Mike 6:6 - WE NU GALE 1995

⁶ Fala kɛ mi nɛ we dɔnggɔ NWA Gale kɛ a gã wena ni, nɛ dia dɔnggamɛ mi wia tɛ dɔnggɔ do a ni a ge nde? Mi wia tabi tɛ dɔ obe ngɔmbɔ hã a nde?

Mike 6:6 Iomraidhean Croise

2 SAMUƐLƐ 21:3

Nwa Davidi sa mɔ hã Ogabaoni, nɛ a aka wa na: “Mɛ ma wia na, mi dɛ hã nɛ ni a ge nde? Wa dɛa zi nɛ 'danga wena, nɛ mi kɔ̃a we si olo nɛ. Kɔ mi nɛ dɛ nɛ nde, takɔ nɛ wele nu nɛ tɛ lɛ winɔ 'da NWA Gale ni.”

Zumanɔ 116:12

Mɛ kɛ mi nɛ hã hã NWA, we si olo dia mɛ a dɛa do mi ni a ge nde?

Zumanɔ 22:29

Aa NWA Gale, mɔ a nwa, mɔ a nwa ngɔ onu kɔnggɔ winɔ.

Zumanɔ 95:2

Lɛ nɛ́ dati a, nɛ lɛ tɔ̃ iɔ̃nae hã a, nɛ lɛ dɔnggɔ a do zuma yangga.

Zumanɔ 95:6

Aa nɛ, nɛ lé hã lɛ bílí zu lɛ nu dati NWA. Lɛ gú gba zugolo dati NWA kɛ a dɛa lɛ ni.

Kulu Tɔa 12:5

Be bata tabi be dua kɛ wa nɛ gbɛ sɛ a ni, mɛ sɛ a be wili nɛ, kɛ a do sabɛlɛ kpo, nɛ fo kunda tɛ̃ a bina ni.

Kulu Tɔa 23:15

Kuti ɛngga kɛ nɛ dungu sɛ ma, mɛ a ɛngga Nyɔngɔ Mapa kɛ wa à ina hana mapa tɛ nɛ gɔ. Ɛngga ni, nɛ dungu sɛ 'do tũnɔ sambo kɛ nɛ ia we nɛ ni, ma sɛ do zɛkɛ 'da kpo tabi zɛkɛ Abibɛ. Tua kɛ nɛ hɔa zi nza Ezipeto do zɛkɛ ni. Do 'da fala ɛngga ni, nɛ dɛ sɛ ɔ nɛ kɛ mi ba do nu mi hã nɛ gɛ: Nɛ nyɔngɔ sɛ mapa kɛ wa à ina hana mapa tɛ nɛ gɔ ni. Nɛ nɛ́ sɛ tɛ fala dɔnggɔ do mi do wila kɔ̃ nɛ gɔ, nɛ tɛ sɛ do mɔ we dɔnggɔ do mi.

GBA WENƆ 15:8

NWA sɛnɛ dɔnggamɛnɔ 'da o'dã winɔ wena, nɛ nde a kɔ̃a gɛnɛ sambala 'da owi bɔlɔ zunɔ.

GBA WENƆ 21:3

Ɔ wi bɔlɔ zu do gbisa zu dia tɛ NWA Gale nɛa ngɔ hã odɔnggamɔ hã a.

Ezai 40:16

Osa'de zamɛnɔ kɔ kɔla Libanɛ vɛ̃, wa dɛlɛ na, wa hã wa do dɔnggamɔ hã Gale 'da lɛ gɔ. Nɛ otenɔ zã kɔla ni, ma dɛlɛ na, wa dɔ do dɔnggamɔ hã Gale 'da lɛ gɔ.

