Mike 6:8 - WE NU GALE 1995

⁸ Gɔ! NWA Gale bia mɛ kɛ lɛ wia tɛ dɛ nɛ ni hã lɛ. A aka lɛ na, lɛ dungu do dia sila, nɛ lɛ dɛ bɔlɔ zu dɛa mɔ do ongba lɛ, nɛ ti kɔ̃ lɛ le ngbɛ ɛ do a kɔ dɛa to tɛ lɛ.

Mike 6:8 Iomraidhean Croise

Ndo Nyanga Dɛ Mɔ 18:19

Mi saka a, takɔ a tɔ̃ mbula hã obenɔ 'da a do obe zã wa na, wa zele we nu mi, nɛ wa dɛ mɔ tɛ wa do bɔlɔ nɛ. Sɛ nɛ mi we sɛ we dɛ mɛ kɛ mi kpua zi mbulu nɛ hã a ni de.”

Ndo Nyanga Dɛ Mɔ 5:22

'Do kula 'da Matuzalɛmɛ, nɛ Henɔkɛ ɔa sabɛlɛ kama talɛ, nɛ a zi fala nɛ kpo do Gale, nɛ a ko 'bɔ mbé obulu be do oboko be.

2 Sakonɔ 30:11

Gɛnɛ kɔ ni, nɛ nde ombe winɔ kɔ nu kpala Asɛrɛ do Manase do Zabuloni wa ĩ ti 'dã mɛ 'da wa, nɛ wa nɛ tɛ Yeruzalɛmɛ i.

2 Sakonɔ 32:26

Na mɛ ni, nɛ Ezekiasi do Owi Yeruzalɛmɛ wa ĩ ti 'dã mɛ 'da wa. Nɛ NWA hã̀ etumbu hã wa gɔ gbaa, we hɔ 'do fio 'da Ezekiasi.

2 Sakonɔ 33:19

Nɛ wa kɔma 'bɔ tɛlɛ tɛ kɛ a sambala zi nɛ, do kɛ Gale gisa nu nɛ hã a ni. Nɛ wa kɔma 'bɔ we 'dã mɛnɔ kɛ a dɛa zi dɛ 'da Gale, do falanɔ kɛ a dɛa zi we dɔnggɔ do ogale bɛlɛnɔ, nɛ a zĩ okpikima gale Asera do ogele kpikimanɔ se'de dati kɛ na, a gbini sila a ngɔ 'dã mɛnɔ 'da a dati Gale ni. Mɛnɔ ni wa kɔma zi ma vɛ̃ kɔ 'buki li nɛ a: “Dɛa tonɔ 'da Hozai.”

2 Sakonɔ 33:23

Nɛ nde a ĩ̀ zi ti 'dã mɛnɔ 'da a, nɛ a gbini sila a dati NWA Gale nɛ́ kɛ baa a Manase dɛa zi ni gɔ. Nɛ 'dã mɛnɔ 'da a nɛa zi ngɔ kɛnɔ baa a dɛa ni.

2 Sakonɔ 34:27

Nɛ mɔ zila 'bɔ we mɛ kɛ mi dɛ sɛ do le Yeruzalɛmɛ do winɔ kɔ nɛ ni vɛ̃. Nɛ mɔ ĩ zi ti 'dã mɛ 'da mɔ, nɛ ma gbini sila mɔ, nɛ mɔ gbala ma hã mi, nɛ mɔ ɛ̃a tulu tɛ mɔ, nɛ mɔ hia kɔ̃a dati mi. We duzu kɛ mɔ dɛa ní ni, mi zila sambala 'da mɔ, nɛ mi kɔ̃a gɛnɛ nɛ.

NEHEMIE 9:13

Mɔ yula zi li nza i, nɛ mɔ zĩlĩ we wele we do wa tɛ ngɔ kala Sinai. Mɔ bia zi bɔlɔ wala do gbãlã zã bia we hã wa, nɛ mɔ hã ngbongbo mbula hã wa.

Zumanɔ 101:1

Zuma 'da Davidi Mi nɛ ga zuma hã mɔ NWA, mɛ a zuma kɔ̃a zã 'da mi, nɛ mi be 'bɔ bɔlɔ zui mi dɛ do toe 'da mi ni.

Zumanɔ 112:4

Fala kɛ gba tũ kpe kpã kpã, nɛ fala sa kɛ zã wi bɔlɔ zu. A a wi dia sila, wi mbɔkɔ li, nɛ a dɛ mɔ do wala olo nɛ.

Zumanɔ 112:9

A kɛ̃ gba dɔa mɛnɔ 'da a hã Owi sãnɔ, nɛ dia dɛa mɛ 'da a ma 'bana sɛ fai. Dɔ̃lɔ̃ li do ngawi 'da a ma kũ dɛ ngɔ,

Zumanɔ 37:26

'Da fala fai, wi bɔlɔ zu ĩ 'bako, nɛ a 'dɔlɔ mɔ hã Owele, nɛ obe zã wi bɔlɔ zu wa kpa dia wila nu.

