Mike 7:14 - WE NU GALE 1995

¹⁴ Aa NWA Gale, mɔ ka lɛ owinɔ 'da mɔ kɛ mɔ saka lɛ ni. Mɔ zɔ́ mɔ tɛ lɛ, ɔ nɛ kɛ wi fɔmɔ odua bata zɔ do mɔ tɛ batanɔ 'da a ni. Nùi lɛ ɔ ngɔ nɛ gɛ, ma dé kpalɛ gɔ, nɛ nde odia nù mi do kpalɛ zĩ lɛ takpa. Kɔ mɔ ka lɛ dɛ tɛ nù Basanɛ do Galadɛ, kɔ lɛ kpa dia nù i mɔ, nɛ lɛ mi do kpalɛ ɔ nɛ kɛ zɛ́ dati ni.

Mike 7:14 Iomraidhean Croise

Zumanɔ 100:3

Nɛ ĩ́ na NWA 'da lɛ, a a ngbongbo Gale ngboo. A dɛa lɛ, nɛ lɛ a owinɔ 'da a. A ɔ nɛ wi zɔ mɔ tɛ obata, nɛ lɛ a obata kɔ ba'de 'da a.

Zumanɔ 143:5

Ta mi gba ngɔ tũnɔ ma la zi ia ni, nɛ mi lingga mɛnɔ vɛ̃ mɔ dɛa zi ni, nɛ mi zengge mɔ ngɔ nɛ.

Zumanɔ 28:9

Mɔ kpásá winɔ 'da mɔ, mɔ wélé nu mɔ tɛ wa, nɛ mɔ zɔ́ mɔ tɛ wa kɔ sabɛlɛ do sabɛlɛ.

Zumanɔ 95:7

Mba gɔ, a a Gale 'da lɛ, nɛ lɛ a owinɔ 'da a, nɛ a a wi zɔ mɔ tɛ lɛ. Sɔɛ gɛ, nɛ zélé gɛlɛ a tɛ tɔ̃ na:

Kulu Tɔa 33:16

Fala kɛ mɔ kã̀ lɛ gɔ, nɛ wa dɛ sɛ fala ĩ na, mɔ bia dia zã 'da mɔ hã mi do owinɔ 'da mɔ ni nɛ nde? Fala kɛ mɔ sanga lɛ boe, nɛ nde lɛ wé sɛ kɔ̃ do ogele winɔ ngɔ nù gɛ gɔ.”

SƆKPƆ DIA ZUMANƆ 4:1

Aa kɛnɛ mi ngɔ sila mi gɛ, mɔ dia tɛ mi la li ngele. Gbali mɔ ndele ti kitambala kɛ mɔ gu sanga li mɔ gɛ, ɔ nɛ gbali gbakulĩ ni. Mili zu mɔ dulu ɔ nɛ lɔnggɔ oduanɔ, kɛ wa zĩlĩ kala Galadɛ ni.

Ezai 27:13

Do ngba soe ni, wa dama sɛ gã mɔtũlũ, nɛ owinɔ kɛ wa pɛsɛ zi dɛ ngɔ nu Asiri do Ezipeto ni, wa si sɛ vɛ̃ dɛ kɔ le Yeruzalɛmɛ. Nɛ wa nɛ sɛ ngɔ kala kɛ ma santo we dɔnggɔ NWA.

Ezai 35:2

Li goe ma ga sɛ zuma do yangga. Ofulɛlɛ ma hɔ sɛ di ni, nɛ ma de sɛ ɔ nɛ ngɔ kalanɔ tɛ ngɔ nù Libanɛ ni. Ma hɔ sɛ dia nù mi do kpalɛ ɔ nɛ nùi tɛ ngɔ kala Karmɛlɛ, do kɛ tɛ ngɔ mbɛ nù Saroni ni. Wele kpo kpo a zɔ sɛ ma, nɛ ma be sɛ dɔ̃lɔ̃ li 'da NWA do nganda 'da a. Nɛ a ĩ sɛ na NWA a gã wi ngboo.

