Mike 7:13 - WE NU GALE 1995

¹³ Nɛ tala gele nùnɔ, ma kifi sɛ li go, we duzu 'dã mɛnɔ 'da owinɔ kɛ wa ɔ ngɔ nɛ ni.

Mike 7:13 Iomraidhean Croise

YƆBƆ 4:8

Mi gɛ, mi zɔa mɛ na: Wanɔ kɛ wa dɛ 'dã mɔ tabi wa zɛlɛ tɛ onya wa ni, nɛ wa kpa si olo mɛnɔ wa dɛa ni.

GBA WENƆ 1:31

We duzu ma, nɛ kpa sɛ si olo yia dɛa mɛnɔ 'da nɛ. Nɛ ma dɛ sɛ na, nɛ ɔ nɛ wi kɛ zɛlɛ ba a, nɛ ma mbɔkɔ a vɛ̃ ni.

GBA WENƆ 31:31

Ma wia na, wuke ni kpa si olo dɛa toe 'da a, nɛ wa dɔnggɔ a kɔ le vɛ̃.

GBA WENƆ 5:22

'Dã mɛnɔ kɛ 'dã wi dɛ ni, ma ɔ nɛ bili we a ni. Bili 'dã mɛ 'da a ma ba a, nɛ nde a hɔ̀ sɛ li nɛ gɔ.

Ezai 17:9

Do ngba soe ni, owinɔ wa yu sɛ kɔ lenɔ, kɛ gba ngboe zĩ ma takpa tɛ ngɔ nù Israɛlɛ gɛ do'do. Nɛ ma kulu sɛ vɛ̃ ɔ nɛ kɛ lenɔ 'da Ohivi do Oamori kulu zi, do 'da fala wa dɛa zi kili obe Israɛlɛ, nɛ wa yu, nɛ wa la ma ni.

Yeremi 17:10

Nɛ nde mi NWA, mi zɔ kɔ sila winɔ zɔa, nɛ mi ĩ ti linggamɛnɔ 'da wa. Mi ĩ ti dungu 'da winɔ vɛ̃, nɛ mi si olo dɛa mɔ tɛ wele do wele hã a.”

Yeremi 21:14

nɛ mi hã sɛ etumbu hã nɛ olo 'dã mɛnɔ nɛ dɛa ni. Mi fi sɛ we tɛ bɛlɛduma te sɛdrɛnɔ kɛ nɛ dɛa do tɔa nwa ni, nɛ ma bɛlɛ sɛ mɛnɔ kɛ zã nɛ ni vɛ̃. Mi NWA, mi tɔ́a ni.”

Yeremi 25:11

Nùi gɛ ma 'danga sɛ vɛ̃, nɛ ma kifi sɛ olo tɔa. Nɛ onu kɔnggɔ winɔ ngɔ nɛ ni vɛ̃ wa sɛ a ngbá 'da nwa ngɔ nù Babilonia 'do 'bu sabɛlɛ sambo.

Yeremi 32:19

Mɔ do osaka linggamɔ wena, nɛ mɔ e ma fala dɛa to do kɔ̃a zã 'da mɔ. Mɔ soko mɛnɔ owinɔ wa dɛ ni do sɔ̃a li; nɛ mɔ si olo dɛa mɔ tɛ wele do wele hã a.

EZEKIƐLƐ 12:19

Nɛ mɔ tɔ̃ toe gɛ hã owi Yeruzalɛmɛ, kɛ wa 'bana tɛ ngɔ nù Israɛlɛ i ni na, mi NWA, mi tɔ̃ hã wa na, wa nyɔngɔ sɛ mɔ, nɛ wa nɔ lì, nɛ wa tana sɛ kili, nɛ mili kɔ̃a ma ala sɛ li wa.

EZEKIƐLƐ 33:28

Mi 'danga sɛ nùi, nɛ mi kifi sɛ ma do li go. Nɛ ngawi 'da wa kɛ wa dɛ zi wali nɛ ni, ma Sɔkpɔ sɛ vɛ̃. Nɛ ngɔ kalanɔ ma kifi sɛ zamɔ, nɛ wele lá sɛ 'bɔ di ni gɔ.

Mike 3:12

Kɔ nɛ zɔ mɛ kɛ o'dã mɛnɔ 'da nɛ, ma nɛ dɛ nɛ ni: kala Sioni ma hɔ sɛ mbé fɔ, le Yeruzalɛmɛ ma dɛ sɛ olo tɔa, nɛ wɔkɔsɔ ma kele sɛ ngɔ kala tɔa Tɛmpɛloe vɛ̃.

Mike 3:4

We duzu ma, nɛ, ogã wi ngɔ obe Israɛlɛ, fala kɛ nɛ ala nu nɛ hã NWA Gale, nɛ nde a gésé sɛ we kpo hã nɛ gɔ. A da sɛ li a zamɔ, nɛ a tɛ́ sɛ we gbaka nɛ gɔ, we kɛ nɛ dɛ 'dã mɔ wena.”

Mike 5:3

Nɛ nwa kɛ wa ko sɛ a ni, a kã sɛ owinɔ do ngawi 'da NWA Gale, nɛ a be sɛ 'bɔ dɔ́lɔ́ li 'da Gale 'da a dɛ nza. Nwa ni a hã sɛ dungu fio hã owinɔ 'da a, we kɛ ngawi 'da a ma be sɛ tɛ̃ ɛ ngɔ nùnɔ vɛ̃. Fala kɛ Oasiri wa tɛ we ba nùi 'da lɛ, kɔ wa le kɔ ngbo lenɔ 'da lɛ, nɛ lɛ tombo sɛ onwa bolonɔ 'da lɛ, we bi do wa.

Mike 6:13

We duzu o'dã dɛa mɛnɔ 'da nɛ, ma a mi ndua 'danga odia mɛnɔ 'da nɛ ia ni.