Zumanɔ 73:28

Nɛ nde mi sɛ a wi yangga, we kɛ mi do mɔ Gale fala nɛ kpo. Mi usu tɛ mi dɛ kɛ zã mɔ NWA, nɛ mi tɔ̃ sako mɛnɔ vɛ̃ kɛ mɔ dɛa ni.

GBA WENƆ 21:3

Ɔ wi bɔlɔ zu do gbisa zu dia tɛ NWA Gale nɛa ngɔ hã odɔnggamɔ hã a.

WI LENGGE WE 12:13

Sɔkpɔ lɛnggɛnɔ vɛ̃ a ni, nɛ zila ma ia. Ma wia na, wele vɛ̃ yu kili Gale, nɛ a dɛ mbulanɔ 'da a, we kɛ Gale dɛa wele we dɛ na mɛ ni.

Ezai 56:1

NWA Gale tɔ̃a hã owinɔ 'da a na: “Nɛ dɛ́ de mɔ do bɔlɔ zu dɛa mɔ. Mba gɔ, mi kɔlɔ we kpasa nɛ ngangga gɛ ia.

Ezai 57:15

Mi a Gale santo, mi nɛa ngɔ mɛnɔ vɛ̃, nɛ mi 'bana sɛ fai. Mi ɔ ndũu li ngɔ i, tɛ fala kɛ ma santo. Nɛ mi 'bɔ fala nɛ kpo do owinɔ kɛ wa kifi sila wa, nɛ wa ba tɛ wa dɛ nù ni na, mi nganda sila wa kɔ mɛnɔ kɛ wa dɛ ma ni.

Ezai 66:2

Mɛnɔ nyanga nza gɛ vɛ̃, mi dɛa ma do kɔ̃ mi wele nɛ, nɛ mɛ a mɔ́ mi. Nɛ nde wi kɛ a hã yangga hã mi, wi a wi kɛ a ba tɛ̃ a dɛ nù, nɛ a kifi sila a, nɛ a yu kili mi ni.

Yeremi 22:16

A lengge zi do owi sãnɔ do owi 'bakonɔ, nɛ wa dɛ zi yangga we a. Wi kɛ a dɛ mɔ na mɛ ni, a be na, ɛ ĩ ti mi nwa ngboo.

Yeremi 22:3

“Mi NWA, mi ba nu mi hã nɛ na, nɛ dɛ bɔlɔ zu dɛa mɔ. Nɛ gɔ́nɔ́ zu owinɔ kɛ ongba wa wa kala mɛnɔ kɔ wa do 'dã hã ni. Nɛ tɛ zɛ̀lɛ̀ tɛ ogele winɔ kɛ wa tɛa we dɛ le do nɛ ni gɔ. Nɛ tɛ zɛ̀lɛ̀ 'bɔ tɛ obe gulanɔ, do Owi fio wilinɔ we kala mɛnɔ kɔ̃ wa gɔ. Nɛ nɛ lá fala gbɛ owinɔ kɛ wa dɛ̀ 'dã mɔ gɔɛ ni.

Yeremi 9:23

Fala kɛ wele kɔ̃ we dɔnggɔ tɛ̃ ɛ, nɛ a dɔnggɔ tɛ̃ a na, ɛ ĩ ti mi NWA, nɛ ɛ ĩ na, kɔ̃a zã 'da mi dɛ 'da winɔ ma yɛ́kɛ́ tɛ̃ ɛ gɔ, nɛ mi kɔ̃a gbãlã we, do bɔlɔ zu dɛa mɔ. Ki ni a mɛnɔ kɛ ma de li mi NWA ni.”

ALA NU 3:26

Ma dia fɛ̃ na, lɛ ɔ do du sila, nɛ lɛ 'bɔ 'da NWA na, a tɛ we kpasa lɛ.

EZEKIƐLƐ 16:63

Tɛ zu mɔ ma gba sɛ ngɔ 'da fala kɛ ma la zi ni, nɛ zu mɔ ma dĩlĩ sɛ do sape, nɛ mɔ wé sɛ we 'bã nu mɔ ngɔ lɛnggɛ gɔ. Nɛ mi fo sɛ ku'da 'dã mɛnɔ mɔ dɛa zi ni vɛ̃ zu mɔ do'do. Mi NWA, mi tɔ́a ni.”

EZEKIƐLƐ 33:14

Nɛ nde fala kɛ mi mbese 'dã wi na, a fe sɛ, hã a kifi 'dã dɛa mɔ tɛ̃ a, kɔ a ndo dɛ dia mɔ, do dɛ bɔlɔ zu dɛa mɔ, nɛ nde a fé sɛ gɔ.