Ezai 37:24

Mɔ tumba owi dɛa tonɔ 'da mɔ we dã mi NWA. Mɔ tɔ̃a na, mɔ Sɛnakeribɛ, mɔ kũ gbaa zu ongala kalanɔ tɛ Libanɛ do ogili ngilingilinɔ 'da mɔ, nɛ mɔ gɔmɔ ogba dia te sɛdrɛnɔ do odu te siprɛnɔ 'di mɔ ni, nɛ mɔ si do ma. Nɛ mɔ le sɛ 'bɔ gbaa, nɛ zu mɔ kpa kɔ tũ kɔlanɔ i mɔ ni vɛ̃.

Ezai 40:11

A kpe dati owinɔ, ɔ nɛ wi zɔ mɔ tɛ obata ni. A be kɔ a, nɛ wa mba li ngba wa. A kala obe batanɔ dɛ kɔ a, nɛ a zɔ mɔ tɛ onaa batanɔ, kɛ wa ama benɔ do dia nɛ ni.

Ezai 49:10

Wɔ nyɔngɔmɔ tabi wɔ lì ma bá sɛ 'bɔ wa gɔ. Nɛ tua wese tabi bawe bũ li go ma dɔ́ sɛ wa gɔ. Mi lengge sɛ wa de wena, nɛ mi kpe sɛ dati wa, nɛ mi kã sɛ wa dɛ nu 'de na, wa nɔ ma.

Ezai 65:10

Nɛ wa dɔnggɔ sɛ mi, nɛ wa dala sɛ osa'denɔ 'da wa tɛ li zɔ̃ Saroni, tɛ si 'biti gɛ̃a wese, do kɔ gbangɔlɔ̃ Akɔrɛ, tɛ si 'biti gba wese.

Yeremi 49:31

A tɔ̃a hã winɔ 'da a na: ‘Lɛ kúlú ngɔ, hã lɛ nɛ́ we bi owinɔ kɛ wa lengge do mɔ gɔɛ ni. Wa nyɛlɛ do ngba wa wena, nɛ wa lengge na, lo kpa gɛ̃a dungu ia, fo gulu kpe nu tɔanɔ 'da lo bina.’ ”

ALA NU 1:7

Le Yeruzalɛmɛ kifi olo tɔa, nɛ ta zu owi kɔ nɛ gba ngɔ kpamɛnɔ kɛ wa zi do ma dati belee ni. Le 'da wa tia dɛ kɔ̃ Owi sɛnɛ wa, nɛ wele kpo tɛ̀ we gala wa gɔ. Owi sɛnɛ wa, wa nɛa ngɔ wa, nɛ wa fi gbɛlɛgbɛsɛ zu wa.

ALA NU 5:21

Aa NWA, mɔ dɛ na, lɛ kpolo tɛ lɛ dɛ 'da mɔ. Mɔ gésé lɛ dɛ kɛ zã mɔ, nɛ mɔ 'dáfá dungi 'da lɛ nɛ́ kɛ zi dati ni.

EZEKIƐLƐ 36:11

Mi dɛ sɛ na, Owele do osa'de wa dɛlɛ, nɛ nɛ dɛlɛ sɛ wena nɛ ngɔ kɛ zi dati ni, nɛ nɛ ko sɛ obe zã nɛ wena. Nɛ mi hã sɛ 'bɔ kpamɔ hã nɛ nɛ ngɔ kɛ zi dati ni. Na mɛ ni, nɛ nɛ ĩ sɛ na, mi a NWA.

Levitɛnɔ 27:32

Ma ɔ do ngɔmbɔ 'bu, tabi obata, tabi odua 'bu, nɛ kpo sanga wa 'bu ni sɛ a mɔ́ nwa Mɔ tɔlɔ sɛ nadalamɛnɔ 'da mɔ, nɛ mɔ e wele kɛ 'bu do tɛ̃ ɛ, we kɛ wele a mɔ́ NWA.

