Mike 6:2 - WE NU GALE 1995

² Kɔ nɛ, okalanɔ do onyanga nùnɔ kɛ ma yáká tɛ̃ ɛ gɔ ni, nɛ zélé dãlã we kɛ NWA Gale dãlã dɛ tɛ obe Israɛlɛ gɛ. A na:

Mike 6:2 Iomraidhean Croise

2 SAMUƐLƐ 22:16

Dã ba NWA wena, nɛ a fi gba bũ kamba, nɛ ma ɔ̃sɔ̃ gba lìnɔ, nɛ ma na nù, nɛ nyanga nza ɔa dɛ wila fala.

2 SAMUƐLƐ 22:8

Nùi ma tana, nɛ nyanga li nza ma yaka, nɛ nùi do li nza ma zĩ gilamboo, we kɛ dã ba NWA Gale wena.

Zumanɔ 104:5

Mɔ zĩ nùi dɛ ngɔ nyanga nɛ, nɛ ma yula nganda, fo mɔ yaka ma bina.

GBA WENƆ 8:29

'Da fala kɛ a ia do ngbala kɛ gba lì wè we kũ ngɔ ma gɔ, nɛ a ndo nyanga dɛ nùi ni, nɛ nde mi zi boe.

Ezai 1:18

NWA tɔ̃a na: “Nɛ tɛ́, hã lɛ 'dafa lɛnggɛ do nɛ. Nɛ fila ɔ nɛ tɔkɔ ni, tua do 'dã mɛnɔ 'da nɛ, nɛ nde mi wia we fɔlɔ nɛ, nɛ nɛ fɛngɛ nɛ́ fũ tukia. Gɛnɛ kɔ nɛ fele ɔ nɛ kula, nɛ nɛ fɛngɛ sɛ turr.

Ezai 3:13

NWA kulu ngɔ we gɔnɔ ngbangga, a nɛ 'bili we 'da owinɔ 'da a.

Ezai 43:26

“Nɛ tɛ́, hã lɛ tɔ̃ ngbangga. Nɛ sá li 'dã mɛ kɛ mi dɛa do nɛ ni. Nɛ bé dia gulu we 'da nɛ dɛ nza.

Ezai 5:3

Nɛ 'bia mi tɔ̃a na: “Aa nɛ, owi kɔ le Yeruzalɛmɛ, aa nɛ, owi ngɔ nù Yuda, nɛ gɔ́nɔ́ sanga we 'da mi do fɔ vinɔ 'da mi.

Yeremi 2:9

Nɛ NWA tɔ̃a 'bɔ na: “Gulu nɛ a mi NWA, mi 'bana fi nɛ li ngbangga, nɛ mi fi sɛ 'bɔ Owi nu fɛlɛ nɛ li ngbangga. Mi NWA, mi tɔ́a ni.

Yeremi 25:31

Hiamɛnɔ a he ni, ma wele, nɛ ma kpa nyanga nza vɛ̃. Mba gɔ, NWA tɛ gɔnɔ ngbangga 'da owinɔ 'da a. A sa mɔ hã wa vɛ̃, we gɔnɔ ngbangga 'da wa. Nɛ a 'dɔlɔ owi dɛ 'dã mɛnɔ na, wa fe li bolo. Mi NWA, mi tɔ̃a ni.’ ”

Yeremi 31:37

“Fala kɛ mi zɔ wele kɛ a ĩ ti nyɛlɛ li nza dɛ ngɔ i, tabi 'da 'du nùi dɛ ti nɛ, sɛ nɛ mi kumu sɛ wá Oisraɛlɛ vɛ̃, we 'dã mɛnɔ da wa de. Mi NWA, mi tɔ̃a ni.”

OZE 12:2

Nɛ mɛnɔ vɛ̃ kɛ Oisraɛlɛ wa dɛ ni, mɛ a mɔ kɔsa iko. Yolo do titole we hɔ gɛ̃a wese, ma ɔ nɛ wa ndaka 'do bũ iko ni. Nga zu do bɛlɛ ma gã kɔ wa wena. Wa dɛ na do Oasiri, nɛ wa be gole nɔ hã Oezipeto.”

OZE 12:3

NWA nɛ tɔ̃ ngbangga do Oyuda, nɛ a hã etumbu hã Oisraɛlɛ we dɛa mɔ tɛ wa. A nɛ bili nu gbã hã Oisraɛlɛ olo 'dã mɛnɔ kɛ wa dɛa ni.

OZE 4:1

Aa nɛ, obe Israɛlɛ, NWA tɔ̃ ngbangga do owinɔ ngɔ nùi gɛ. Kɔ nɛ zélé we a tɔ̃ gɛ! A na: “Owinɔ ngɔ nùi gɛ, wa dɛ́ bɔlɔ zu dɛa mɔ gɔ, nɛ wa kɔ̃̀ 'bɔ gɛnɛ ngba wa gɔ. Fo wi kɛ a ĩ ti mi na, mi a Gale ni bina.

Mike 6:1

Nɛ zélé wenɔ kɛ NWA Gale tɔ̃ dɛ ngɔ obe Israɛlɛ gɛ! A tumba mi na, mi kúlú ngɔ, nɛ mi tɔ̃́ gulu dã kɛ ma ba a dɛ tɛ obe Israɛlɛ ni. Nɛ okalanɔ do otɔ̃nɔ wa zele, nɛ wa ɔ Otemɔɛnɔ 'da a.

Mbulanɔ 32:22

Nɔ̃lɔ̃ zã 'da mi ma nyɛ sɛ ɔ nɛ we ni, nɛ ma bɛlɛ sɛ mɛnɔ ngɔ nù gɛ vɛ̃, nɛ ma hɔ sɛ gbaa kɔ le 'da ofionɔ i, nɛ nyanga kalanɔ ti nù i ma ngutu sɛ vɛ̃.

Mbulanɔ 4:26

Sɔɛ gɛ, mi ia li nza do nùi do temɔɛnɔ 'da mi na, fala kɛ nɛ dɛ 'dã mɛnɔ ɔ na mɛ ni, nɛ 'do nɛ nyɛ́lɛ́ sɛ ngɔ nùi ni gɔ. Nɛ nɛ fe sɛ ngɔ nùi kɛ nɛ nɛ ba ma kulu lì Yɔrdanɛ i ni, nɛ nɛ kumu vɛ̃.