Mike 6:7 - WE NU GALE 1995

⁷ Tabi dɔ ogba gili dua bata, nɛ mi so gã gba fua lì nɔ hã a, nɛ ma de sɛ tɛ̃ a nde? Mi wia we gbɛ kuti be 'da mi hã a, takɔ a fo ku'da o'dã mɛnɔ zu mi nde?

Mike 6:7 Iomraidhean Croise

2 Onwanɔ 16:3

A dɛa zi kpo kpo 'dã mɛ olo onwa ngɔ nù Israɛlɛ zi dati ni. Nɛ gã 'dã mɛ kɛ a dɛa ma ni, mɛ a kɛ a gbɛa bulu be 'da a ngboo, nɛ a hã a do dɔnggamɔ hã ogalenɔ 'da a. A dɛa ni, mba gɔ, we kɛ a zɔa zi ma kɔ̃ Okanana, kɛ nwa ndaka zi wa ngɔ nù 'da wa, nɛ a hã ma hã obe Israɛlɛ ni.

2 Onwanɔ 21:6

Nɛ a gbɛ 'bɔ be 'da a, nɛ a dɔ a do dɔnggamɔ hã ogale bɛlɛnɔ. A dɛa zi 'bɔ osɔ̃ kpi do kpi, nɛ a nɛ 'da owinɔ kɛ wa wele we do bɔzɔnɔ ni we aka wa do we. A dɛa zi 'dã mɔ kɛ ma 'danga tɛ NWA ni, nɛ ma nɔ̃lɔ̃ zã a nganda wena.

2 Onwanɔ 23:10

Nɛ Yoziasi 'danga 'bɔ fala wa sa li nɛ na Tɔfɛtɛ, tɛ kɔ gbangɔlɔ̃ Hinɔmɛ. A dɛa ni na, dɔ owinɔ wa gbɛ́ 'bɔ obenɔ 'da wa dɛ di ni, nɛ wa dɔ wa hã gale Mɔlɛkɛ gɔ.

2 Onwanɔ 3:27

Ma kɛ a ba kuti bulu be 'da a, kɛ ma zi na, a hɔ nwa olo a ni, nɛ a gbɛ a dɛ ngɔ ngbo le, we dɔnggɔ do gale 'da wa. Kɔ Oisraɛlɛ wa nɛa we zɔ ni, nɛ wa dɛ kili, nɛ wa la fala bi bole do wa, nɛ wa si.

YƆBƆ 29:6

Do 'da fala ni, dia nyɔngɔmɔ linggi zi mi takpa, nɛ nɔ fo zi ti sɔngga 'da mi ngbɛ'bɛ'bɛ.

Zumanɔ 50:9

Mi wè tɛ nɛ we ba ngɔmbɔ kɔ ngbo 'da nɛ, tabi dua kɔ ba'de 'da nɛ gɔ.

Zumanɔ 51:16

Aa Gale, mɔ a wi kpasa mi, mɔ tɛ là mi hã wa gbɛ mi gɔ, Mɔ kpásá mi, nɛ mi be sɛ gbãlã we 'da mɔ do yangga.

Zumanɔ 51:18

Mɔ kɔ̃̀ na, mi gbɛ sa'de we dɔnggɔ do mɔ gɔ. Gɛnɛ kɔ mi dɔ sa'de we dɔnggɔ do mɔ, nɛ nde ma dé tɛ mɔ gɔ.

GBA WENƆ 15:8

NWA sɛnɛ dɔnggamɛnɔ 'da o'dã winɔ wena, nɛ nde a kɔ̃a gɛnɛ sambala 'da owi bɔlɔ zunɔ.

GBA WENƆ 21:3

Ɔ wi bɔlɔ zu do gbisa zu dia tɛ NWA Gale nɛa ngɔ hã odɔnggamɔ hã a.

Ezai 1:1

NWA wila wenɔ gɛ hã Ezai, be 'da Amɔtisi. We a wele zi ma ni, ma zɔa zi nù Yuda do le Yeruzalɛmɛ. Do 'da fala nɛ, nɛ nde Oziasi, Yotamɛ, Ahazɛ do Ezekiasi wa dungu zi nwa ngɔ nù Yuda dɛ 'do ngba wa.

Ezai 40:16

Osa'de zamɛnɔ kɔ kɔla Libanɛ vɛ̃, wa dɛlɛ na, wa hã wa do dɔnggamɔ hã Gale 'da lɛ gɔ. Nɛ otenɔ zã kɔla ni, ma dɛlɛ na, wa dɔ do dɔnggamɔ hã Gale 'da lɛ gɔ.

