Mike 6:5 - WE NU GALE 1995

⁵ Aa nɛ, owinɔ 'da mi, nɛ lénggé do Balakɛ, nwa ngɔ nù Moabɛ kɛ a kɔ̃a zi we fɔmbɔ nɛ ni. Nɛ nɛ lénggé do gisa nu we kɛ Balamɛ, be 'da Beɔrɛ, a gisa zi hã a ni. Nɛ ta zu nɛ tɛ èlè ngɔ tɛlɛ tɛ kɛ mi kã zi oyaa nɛ, yolo tɛ Sitimɛ, gbaa we hɔ tɛ Gilgalɛ ni gɔ. Nɛ lénggé ki ni vɛ̃, nɛ nɛ ĩ sɛ ti mɛnɔ kɛ mi NWA, mi dɛa we kpasa do nɛ ni.”

Mike 6:5 Iomraidhean Croise

Zumanɔ 111:4

NWA kɔ̃a na, ta zu lɛ 'bana ngɔ ɔngbamɛnɔ ɛ dɛ ni, a a wi dia sila do wi mbɔkɔ li.

Zumanɔ 143:11

Aa NWA, mɔ kpásá mi we duzu dɔ̃lɔ̃ li 'da mɔ, mɔ dɛ́ olo nu mɔ, hã mɔ fo mi kɔ ngamɔ.

Zumanɔ 36:10

Mɔ a wele kpasi, lɛ zɔ sa fala we yele ngbala 'da mɔ.

Zumanɔ 71:19

Aa Gale, bɔlɔ zui 'da mɔ gã, nɛ ma nɛa gbaa li nza i. Mɔ dɛa ogba mɔ wena. Gale, wi kɛ a wia kɔ̃ do mɔ a wio nde?

Ezai 1:27

Fala kɛ Owi Yeruzalɛmɛ wa kifi sila wa, kɔ wa dɛ bɔlɔ zu dɛa mɔ, nɛ NWA a fo sɛ le 'da wa kɔ ngamɔ.

Tɔlɔ Mɔ 22:41

Fala nɛa we sa ma, nɛ Balamɛ do Balakɛ wa kũ dɛ Bamɔtɛ-Bala, tɛ fala wa wia we zɔ do mbe obe Israɛlɛ ni.

Tɔlɔ Mɔ 23:27

Nɛ Balakɛ tɔ̃ hã Balamɛ na: “Mɔ tɛ́, kɔ lɛ la do mɔ dɛ gele fala. Lɛ hɔ i mɔ, nɛ mbe gɔ, nɛ Gale a kɔ sɛ na, mɔ fɔmbɔ owinɔ ni hã mi.”

Tɔlɔ Mɔ 25:1

'Da fala obe Israɛlɛ wa tɛ ɔ dɛ Sitimɛ ni, nɛ wa yɛnggɛ vĩ zu yɛli do owuko Moabɛ.

Tɔlɔ Mɔ 25:2

Nɛ owukonɔ ni wa dɛa na, obe Israɛlɛ wa mba do wa fala nɛ kpo, nɛ wa dungu ɛngganɔ kɛ wa dɔ do sa'de we dɔnggɔ do ogalenɔ 'da wa ni. Nɛ wa nyɔngɔ dɔnggamɛnɔ fala nɛ kpo do wa, nɛ wa dɔnggɔ ogalenɔ 'da wa.

Tɔlɔ Mɔ 31:16

Nɛ ĩ de wena na, wi a wukonɔ gɛ, kɛ wa zila zi mbulanɔ 'da Balamɛ tɛ Peɔrɛ i ni, hã wa dɛa zi na, obe Israɛlɛ wa dɔnggɔ ogale bɛlɛnɔ 'da wa. Gulu kɛ 'dã zɛlɛ ma tia zi tɛ obe Israɛlɛ gɛ a ni.