Yeremi 6:20

Gulu kɛ wa nɛ ngɔ nù Saba, nɛ wa oso nɔ yɔmbɔ we dɔnggɔ do mi we ge nde? Gulu kɛ wa nɛ ndũu nyɛlɛ wena, nɛ wa oso onwá kɛ ma unu de wena ni, nɛ wa tɛ nɛ we dɔnggɔ do mi we ge nde? Mi kɔ̃ sɛ gɛnɛ osa'denɔ wa gbɛ wa, nɛ wa dɔ wa ngɔ gbagala we dɔnggɔ do mi ni gɔ.

EZEKIƐLƐ 46:9

“'Da fala owinɔ wa tɛ we dɔnggɔ mi NWA do ngba soe ɛngganɔ ni, nɛ wanɔ kɛ wa lia do nu ngbo kɛ si gbãlã ngɔ ni, wa hɔ sɛ do nu ngbo kɛ si ba gɔtɔ. Nɛ wanɔ wa le sɛ do nu ngbo kɛ si ba gɔtɔ ni, wa hɔ sɛ do nu ngbo kɛ si gbãlã ngɔ. Wele kpo hɔ́ sɛ nza do kpo wala a lia nɛ ni gɔ. Nɛ nde a hɔ sɛ nza do nu ngbo kɛ ma zɔ mɔ dɛ dati a ni.

DANIƐLƐ 3:26

Nabukɔdɔnɔzɔrɛ kɔla do nu furi, nɛ a he mɔ na: “Aa Sadrakɛ, Mesakɛ do Abɛdɛ-Nego, Owi tonɔ 'da Gale kɛ a nɛa ngɔ mɛnɔ vɛ̃, nɛ hɔ́ nza li gba nyɛa we gɛ dɔ́!” Wa nɛa we zele ni, nɛ wa hɔ nza li we do talɛ zu wa do ti.

DANIƐLƐ 4:9

Nwá te ni de wena, nɛ te ni wala 'bɔ wena. Winɔ ngɔ nùi vɛ̃ wa nyɔngɔ zi wala nɛ, nɛ ma kpa zu wa. Osa'de zamɔ wa ɔ ti gɔlɔ nɛ, nɛ onɔɛ wa dɛa tɔa ngɔ ogbakɔ̃ te ni. Nɛ Otunu li mɛnɔ ngɔ nùi gɛ vɛ̃, wa nyɔngɔ wala nɛ.

DANIƐLƐ 5:18

Gale kɛ a nɛa ngɔ mɛnɔ vɛ̃ ni, a dɛa zi na, baa mɔ Nabukɔdɔnɔzɔrɛ hɔ gã nwa, kɛ a do dɔ̃lɔ̃ li.

DANIƐLƐ 5:21

Wa ndaka a sanga winɔ do'do, nɛ a yɛnggɛ fala nɛ kpo do osa'denɔ. A ɔa dɛ sanga opunda zamɔ, nɛ a nyɔngɔ wɔkɔsɔ ɔ nɛ ngɔmbɔ ni, nɛ mbɔɛ 'bɔa tɛ̃ a. Ma ɔa ni gbaa we hɔ kɔ̃ tũ kɛ a ĩ na, Gale kɛ a gã wena, a a nwa ngɔ nwanɔ nù gɛ vɛ̃, nɛ a ba wi kɛ zã a kɔ̃a ni dɛ ngɔ, nɛ a e a ngɔ kpongbo nwa ni.

OZE 5:6

Wa tɛ do ngɔmbɔnɔ, do obatanɔ 'da wa we gbɛ wa, takɔ wa dɔnggɔ do NWA Gale, nɛ wa aka a we ĩ ti linggamɛ 'da a. Nɛ nde wa kpá sɛ a gɔ, we kɛ a yu wa do'do.

AMƆSI 5:22

Nɛ mi dɛ́ yangga sa'denɔ kɛ nɛ dɔ wa we dɔnggɔ do mi ni gɔ. Gɛnɛ kɔ nɛ tɛ do ogã ngɔmbɛ we gbɛ hã mi, we be dɛa na, nɛ nde mi ká sɛ mbamba mɔ tɛ nɛ gɔ.

