Mike 7:1 - WE NU GALE 1995

¹ 'Bako do mi! Mi ɔ nɛ wi kɛ a yɛnggɛ olo owi 'bi wala te vinɔnɔ ngɔ fɔ i, takɔ a kala mbe 'bulu nɛ olo wa, nɛ a kpà mɔ kpo we nyɔ nyɔnga gɔ ni.

Mike 7:1 Iomraidhean Croise

Zumanɔ 120:5

Ɔi 'da mi sanga nɛ, ma hã 'bako hã mi wena, dɛa to tɛ nɛ dè gɔ ɔ nɛ dɛa to tɛ owi Mɛsɛkɛ, nɛ sila nɛ dãlã ɔ nɛ sila Owi Kedarɛ ni.

GBA WENƆ 20:6

Owele wena wa lengge na, lo a Owi dia zã. Nɛ nde we kpa wi dia zã ngboo ni, ma nganda wena.

Ezai 17:6

Tala Oisraɛlɛ wa 'báná sɛ dɛlɛ gɔ, nɛ nù Israɛlɛ ma ɔ sɛ nɛ te olivɛ, kɛ wa 'bi wala nɛ zu nɛ vɛ̃ do'do ni. Tɛ zu te olivɛ ni do ngɔ 'di, wa zɔ sɛ wala nɛ bɔa tabi talɛ, nɛ tɛ gbakɔ̃ kɛnɔ nù nga ni, wala nɛ ma 'bana sɛ nalɛ tabi mɔlɔ iko. Mi NWA Gale 'da obe Israɛlɛ, mi tɔ̃a ni.”

Ezai 24:13

Kpo kpo ngamɛ ni, ma kpa sɛ kɔ lenɔ ngɔ nù gɛ vɛ̃, nɛ de mɔ 'báná sɛ 'bɔ gɔ. Lenɔ ma ɔ sɛ nɛ te vinɔ tabi te olivɛ, kɛ wa 'bi wala nɛ ngɔ nɛ vɛ̃ do'do ni.

Ezai 24:16

Nɛ tɛ ndɔti nù 'di, lɛ zila zuma na: “Lɛ dɔ́nggɔ́ Gale, a a wi bɔlɔ zu!” Nɛ nde kɛ 'da mi, mi tɔ̃ do kɔ sila mi na: “Ma ia do mi ia, fo 'bɔ mbé kpasi do mi bina. Mi a wi 'bako!” Owi tɔ̃ ngalangbanɔ wa tɛ tɔ̃ ngalangba, nɛ wa tɛ 'danga sanga winɔ dɛ dati fai.

Ezai 28:4

Le Samaria, kɛ wa dɛa ma ngɔ dia nù kɔ gbangɔlɔ̃, nɛ ogba dia tɔanɔ kɔ nɛ wena ni, ma 'danga sɛ. Ma fele sɛ ɔ nɛ wala te figɛ, kɛ ma fele dati hã zɔlɔ nɛ ni. Fala kɛ wele zɔ ma, nɛ a 'bi, nɛ a da kɔ nu a fala kpo, nɛ a nyɔngɔ do ti.

Ezai 6:5

Mi nɛa we zɔ ni, nɛ mi tɔ̃ na: “'Bako do mi! Mi kpásá sɛ gɔ, we kɛ lɛnggɛ kɔ nu mi ba ndi wena, nɛ mi ɔ kɔ owinɔ kɛ lɛnggɛ nu wa ba 'bɔ ndi wena. Nɛ nde gbali mi zɔa NWA Gale ngɔ mɔ nyanga nza vɛ̃.”

Yeremi 15:10

Aa nae, mi a wi 'bako! Gulu kɛ naa mi kua mi dɛ nza we ge nde? Owinɔ ngɔ nùi gɛ vɛ̃ wa bɛ̃a we nu mi, nɛ wa sɛnɛ mi, wa kɔ̃ we zele wala gɛlɛ mi gɔ. Owinɔ vɛ̃ wa 'danga nu wa hã mi, ĩ na, fo we mɔ́ mi tɛ wele bina, nɛ mi bà 'bɔ ku'da kɔ wele gɔ.

Yeremi 24:2

Sanggi kɛ dati ma dunu do odia wala te figɛ, kɛ ma fila dati. Nɛ sanggi kɛ bɔa ma dunu do 'dã wala te figɛ kɛ ma hɔ mɔ nyɔ nyɔnga gɔ ni.

Yeremi 4:31

Mi zila hiamɔ, ɔ nɛ hiamɔ gɛlɛ wuko kɛ a do zɛlɛ kula ni. Mi zila hiamɔ, ɔ nɛ hiamɔ gɛlɛ wuko kɛ a nɛ ko kuti kula ni. Ĩ na, mɛ a wala gɛlɛ Sioni, a tata kɔ̃ a, nɛ a tɛ he mɔ do ala nu na: “Mi fia do'do, mi 'bànà gɔ, wa tɛa we gbɛ mi!”

Yeremi 45:3

we kɛ a bi zi tɛ̃ a fai na: “'Bakoe 'daa! NWA gã 'da zɛlɛ tɛ 'daa gã iko! Mi mbɔkɔ tɛ he kɔ̃a do'do, nɛ mi kpá mbe fala we kpe tɛ mi gɔ.”

Yeremi 5:1

NWA tɔ̃a na: “Nɛ, owi kɔ le Yeruzalɛmɛ, nɛ yɛ́nggɛ́ kɔ le 'da nɛ vɛ̃, nɛ nɛ kɛnggɛlɛ kɔ nɛ. Nɛ fá falanɔ vɛ̃, tabi nɛ we sɛ we kpa wele kpo kɛ a dɛ mɔ do bɔlɔ nɛ, nɛ a fa we ɔ dia wi li mi Gale ni nde? Fala kɛ nɛ kpa wele ɔ na mɛ ni, nɛ mi NWA, mi fo sɛ ku'da 'dã mɛnɔ zu nɛ.”

OZE 9:10

NWA tɔ̃a na: “Kuti kɛ mi kpa zi nɛ, obe Israɛlɛ ni, ma dia zi ɔ nɛ mi kpa be ganza wala te vinɔ li go ni. Nɛ 'da fala kɛ mi zɔa zi oyaa nɛ ni, ma ɔ zi nɛ mi zɔa kuti wala te kɛ ma fila ngɔ te nɛ ni. Nɛ nde 'da fala oyaa nɛ wa nɛa we hɔ tɛ Bɛtɛ-Peɔrɛ ni, nɛ wa hã tɛ wa we dɔnggɔ gale Bala. Nɛ wa ngboo ni, wa dɛa mɔ sape ɔ nɛ galenɔ kɛ wa kɔ̃a gɛnɛ wa ni.

Tɔlɔ Mɔ 18:13

Mɛnɔ ni vɛ̃ wele nɛ a mɔ́ nɛ, nɛ owi nu fɛlɛ mɔ vɛ̃, kɛ wa a sa wi li mi ni, wa wia sɛ we nyɔngɔ ma.