OZE 12:6

Do gbãlã we, wi zi a Gale ngɔ mɔ nyanga nza vɛ̃, wele kɛ lɛ sa li a na, NWA ni.

OZE 6:6

Mba gɔ, dɛ mɔ do dia zã ma dia tɛ mi nɛa ngɔ odɔnggamɛnɔ. Ĩ ti mi na, mi a Gale ma dia tɛ mi nɛa ngɔ dɔ osa'de we dɔnggɔ do mi.

Levitɛnɔ 26:41

Wa ĩ sɛ na, mi bɛ̃a gɛnɛ wa, nɛ mi tombo wa kɔlɔ 'duli dɛ ngɔ nùi 'da owi sɛnɛ wa. Wa ba sɛ tɛ wa dɛ nù, nɛ wa kɔ̃ sɛ gɛnɛ etumbu olo 'dã mɛnɔ 'da wa.

AMƆSI 5:24

Olo li mɛnɔ ni, nɛ dɛ́ na, bɔlɔ zu kpa falanɔ vɛ̃, nɛ ma fo ɔ nɛ hɛ̃a lì kɛ ma ɔ̃́sɔ̃́ gɔ ni.

Mike 6:9

Nɛ zélé wenɔ kɛ NWA Gale tɔ̃ hã Owi kɔ gã le gɛ! We kɛ wenɔ ni, ma gala sɛ owinɔ wa yu kili a yu ni. NWA tɔ̃a na: “Aa nɛ, owinɔ kɛ nɛ mba li ngba nɛ dɛ kɔ gã le gɛ, nɛ zélé mi sɛ!

SOFONI 2:3

Nɛ, owinɔ ngɔ nùi gɛ kɛ nɛ kɔ̃a gɛnɛ NWA Gale, nɛ nɛ dɛ mbulanɔ 'da a dɛa ni, nɛ síkí li nɛ dɛ 'da a. Nɛ bá tɛ nɛ dɛ nù dati a, nɛ nɛ dɛ mɔ do bɔlɔ nɛ. Nɛ mbe gɔ, nɛ do ngba soe kɛ dã ma ba sɛ a ni, nɛ nde a dɛ́ sɛ 'dã mɔ do nɛ gɔ.

ZAKARIA 7:9

“Mi NWA, mi tɔ̃a zɛ́ hã nɛ owinɔ 'da mi belee na, nɛ gɔ́nɔ́ wenɔ do bɔlɔ nɛ, nɛ nɛ bé kɔ̃a zã do dia zã hã ongba nɛ.

MATIE 5:3

“Yangga do owinɔ kɛ wa ĩ na, lo a mɔ gɔ dati Gale ni, we kɛ wa sɛ a owi kɔ le nwa 'da Gale.

MATIE 5:7

Yangga do owinɔ kɛ wa ĩ 'bako hã ongba wa ĩ ni, we kɛ Gale a ĩ sɛ 'bako hã wa.

LUKA 10:42

Kɔ mɔ ĩ́ na, mɛ kɛ ma do gã gulu nɛ ni, mɛ a mɔ kpo iko. Nɛ mɛ kɛ Maria saka ni, ma de wena, fo sɛ wi dolo zu nɛ kɔ̃ a bina.”

LUKA 11:42

“'Bako do nɛ, Ofariziɛnɔ! We kɛ nɛ hã hã Gale mɛ a kpo mbee 'bu ngɔ nwá sanggonɔ kpi do kpi kɛ ma unu tɛ nyɔngɔmɛnɔ ni, nɛ nde nɛ kɔ̃̀ gɛnɛ Gale gɔ, nɛ nɛ dɛ́ mɔ kɛ ma ɔ bɔlɔ li a ni gɔ. Ĩ na, mɛ ma wia sɔ ngboo na nɛ dɛ gɛ, mɛ a kɔ̃ gɛnɛ Gale, do dɛ mɔ kɛ ma a bɔlɔ ni, sɛ nɛ nɛ dɛ tala gele mbulanɔ de.

LUKA 12:14

Nɛ Yezu gese hã wi ni na: “Aa mbaa, wi ia mi do wi gɔnɔ we 'da nɛ, tabi wi kɛ̃ sanga kpamɛnɔ 'da nɛ a wio nde?”

LUKA 6:36

Nɛ dɛ́ 'bako hã ongba nɛ, ɔ nɛ kɛ Baa nɛ dɛ 'bako hã winɔ ni.

ROMA 7:16

Kɔ nɛ́ kɛ mɛ mi dɛ ma mɛ a mɔ kɛ mi sɛna ni, ma be na, mi kɔ̃a gɛnɛ mbula, nɛ mi ĩ na, ma a dia.