Tɔlɔ Mɔ 31:8

Wa gbɛa 'bɔ Onwanɔ mɔlɔ tɛ ngɔ nu Madianɛ kɛ li wa a: Evi, Rekɛme, Surɛ, Hurɛ do Reba. Nɛ wa gbɛ 'bɔ Balamɛ, be 'da Beɔrɛ

EFƐZƐ 2:11

Nɛ, winɔ kɛ nɛ a Oyuda gɔ ni, Oyudanɔ wa sa li nɛ na omanda'ba. Wa tɔ̃ ní, we kɛ wa zɔ tɛ wa na, wa a owinɔ 'da Gale we gaza wa nɛa ni. Nɛ nde gaza ma dɛ ndala tɛ wele iko. Kɔ nɛ lénggé tɛlɛ tɛ kɛ nɛ zi do ma dati ni.

Mbulanɔ 16:3

“'Da fala ɛngga ni, nɛ nɛ nyɔngɔ sɛ mapa, kɛ wa à ina hana mapa tɛ nɛ gɔ ni. Ki ni mɛ a mapa 'bako, nɛ nyɔngɔ sɛ ma 'do tũ sambo. Nɛ dɛ sɛ na mɛ ni, takɔ ma be tɛlɛ tɛ gbɛngɛ tɛ kɛ nɛ hɔa zi do nza ngɔ nù Ezipeto ni. Nɛ nyɔngɔ sɛ mapa 'bakoe ni, nɛ tɛ nɛ ma gba sɛ ngɔ kɔ̃ tũi nɛ hɔa zi nɛ nza ngɔ nù Ezipeto, nɛ nɛ kpa zi do ngamɛnɔ wena ni.

Mbulanɔ 23:6

Nɛ nde NWA Gale 'da nɛ, a kɔ̃̀ zi we zele Balamɛ gɔ. Nɛ a kpula fɔmba ni do wila nu, we kɛ a kɔ̃a gɛnɛ nɛ.

Mbulanɔ 8:18

Mi gba ta zu nɛ fai na, wi a NWA Gale 'da nɛ, a hã ngawi hã nɛ na, nɛ dungu do dia nɛ. Nɛ a dɛa 'bɔ na mɛ ni, we duzu kɛ a 'bana fala dɛ mbulu olo gba tɔkɛ kɛ a gba zi do oyaa nɛ ni. Nɛ a 'bana dɛ mbuli ni gbaa tia do sɔɛ gɛ.

Mbulanɔ 8:2

Tɛ nɛ tɛ èlè ngɔ 'bu sabɛlɛnɔ nalɛ, kɛ nɛ yɛnggɛ zi do li gba zɔ̃ɛ gɛ ni gɔ. NWA kɔ̃a zi na, nɛ yɛnggɛ na mɛ ni, nɛ tɛ nɛ zɛlɛ, takɔ a yamba sila nɛ. A dɛa na mɛ ni, takɔ a ĩ ti linggamɛ kɔ sila nɛ ni, nɛ a ĩ 'bɔ na, nɛ dɛ sɛ mbulanɔ 'dɛ ɛ, tabi nɛ dɛ́ sɛ gɔ nde.

Mbulanɔ 9:7

“Nɛ tɛ nɛ tɛ èlè ngɔ tɛlɛ tɛ kɛ nɛ dɛa zi na, zã NWA Gale 'da nɛ nɔ̃lɔ̃ tɛ li gba zɔ̃ i ni gɔ. Yolo do ngba soe nɛ hɔa zi nza ngɔ nù Ezipeto gbaa we hɔ dɛ ni, nɛ là fala dɛ nga zu dɛ tɛ̃ a gɔ.

Yozue 2:1

Obe Israɛlɛ wa 'bana zi tɛ fala ɔi tɛ Sitimɛ, nɛ Yozue tumba owi miã bɔa ngɔ nù Kanana, we zɔ gã le Yeriko do lenɔ kɛ zã nɛ ni. Wa hɔa 'di mɔ, nɛ wa le kɔ tɔa 'da mbe wuko ndumba kpo, li a a Rahabɛ, nɛ wa ɔ dɛ di ni.