MATIE 19:16

Nɛ mbe wele kpo tɛa 'da Yezu, nɛ a aka a na: “Aa wi be mɔ, dia mɛ mi wia tɛ dɛ nɛ, takɔ mi kpa kpasi kɛ ma é sɛ gɔ ni a ge nde?”

MARKO 12:33

Kɔ ma wia na, wele kɔ̃ gɛnɛ Gale do sila ɛ vɛ̃, nɛ a hã tɛ̃ a hã a, nɛ a dɛ to hã a do ngawi 'da a vɛ̃. Nɛ ma wia 'bɔ na, wele kɔ̃ gɛnɛ ngba a ɔ nɛ kɛ a kɔ̃a do kili tɛ̃ a wele nɛ ngboo ni. Ki ni ma dia nɛa ngɔ dɔ sa'de we dɔnggɔ do Gale, tabi hã gele dɔnggamɔ hã a.”

MARKO 5:7

Nɛ a he mɔ do nga gɛlɛ na: “Yezu be 'da Gale, kɛ a nɛa ngɔ mɔ vɛ̃, mɔ nɛ dɛ do mi nɛ nde? Mi ala nu mi hã mɔ do zu li Gale na, mɔ tɛ ha zɛlɛ tɛ hã mi gɔ!”

LUKA 10:25

Mbe wi be mbula kpo tɛa 'da Yezu we yamba a. Nɛ a aka Yezu na: “Wi be mɔ, mɛ mi nɛ dɛ ma, takɔ mi kpa kpasi kɛ ma é sɛ gɔ ni a ge nde?”

YOANƐ 6:26

Nɛ Yezu gese hã wa na: “Mi tɔ̃ hã nɛ do gbãlã we na, nɛ fa mi we duzu kɛ nɛ nyɔnga zɛ mapa, nɛ zã nɛ hɛ̃a ni iko. Nɛ nde nɛ fà mi, we kɛ nɛ ĩ ti gulu gba sɔ̃ mɛ mi dɛa zɛ ni gɔ.

Owi Nɛ Tonɔ 16:17

Nɛ boko be ni tɛa 'dɔkɔlɔ lɛ do Polo, nɛ a tɛ he mɔ na: “Winɔ gɛ, wa a Owi dɛa tonɔ 'da Gale, kɛ a nɛa ngɔ mɛnɔ vɛ ni. Kɔ wa be wala kpasi hã lɛ!”

Owi Nɛ Tonɔ 16:30

Nɛ 'do nɛ, nɛ a fo wa dɛ nza, nɛ a aka wa na: “Obaa mi, mɛ mi nɛ dɛ nɛ, takɔ Gale kpasa mi ni a ge nde?”

Owi Nɛ Tonɔ 2:37

Kɔ ogili winɔ wa nɛa we zele we ni, nɛ sila wa gbini do 'bako, nɛ wa aka Petro do tala owi nɛ tonɔ na: “Onyae, lɛ nɛ dɛ nɛ nɛ nde?”

EFƐZƐ 3:14

We duzu ma, mi gu gba zugolo dati Baa lɛ Gale,

OHEBRE 10:11

Tũ kpo kpo, nɛ nganga yolo tɛ dɛ to nganga 'da a. Nɛ 'da fala fai, a hã tati a dɔnggamɛnɔ kɛ a hã ma fai ni hã Gale. Nɛ dɔnggamɛnɔ ni ma wè do fo ku'da 'dã mɔ zu winɔ gɔ.

1 SAMUƐLƐ 15:22

Nɛ Samuɛlɛ tɔ̃ 'bɔ na: “Mɔ lengge na, NWA kɔ̃a gɛnɛ dɔnggamɔ do gbɛ sa'de hã a nɛa ngɔ dɛ olo nu a nde? Ma a ni gɔ. Dɛ olo nu NWA ma dia tɛ̃ a nɛa ngɔ dɔnggɔ a do dia bata.