ROMA 9:20

Mɔ, wi kɛ mɔ kɔ'dɔ Gale ni, mɔ a wio nde? Kpana wia we aka wi kɛ a 'bua ma ni na: “Gulu kɛ mɔ 'bua mi ní we ge nde” nde?

1 KORINTƐ 7:16

We kɛ mɔ wuko wi Kristo, mɔ nɛ dɛ do ĩ na, mɔ kpasa sɛ wili mɔ ni nɛ nde? Nɛ mɔ wi wili, mɔ nɛ dɛ do ĩ na, mɔ kpasa sɛ kɛnɛ mɔ ni nɛ nde?

EFƐZƐ 4:32

Nɛ nɛ dɛ́ de mɔ hã ongba nɛ. Nɛ ɔ́ do dia sila dɛ 'da wa, nɛ nɛ mbɔ́kɔ́ wa ngɔ 'dã mɛ wa dɛa do nɛ ni, ɔ nɛ kɛ Gale mbɔka zi tɛ mɛ 'bɔ nɛ we Kristo ni.

Mbulanɔ 27:10

Na mɛ ni, nɛ zélé nu a, nɛ nɛ dɛ́ mbulanɔ 'da a vɛ̃ kɛ mi hã ma hã nɛ sɔɛ gɛ ni.”

Mbulanɔ 30:15

“Aa nɛ, obe Israɛlɛ, sɔɛ gɛ nɛ sáká sanga dia mɔ do 'dã mɔ, kpasi do fio.

KƆLƆSƐ 3:12

Nɛ a owinɔ 'da Gale. A kɔ̃a gɛnɛ nɛ, nɛ a saka nɛ do owinɔ 'da a ngboo. We duzu ma, nɛ ĩ́ 'bako hã ngba nɛ, nɛ nɛ ɔ́ do dia sila dɛ 'da wa, nɛ nɛ bá tɛ nɛ dɛ nù, nɛ nɛ ɔ́ do gɛ̃a sila, do du sila.

2 TƐSALONIKƐ 2:16

E kɔ Nwa 'da lɛ Yezu Kristo do tɛ̃ a, do Baa lɛ Gale kɛ a kɔ̃a zi gɛnɛ lɛ ni, wa kpãlã sila nɛ, nɛ wa hã ngawi hã nɛ we dɛ mɛnɔ do tɔ̃ wenɔ kɛ ma a dia ni. Gale bia dia zã hã lɛ, nɛ a dɛa na, lɛ ɔ do kpã sila kɛ ma é sɛ gɔ ni, nɛ lɛ gbini zã lɛ do a fai.

ZAKE 2:20

Mɔ, yɔndɔ wi gɛ, mɔ kɔ̃a na, mi be gulu kɛ na, wele kɔ̃ Gale, kɔ a dɛ̀ de mɔ olo kɔ̃a we ni gɔ, nɛ nde kɔ̃a we 'da a ma yala iko ni hã mɔ nde?

Yozue 24:14

Nɛ Yozue tɔ̃ 'bɔ na: “Ma wia na, nɛ dɔnggɔ NWA Gale, nɛ nɛ dɛ to hã a do sila nɛ vɛ̃, do gbisa zu. Nɛ nɛ bɛ̃ gɛnɛ gele galenɔ, kɛ oyaa nɛ wa sambala zɛ́ wa tɛ fala wa 'bana kulu lì Efratɛ, tabi tɛ Ezipeto i ni, nɛ nɛ dɛ to tati nɛ hã NWA Gale zu a kpo.

1 PETRO 3:8

Tala lɛnggɛ mi nɛ tɔ̃ hã nɛ ma kɛ: Nɛ vɛ, nɛ ɔ́ do linggamɔ kpo, nɛ nɛ ĩ 'bako hã ngba nɛ. Nɛ nɛ kɔ̃́ gɛnɛ ngba nɛ ɔ nɛ onya wi ni. Nɛ ɔ́ do de sila dɛ 'da ongba nɛ, nɛ nɛ bá 'bɔ tɛ nɛ dɛ nù.

1 SAMUƐLƐ 12:23

We duzu mi, mi lá sɛ fala sambala we duzu nɛ gɔ. Mi la fala nɛ, nɛ nde mi dɛa 'dã mɔ gbali NWA. Nɛ mi lá sɛ 'bɔ fala be bɔlɔ wala hã nɛ gɔ.

1 SAMUƐLƐ 15:22

Nɛ Samuɛlɛ tɔ̃ 'bɔ na: “Mɔ lengge na, NWA kɔ̃a gɛnɛ dɔnggamɔ do gbɛ sa'de hã a nɛa ngɔ dɛ olo nu a nde? Ma a ni gɔ. Dɛ olo nu NWA ma dia tɛ̃ a nɛa ngɔ dɔnggɔ a do dia bata.