Yozue 3:1

Fala sa titole belee, nɛ Yozue do obe Israɛlɛ wa kulu ngɔ tɛ Sitimɛ, nɛ wa la dɛ nu lì Yɔrdanɛ. Wa hɔa i mɔ, nɛ wa ɔ dɛ di ni we 'bɔ do 'da kɛ na wa kũ lì ni.

Yozue 4:19

Obe Israɛlɛ wa kũ lì Yɔrdanɛ do zɛkɛ 'da kpo, kɔ̃ nɛ 'bu. Nɛ wa dɛa fala ɔi 'da wa tɛ le Gilgalɛ, kɛ ma dɔ̃ɔ do Yeriko si 'biti gba wese.

2 PETRO 2:15

Wa la li bɔlɔ wala do'do, nɛ wa ba wala do Balamɛ, be 'da Beɔrɛ, kɛ a dɛ zi yangga ɔlɔ winɔ we kpa mbili kɔ̃ wa ni.

1 YOANƐ 1:9

Kɔ fala kɛ lɛ gbala 'dã mɛnɔ 'da lɛ hã Gale nde, nɛ a fo sɛ ku'da nɛ zu lɛ, nɛ a fɔlɔ sɛ 'dã mɛnɔ kɔ lɛ vɛ. We kɛ a a wi bɔlɔ zu, nɛ a dɛ do nu a dɛa fai.

YUDA 1:11

'Bako do wa! Mba gɔ, wa ba wala 'da Kaina. Wɔ mbili tombo wa we dɛ mɔ bɛlɛ, ɔ nɛ kɛ Balamɛ dɛa zi ni. Nɛ Gale gbɛa wa we duzu nga zu 'da wa, ɔ nɛ kɛ a gbɛa zi Kore ni.

USU MƐNƆ 2:14

Nɛ nde mi kɔ'dɔ nɛ we 'dã mɔ kpo: Ombe sanga nɛ ni wa kɔ̃a gɛnɛ bia we kɛ Balamɛ bia zɛ́ ma ni. Balamɛ tɔ̃a zi hã Balakɛ na, a be 'dã wala hã obe Israɛlɛ, nɛ a ɔlɔ wa na, wa nyɔngɔ osa'denɔ kɛ wa gbɛ wa we dɔnggɔ do okpikimanɔ ni, nɛ wa dɛ mɔ sape.

Owi kpe dati 11:25

Mɔ lengge na, mɔ nganda nɛa ngɔ Balakɛ, be 'da Sipɔrɛ, nwa 'da Omoabɛ nde? Balakɛ kpà mbe we do lɛ obe Israɛlɛ gɔ, nɛ a bì mbe lɛ fala kpo gɔ.

Owi kpe dati 5:11

Nɛ zélé gɛlɛ winɔ, kɛ wa mba li ngba wa tɛ nu 'denɔ ni. Wa kã onadalamɛnɔ 'da wa i mɔ, nɛ wa tɛ tɔ̃ we dia mɛ kɛ nwa dɛa ma we duzu ogã wi ngɔ lɛ, obe Israɛlɛ ni. Wa tɔ̃ tɛlɛ tɛ kɛ wa nɛa do ngɔ Owi sɛnɛ wa ni, nɛ owinɔ wa mba li ngba wa dɛ nu ngbo lenɔ 'da wa.

1 SAMUƐLƐ 12:7

Kɔ mi kɔ̃a na, di dɔ́ ni nɛ yolo dɛ ti nɛ ni, mi nɛ da nɛ dati NWA. Mi nɛ gba ta zu nɛ ngɔ mɔ ngawinɔ kɛ a dɛa we kpasa nɛ do oyaa nɛ ni.