AMƆSI 9:11

NWA tɔ̃a na: “Mbe ngba soe kpo, nɛ mi 'dafa sɛ nu kpala Davidi kɛ ma kumu, nɛ ma ɔ nɛ olo tɔa ni, nɛ ma de sɛ 'bɔ dɛ olo nɛ. Mi kpe sɛ oholonɔ, nɛ mi bɔlɔ sɛ dɛlɛ tɔanɔ. Mi 'dafa sɛ ma na, ma de 'bɔ ɔ nɛ kɛ zi dati ni.

ABDIASI 1:19

Owi ngɔ nù Yuda wa ba sɛ mbɛ nù Edɔmɛ, kɛ si nyanga kala do si ba gɔtɔ i ni, nɛ wa ba 'bɔ mbɛ nùi 'da Ofilisti, do nù Samaria kɛ mɛ a nùi 'da obe zã Efraimɛ ni. Nɛ obe zã Bɛnzamɛ wa ba sɛ nù Galadɛ.

SOFONI 3:13

Tala obe Israɛlɛ kɛ wa 'bana sɛ do tunu li wa ni, wa dɛ sɛ mɔ tɛ wa do bɔlɔ nɛ, wa tɔ̃́ sɛ bɛlɛ gɔ, nɛ wa ɔ́kɔ́lɔ́ sɛ wele do lɛnggɛ nu wa gɔ. Wa kpa sɛ dia dungu, nɛ wa ɔ sɛ nù do gɛ̃a sila, nɛ nde fo sɛ wi a kili tɛ wa bina.”

ZAKARIA 10:10

Mi fo sɛ wa ngɔ nù Ezipeto do Asiri, nɛ mi gese wa dɛ ngɔ nùi 'da wa. Mi gese sɛ 'bɔ wa dɛ ngɔ nù Galadɛ do Libanɛ, nɛ nde wa dɛlɛ sɛ, nɛ wa nɛ ngɔ nùnɔ ni.

ZAKARIA 11:7

Nɛ mi Zakaria, mi hɔa wi fɔmɔ batanɔ kɛ owinɔ wa oso wa we gbɛ wa ni. Nɛ mi kala dɔ te bɔa dɛ kɔ mi. Nɛ mi sa li mbe kpo na “Diazã”, nɛ mi sa li mbee nɛ na “Mbalina”, nɛ mi la we zɔ mɔ tɛ obatanɔ.

MALAKI 3:4

Nɛ NWA a kɔ̃ sɛ gɛnɛ dɔnggamɛnɔ 'da Oyuda do owi Yeruzalɛmɛ, ɔ nɛ kɛ a kɔ̃a zi gɛnɛ ma kɔ sabɛlɛnɔ zi dati ni.

Tɔlɔ Mɔ 23:9

Mi tɛ yolo do zu kala, nɛ mi zɔ wa. Mi tɛ yolo ngɔ ngala ta, nɛ mi ka mɔ tɛ wa! Mɛ a nu kpala kɛ wa ɔ do tɛ̃ ɛ, nɛ dɛa mɔ tɛ wa la ngbɛ ɛ do kɛ 'da gele winɔ wena.

Tɔlɔ Mɔ 32:1

Obe zã Rubɛnɛ do Gadɛ wa zi do onadalamɔ wena. Nɛ wa zɔa na, nù Yazɛrɛ do Galadɛ wia do fala dala do nadalamɛnɔ ni.

MATIE 2:6

‘Aa mɔ, le Bɛtleɛmɛ, ngɔ nù Yude, mɔ a be le sanga olenɔ ngɔ nù Yude gɛ gɔ. We kɛ mɔ ko sɛ gã nwa kɛ a kpe sɛ dati winɔ 'da mi, obe Israɛlɛ ni.’ ”

YOANƐ 17:16

Wa a owinɔ nù gɛ gɔ, ɔ nɛ kɛ mi tɛ mɛ 'bɔ a wi nù gɛ gɔ ni.

Mbulanɔ 33:28

“Ma kɛ obe Israɛlɛ wa kpa gɛ̃ dungu kɔ le, kɛ ma dunu do nyɔngɔmɔ wena. Mɛ a fala kɛ mbɔɛ ma yolo li nza i, nɛ ma 'bɔ nù nɛ nɛi.