Yeremi 19:5

Wa 'dafa fala dɛ di ni we dɔnggɔ do gale Bala. Nɛ wa dɔ 'bɔ obenɔ 'da wa do dɔnggamɔ hã a dɛ di ni. Ĩ na, mi bà zi nu mi hã wa ní fala kpo gɔ, nɛ mi lènggè zi 'bɔ mbe do mɔ ɔ ni fala kpo gɔ.

Yeremi 6:20

Gulu kɛ wa nɛ ngɔ nù Saba, nɛ wa oso nɔ yɔmbɔ we dɔnggɔ do mi we ge nde? Gulu kɛ wa nɛ ndũu nyɛlɛ wena, nɛ wa oso onwá kɛ ma unu de wena ni, nɛ wa tɛ nɛ we dɔnggɔ do mi we ge nde? Mi kɔ̃ sɛ gɛnɛ osa'denɔ wa gbɛ wa, nɛ wa dɔ wa ngɔ gbagala we dɔnggɔ do mi ni gɔ.

Yeremi 7:31

Wa 'dafa fala tɛ kɔ gbangɔlɔ̃ Hinɔmɛ, nɛ wa sa li nɛ na ‘Tɔfɛtɛ’. Wa 'dafa fala ni we dɔ do obulu benɔ, do oboko benɔ 'da wa do dɔnggamɔ. Ĩ na, mi bà zi mbe nu mi hã wa ni fala kpo gɔ, nɛ mi lènggè zi 'bɔ mbe do mɔ ɔ ni fala kpo gɔ.

EZEKIƐLƐ 23:37

Wa ɔa do wilinɔ 'da ngba wa, nɛ wa gbɛa Owele. Wa hã tɛ wa hã okpikimanɔ, nɛ wa gbɛa obulu benɔ wa kua wa hã mi ni, we dɔnggɔ do okpikimanɔ ni.

OZE 5:6

Wa tɛ do ngɔmbɔnɔ, do obatanɔ 'da wa we gbɛ wa, takɔ wa dɔnggɔ do NWA Gale, nɛ wa aka a we ĩ ti linggamɛ 'da a. Nɛ nde wa kpá sɛ a gɔ, we kɛ a yu wa do'do.

OZE 6:6

Mba gɔ, dɛ mɔ do dia zã ma dia tɛ mi nɛa ngɔ odɔnggamɛnɔ. Ĩ ti mi na, mi a Gale ma dia tɛ mi nɛa ngɔ dɔ osa'de we dɔnggɔ do mi.

Levitɛnɔ 18:21

Mɔ tɛ gbɛ mbe kɔ obenɔ 'da mɔ, we hã do dɔnggamɔ hã gale Mɔlɛkɛ gɔ. Mɔ dɛ na mɛ ni, nɛ mɔ faka sɛ zu li mi Gale. Mi a NWA.

Levitɛnɔ 20:1

NWA tɔ̃a hã Mɔizɛ na,

AMƆSI 5:22

Nɛ mi dɛ́ yangga sa'denɔ kɛ nɛ dɔ wa we dɔnggɔ do mi ni gɔ. Gɛnɛ kɔ nɛ tɛ do ogã ngɔmbɛ we gbɛ hã mi, we be dɛa na, nɛ nde mi ká sɛ mbamba mɔ tɛ nɛ gɔ.

FILEMƆ 1:12

A ngɔ sila mi ngboo. Kɔ ngangga ni, mi gese a hã mɔ.

Owi kpe dati 11:31

hã mi si do lɔa tɛ mi nde, nɛ mi ba sɛ kuti wi kɛ a nɛ hɔ nza kɔ tɔa 'da mi, we gɔnɔ dati mi ni, nɛ mi gbɛ a we dɔnggɔ do mɔ.”

Owi kpe dati 11:39

Fala kɛ zɛkɛ bɔa ni wia, nɛ a si dɛ 'da baa a nga. Nɛ baa a dɛa do a nɛ́ kɛ a kpua zi mbulu nɛ hã nwa ni. Be zɔnga be 'da Yɛfte fia, nɛ nde a ĩ̀ ti wili gɔ.

1 SAMUƐLƐ 15:22

Nɛ Samuɛlɛ tɔ̃ 'bɔ na: “Mɔ lengge na, NWA kɔ̃a gɛnɛ dɔnggamɔ do gbɛ sa'de hã a nɛa ngɔ dɛ olo nu a nde? Ma a ni gɔ. Dɛ olo nu NWA ma dia tɛ̃ a nɛa ngɔ dɔnggɔ a do dia bata.