Mike 7:12 - WE NU GALE 1995

¹² Nɛ onya lɛ, wanɔ kɛ wa 'dɔlɔ zi wa belee dɛ Asiri do Ezipeto, gbaa tɛ nu lì Efratɛ do Nilɛ, tabi tɛ nu gba lìnɔ, tabi ndũu tɛ ngɔ okalanɔ i ni, wa si sɛ dɛ Yeruzalɛmɛ.

Mike 7:12 Iomraidhean Croise

Ezai 11:11

Do ngba soe ni, nɛ NWA Gale a be sɛ 'bɔ ngawi 'da a. A gese sɛ tala winɔ 'da a, kɛ wa 'dɔlɔ zi wa kɔ ogele lenɔ, nɛ wa 'bana nza ni. A kala sɛ wa ngɔ nù Asiri, Ezipeto, Patrosi, Sudanɛ, Elamɛ, Babilonia, Hamatɛ, do olenɔ nu gba lìnɔ ni, nɛ a si sɛ do wa.

Ezai 11:16

Zi dati, a gba zi wala tɛ Ezipeto, nɛ obe Israɛlɛ wa la do ma. A gba sɛ 'bɔ li wala na mɛ ni hã tala owinɔ 'da a, kɛ wa 'bana nza tɛ Asiri ni, nɛ wa si sɛ dɛ kɔ le 'da wa.

Ezai 43:6

Mi tɔ̃ sɛ hã owinɔ tɛ si gbãlã ngɔ na, wa dá kɔ̃ wa tɛ nɛ, hã nɛ si. Nɛ mi tɔ̃ sɛ 'bɔ hã wanɔ tɛ si ba gɔtɔ na, wa tɛ bɛ̃̀ zu nɛ, owinɔ 'da mi gɔ. Nɛ nɛ yolo sɛ falanɔ vɛ̃ kɛ wa pɛsɛ do nɛ ni, nɛ nɛ si sɛ dɛ ngɔ nùi 'da nɛ.

Ezai 49:12

Nɛ, owinɔ 'da mi, nɛ yolo sɛ ndũu, nɛ nɛ si sɛ dɛ ngɔ nùi 'da nɛ. Ombe nɛ wa yolo do si gbãlã ngɔ, nɛ ombe wa yolo do si 'biti gba wese, nɛ ombe wa yolo sɛ tɛ ngɔ nù Ezipeto do si ba gɔtɔ, nɛ wa si sɛ.”

Yeremi 23:3

Mi do tɛ mi, mi kala sɛ tala owinɔ 'da mi tɛ ngɔ nùnɔ vɛ̃ kɛ mi pɛsɛ do wa ni, nɛ mi ngɛmɛ sɛ li wa. Mi gese sɛ wa dɛ tɛ ngɔ nùi 'da wa. Wa ko sɛ obe zã wa, nɛ wa dɛlɛ.

Yeremi 3:18

Nɛ Oisraɛlɛ wa mba sɛ ngba wa do Oyuda, nɛ wa yolo sɛ kɔlɔ 'duli tɛ si gbãlã ngɔ, nɛ wa kpolo tɛ wa dɛ ngɔ nùi kɛ mi hã zi hã oyaa wa do mɔ́ wa ni.”

Yeremi 31:8

Mi kala sɛ wa tɛ ngɔ nùi kɛ si gbãlã ngɔ, nɛ mi gese wa dɛ dɛ. Wanɔ tɛ ngɔ nùnɔ kɛ ma nyɛlɛ ndũu ni, mi ngɛmɛ sɛ li wa vɛ̃. Nɛ owi tandunɔ do owi mbi kunɔ wa mba sɛ ngba wa do wa, fala nɛ kpo do owi naa zãnɔ, do onaa nzɔ benɔ. Nɛ li owinɔ 'da mi ma we sɛ dɛ olo nɛ.

Yeremi 46:27

“Aa nɛ, Oisraɛlɛ, owinɔ 'da mi, nɛ tɛ dɛ̀ kili gɔ, nɛ nɛ tɛ zɛ̀ nu nɛ gɔ. Mba gɔ, mi nɛa we kpasa nɛ tɛ ngɔ nùnɔ nyɛlɛ ndũu ni. Mi nɛa we kpasa obe zã nɛ tɛ ngɔ nù kɛ wa 'dɔlɔ do wa ni. Nɛ, Oisraɛlɛ, nɛ kpa sɛ gɛ̃a dungu, nɛ fo sɛ 'bɔ wi tulu nɛ bina.

EZEKIƐLƐ 29:21

“Nɛ 'da fala a dɛ ni do'do, nɛ mi hã sɛ mbé ngawi hã obe Israɛlɛ. Nɛ mi hã sɛ wala hã mɔ, be 'da wele na, mɔ wele we dɛ li obe Israɛlɛ vɛ̃, takɔ wa ĩ na, mi a NWA.”

EZEKIƐLƐ 37:21

Nɛ mɔ tɔ̃ hã wa na, mi NWA Gale, mi nɛ fo obe Israɛlɛ sanga ogele winɔ kɛ wa la zi dɛ 'da wa ni. Nɛ mi ngbolo sɛ li wa, nɛ mi gese wa dɛ ngɔ nùi 'da wa.

OZE 11:11

Wa yolo sɛ ngɔ nù Ezipeto, nɛ wa si dɔ̃ dɔ̃ nɛ́ ongolo ni. Nɛ wa yolo ngɔ nù Asiri, nɛ wa bũlũ, 1 nɛ wa si ɔ nɛ ogbakulĩ ni. Nɛ mi gese sɛ 'bɔ wa dɛ ngɔ nùi 'da wa. Mi NWA, mi tɔ̃a ni.”