Mike 7:11 - WE NU GALE 1995

¹¹ Mbe ngba soe kpo, nɛ obe Yuda wa zĩ sɛ ngbo nu gã le Yeruzalɛmɛ dɛ olo nɛ. Do ngba soe ni, nɛ wa gã sɛ 'da ngbala nùi 'da lɛ dɛ 'do.

Mike 7:11 Iomraidhean Croise

NEHEMIE 2:17

Ma kɛ mi tɔ̃a hã wa na: “Nɛ zɔ́ ngamɛ ma kpa lɛ gɛ: le Yeruzalɛmɛ dɛa olo tɔa do'do, nɛ ogbangga kpe do nu ngbo le ma bɛlɛ vɛ̃! Lɛ kúlú ngɔ, kɔ lɛ nɛ́ we zĩ ngbo nu le Yeruzalɛmɛ dɛ olo de, sɛ a lɛ fua sape li lɛ de!”

NEHEMIE 2:8

Nɛ mɔ dɛ 'bɔ gele mbɛti hã Asafɛ, wi zɔ mɔ tɛ tenɔ kɔ kɔlanɔ 'da mɔ, takɔ a hã sɛ tenɔ kɛ ma we sɛ we gala mi, we bɛ̃lɛ̃ do gbangga nu gba ngboe kɛ ma kɔlɔ do Tɛmpɛloe, do tenɔ we 'dafa do ngbo nu le, do kɛnɔ we dɛ do tɔa ɔi 'da mi” ni. Nɛ gã nwa dɛa mbɛtinɔ ni vɛ̃ hã mi, we kɛ wila nui 'da Gale zi do mi boe.

NEHEMIE 4:3

Tobia, be Amoni, zi dɛ kɛ zã a ni, nɛ a hia mɔ na: “Ki ni a gbãlã we zĩ ngbo gɔ! Gɛnɛ kɔ mbamba gbatã, kɔ a danga 'da ngbo ta 'da wa ni, nɛ ma gbini sɛ iko!”

NEHEMIE 4:6

Na mɛ ni, lɛ zĩ ngboe dɛ olo nɛ, nɛ lɛ 'dafa ma bɔlɔ gbogbo zã nɛ dɛ ngo, do 'da du nɛ vɛ̃, we kɛ wele kpo kpo ba zi tɛ̃ a we dɛ ma do kɔ sila a vɛ̃.

Ezai 54:11

NWA tɔ̃a na: “Aa nɛ, owi Yeruzalɛmɛ, nɛ kpa zɛlɛ tɛ, nɛ wele kpo gbàkà nɛ na, a hã ngawi hã nɛ gɔ. Nɛ nde mi NWA, mi 'dafa sɛ nyanga tɔanɔ kɔ le 'da nɛ dɛ olo nɛ do odia ta olo gà gole.

Ezai 54:2

Nɛ gbálá nu tɔanɔ 'da nɛ, nɛ ngbu zã nɛ dɛ 'do, nɛ nɛ tɛ zĩ̀ tɛ nɛ zĩ gɔ.

Ezai 58:12

Nɛ nɛ dɛ sɛ tɔanɔ 'da nɛ kɛ ma 'danga zi belee ni dɛ olo nɛ. Nɛ dɛ sɛ ma dɛ olo ã dɛlɛ zi ni ngboo. Nɛ wa sa sɛ li nɛ na, Owi zĩ dɛlɛ tɔa dɛ olo nɛ, owi 'dafa olo tɔa, nɛ ma de.”

Ezai 61:4

Wa 'dafa sɛ le 'da wa kɛ ma 'danga zi belee ni, nɛ wa dɛ sɛ tɔa 'da wa kɛ ma gbɛsa zi ni dɛ olo nɛ.

DANIƐLƐ 9:25

Mɛ ma wia na, mɔ ĩ ti nɛ ni, ma kɛ: Yolo do 'da fala wa tɔ̃a lɛnggɛ 'dafa le Yeruzalɛmɛ dɛ olo nɛ ni, gbaa we hɔ ngɔ wi kɛ Gale saka a ni, ma ɔ sɛ sabɛlɛ sambo fala sambo. 'Do nɛ, nɛ wa 'dafa sɛ Yeruzalɛmɛ, do owalanɔ kɔ nɛ ni, do ngbonɔ kɛ ma zĩ ma takpa ni, nɛ toe ni ma ɔ sɛ sabɛlɛ sambo fala 'bu nɛ gazɛlɛ ngɔ nɛ bɔa. Nɛ nde mɛ sɛ a 'da fala ngamɔ.