nu wa, nɛ wa te li ngbangga 'da Gale.

USU MƐNƆ 11:18

Zã ogele winɔ nɔ̃lɔ̃ zi dɛ tɛ mɔ wena, nɛ nde tũi kɛ mɔ nɛ be do nɔ̃lɔ̃ zã 'da mɔ ni, ma wia ia. Mɛ a tũi kɛ mɔ nɛ 'bili do we 'da ofionɔ. Nɛ mɛ 'bɔ a tũ si do de mɔ hã owi dɛa tonɔ 'da mɔ, kɛ wa gba olo nu mɔ ni, do winɔ 'da mɔ vɛ̃, ogã winɔ do obe winɔ kɛ wa dɔnggɔ mɔ dɔngga ni. Mɛ a tũi kɛ mɔ nɛ kumu do winɔ kɛ wa 'danga zi nùi gɛ ni.”